لقاء كـ،ـ،ـارثي
صاحبة البطل الواحد
~° البارت السادس عشر°~
……………
مشي سلامه بالعربيه و طلع وقف قدام البيت ثواني دخل جاب المحفظه بتاعته و خرج ركب و مشي..
كان عايز يشتري اي حاجه لايه و يصالحها بيها .
علي البحر .
رشيد….يلا بقي يا يويو قومي و متزعليش
ايمي….عشان خاطري قومي يلا
ايه…..بابتسامه خلاص والله مش زعلانه بس مش قادره اعمل تاني خلاص
حسان…..ايه الشغف راح
ايه…..بضحكه عبيطه اه والله
نعيمه….يلا قومي مراحش ولا حاجه هنعمل معاكي
فضل…اه يلا بقي هزعل والله خليني اصلح اللي انا بوظته ده
حسان….قولولي بتعملوا ايه وانا هساعدكم
سلمي….وانا كمان
فضل….ابسطي يا ستي الكل هيساعد يلا قومي
ابتسمت ايه وقامت تاني معاهم عشان متزعلهمش رسموا مربع كبير و بعدين بدأوا يشيلوا شويه من الرمل اللي جوه
و يملوا مايه بالجردل و يحفروا.
راحت نادين قعدت جنبهم علي الارض تعمل معاهم.
وعسال كان قاعد علي الشازلونج فوقيها علي طول
شعرها كان عمال بينزل و ترفعه و أيدها كانت مليانه رمل كل شويه تروح تغسل أيدها و تلف شعرها كحكه و ترجع تمسك معاهم الرمل و شعرها يروح نازل مره تانيه قام عسال عدل نفسه حط السيجاره في بوئه و مال بجسمه مسك شعرها و فضل يلم فيه.
بصت نادين عليه غمزلها بهدوء و كمل لم في شعرها نفضت أيدها من الرمل و كانت محرجه و هو بيعمل كده قدام الكل
وبعد ما لم شعرها في أيده قسمه ثلاثه و قعد يعملها ضفيره.
ليله وعشري و ايمي و رشيد كانوا قاعدين جنب بعض و مركزين معاه و هو ولا هنا بس كل واحد فيهم كان ساكت و مبتسم
و عينهم علي عسال اللي بيشع حنيه بجد و بيتعامل معاها علي انها طفله و من حركات بسيطه كان محسس الكل أن هو اللي اكبر لدرجه انهم كانوا بدأوا ينسوا شويه موضوع السن .
خلص عسال الضفيره و حط كفه علي راسه لعب في شعرها بصوابعه بصتلوا نادين بهدوء وابتسمت
عسال…..بنظره هاديه يلا كملي
هزت نادين راسها و فضلت تحفر معاهم و تلعب بالرمل.
عشري كان قاعد علي الشازلونج اللي جنبه و ليله سانده علي كتفه.
ليله….بابتسامه و هدوء بتعرف تعمل ضفيره يا عسال
عسال…..ابتسم و بص لليله اه اتعلمتوا من امي كنت بشوفها وهي بتعملها لريهام و كنت بلعب مع ريهام و العرايس بتاعتها وهي علمتني اعملهم في شعر العروسه.
ايمي……بابتسامه جميله عسال
عسال….ايوه يا ايمي
ايمي…..مش عارفه رشيد هيعمل فيا ايه بس انت تعرف اني بحبك اوي
ضحك عسال بصوت مسموع
رشيد….بحب لا مش هعمل حاجه عسال ده حبيب الكل و مقدرش الومك علي رأي عشري عسال يدخل القلب من غير استأذان
عشري……ما تسمعنا حاجه حلوه كده يا عسال و هو الجو رايق كده
حسان….ايوه يلا عشان نشتغل بمزاج
رشيد …بضحك حسان حاسس انه مهندس
حسان….بضحك والله يا رشيد بقالي زمان ملعبتش في الرمل حاسس اني صغرت يجي ثلاثين سنه
ايه….اي خدمه
فضل…..يلا يا عسال بس مش نكد الله يخليك
عسال….طيب تسمعوا ايه ؟
فضل….اي حاجه
ايمي…..شوف انت ايه اللي جه في بالك و غنيه
عسال…..المشكله ان انا بحب الاغاني الحزينه اكتر
عشري…..خلاص غني اللي يعجبك بس يعني متنكدش علي اللي خلفونا
عسال…..احممم طيب في اغنيه انا بحبها اوي و ملهاش علاقه طبعاً بالحاله النفسيه
ليله…..بابتسامه طيب قول
عسال….امممم عشان بحبك انا حرمت عيني النوم واللي بينته في سنه راح من من ايديا في يوم رااااح رااااح من ايديا في يوم
فات الي فات وانقضى معرفش فات ازاي
مهما مليت الفضى بشكوتى عالناي
لهيعرف اية الى مضى ولاهاعرف اللي الجاى
وعشان بحبك انا حرمت عينى النوم
واللي بنيته في سنه راح من ايديا في يوم
رشيد…..يا سلام
حسان….الله ينور
ايمي…..يخربيت صوتك يا عسال قمر
فضل…..طيب حاجه كمان يلا
عسال….امممم طيب في اغنيه حلوه و مش حزينه.
