ابن ليل

يوسف…..انتي مصممه متصدقنيش وميبقاش في ثقه بينا

دره….للأسف انت اللي ضيعت الثقه دي يا يوسف ومش الوقت ولا بسبب الموقف ده لكن من زمان وانت عارف وخليني ساكته ويكون في علمك يا يوسف انا لو ساكته علي اي حاجه كنت بتعملها فا ده عشان البنات ميحسوش بأي حاجه لكن المرادي يا يوسف انا مش هسكت لان الثقه اللي ضاعت في حياتنا كانت وضع ممكن اسكت عليه واعديه واللي بيحصل الوقت ده وضع تاني

يوسف……ايه يا دره هسرقك؟

دره….والله لو شايف ان في مسمي تاني للي عملته قولي عليه انت ساحب الفلوس بقالك اربع ايام وساكت مفكرتش تقولي وانهارده جاي تقولي انك فاكر اني رايحه لدينا عشان كده مقولتش طيب وكنت فين من اربع ايام وهي دي اصلاً حاجه تتأجل

يوسف…..بصي يا دره انا مقدر اللي بتقوليه وعارف انك مضايقه من الموقف وحقك مش هلومك يمكن غلطتي الوحيده اني معرفتكيش اني سحبتهم من وقتها

دره….لا يا يوسف انت غلطتك من البدايه لما مشاركتنيش و حكيتلي وخدت رأيي ويا اوافق علي التوسيع ده او موافقش لان واضح انك نسيت اننا شركاء بالنص في كل حاجه😡

يوسف….ماشي يا ستي يمكن غلطت بس قولتلك اني كنت حابب افاجئك

دره….ليه انت كنت فاكر اني مش هسحب اي فلوس لحد ما التوسيع ده يتم بعد كام شهر انت حظك كان حلو ان الاربع ايام دول انا مسحبتش ولا مليم ومستخدمتش اي ڤيزا عموماً يا يوسف بكره الصبح الاقي الورق علي مكتبي وتاخد معاد من المستثمر ده يجي يقابلني 🤨

سابته دره ودخلت علي الحمام و رزعت الباب وراها

قعد يوسف علي السرير وهو بيفكر .

مر اليوم كانت دره بتحاول تكون طبيعيه عشان ولادها ويوسف بيحاول يتلاشي دره خالص لحد ما يفاجئها بالصدمه الاكبر.💔

في صباح يوم جديد وصلت دره علي الشركه ويوسف كان قدامها بعربيته

راحت علي مكتبها من غير ولا كلمه بعد وقت بسيط السكرتيره الخاصه بيوسف

خبطت عليها وبلغتها ان يوسف طالبها في مكتبه

قامت دره راحت علي مكتبه دخلت وققلت الباب وراها

يوسف….تعالي يا دره اقعدي

قربت دره من غير ولا كلمه وقعدت قدامه.

يوسف…..اتفضلي الفايل ده في الورق اللي انتي حابه تشوفيه.

خدت دره الورق بصت فيه واول حاجه قررت تجيب عينها عليها هي اسم المستثمر بصت باستغراب ورفعت حاجبها وبصتله.

دره…..اسم المستثمر D.M وده يطلع مين ده؟