ابن ليل

دعاء كان بقالها كذا يوم مش علي بعضها وفي حاجه مخبياها ومش قادره تقولها لأي حد كانت ديماً ساكته وسرحانه.

خرج عبدالله من البلكونه لقاها قاعده ساكته.

عبدالله…..ايوووه عليكي مالك مسهمه كده ليه أديلك كذا يوم

دعاء…بإرتباك هاااا

عبدالله….هو ايه اللي هااا فيكي ايه ؟

دعاء….بأبتسامه توتر هيكون فيا ايه ما انا زي الفل اهو حاولت تغير الموضوع بسرعه كنت بتعمل ايه في البلكونه

عبدالله….ولا حاجه كنا بنشوفوا بيعملوا ايه في الشارع

دعاء…..اه تقصد علي فرح سمير صحيح انت موَقفتش معاهم ليه ده الكل معاه

عبدالله….وانا هنوقف بصفتي ايه

دعاء….ايووووه مش الن منطقتك يعني هما اللي واقفين تحت بيعملوا ايه اهو الكل بيجامل

عبدالله……كرم واخوكي تحت معاهم وبعدين انتي عارفه الكل واخد مني جنب عشان ميزعلوش كرم

دعاء…..بس هما بيتكلموا معاك عادي

عبدالله….بيتكلموا عادي بس من بعيد لبعيد وفي وجود كرم مبيبقاش في كلام خالص بالكتير سلام الكل بيخاف علي زعله زي ما انتي عارفه

دعاء….عارفه يا عبدالله بس مش عيزاك تزعل

عبدالله….نزعل بعد عشرين سنه؟ انا خلاص اتعودت و مبقيناش نزعل وبيني وبينك اوقات بنتبسط

دعاء…بإستغراب بتنبسط عشان بيعملوا حساب لكرم

عبدالله…..ايوه يا دعاء عشان وقتها كرم بيبقي فرحان لما الكل بياخد مني جنب في حضوره بنحس انه شمتان فيا وبنحس كمان انه حاسس بإنتصار زي اللي فاز في سباق

دعاء….و انت ليه بتفرح يا عبدااله

عبدالله…..بأبتسامه حزن عشان بنحس انه ارتاح يا دعاء بنحس ان الوجع اللي جواه من ناحيتي بيقل

دعاء….بأبتسامه بتحبه يا عبدالله

عبدالله…..بتنهيده طويله أيووووووه بنحبه ده كرم يا دعاء عشرة عمري واخويا

دعاء…..بحب انت طيب اوي يا عبدالله تعرف كنت فاكره ان اللي كرم بيعمله معاك ضيع حبه من قلبك

عبدالله…..ولو عمل اكتر من كده عمر حبه ما يقل ابداً واوعي تفكري ان كرم بيكرهني كرم ميعرفش يكرهه يا دعاء هو كل الحكايه موجوع

دعاء…..عارفه بس هو اتغير كتير عن زمان

عبدالله…..كتير اوي ويمكن كمان مش هو نفسه كرم بتاع زمان لكن انا واثق ان قلبه زي ماهو لا يمكن يتغير

دعاء…..طيب وبكر اخويا يا عبدالله؟

عبدالله….ماله؟

دعاء…..لسه بتحبه؟ ولا زعلان عشان خد صف كرم

عبدالله…..بكر اخويا يا دعاء مش عشان انتي اخته بس انتي عارفه ان انا وبكر وكرم كنا اصحاب واكتر من الاخوات وعلي فكره لو بكر مكانش خد صف كرم كنت استغربت ومكناش استجدعناه