لقاء كارثي

ليله…..ماشي يا عشري

عشري…..عايزه اي حاجه يا ست البنات

بصتلوا ليله بحزن كانت حاسه ان عشري موجوع اوي و اول مره ميبقاش باين عليه الوجع بس كانت حاسه بوجعه الداخلي

ليله…..عشري

عشري…..قلب عشري

ليله….بصت بعيد و عينها دمعت جامد و بعدين بصتلوا انا مخبتش عليك انا بس كان نفسي افرحك بطريقتي متزعلش مني انا اسفه

عشري…..بصلها بحزن وابتسم شششش بس بس ايه العبط اللي بتقوليه ده ضمها جامد اوي مين قال اني زعلان و مين قال اني مستني اسف منك انتي معملتيش حاجه انا اللي اسف عشان مكنتش معاكي في كل ده و اسف لو كان ينفع امنع عنك اي اذي و مقدرتش و لو علي فرحتي فا انتي فرحتي يا ليله انا قولتهالك قبل كده و انتي شكلك ناسيه قولتلك انك خطر عليا صح

بعد وشها و بصلها بحب و هو بيمسح دموعها

عشري…..فاكره ولا لا

هزت راسها وهي بتعيط و بصاله

عشري…..كنت حاسس ان وجودك هيخليني استغني عن حجات كتير و انا مش كده مكنتش متوقع اني احب و اخري اتجوز عشان اطمن ابويا وامي عليا بس قلبي اختارك

بقيتي خطر عليا لان وجودم في حياتي بيخليني اوقات كتير مركزش مين جنبي و مين لا مين فارق معايا ومين لا انتي الاولي و الكل بعدك يا ليله حتي لما حلمت اجيب منك اطفال كنت متحمس فوق ما تتخيلي اني اشوف اليوم ده بس اللحظه اللي حسيت فيها انك ممكن تروحي مني حتي هما استغنيت عنهم في مقابل اني مخسركيش انتي و حطي في دماغك كويس اوي يا ليله حاجه مهمه انا لو هتمني اجيب منك اطفال هتمني ده عشانك انتي عشان حلم الامومه اللي اي ست بتحلم بيه عشان مشوفكيش ابدا موجوعه لكن لو عليا انا استغنيت بيكي عن الدنيا واللي فيها

يعني لا عمري هتمناهم من حد غيرك ولا عمري هتمناهم لو هيجوا علي حساب صحتك و حياتك و لو علي اسمي اللي عايز حد يشيلوا فا انا عندي قمر شالت اسمي و دي كفايه عندي

ليله….بدموع و ابتسامه و وجع انا بحبك اوي

عشري……بلمعه تجنن في عينه و انا بموت فيكي يا احلي و اجمل ليله في الدنيا ربنا يخليكي ليا و يحفظك و يحميكي من كل شر و تفضلي بس جنبي العمر كله

اتنهدت تنهيده راحه في حضنه

عشري…..لولي اكتر حاجه واجعه قلبي اني اشوفك تعبانه و ملامحك باهته كده اجمدي و قومي عشاني انا تعبان وانا شايفك كده لو ليله اللي اعرفها رجعت صدقيني هبقي مبسوط انا بستقوي بيكي يا ليله