لقاء كارثي

عسال….بحزن والله العظيم يا نودي لو كان بايدي اقعدهم اكتر من كده كنت عملتها بس المرادي غصب عني

نادين….عارفه يا ميدو انت عملت كتير اوي عشاني المرادي مش بايدك

عسال….بس اوعدك نفوق شويه من اللي احنا فيه نطمن علي نعيمه علي اخواتها نطمن ان ليله نفسياً افضل ان ايمي مش تعبانه و هاخدك و نروح نقضي مع كل واحد كام يوم او لحد ما تقولي عايزه ارجع

هنروح المغرب لبابي و تشوفي اخواتك و هنروح لمامي كمان تقضي معاها الوقت اللي كان نفسك فيه بس وحياتي مش عايز اشوفك كده و يمكن انا عايزك قويه المرادي عشان البنات بجد محتاجينك اوي
انتي وسلمي و ايه

نادين…..انا مقدرش أتأخر عنهم ياريت في ايدي حاجه اعملها والله ما هتأخر بس انا جنبهم متقلقش

عسال….مش قلقان و عارف انك قدها ياروحي و ان شاء الله كله هيعدي

نادين…يارب يا ميدو

قرب ميدو من المستشفي وركن

عسال…يلا يا حبيبي انزلي

نزلوا هما الاتنين كلم ميدو فضل

عسال…..ايوه فضل

فضل… ايه يا حبيبي

عسال…احنا وصلنا انتوا فين

فضل….اطلع تعالي احنا في الرعايه جوه اطلع وانا هقفلك

عسال…يلا طالع

قرب فضل من نعيمه كانت واقفه سانده راسها و كفوفها علي الزجاج وبصالهم و دموعها نازله بهدوء و جسمها مرمي بتعب و جنبها نجود عماله تطبطب عليها و كان معاهم تقي

حط فضل كفه علي ضهرها و بص علي تقي كانت موجوده من قبل مايوصلوا جم لقوها و دموعها مش واقفه

فضل….تقي كفايه عياط انا بسكت نعيمه بالعافيه المفروض تجمدي كده عشان خاطر نعيمه

تقي…بدموع بصتلوا انا تمام والله تمام نوني انتي كويسه ؟

هزت نعيمه راسها بضعف فظيع و هي باصه علي اخواتها و دموعها نازله

نعيمه…..انا بمووووت يا ناس بموت وربنا بس اللي عالم بيا

عيطت تقي وقربت منها سندت علي كتفها

تقي….والنبي ما تعيطي كفايه عياط والله هيبقوا كويسين اوي و هنفرح بيهم اوي

نجود….قولنا يه بقي مش قولنا نوحد الله كده و نسمك نفسنا

نعيمه….لا اله الا الله

فضل….نعيمه اهدي بقي ياقلبي وحياتي عندك هيجرالك حاجه انا جايبك عشان تطمني عليهم وتبقي مرتاحه مش معقول كل ما تيجي هتعملي كده

نعيمه….بدموع امال اعمل ايه يا فضل كل حاجه وقفه برقدتهم دي انت مش شايف شكلهم عامل ازاي دول حته مني يا فضل دول ولادي مش اخواتي عارف احساسي ايه وانا شيفاهم في الحاله دي والله بموت بموت و بتمني اكون مكانهم