ابن ليل

جربت تاني وكانت نفس النتيجه

دره….طيب جرب الڤيزا دي

خدها منها الشاب وبردوا مكانش فيها حساب طلعت تالت ڤيزا وهي مصدومه مش فاهمه في ايه ولا ايه اللي حصل للڤيز بتاعتها للحظه فكرت ان في عطل حصل في حساباتها او غلطه من البنك

الشاب….للاسف الڤيزا دي كمان مش شغاله

وقفت دره ثواني بتحاول تستوعب او تفهم لكن مكانش في اي سبب مقنع في دماغها وقررت ترجع للبنك تفهم في ايه.

دره…..طيب سوري انا مضطره اسيب الفساتين لحد ما ارجع البنك وافهم في ايه

الشاب….تحت امرك.

خرجت دره من المحل وهي مزاجها مش تمام وراحت علي العربيه بتاعتها بسرعه كان المطر شغال والتلج نازل

ركبت بسرعه وبعد ما ركبت اتصلت بالبنك تبلغهم بالخطأ اللي حاصل في الڤيز بتاعتها.

وكانت الصدمه لما سمعت من موظف البنك بعد ما كشف عن حسابها ان الڤيز اتوقفت

دره…..اتوقفت ازاي مستحيل اكيد في حاجه غلط

الموظف….للاسف يا افندم ظاهر قدامي انه تم سحب الفلوس كلها من حسابك وتحويلها علي حساب اخر

دره….بغضب انت بتقول ايه مستحيل طبعا انا معملتش كده شوف مين اللي سحب المبلغ ده فوراً

الموظف….خليكي معايا لحظه

استنت دره ثواني وهي هتتجنن ومش مستوعبه اللي بتسمعه

دقايق بسيطه ورجعلها الموظف

الموظف….ايوه يا افندم الفلوس اتسحبت عن طريق مستر يوسف احمد الصديق

للحظه حست دره ان كل حاجه وقفت من حواليها😳

دره…..بصدمه انت بتقول ايه؟ من فضلك اتأكد مره تانيه اكيد في حاجه غلط

الموظف…..خالص يا افندم المعلومات قدامي مظبوطه تم السحب من حسابات حضرتك بالكامل من اربع ايام بالظبط وفي كمان رساله اتبعت لحضرتك

دره….رساله ايه انا مجاليش حاجه وازاي اصلا يتسحب كل فلوسي من غير ما تتصلوا تبلغوني 😡

الموظف…..حضرتك مستحيل اي حاجه تتم من غير موافقه حضرتك واكيد تم تبليغك عن طريق اي موظف

دره….بقولك محدش اتصل بيا ولا جالي اي ماسدچ😡

الموظف…في الحاله دي يبقي السحب تم عن طريق توكيل عام

دره…..بشرود توكيل عام 😳 لا مستحيل

الموظف….تقدري تشرفينا يا افندم بنفسك

دره…..بصدمه طيب انا هرجعلك تاني

قفلت دره مع الموظف وبسرعه طلعت علي الڤيلا بتاعتها كانت حاسه ان في حاجه غلط مش قادره تصدق ولا فاهمه ليه جوزها عمل كده وليه مقالهاش

وصلت دره علي الڤيلا كان يوسف قاعد في الجنينه وحواليه البنات كل واحده ماسكه موبايلها