ابن ليل

#أبن_ليل
#صاحبة_البطل_الواحد
#أميره_اسامه

البارت الثالث

……………….
لمحت سونه من بعيد اتنين بيقربوا من المحل اللي فيه كرم في البدايه كانت قاعده علي الكرسي وفكراهم رايحين عليه عادي او من معارفه لكن استغربت لما وقفوا بره المحل كل واحد علي جنب وبيشاوروا لبعض بهدوء

سونه….بإستغراب مين دولا و واقفين كده ليه؟

مكانتش شيفاهم كويس الدنيا كانت ضلمه وملامحهم مش واضحه لكن فجأه عدلت نفسها وبعدين قامت وقفت
اول ما لمحت واحد فيهم ماسك أزازه نازل منها شريط من القماش وبيولع فيها (ملوتوف)

سونه…..بفزع ياولاد الكلب 😳

في اللحظه دي رمي الشاب الازازه جوه المحل والتاني نط علي باب المحل قفله عليه بسرعه.

فضلت سونه تصرخ بكل قوتها وتنادي علي الناس

سونه…..كررررررررم الحقونا يا خلق الحقونا يا نااااااس الدكان بيولع وكرم جوه الحقووووووونا

صريخها وصوتها بدأ يصحي النايم ويلفت نظر اللي قاعد في بيته وقافل علي نفسه من البرد

خرجت بسرعه من البلكونه وهي بتجري وتصرخ علي السلم

سماح….في ايه يا ماما بتصرخي كده ليه😳

جريت وراها وهي مش فاهمه في ايه وليه بتصرخ وبتنادي علي كرم

نزل الناس علي صوتها والشباب جريوا علي تحت يشوفوا في ايه وهي بتصرخ ولسه محدش فاهم في ايه بتخبط علي باب المحل وتنادي علي كرم بدأ الناس يستوعبوا لما لمحوا النار والدخان بتخرج من تحت الباب

خرجت نجوي ورفاعي من اوضتهم علي صوت الصريخ.

نجوي….ياساتر يارب في حد مات ولا ايه.

رفاعي….سترك يارب ده باينه صوت سونه

خرج هيما من اوضته بسرعه

هيما….ايه الصوت ده ؟

سمعوا خبط علي الباب بطريقه مرعبه جري هيما فتح

هيما….هو في ايه؟

محمد….الحق يا هيما بسرعه خالي كرم

مها….بصريخ سونه بتقول الدكان الجديد بيولع وكرم جوه

نجوي….ابنييييييي

رفاعي……كرررررررررم

جريوا علي تحت بسرعه وكان بكر سابقهم

ونزل بسرعه عبدالله وحسن ووراهم زكريا الكل مفزوع

اتجمع الشباب وفضلوا يضربوا برجلهم الباب عشان يتكسر وشويه جابوا طفايات حريق وفي لحظه الشارع كان مقلوب

اما عند كرم قبل دقايق من الحريقه كان قاعد ضهره للباب وبيضحك وهو بيفتكر اللعبه اللي عملتها نبيله سمع صوت تكسير واول بص بسرعه لمح نار والعه في اول المحل قام وقف بسرعه وقبل ما يجري عشان يخرج كان الباب اتقفل عليه دخل لجوه بسرعه يجيب مايه ويطفي وبقي يبعد الكراسي المحطوطه واي حاجه تساعد علي اشتعال النار اكتر لكن الريحه بتاعت الدخان والماده اللي جوه الازازه خنقته بعد لجوه اكتر وحاول يبعد عن النار بمجرد ما سمع الشباب بداوا يكسروا الباب