فضل…..ايوه كده بلاش نكد
بص عسال علي نادين وهي قاعده و مدياله ضهرها وابتسم بهدوء و سرح
عسال…..اااااه.
وأنا بين إديك تهت في مكاني
ونسيت معاك عمري وزماني
والوقت فات وياك ثواني
قربني ليك سبني أعيش إحساسي بيك
بتحدى العالم كله وأنا وياك
وبقول للدنيا بحالها إن أنا بهواك
وإن إنت حبيبي وقلبي وروحي معاك
قربني ليك سبني أعيش إحساس هواك
بتحدى العالم كله وأنا وياك
وبقول للدنيا بحالها إن أنا بهواك
وإن إنت حبيبي وقلبي وروحي معاك
قربني ليك سبني أعيش إحساس هواك
نادين كانت مبتسمه وباصه علي الرمل و مكسوفه وخايفه تبصله قدامهم.
الكل سقف و كان باين عليهم السعاده من صوت عسال.
عشري…..عاش يا عسال
ليله……تحفه يا عسال بجد
ايمي……بقول ايه مجعتوش ؟
ليله…..انا جعت اوي
ايمي…..طيب ايه اروح انا علي البيت اشوف هناكل ايه
رشيد….لا لا خليكي هناكل بس شويه كده
ايمي…..لما نرجع هتلاقوا جعانين و مش هنلحق
عشري….لا هنلحق و كلنا هنساعد بعض
رشيد…..في شكولاتات في الايس بوكس وفي شيبسي اجيبلكم
عسال…..هو فين الشاي
رشيد…..انا نسيت أن معانا شاي صحيح استني اعمل ليا انا وانت
حسان…..وانا كمان
عسال….خليك انا هعمل تشربوا اي حاجه يا بنات
ايه……عسال ممكن مايه
عسال….ممكن طبعاً
فتح عسال المايه و اداها و طلعلهم عصير
و حط الشاب لرشيد و حسان
عسال……عشري عايز قهوه
عشري…..ماشي يا عسال
عسال….وانت يا فضل
فضل….طيب تمام
رشيد….معلش يا عسال تاعبينك مع أن ده دور القهوجيه عشري و فضل
فضل….بضحك معلش انا الوقت مهندس مش قهوجي
ايمي…..بضحك بطل كلمه قهوجيه دي
عشري….سبيه المشكله أنه مش بيتحرك من عندنا في الكافيه
عسال….امسك يا عشري
عشري…..تسلم ايدك يا صاحبي
عسال….قهوتك يا فضل
فضل….معلش حطها علي التربيه هغسل ايدي من الرمل بس هشرب وارجع اكمل يا ايه
ايه….بابتسامه ماشي
نادين……ميدو انا مش عايزه
عسال…..ليه مش انتي بتحبي العصير
نادين…..ايوه بس شربت خلاص
عسال…..شربتي ايه ده زي ما هو
نادين….بابتسامه انا عايزه الشوكلت بتاعتي بس نسيتها في الشنطه و انت نسيت تفكرني زمانها ساحت
نعيمه…..في في الايس بوكس يا نودي حطينا من الحاجه اللي عسال جابها
عسال…..بابتسامه طيب معلش بقي هنستلف منكم واحده و نبقي نرجعها
ايه…..لا معلش انت قولت محدش ياخد حاجتها هي كمان مش هاخد من حاجتنا
عسال….بضحك معلش يا ايه كانت ذله لسان
ايمي…..بضحك ما انت لو قدمت السبت
عسال….ايوه صح انا غلطان ممكن بقي ناخد واحده
ايه….بضحك ماشي يا سيدي نودي حبيبتي بردوا
خد واحده عسال و خد الشاي بتاعه وراح قعد تاني وراها علي الشازلونج و فتح الشكولاته كسرها و خد مكعب و قربه من شفايفها بصت بتوتر و رفعت أيدها عشان تاخدها منه بعد أيدها بهدوء
عسال….ايدك كلها رمل
فتحت شفايفها براحه و خدت الشكولاته
عسال…..اخبار الكافيه ايه يا عشري الشباب ظبطوا الدنيا
عشري…..اه الحمد لله كل شويه يبعتولنا
