لقاء كارثي
لقاء كارثي
نادين….كل اللي جاي خير يا نوني والله متقلثيش يا قلبي كلنا جنبك المهم انك ارتاحتي شويه من كلام الدكتور
نعيمه….الحمد لله يارب الحمد لله
نجود…ربنا يخليكم لبعض يا حبايبي وتفضلوا ديما سند لبعض
عسال…اللهم امين
فضل….طيب ايه يلا يا قلبي عشان لسه هنرجع البيت ونرجع ننزل تاني
نعيمه….ماشي يلا
…………………..
جهز احمد هو و تامر و نغم و نزلوا مع بعض
احمد….بهدوء اااا هتروح يا حبيب يتوصل نغم
تامر….اه بس خليني اشوف الاول حماده و اطمن عليه وبعدين نمشي
احمد…..لو خايف عليا روح انا كويس متقلقش
تامر…..لا والله يا حبيبي بس حودا قالي انه كان تعبان من امبارح
احمد….ماشي
وصلوا بيت حماده كان قاعد بره علي كنبه خشب في الجنينه زي ما بيقعد ديماً و عمرو قاعد جنبه و محمود كان واقف بيجيب حاجه من عربيته و مشغلين قران و هو في دنيا تانيه ساند علي عصايته و كأنه كبر سنين كتير دقنه طالعه اكتر ولونها ابيض خالص و ملامحه حزينه
محمود…..بهدوء حمودي
احمد…..عامل ايه يا حودا
محمود….بخير الحمد لله انت صحتك عامله ايا يا حبيبي
احم….الحمد لله
محمود…نغم تامر ايه الاخبار
تامر…تمام يا صاحبي
نغم…الحمد لله
احمد…ابوك صاحي ؟
محمود….ابويا هناك اهو قاعد في الجنينه تعالوا ادخلوا
تامر…عامل ايه الوقت
محمود….تعبان اوي والله يا تامر
دخلوا علي جوه قام عمرو وقف وقرب من احمد سلم عليه
عمرو….عم احمد
احمد….ازيك يا عمرو
عمرو…الحمد لله تامر حبيبي ازيك يا نغم
نغم…تمام
تامر….عمور
قرب احمد من حماده كان رافع عينه وباصصلوا وهو بيقرب
احمد…..سلام عليكم ايه يا حماده عامل ايه
نظره وجع و تأثر ظهرت علي ملامحه بسرعه و هز راسه و كمل بصوت كله وجع و نبره بكاء
حماده…عادل سابنا خلاص يا احمد
احمد….بحزن قرب بسرعه منه و ضمه لا لا نشد حيلنا امال ايه يا حماده
بقي يعيط زي الاطفال في حضن احمد و طالع منه صوت انين يوجع القلب اتحول لطفل صغير
احمد….لمعت عين احمد ودقنه بقت تترعش وهو بيحاول يتماسك ابتسم بهدوء ايه يا ابو الصحاب ده انا قولت انت اللي هتهون عليا
صوت عياطه كان يوجع القلب محمود بقي واقف يداري وشه عشان دموعه متبانش كان هيتجنن علي ابوه
تامر….بحزن حماده اجمد الله يخليك ادعيلوا يا حبيبي
