لقاء كارثي

ليله….بهدوء مسحت دموعها تمام يا عشري رجعت لوراء و بعدين نامت علي المخده

رجع شعرها لوراء و فضل يمشي كفه علي راسها وهو باصصلها بحزن فظيع

………

في الخارج

سلمي….بهمس ليله شكلها تعبان صح

ايمي….مش عارفه بس واضح ان هي اتخنقت من حاله النكد اللي احنا فيها دي

سلمي…..ايمي خفي علي ليله شويه هي بجد صعبانه عليا اه هي غلطت بس مش وقته كفايه عليها كده

ايمي….انا عملت ايه بس ما انا سكت خلاص

سلمي….عارفه بس ليله محتجالك وانتي عارفه كده كويس

ايمي….بصتلها بحزن رعبتني عليها يا سلمي لحد ما انتي صرختي وخرجنا جري نشوفها كنت فكراها مغم عليها وبس و مكنتش فاهمه يعني ايه اجهضت بس لما وصلنا المستشفي و شالها عشري من العربيه وجري بيها وشوفت الدم مغرق الدنيا حسيت ان روحي اتسحبت مني قولت مستحيل ليله تطلع منها سليمه بعد بكميه الدم اللي شوفتها دي خلعت قلبي يا سلمي و انا شيفاها في دنيا تانيه

سلمي….عارفه والله العظيم عارفه بس وحياتي عندك و حياه غلاوه ليله خديها في حضنك ليله موجوعه و انتي عارفه يا ايمي ان هي هتهدا و تبقي احسن لما تاخديها في حضنك مهما كان الموقف اللي شوفناه ده هزننا قد ايه و وجعنا عليها مش هيبقي قد وجعها علي نفسها كفايه ان هي خسرت حته منها هي وعشري انا لو مكانها بجد هموت يا ايمي

ايمي….هزت رجليها و بصت لسلمي بدموع مش قصدي اكون قاسيه عليها والله العظيم بس خوفت عليها اوي و لما الدكتور خرج علي قد ما كنت هموت واقولوا اخلص طمني عليها علي قد ما كنت خايفه ينطق اصلا ويقول حاجه انا مش جاهزه ليها قلبي اتشال من مكانه واتحط مليون مره

سلمي…بدموع حاسه بيكي وانا كنت زيك والله كنت هموت عليها و حاسه زي ما نعيمه قالت كابوس مش بيخلص كأنها لعنه ونزلت علينا بس الحمد لله هي وسطنا ورجعت لحضننا تاني و ربنا كرمها و قامت منها علي خير

ايمي…الحمد لله يارب

سلمي….وحياتي عندك طمنيها شويه و خديها في حضنك و خلاص كفايه عتاب

ايمي….نفسي امسك راسها دي اكسرها ميت حته علب اللي بتعملوا فينا وفي نفسها ده

سلمي …مش هتقدري يا ايمي ده طبع فيها مش هتعرف المهم بس انها متعرصش حياتها مره تانيه للخطر

ايمي….انا مش هرتاح غير لما اخدها من ايدها واكشف عليها تاني و اسمع لنفسي ان الدكتوره بتقول انها بخير و مفيش حاجه فيها اتاذت