ابن ليل

دره…..اوك يا يوسف يعني لو انا مكانك وبدلنا الادوار واتفاجئت ان انا اللي عملت كده هتبقي عادي؟

يوسف…..لو محتاجه الفلوس زي ما انا محتاجها اكيد مش هضايق لاننا واحد

دره….ايووااااا انا بقي عايزه اعرف انت محتاج الفلوس في ايه؟

يوسف…..ااا ااعادي سيوله للشغل مش اكتر

دره….سيوله ايه دي اللي الشغل محتاجها يا يوسف ما انا معاك بشتغل في الشركه وانا اللي مسؤوله عن الحسابات وميزانيه الشركه كلها وعارفه ايه اللي داخل واللي خارج ومعنديش اي علم ان في سيوله ناقصه الشركه فيها رصيد كافي سنتين قدام لاي سيوله

يوسف…..ماهو انا كنت عاملهالك مفجأه انا وسعت الشغل يعني في فكره كده اتعرضت عليا من مستثمر ومحتاجه سيوله عشان كده خدتهم

دره…..ومخدتش من رصيدك ليه وليه مخدتش الرصيد اللي موجود في الشركه توسع بيه وليه اصلاً انا معنديش علم بالتوسيع اللي بتقول عليه ده وحصل امته لما انا معاك يومياً😡

يوسف…..لا لحظه بس انتي بتخونيني يا دره ومش مصدقه كلامي

دره…..انا عمري ما خونتك يا يوسف والدليل اني عملالك توكيل عام عشان تقدر تنوب عني في اي حاجه تخص الشغل من غير ما ترجعلي

يوسف…..طيب وده اللي حصل اتصرفت من غير ما ارجعلك مضايقه ليه الوقت.

دره….لا انت فاهم غلط التوكيل ده لتخليص اوراق لتخليص اي حاجه تخص الشغل عشان اي ظرف يحصل تعبانه مسافره ولايه تانيه وانت مضطر تكون مكاني متبقاش عطلان علي وجودي لكن مش عشان اتفاجئ انك مصفر حسابي يا يوسف ده انت حتي مهانش عليك تقولي او تديني كاش في ايدي وسيبتني اخرج علي عمايا من غير ولا مليم😡

يوسف…..دره متكبريش الموضوع انا قولتلك فكرتك روحتي لدينا.

دره….مكبرش الموضوع انت شايف الموضوع بسيط بجد يا يوسف😡

يوسف….انتي عايزه ايه الوقت يا دره لو علي فلوسك زي ما قولتلك في الحفظ والصون بس انا حالياً مش هقدر اديهملك عشان زي ماقولت انا شاركت مستثمر كبير وبدأنا توسيع الشغل استني عليا كام شهر تكون الدنيا ظبطت وهرجعلك كل مليم خدته واعتبريها اول واخر مره تحصل😒

دره…..بدأت امته وشاركت امته انا مش مصدقه ولا مستوعبه اللي بتقوله

يوسف…..تاني يا دره بتخونيني؟

دره…..خلاص اثبتلي يا يوسف😡

يوسف….اثبتلك ايه وازاي؟

دره…..بكره في الشركه تعرفني علي المستثمر ده و توريني الاوراق اللي تثبت ان في توسيع شغل زي ما بتقول🤨