لقاء كارثي

يعني هو لما نفرح وقت طويل وراء بعض لازم نزعل برضوا وراء بعض كده كان علي الاقل تتقسم شويه فرح شويه زعل شويه لكن كده كتير بجد

عسال…. بتأثر ابتسم ابتسامه حزينه يا قلبي طيب لو ربنا عايز كده نعمل ايه

نادين….اكيد مش هنعمل بس انا مخنوقه ومضايقه اوي هو يعني حرام اقول اللي واجعني

عسال…لا طبعا يا عمري مش حرام و من غير ما تقولي ربنا حاسس بيكي عادي عبري عن اللي جواكي المهم ميبقاش عدم رضا

نادين…..مش عدم رضا يا ميدو قد ما هو وجع ميتوصفش بجد يعني نوجا و عادل يروحوا مننا مره واحده و بدون مقدمات بجد توجع اوي و مش موته عاديه يا ميدو انا كل ما اشوف منظر العربيه في الموبايل احس اني اتكهربت وجع نعيمه انا مش متحملاه حساها بتموت والله العظيم نظرتها كلامها حتي سكوتها مموتني و اول مره احس ان مليش لازمه في حياة البنات لاني مش عارفه اريحهم اهديهم

عسال….بس انتي مش في ايدك حاجه ولا هما كماني ا نودب كلكم حاسين بنفس الوجع و مفيش حاجه تتعمل

نادين….بدموع عااارفه بس احساس انك عاجز وحتي الكلام اللي ممكن تقولوا مش هيريح زي اي وقت عادي متعب غير تعب نسمه و نادر يعني انا بتمني من ربنا يقوموا بالسلامه لان والله العظيم لو حد فيهم جرالوا حاجه نعيمه هتموت بجد او هتتجنن يعني تخيل عيلتك الصغيره كل شويه حد فيهم يفارقك صعبه و كمان اللي راعبني اكتر ان هما يفوقوا و كل حاجه بس يكون فيهم حاجه او الحادثه سببت لاي واحد فيهم مشكله بحد هتوجع اوي لان الحادثه مش سهله

عسال…بعد الشر عليهم ان شاء الله هيبقوا بخير

نادين…بدموع والله يا مو نسكهي جميله خالص و طيبه و مؤدبه ونادر كمان بجد جميل وطيب وحنين اوي حرام يحصل فيهم حاجه صح

عسال….بابتسامه حزينه للطفله اللي عماله تقول كلام مش مركزه فيه نودي حبيبي نسمه ونادر يجننوا و متربين و محترمين بس مش معني كده ان لو جرالهم حاجه يبقي حرام اه منتمناش فيهم اي حاجه وحشه وندعي ربنا يبصلهم بعين الرحمه بس وحياتي ركزي في كلامك لان ربنا مش ظالم يا نودي و اكيد مش هيظلم انا متفائل خير والله العظيم الوجع اللي في قلب نعيمه اكيد ربنا رحيم بيه يعني مش هيوجعها تاني

نادين….بدموع والله مش قصدي يا ميدو انا بس مخنوقه

عسال…عارف ياعمري والله بس مش عايز الحزن يخليكي تفمري بطريقه غلط اي حاجه يا حبيبي بتحصل في حياتنا سواء حلوه او وحشه لازم نحمد ربنا عليها و في النهايه كله بيعدي مهما كان الوقت اللي احنا فيه ده صعب و عامل زي الكابوس قادر ربنا في يوم وليله يبدل كل ده