ابن ليل

يوسف….بإرتباك ده ااا ديفيد مايكل ده اسمه.

دره….مين ده؟ انا مسمعتش عنه

يوسف…..انتي متعرفيهوش

دره….طيب تمام يبقي نتعرف بلغته انه يجي

يوسف….بلغته بس عرفت منه انه مسافر كاليفورنيا وهيرجع بعد كام يوم

دره….والله امممم طيب تمام يرجع بالسلامه ولما يرجع نبقي نشوف مين ديفيد مايكل ده 🤨

قامت دره وخرجت من مكتبه وراحت علي مكتبها فضلت رايحه جايه بعصبيه بتحاول تسيطر علي نفسها و بتحاول تفكر .

ثواني وجالها فكره راحت قعدت علي مكتبها واتصلت بالمستشار القانوني الخاص بيها والمسؤول عن كل حصتها في الشركه.

چاك….اهلا دره

دره…..اهلا چاك انا محتجالك في حاجه مستعجله.

چاك….اتفضلي سامعك

دره….هبعتلك اسم شخص تعرفلي مين ده في اسرع وقت وتعرفلي فين مقر شركته

چاك….انا مش فاهم حاجه؟

حكيتله دره باختصار اللي حصل كله من يوسف .

چاك…..اوك هحاول اعرف اي معلومه وهرجعلك علي طول بس لازم تعرفي ان مستحيل حتي لو كنتي عامله توكيل عام انه يتم سحب اي مبلغ من غير ما يتم تبليغك

دره…..انا عارفه ده كويس بس كمان مش عارفه ازاي محدش بلغني ولو حتي برساله اعرف ان رصيدي اتسحب

چاك…..اكيد اتواصلوا معاكي بأي طريقه واكيد اتبعتلك رساله ويمكن تكون اتمسحت بسرعه ولازم تعرفي انهم لو معرفوش يوصلولك عن طريق التليفون لازم يبعتوا موظف علي محل اقامتك او علي محل عملك عشان يبلغك

دره….تقصد انهم ممكن يكونوا بعتوا حد ويوسف اتصرف معاهم

چاك…..مش عايزين نسبق الاحداث عموما هعمل كام اتصال وهرجعلك.

دره….اوك چاك في انتظارك.

فات ساعه كامله ومتصلش بيها

اتصلت دره عليه.

دره…..الوووو چاك اتأخرت في الرد

چاك…..محتاج وقت اكبر يا دره لكن متقلقيش هرد عليكي وقت ما اجمع معلوماتي الكافيه.

دره….اوك چاك  خد وقتك بس ياريت متتأخرش عليا.

چاك…..اوك دره.
…………….

بعد كام ساعه رجعت دره علي الڤيلا هي ويوسف وكانت تقريباً شبه مش بتتكلم معاه وهو بيحاول يلطف الجو شويه رغم الارتباك اللي كان ظاهر عليه جداً

اتغدوا مع البنات و قعدوا معاهم دره كانت منتظره مكالمة چاك اللي اتأخرت اوي ويوسف قاعد بيضحك و بيتكلم مع البنات في اللحظه اللي هي بتفكر في چاك رن موبايل يوسف بصت دره عليه لكن حست انه قام بسرعه من قعدته وكان باين عليه التوتر استأذن منهم وطلع بره وكانت اول مره يتكلم بعيد عنهم.