ابن ليل

دعاء…..مش فاهمه؟

عبدالله….يعني اللي بكر عمله وبيعمله هو الصح وانا عارف اني لو كنت مكان كرم كان خد صفي . انا مش زعلان منه بالعكس علي الأقل حد فينا يبقي جنب كرم.

ابتسمت دعاء ابتسامه بسيطه كلها توتر وفضلت عينها تروح وتيجي وتلعب في صوابعها.

دعاء…..طيب ودره يا عبدالله؟

اتحولت ملامح عبدالله بغضب وبصلها

عبدالله…..مش عايز نسمع اسمها يا دعاء😡 قولتلك الف مره انا اعتبرتها ماتت

دعاء……بحزن 🥺 بعد الشر ليه بس كده يا عبدالله دي مهما كان اختك

عبدالله….وانا مليش اخوات يا دعاء بسببها كل حاجه باظت زمان بسببها خسرت اصحابي وبسببها الكل خسر بعضه .

دعاء…..بس انت كنت راضي و وَقفت معاها يا عبدالله

عبدالله…..انا عمري ما كنت راضي 😡 ولو وَقفت معاها يا دعاء فا ده مكانش بكيفي ده كان بأمر من ابويا عشان منسيبهاش لوحدها وبطولها اقفلي علي السيره دي يا دعاء ومش عايز نسمع سيرتها تاني مفهوم😡

قام عبدالله و ساب دعاء لوحدها

فضلت دعاء باصه عليه بحزن و جواها توتر وارتباك كبير

دعاء….يارب يعدي اليومين اللي جايين دول علي خير وكل حاجه تمشي زي ما احنا عايزين🥺

……………………..

في مكان آخر بعيد تحديداً من داخل الطياره.

دايما…اووووف بقي انا تعبت

دانه…..انا كمان تعبت اوي هو لسه فاضل كتير.

دارين….بصوت هامس بس انتي وهي بطلوا دلع شويه

ديما…..دلع ايه حرام عليكي هو انتي متعبتيش من القاعده دي انا تعبت وزهقت

دارين…..لا تعبت بس مش لازم طول الوقت نحسس مامي بتعبنا

دانه….سيبيها يا ديما انتي فاكره لما تقولي ادام ان قلب حنين دي تعبتي هتقولك وانا كمان😒

دارين….بصت بهدوء علي مامتها وبعدين بصتلهم بغضب بسيط خلي عندك دم انتي وهي انتوا مبقتوش اطفال 😡 وبعدين مش كفايه اللي مامي فيه كمان هنزود عليها بأعتراضنا طول الوقت.

ديما…..لا ازاي لازم نقول حاضر وطيب ونعم وكمان منعترضش لما نتعب😏

دارين…..محدش قال متقوليش بس علي الاقل توطي صوتك مامي مش ناقصه كفايه اللي هي فيه

دانه…..انا مش فاهمه كلن هيحصل ايه يعني لو فضلنا في أمريكا ليه هنرجع مصر من الاساس

دارين….تاني يا دانه انتو بجد مبقيتوش تتطاقوا مش خلصنا كلام في الموضوع ده

دانه….ايوه خلصنا كلام يا دارين بس مش معني كده اننا مقتنعين🥺