لقاء كارثي

ليله….بوجع حطت أيدها علي بطنها بعد الشر متقوليش كده دول الحاجه اللي مخلياني فرحانه متقوليش كده والنبي

ايمي….بدموع متزعليش مني والله العظيم كنت هموت عليكي كنت متغاظه منك و من طريقه تفكيرك كنت هموت وانا شايفه عشري بيجري بيكي و انتي مش دريانه بالدنيا مكنتش عايزه ازعلك والله العظيم بس مقدرتش اسكت

ليله…..بدموع انا عمري ما ازعل منك وانتي عارفه كده كويس بالعكس انا كنت مبسوطه انك بتتكلمي و بتتخانقي معايا مكنتش عيزاكي تسكتي عشان متتعبيش مش زعلانه يا ابمي بس والله مكانش قصدي انتي عارفه كويس يا ايمي ان لو كان في امل مكنتش هسكت لو كان في حاجه تخليني انقذ ابني مكنتش هضحي بيه بس والله ما كان فيه خسرته يا ايمي خسرته و مكانش ينفع اوجعك و نخسر اللي في بطنك خوفت ضغطك يعلي او ينزل خوفت عليكي اوي مكنتش هسامح نفسي انا كنت بموت يا ايمي و انا بنزل الدم بالمايه بسرعه قلبي والله اتقسم نصين ده طلع وجعهم وحش اوي يا ابمي حتي لو مكانش لسه فيهم روح مكانش ينفع اخليكي تجربي الاحساس ده

ايمي…..بانهيار طيب خلاص خلاص والنبي اهدي اهدي باس كفها انا اسفه اسفه ياعمري يا روحي يا قلبي حقك عليا انا كل حاجه هتبقي احسن و انا عارفه ان قريب هنفرح تاني و المرادي بقي فرحتنا هتبقي كبيره هحتفل بيكي بنفسي احتفال يليق بابن الغاليه و بعدين اااا ابتسمت مش يمكن ربنا عمل كده عشان محدش فينا كان قادر يفرح او يقف علي رجليه و اكيد عارف كمان ان ابن ليله او بنتها يعني حاجه كبيره تستاهل نفرح بيها في ظروف احسن من دي صح يا لولي

ليله….بابتسامه من بين دموعها صح

ايمي…..ضحكت وهي دموعها نازله طبعا صح ااا بعني انا واحده معنديش مخ لما كنت هعرف خبر زي ده مش بعيد كنت رقصت و نعيمه متخلفه اكتر مني مش بعيد كانت زغرطت وايه كانت هتشغلك مهرجانات هي وسلامه و البلطجي بتاعك واخواته كانوا رفعوا سلا..حهم و ضربوا نار في الجو عشان يحتفلوا بالباشا الصغير حتي انتي مجنونه هترقصي يعني كنا من الفرحه هننسي اللي احنا فيه ربنا عمل كده عشان الموقف اللي احنا فيه عارف اننا متخلفين عقليا فقال لا مش وقته دول مجانين نفرحهم بعدين صح

ليله…ضحكت ضحكه وجع من بين دموعها صح

ايمي…..بحب باست كفها تاني و بصتلها هنفرح يا لولي انا جربت عوض ربنا قد ايه جميل و صدقيني انتي كمان هتجربيه و هتنسي كل ده انا حاسه بيكي و مقدره زعلك بس انا اتعلمت منك يا ليله مزعلش علي حاجه مليش نصيب فيها و اللي انا شيفاه الوقت ان انتي ملكيش نصيب فيه و جايز اوي يكون فداكي انتي بحاجه منعرفهاش فدي ابوه جايز اوي يا لولي من كتر العصبيه و شده الاعضاب والصدمه و تعبك كان لاقدر الله لو فضل كان يحصلوا اي حاجه تأثر عليه وينزل عنده اي حاجه و ربنا عشان بيحبك عايز يوم ما يراضيكي يفرحك بجد قولي الحمد لله و مش عيزاكي تزعلي ابدا لان عارفه كويس ان الزعل ده قريب هيتبدل بأحلي خبر يفرح قلبك و قلبي