لقاء كارثي
لقاء كارثي
نادين….بدموع متقلقش يا عشري هنعمل كده اكيد و متخافش علي ليله هتبقي احسن من الاول ومحدش فينا هيتكلم في اي حاجه تضايقها
عشري…..ايمي !!
ايمي….خلاص والله متقلقش عليها انا هقوم ادخلها الوقت و اشوفها
عشري….و انا عارف انها هتبقي كويسه و هتفوق و تهدأ و لازم بقي ننسي الموضوع ده خالص و نركز مع نعيمه لانها محتاجه لينا كلنا
سلمي…..معاك حق خلاص والله روح انت شوف رايح فين واحنا هنظبطهم شويه هما الاتنين
عشري….تمام سلمي انا وصيت حنون تديها العلاج ابقي راجعي معاها كده و اكلوها بس
سلمي….ماشي متقلقش
عشري…..يلا انا هنزل لو احتاجتوا حاجه عرفوني
قامت ايمي بهدوء و سابتهم وراحت علي اوضه ليله
عشري…..سلمي لو في حاجه كلميني
سلمي….حاضر يا عشري
………….
دخلت ايمي علي الاوضه كانت ليله في التويلت بتاخد شاور قربت بهدوء من الباب سمعت صوت المايه خبطت خبطه بسيطه
ليله…..ايوه
ايمي….ليله انتي كويسه
سكتت ثواني و بعدين ردت
ليله…..اه كويسه
ايمي….محتاجه حاجه ادخل يا ليله ؟
ليله…ااا لا انا خلصت خلاص هخرج الوقت
ايمي…..طيب علي مهلك
مشيت ايمي في الاوضه كام خطوه و فضلت راحه جايه شويه
لبست ليله و فتحت الباب بصت ايمي ناحيتها كانت سانده ضهرها عالتسريحه و ايدها و عينها علي ليله حاسه ان هي متوتره زي اللي عامله عامله و عماله تهرب منها بعينها سحبت ايدها من عالتسريحه عشان تروحلها
ايمي…..اااااااه
قربت منها ليله بسرعه
ليله….في ايه مالك ؟ ايه ده انتي عورتي
ايمي….اااه الازاز ده عامل كده ليه
ليله…..وريني ايدك
ابمي….بسيطه متقلقيش بس خدي بالك الازاز ده لازم بتعمل حرفه مكسور و ممكن يعور جامد
ليله…بتوتر و هي عماله تسحب مناديل اااا البرفيوم كانت واقعه مني قبل كده و كسرت الحرف هاتي ايدك
مسكت البرفيوم رشتلها شويه
ايمي……بس لازم يتعمل حد يجي يبرد الحرف ده شويه اااااه
ليله….معلش هتوجعك شويه اضغطي بقي بالمنديل
ايمي….خلاص خلاص مش كبيره اوي تعالي ارتاحي طمنيني عليكي عامله ايه الوقت
ليله…..ااااا كويسه بخير الحمد لله
ايمي……بجد
بصتلها ليله و هي عينها مدمعه جامد و بقت عينها راحه جايه كانها بتدور علي حاجه وبدأت تتكلم كلام مش مترتب و مش لايق علي اي موقف هما فيه
ليله…اااا اه بجد زي الفل والله الحمد لله ااا كنت حرانه حرانه خالص و دخلت خدت شاور ااا المايه حلوه اوي ااا لازم تاخدي شاور هتفوقي هتفوقي خالص ووو والشاور اللي بتحبي ريحته هتلاقيه جوه ابتسمت و هي عينها مش باينه من كتر الدموع. اااا مخبياه من البت نوني عشان هي بتحبه و بتخلصوا بسرعه