فضل…..كان متدمر بره خالص
رشيد…..بس الكافيه اهون من المعرض الحمد لله أن الشباب عرفوا يتصرفوا و رفعوا العربيات كلها فوق في الدور الثاني
عشري….خد بالك لو مكانش حد فيهم اتصرف الدنيا كانت باظت و الخساره كانت هتبقي كبيره اديك شايف العربيات بتاعتنا حصل فيها ايه
رشيد….اه والله الحمد لله
عشري…..وانتوا يا ايمي اتطمنتوا علي المطعم
ايمي…اه الحمد لله تمام احنا دور ارضي بس عالي يعني في مسافه
عشري….طيب الحمد لله
كسر عسال واحده تاني و قربها من بوئها وهو بيتكلم مع الشباب
عسال…..اغلب الارضي في المحلات باظ علي الاخر
ليله…..المشكله بقي لو حاجه متتلحقش زي قماش وهدوم واكل
عسال…..ما كل اللي محلاتهم باظت منزل صور تحزن والله ربنا يعوضهم
رن موبايل حسان و ظهر صوره هنا بنته
عشري…..هنا بتتصل عليك
حسان….طيب كنسل غسل ايدي واجي ارد عليها
عشري…..يلا
ليله…..ماشاء الله جميله هنا
عشري….دي سكر و لمضه لماضه
ليله…ربنا يخليها ليه
رشيد…..ليله صحيح قوليلي يعني الله يرحم والدتك طبعاً لو كانت عايشه تفتكري كانت حياتك هتبقي زي الوقت و لا مختلفه
ليله…..يعني ايه؟
رشيد….يعني شغلك حياتك كل حاجه
ليله….بضحك صراحه معرفش بس اللي اعرفه ان لو امي كانت عايشه كان في حجات كتير اوي هتتغير
رشيد….زي ايه
قرب حسان خد الموبايل و راح يكلم هنا.
ليله…..يعني مثلاً اول حاجه مكنتش هسافر اشتغل بره اكيد
رشيد…طيب ليه؟
ليله…..لأن امي كانت صعبه جداً و طبعها كان فظيع زي ما قولتلكم هي كانت أم وأب فا كانت شديده جداً يعني لو هي عايشه مستحيل اسافر بره ومستحيل اقدر اقولها حتي اني هعيش لوحدي
رشيد….بابتسامه مكانتش هترضي
ليله…..بضحك يا نهار ابيض مستحيل
ايمي……طبعها كان شديد بس كانت طيبه والله
ليله…..كانت طيبه و حنينه بس كانت شديده فا لو كانت عايشه كان في حجات كتير اتغيرت و يمكن مكنتش قدرت اشتغل وانجح لأن هي كانت هتبقي ديماً فوق راسي
فضل…..طيب وانتي شايفه انك بتعملي حاجه غلط ترفضها
ليله…..خالص والله بس هي دماغها كده مفيش بنات تسافر بره مفيش بنات تعيش لوحدها مفيش بنات تسافر مع صحابها هي كده
عشري…..كانت بتخاف عليكي اكيد
ليله…..بتخاف و كانت مش عايزه ابويا يقولها اي كلمه انها مثلا قصرت في اي حاجه
عسال….طيب كنتي بتتعاملي ازاي معاها يا ليله لأن انتي كمان شخصيتك قويه
ايمي….بضحك يا ختاااي
ليله…..بضحك شفت القط والفار كنا كده بالظبط امي مكانتش تشوف خلقتي الا لما تتخانق معايا اربعه وعشرين ساعه ماسكين في خناق بعض و علي اسباب تافهه جداً حتي لو لسه بقولها صباح الخير
رشيد…..كانت عصبيه شكلها
ليله….اوي اوي هي كان طبعها حامي و علي فكره انا زيها بس وقت ما هي كانت عايشه كنت أبرد شويه من كده علي الاقل معاها لاني مقدرش أقف في وشها واتعصب بشكل مبالغ فيه
رشيد…..طيب ايه اكتر حاجه كانت بتتخانق معاكي عشانها
ايمي…..بضحك خناق ليله في الشارع
