لقاء كارثي

نجود…بعد الشرررر يا بنتي متقوليش كده

طبطب عليها وباس راسها

فضل……بعد الشر عليكي و عليهم و الله العظيم ربنا كريم و انا واثق انه هيفرحنا بخروجهم و هنخرج بيهم و هما واقفين علي رجليهم و كويسين

تقي….بدموع يارب يارب

نعيمه…..والنبي يارب كفايه كده و الله ما قادره طاقتي خلصت والله انا مش قد الاختبار ده لو شايفني يارب واقفه فا انا واقفه عشان اشوفهم بيفوقوا بس مش عشان انا قد الاختبار ولا عشان لسه عندي طاقه يارب والنبي انا تعبت و الله يارب قلبي بيتقطع نااار يارب جوايا انت عارف هي عامله ازاي

نجود….يارب ريح قلبها يارب و نزل عليها الصبر

فضلت تقي تعيط بوجع و صوت بسيط من كلام نعيمه

تقي….. بدموع والنبي كفايه يا نعيمه هتتعبي

فضل….بدموع جوه عينه ضم نعيمه اوي و حياة غلاوتي و غلاوتهم يا نعيمه كفايه بقي بالله عليكي كفايه يا قلبي اطمني و الله انا ثقتي في ربنا كبيره هيقوموا و هيطمنوا قلبك و هنفرح بيهم

نعيمه….بدموع وانهيار في حضنه ياااارب يارب

نجود…..ربنا كريم يا حبيبتي والله هيبقوا بخير

دخلت نادين و ميدو في الوقت ده لقوا الاتنين منهارين نعيمه في حضن فضل و تقي ماسكه ضهر نعيمه و مفحومه من العياط

قربت نادين بسرعه خدت نعيمه من حضن فضل

نعيمه….بدموع روحي بتروح مني يا نادين و النبي اعملي حاجه

كلمتها دي خلت نادين انفجرت بتستنجد بيها وهي مش في ايدها حاجه

نادين…بدموع بس يا قلبي بس وحياتي هيفوقوا والله و هنفرح بيهم و هنفرح معاهم و هنصحي من الكابوس ده

نعيمه….مش بيخلص يا نادين الكابوس مش بيخلص والله و انا تعبت

نادين….لا هيخلص والله هيخلص يا قلبي

عسال….طبطب علي راسها نعيمه اخواتك بين ايد ربنا يعني هو احن عليهم منك و مننا كلنا و اي وجع حاسين بيه او هيحسوا بيه صدقيني هتلاقي ربنا بيطبطب عليهم وعليكي و افتكري كلامي ده كويس بمجرد ما يفوقوا و تشوفيهم بخير هتحسي براحه كبيره

نعيمه…..بانهيار امته طيب امته والنبي حد يقولي اي حاجه تريحني شويه والله تعبانه اوي

فضل….قريب والله العظيم و الوقت هنروح نطمن من الدكتور اكتر و هترتاحي

عسال….انت مشوفتش اي حد لسه يطمنكم عليهم

فضل….لما وصلنا الدكتور مكانش موجود شوفنا دكتور تاني يعني زي مساعد كده طمننا بس هنطمن اكتر من الدكتور المسؤول عن حالتهم و الممرضه قالت انه علي وصول و زمانه وصل خلاص