ابن ليل

ديما….بس بابي هيوحشني يا دارين🥺 مش قادره اتخيل اني ممكن مشفهوش تاني ولا قادره اتخيل انه باعنا بسهوله كده 💔

دارين…..لا صدقي يا ديما عشان ده الواقع بابي اتغير اسبوعين بس عمل فيهم حجات كتير عمري ما كنت اتوقع انه يعملها انا كنت اقرب حد لبابي بس انا بقولكم مش هو ده بابي اللي اعرفه البرود اللي حصله من اسبوعين من ناحيتنا كلنا ضيع فيهم السنين الحلوه اللي كنت بشوفها معاه🥺 ضيع كل ذكري حلوه جمعتنا سوا

دانه….🥺 انا كل ما احاول انسي اللي حصل من كام يوم بينه وبين مامي مش بعرف لما بفتكر انهيار مامي والكلام اللي قالته بتصدم ازاي مامي عاشت معاه حياه صعبه واحنا كنا فاكرينها عايشه مبسوطه ازاي اتحملت كل ده💔

دارين…..مامي اتحملت عشاننا يا دانه طول عمرها مش بتحب تضايقنا ولا تدخلنا في اي مشكله عمرها ما بينت انها زعلانه من بابي يمكن عشان كده انا مصدومه مامي حاولت تبان سعيده قدامنا عشان حياتنا تفضل هاديه ومستقره ضغطت علي نفسها عشان نبقي عيله سعيده 🥺

ديما…..بس لما جاتلها الفرصه انهارت

دارين…..عشان كده يا بنات لازم نحاول نهدأ شويه بلاش نضغط عليها وبلاش نحسسها اننا مضايقين علي الاقل بس نستني شويه يمكن الحياه الجديده اللي احنا خايفين منها تعجبنا اكتر من حياتنا في امريكا وبلاش تنسوا ان لما مامي اتكلمت معانا وقالت انها مش حابه تجبرنا علي السفر والعيشه في مصر بابي نفسه اعترض وقال اننا هنفضل معاها واننا مش هينفع نفضل معاه🥺

دانه…..دارين معاها حق بابي رفض وجودنا اصلا وباعنا ومامي هي اللي اشترتنا🥺

دارين….خلاص انسوا وامسحوا دموعكم دي مش عايزين مامي تشوفنا وتضايق🥺

بصوا بهدوء عليها كانت قاعده قدامهم لوحدها وهما الثلاثه وراها جنب بعض.

كانت سانده راسها علي الشباك  الحزن باين علي وشها وفي دنيا تانيه خالص شارده و بتفتكر في اللي حصل من اسبوعين

فلاش باك..🌪️🌪️🌪️

خرجت دره من البروڤا بعد ما اختارت كام فستان عجبوها وراحت عشان تدفع الحساب.

ابتسمت دره للشاب اللي واقف سألها هتدفع كاش ولا ڤيزا قالتله هتدفع ڤيزا وطلعتها ادتهاله.

الشاب خدها منها وكتبت هي الباث وورد لكن كانت فاضيه

الشاب….اسف الڤيزا مفيهاش حساب

دره…بإستغراب ازاي لا اكيد في حاجه غلط

الشاب….طيب جربي تاني يمكن الباث وورد غلط