ابن ليل

دارين….اوك يا مامي بس متتأخريش

دره…لا مش هتأخر هاجي علي طول قبل ما بابي يرجع خلوا بالكم من بعض ومتنسوش تبعتوا اللي عايزينه لبابي

ديما….انا بعت خلاص.

دره…..اوك يلا باي خدت دره مفاتيح عربيتها وخرجت جري علي بره بالترنج زي ماهي ولمحت عربيه يوسف من بعيد راحت وراه كانت بتحاول تكون بعيد عنه عشان ميلمحهاش

مر حوالي عشرين دقيقه سواقه بدأت دره تستغرب من الطريق لانه مش طريق الشغل ولأنها حافظه الطريق ده عن ظهر قلب وهنا بدأ قلبها يتقبض شويه بشويه لكن حاولت تهدي نفسها ومتتسرعش في التفكير اللي جه في بالها.

دقايق ولمحت يوسف بيركن عربيته قدام ڤيلا
وقفت دره من بعيد وهنا كانت صدمتها

لما ركن يوسف العربيه قدام الڤيلا بتاعت دينا صاحبتها🙈

حطت دره ايدها علي قلبها مش مصدقه وخايفه يكون اللي جه في بالها صح قربت شويه بالعربيه اول ما دخل يوسف من باب الڤيلا نزلت بهدوء بصت من بره كان دخل وقفل الباب دخلت بسرعه من الجنينه وراحت علي الشباك بهدوء تشوفهم

اتصدمت اول ما لمحت دينا لابسه فستان قصير و يوسف واخدها في حضنه💔

حاولت تسمع اللي بينهم علي قد ما تقدر

دينا…..وحشتني

يوسف…انتي وحشتيني اكتر

دينا….طيب ايه هتفضل واقف كده

يوسف….مش عايز اتأخر انا قايل لدره اني ناسي ورق مهم في المكتب يعني مش هقدر اطول انا جيت بس عشان قولتي عيزاني ضروري

دينا…..ايه خايف من دره 🤨

يوسف….بلاش كلام عبيط يا دينا مش خايف بس دره من وقت ما عرفت اللي حصل وهي مش علي بعضها ومركزه معايا وانا مش عايز مشاكل عايزين كل حاجه تحصل زي ما خططنا بالظبط

دينا….اه بس متنساش وانت بتخطط اني. مراتك يا يوسف زيي زيها🤨 انا بقالي ثلاث سنين مستحمله وساكته وراضيه اني اكون مراتك في السر وخلاص جبت اخري

وهنا حست دره ان قلبها بيقف حرفياً متجوزها وكمان بقالهم ثلاث سنين دينا صاحبتها اللي ملهاش غيرها في الغربه تخونها بتشوفها تقريبا يومياً ومع بعض ديماً وهي متجوزه جوزها وكمان بيخططوا من وراها عشان ياخدوا فلوسها.

يوسف…..مش ناسي يا دينا وعارف انك تعبتي معايا بس زي ما قولتلك محتاج وقت دره عرفت ان فلوسها اتسحبت عشان توسيع المشروع اكتر لكن متعرفش ان انتي الشريكه الجديده وهي مصممه تتعرف علي المستثمر لانها شاكه فيا ومش قادره تعدي اني ساحب الفلوس من اربع ايام و مقولتلهاش