لقاء كارثي

والمرادي يا عشري لو كلامها فعلا كان مقنع و اه واثقين ان الحادثه خلتها مفكرتش اتصدمت اترعبت عاشت كام ساعه سوده لو حسسناها اننا اقتنعنا مش هتحرم تغلط في حق نفسها كان لازم اعمل معاها كده

مكانش ينفع اقتنع بغلطها زي ما بتعمل كل مره

عشري….عارف والله العظيم عارف و معاكي حق جدا و هي عرفت كويس بس صدقيني لما اتكلمت معايا وحكيتلي تفاصيل الحادثه انا لو مكانها هعمل زيها ايمي احنا اغلبنا او تقريبا كلنا لما عرفنا من فضل اللي حصل و بدأنا نتصل بيهم عشان نطمن ومكانش حد فيهن بيرد وصلنا المستشفي واحنا شبه ميتين و لما شوفناهم قدامنا محدش فينا كان قادر يقف علي رجليه فا مبالك هنا بقي شاقوا وحسوا وسمعوا وكانوا في قلب الحادثه انا مصدق ليله و عارف ان هي مكانتش في وعيها و تصرفها بعد كده كان خوف او فقدان امل شايفه هيحصل ايه اكتر من انها خسرت ابنها عشان تتكلم ..

نزلت دموع ايمي و بصت في الارض

عشري…..انا عارف والله العظيم ان انتي خايفه عليها و اترعبتي و الموقف كله كان صعب بس لو ليله غاليه عندك ادخليلها خديها في حضنك متعاتبيهاش تاني خلينا ياستي نعدي فتره كده الكل يبقي فيها قادر يقف علي رجليه و بعدها اعملي فيها اللي انتي عيزاه اتفقنا

ايمي….بدموع تمام يا عشري

عشري…..انا مش عايزك تعيطي و لا عايزك تدخلي معيطه ليله هتستقوي بيكي لو شافتك قويه وهتطمن لما تشوفك اصلا كويسه

ايمي…..انا لا قويه ولا نيله انا حاسه اني روحي بتطلع اول مره احس بكميه الضعف دي مش عارفه الاقيها منين ولا منين من اللي ميته و مقهوره جوه علي ابوها وامها واخواتها ولا اللي كانت هتموت نفسها بغبائها ولا علي الثلاثه اللي فرحتهم اتكسرت

سلمي…..ايمي يا قلبي بطلي عياط وحياتي احنا كلنا بخير

ريهام…..وحدي الله يا ايمي

ايه….فرحه ايه بس يا ايمي احنا فرحتنا اننا مع بعض و كويسين

ايمي…. بدموع احنا مش كويسن محدش فينا كويس

عشري…..يبقي نحاول يا ايمي نشد بعض و نقوي بعض نخفف علي بعض..

شويه شويه هتلاقي غيرك قدر و بقي يعمل زيك و الدنيا هتمشي و بعدين انتي كمان هتتعبي و تعبك هيتعبهم فا فوقي كده و اهدي و اجمدي عشانهم بيتهيألي هما محتاجينك اكتر من اي وقت و انتي معاها يا سلمي و نادين وايه و كلكم لازم تسندوا بعض الفتره دي