لقاء كارثي

قالي بس اتلبست وانا عايز اروح اقابل ربنا وانا جايب كله جديد كمل بقهر كنت حاسس يا حبيبي واحنا مش حاسين

تامر….غصب عنه دموعه جريت والنبي اهدا يا حبيبي هتتعب والله

اجمد…بوجع كان نعمه يا ابني والله كان نعمه و جوده هو وحماده فرق في حياتي كتيييييير اوي عادل خلع قلبي معرفتش قيمته غير لما راح مكنتش اعرف اني هتوجع اوي كده عليه الدنيا خدت مني حد كان مالي حياتي وانا مش حاسس انا اتيتمت من صاحبي يا ابني و الله اتيتمت منه..

تامر….ضمه اوي و فضل يطبطب علي ضهره و يبوس في راسه وحد الله يا حبيبي ربنا يصبر قلبك يارب ادعيلوا يا حبيبي هو محتاج كل دعوه منك علي قد حبك ليه كل ما يجي في بالك ادعيلوا و بعدين ربنا يخليلك حماده لسه حسكم في الدنيا انت عارف ان حماده الوقت محتاجك لازم تجمد عشانه هو كمان تعبان زيك و انت عارف ان حماده اصلا تعبان لو شافك كده هينهار اكتر اجمد بالله عليك و بعدين لو بتحبه بجد لازم تجمد عشان خاطر نعيمه و نادر و نسمه ولاده امانه في رقبتك انت وحماده الوقت

احمد….بدموع رقدتهم دي علي عيني والله مقطعين قلبي و نعيمه يا حبيبتي مقطعه قلبي كتير عليها و علي اخواتها امهم وابوهم اللهم لا اعتراض يارب

تامر…..وحد الله يا حبيبي كفايه بالله عليك هتتعب والله احنا كمان محتاجينك يا حبيبي..

مسح احمد دموعه بحزن الحمد لله الحمد لله اللهم لا اعتراض علي قضاءك يارب

تامر…..قوم يا حبيبي اغسل وشك يلا و اتوضأ و صلي ركعتين كده و ادعيلوا هو و نوجا كتير

احمد….ماشي ماشي يا حبيبي يلا طيب اخرج و سيبني لوحدي شويه

تامر….لا ما انا مش هخرج واسيبك لوحدك كده

احمد…انا كويس والله خلاص كنت مخنوق وفكيت معاك شويه متخافش عليا يا حبيبي يلا اخرج وانا شويه و هقوم ااا وكده كده انا هقوم عشان اطلع اللبس و اشوف هجهز ازاي للعزاء بليل و لسه عايزه انزل اطمن علي حماده

تامر… طيب يا حبيبي بالله عليك كفايه و لو احتاجت حاجه انا بره ماشي

احمد…ماشي ماشي يا حبيبي

قام تامر و باس راسه و بعدين خرج

نغم كانت واقفه في المطبخ سانده عالحيطه و ايدها الاتنين و راء ضهرها و دموعها نازله

خرج تامر عالمطبخ يشرب لقاها واقفه بصلها بهدوء

تامر…..متخافيش هيبقي كويس

نغم…..بدموع اول اشوفه في الحاله دي

تامر…..عمو عادل هو و حماده صحاب بابا و اكتر من اخواته صحاب عمره و يمكن عشان الخبر جه فجاه لا كان تعبان ولا في اي حاجه تخليه جاهز انه يسمع خبر زي ده فا طبيعي يتوجع عليه مكانش ليه غيره هو وحماده يمكن بابا بيعتبرهم اغلي من عمي طول الوقت بيكلمهم بيوشفهم معاهم فا هو لسه مش قادر يستوعب الصدمه