لقاء كارثي

الدكتور…..خالص انا تحت امرك اي وقت و معاكي خطوه بخطوه واي وقت تيجي تعالي واطمني براحتك و معاكب رقمي لو حابه تسألي عن حاجه

نعيمه…بجد شكراً لحضرتك

فضل….شكرا يادكتور بجد انا مبسوط انها سمعت الكلام ده من حضرتك عشان بس ترتاح شويه

الدكتور… انا تحت امرها اي وقت مش عايزك تخافي علي قد ما كانت حالتهم صعبه علي قد صدقيني ما كل حاجه كان ليها حل وقت العمليات يعني اللي كنا بنكتشفه و بنقلق منه بسرعه نقدر نسيطر عليه زي النزيف كده فا ربنا كان مسهلها علي الاخر ادعولهم وربنا يكمل شفاهم علي خير يارب

نجود…اللهم امين

عسال….شكرا يا دكتور تعبنا حضرتك

الدكتور…خالص والله ده شغلي

فضل….شكرا ياكتور بعد اذنك

الدكتور….اتفضلوا

خرجوا كلهم و مشيوا كام خطوه لقوا عدي و سليم خارجين من ناحيه الرعايه و سليم عينه حمراء اوي

نجود….ده عدي وسليم وصلوا اهم

عدي….بص لتقي بهدوء و بعدين بصلهم ايه كنتوا عند الدكتور ولا ايه

عسال…اه كنا بنطمن الحمد لله والدكتور طمنا اوي عليهم هما الاتنين

سليم….طيب قال ايه؟

عسال…قال انهم عدوا خلاص مرحله الخطر وكل المؤشرات الحيويه شغاله بشكل طبيعي و ممكن يفوقوا اصلا قبل المده اللي قال عليها

سليم…الحمد لله يارب

عدي….يارب اللهم امين علي خير

فضل….بهدوء ايه ارتاحتي شويه ؟

نعيمه…بدموع ارتاحت كتير بس خايفه لما يفوقوا اتصدم لو اتأثروا بالحادثه

نجود…يا بنتي اتفائلي خير متخليش الشيطان يتعب نفسيتك بالتفكير ده

عسال….مش هيحصل اي حاجه يا نعيمه صدقيني هو قال قدامك اهو ان في اختبارت عصبيه وحسيه بتتعملهم من الوقت يعني لو شاكين في اي حاجه هيقول وعلي فكره اغلب الدكاتره مهما كان فيهم حد رحيم زي الدكتور ده بياخد ويدي و يريح اهل المريض بس لو شايفين ان متوقع حدوث اي حاجه بيقول عشان تبقي عامله حسابك لكن هو كلامه كله فيه ثقه في راحه متطمن من كلامه

نجود….ايوه صح هو بيتكلم بثقه اكيد طبعا ربنا فوق كل شئ بس هو عمل شغله وشايف نتيجه كويسه

نادين….و لاقدر الله يا نوني لو حد فيهم فاق لسه مش قادر او تعبان او مش قادر يقف ده وارد و هو قال في تأهيل يعني ده طبيعي

سليم…ان شاء الله كل ده مش هيحصل

فضل….هو في كل الاحوال نادر اللي مش هيقدر يقف علي طول ومش عشان حاجه لكن عشان الكسر بتاع رجله لكن هيبان اذا كان قادر يحرك رجله حاسس كل دي اشارات هنعرف منها انه بخير او انه محتاج جلسات و ان شاء الله مش هيحتاج