فضل…..بضحك يعني ايه خناقها في الشارع
عشري….ايه بتاعت مشاكل وانا معرفش
ايمي…..نهار اسود مش بقولك لما بكون عندي مشكله مع حد بروح لليله
ليله….بضحك الله يفضحك مش كده والله بس بتخانق لأسباب يعني
رشيد…..طيب بتتخانقي ازاي و ليه
ليله…..انا اغلب مشاكلي و انا سايقه ده الوقت زمان ممكن المعاكسات
رشيد….بضحك بتتخانقي مع شباب يعني
نعيمه….بضحك وهي بتحفر في الرمل قصدك بتضربهم
فضل….بضحك احلفي كده ضربتي شاب قبل كده
ليله….بضحك شاب واحد
عشري…..بضحك وصدمه انتي بتتكلمي جد
ليله….اه والله يعني اسيب مثلاً واحد يقرب مني و لا اسيب واحد عامل فيها مجنون وخلقه ضيق و ينزل يخبطلي علي العربيه
ايمي…..و ليله عندها كله كوم و عربيتها كوم تاني
رشيد….طيب اتخانقتي ليه ؟
ليله….مفيش كنت راكنه و بعيد عنه و كنت مستنيه نادين بتجيب حاجه و ده عايز يدخل يركن مكاني هو شايف اني هطلع فا عايز ياخد المكان بسرعه و انا اصلا مش مركزه معاه وفجأه لاقيت حد بيخبط علي سقف العربيه بطريقه همجيه صرعني بصيت عليه لاقيته شاب طول و عريض و عضلات وباين عليه محترم بصتلوا بصدمه انا مش فاهمه هو بيقول ايه فتحت الشباك لاقيته بيقولي ايه هفضل واقف مستني جنابك تطلعي ما تخلصي يا حلوه و لا المطعم اللي انتي مستنياه متأخر عليكي
رشيد….بضحك عملتي ايه؟
ليله…..كل خير انا في الاول مكنتش مستوعبه بصيت جنبي وبعدين بصتلوا قولتله انت بتكلمني انا ؟
قالي لا خيالك قولت بس هو ابن حلال و يستاهل و بصراحه شكله كان مخدوع فيا شايفني لابسه و مظبطه نفسي و فكر اني كيوت وعينك ما تشوف الا النور بقي
عشري…..بصدمه ابتسم ضربتيه بجد
ايمي……لا نادين تحكيلكم بقي عشان هي اللي كانت معاها
بصت نادين عليهم و هي بتضحك
نادين……انا خرجت من المحل لاقيت الشوز بتاعتها بتنزل علي راسه و اقلام علي وشه و انا واقفه مصدومه و الناس بتخلصه من تحت أيدها و هو بيحاول يضربها بس مش عارف من الزحمه
فضل….بضحك طب انتي عملتي ايه
ليله….بضحك لا بلاش الله يباركلك انا ربنا رزقني بصحاب مبيسدوش في الحوارات دي اللي ممكن تسد معايا شويه هي نوني
فضل….بضحك اوباااااا بتضرب
ليله…..مش للدرجه برضوا بس مش بتسيبني من الاخر نادين بتتوتر و بتخاف واصلا لو فتحت بوئها اللي قدامنا هيستهزأ بينا لأن هي حتي مش بتعرف تتكلم و تتخانق ايمي بقي ممكن تجيب من الاخر تتصل بحد جامد من معارفها يظبط الدنيا لو الموضوع خارج عن السيطره ممكن تكسر عربيه بس مش بتعرف تمد أيدها علي حد سلمي بقي بتفضل تشد فيا و تقولي خلاص يا ليله و فجأه الاقي شعب مصر عارف اسمي خلاص يا استاذه ليله خلاص يا استاذه ليله
رشيد….بضحك طيب وايه
ايه….بضحك انا بتفرج
ليله….بضحك ايه لو معاها حاجه بتاكلها بتقف تكمل اكل عادي و تتفرج لو حست أن الوضع خطر بتنادي علي اللي رايح واللي جاي يخلص بينا و لو بقي في أيدها ميلو بيبقي يوم ازرق بتاخد وتدخل العربيه و لا بتسأل
