لقاء كارثي

نادين….بدموع يارب يا ميدو يارب حاسه اني مش قادره بجد حاسه ان اول مره ميبقاش حد فينا قادر يهدي التاني قلبي واجعني فوق ما تتخيل عشان ليله و الله يا ميدو ليله طيبه جدا و تستاهل انها تفرح من اول ما اتجوزت وانا متحمسه جدا لليوم اللي هتقول فيه انها حامل كنت واثقه انها هتبقي ام حنينه اوي لان هي جواها كميه حب لينا متتوصفش بتحب بجد من قلبها كان نفسي اشوفها مع ولادها هتبقي ازاي

ليله تعبت كتير في حياتها و انا واثقه ان اكتر حاجه كانت هتسيها اي وجع انها تشوف حته منها في حضنها و اللي واجعني اكتر انها مخبيه وجعها انا واثقه انها مش بتكدب وراضيه بس اكيد موجوعه

عسال…اكيد يا قلبي مفيش شك انها موجوعه وزي اي ست نفسها حنلها يكمل خصوصا لو من راجل بتحبه و انا عارف ان ليله كانت مستنيه خبر زي ده عشان تفرح و تفرح عشري بس كمان واثق ان ربنا هيعوضها وقريب جدا لان بجد ليله تستاهل كل خير و انا عارف ان اللي جوه قلبها مش ليها و نيتها من البدايه كان خير للكل يعني ربنا هيعوضها وعوض ربنا يا نودي مفيش احلي ولا احن منه زي ما عمل مع ايمي بالظبط و رشيد هما الاتنين كانوا يستاهلوا الفرحه وثقوا في ربنا و عشان كده ثقتهم كانت في محلها

نادين….حتي ايمي انا مرعوبه عليها اوي و نفسي الايام دي تجري عشان تولد و نرتاح كلنا

عسال…..هتولد وهتقوم بالسلامه و هنفرح بيها و عايز اقولك حاجه اكيد انا واثق ان حمل ايمي ده كان كرم من ربنا ليها ولرشيد بس محدش يعرف الحكمه من ان ايمي تحمل في ثلاثه مش يمكن ربنا كان عامل حساب يوم زي ده يعني وارد ايمي متقدرش علي ولادها لوحدها فا طول الوقت نعيمه تبقي معاها و تتلهي و يخف وجعها شويه حتي ليله انا واثق انها لما تشوف ولاد ايمي هتفرح من قلبها و هتسني وجعها ولو شويه الكل هيتلهي مع ايمي الفتره الجايه هنتلهي مع نسمه و نادر لما يفوقوا هي الدنيا كده يا قلبي مواقف بتحصل تنسيكي مواقف حصلت او تلهيكي عن التفكير فيها عشان الدنيا تمشي عشان كده بقولك الايام التقيله دي هتعدي كلها

نادين….يارب يا ميدو يارب انا كان نفسي ميحصلش كل ده كان نفسي فرحتنا تكمل شويه كان نفسي اقعد شويه مع مامي وبابي انا مصدقت شوفتهم مصدقت انهم نزلولي مخصوص بس خلاص هما مسافرين بابي غالبا بكره و مامي بعده بيومين