رشيد….بضحك ايه النداله دي
ليله….بضحك عملي الاسود في الدنيا
عشري…..طيب وانتي ليه تتخانقي اصلا في الشارع
ليله….انا عمري ما نويت علي خناقه بس في مواقف لو سكت فيها هتركب و انا مبقدرش اسكت علي قلة الذوق يعني لما واحد زي الجحش يجي يتهجم عليا المفروض اسكت وامشي واخاف منه لا ياخد بالجزمه عشان يعرف يتعامل مع بنات
فضل….بضحك طب والله جدعه
عشري….بضحك جدعه ايه انت بتشجعها انت كمان افرضي واحد قليل الادب مد أيده عليكي و لا حد معاه مطوه ولا حاجه ضربك
ليله…..بضحك ماهو انا مش بسكت
عشري……بضحك شكلنا كده داخلين علي ايام ما يعلم بيها الا ربنا
رشيد….بضحك جهز روحك للاقسام بقي يا صاحبي
عشري….اه حاسس كده
ليله…..لا اطمن لما بتخانق مش بتصل بحد بتخلص بنفسي
عشري…..يا جاااامد انت قام مره واحده و اتعدل تصدقي بالله لو حصلت تاني يا ليله لا تخلي نهارك ازرق
ليله….بضحك طب انا مالي هما اللي بيجروا شكلي
عشري…..خدي رقم عربيه اي حد يضايقك و سيبي الباقي عليا لكن خناق في الشارع لا
ايمي….بضحك طيب انتوا اتخانقتوا قبل كده
فضل……بابتسامه انتوا تعرفوا أن أول معرفتي بعسال كانت خناقه و مشكله كبيره
رشيد….بضحك ده عسال كلوا بوكس
ايمي….بضحك عساااال مستحيل مصدقش
ليله…..ضرب مين ؟
عشري…..بضحكه عاليه تضحك ضرب فضل
نعيمه……ضرب فضل البوكس بتهزروا
فضل…..نعم مالك مبسوطه كده ليه
نعيمه…..عسال ميعملش كده بس لو عمل يبقي احسن
عسال….بضحك شوفتوا محدش هيصدقكم
فضل…..والمصحف حصل
ليله….بضحك بجد ضربك ؟
عشري….اه والله ضربوا
ليله….طيب ليه و انت سكت
فضل….لا انا اتصدمت فجأه لاقيت واحد بيديني بالبوكس في وشي و انا مش فاهم وعلي ما استوعبت كان الشباب و كل اللي حوالينا بعدونا بسرعه
سلمي…..بس مش باين خالص علي عسال يعني باين انه هادي
عسال…..بصي انا مش هادي و همجي يعني اخر حاجه ممكن افكر فيها اني امد ايدي علي اي شخص مهما كانت عقليته
هو كل الحكايه الكلام ده كان من حوالي عشر سنين و فاكر انا كان كنت في اخر سنه في الجامعه و المفروض الصبح النتيجه طلعت و لاقيت نفسي شايل كل المواد و الحوار يعني طلع بعد كده في غلط لما عملت تظلم و كده والحمد لله يعني في الاخر طلعت ناجح المهم يعني أن اليوم ده كنت علي أخري و مش شايف قدامي لأن كنت حابب افرح امي اوي بس اتصدمت فا انا كنت عارف كل الشباب معادا حسان و فضل و عشري عشري الوحيد اللي شوفته حوالي مرتين مره قعدنا مع بعض انا وهو و سلامه ورشيد و مره تانيه اتقابلنا صدقه سلم ومشي
المهم اليوم ده كان في ماتش بليل الاهلي والزمالك سلامه قالي تعالي نروح لعشري في الكافيه رشيد رايح و عشري اصلا قالنا كذا مره نروح فا ايه رايك نروح وتغير جو و كده و اطلع من المود يعني المهم قولت تمام و روحت
فضل….بضحك كنت اول مره اشوفوا اصلا هو وسلامه
عسال…..انا طبعاً كنت علي أخري من موضوع النتيجه و بتلكك بصراحه و كان عندهم شاب بيشتغل ويتر كان موترني رايح جاي باين عليه أنه متنشن و متعصب العدد كبير و الكل بيطلب في طلبات و ده مش متحمل يجي يحط الطلابات و يرزعها ينفخ و مكشر
فا مسكته قولتله بقولك ايه لو انت متعصب بلاش تنزل اي طلبات علي التربيزه دي قال لا عادي مفيش انا تمام واسف وبتاع مااااشي
سكت شويه و جاب فحم لسلامه و هو بيحط الفحم متنرفز و داس علي رجلي و انا لابس كوتش ابيض فا بدأت اضايق بجد
وهو بيلف شد الشيشه وقعها اتكسرت قمت وقفت و انا متعصب قولتله لو شوفتك قدام التربيزه دي تاني هزعلك
عشري……بضحك طبعاً أنا جيت في الوقت ده علي صوت الشيشه اللي اتكسرت و مشيت الواد و حسيت أن في قلق مع عسال ظبطنا الدنيا وقعدنا تاني وهو جه جون في الاهلي
عسال…..بضحك جون الاهلي ده بقي زود الطين
ليله….انت اهلاوي
عسال…..اه اهلاوي و فضل زملكاوي و المشكله بقي انه بدأ يستظرف و يخف دمه و يحفل علي الكل بس انا سكت و بعد شويه لاقيت الويتر اللي حصل معاه الحوار واقف في ضهري هو وفضل و بيتكلموا انا سمعت شويه كلام رميت ودني بصراحه لأن حسيت الكلام عليا واي حد مكاني يسمع الحوار هيفهم زيي وعلي فكره كل ده انا مكنتش اعرف فضل اصلا الدنيا كانت زحمه و عشري معرفناش علي بعض المهم
الولد بيقولوا انت عارفني انا مش بتاع مشاكل بس هو زودها و لولا أن ده اكل عيشي كنت عرفت اتعامل معاه وارد عليه
يقوم فضل بقي يرد عليه يقوله سيبك منه ده عيل هتعمل عقلك بعقله عموما انا هتصرف اللي يقعد هنا لا يقعد باحترامه يا اما يتكل علي الله هو عيل ملهوش لازمه و معرفش اتحدف علينا من انهي داهيه و هي دي مجابب عشري
فضل….بضحك كنت بتكلم علي حد تاني والله
عشري…..عسال بقي لا سأل ولا ترجم قام علي طول اتعامل
عسال….بضحك انا قومت لفبت ضهري و ضربته في مناخيره بالبوكس طبعا انا غلطت كان لازم افهم بس هو اليوم من أوله كان شمال بصراحه و جات في فضل
ايمي…..بضحك طلعت عنيف يا عسال
عشري……لا هو طيب والله بس عصبيته رخمه ميغركيش انه هادي كده
فضل…..بس بعدها بقي أراضينا و اتأسف بصراحه بس بعد ما بوظ مناخيري
رشيد….علي فكره بعد الحوار ده في نفس القاعده مشي عسال و هو وفضل ضاربين صحوبيه
ليله…..ما محبه الا بعد عداوه
عسال…..بابتسامه لا مفيش عداوه فضل ده حبيبي وهو عارف
فضل…..عارف ياعم بس ايدك تقيله اوي
رجع حسان حط الموبايل
حسان…..هنا بتسلم عليكم يا شباب
رشيد….حبيبتي هي عامله ايه
حسان…..بخير بتقولك انت بالذات وحشتها انت وسلامه الاهبل
رشيد…هي كمان وحشتني
عشري….ماشي يا ست هنا بتاعه كمان سلام مخصوص
حسان….لا والله سلمت عليك انت اول واحد و قالتلي سلم علي انكل رشيد و سلامه اوي و قولهم وحشنوني
فضل….بابتسامه رشيد بتاع العيال
رشيد…..بضحك ايه بتاع العيال دي ما تحترم نفسك
فضل……بضحك لا والله مش اللي في دماغك يا واطي
فضلوا يتكلموا و يهزروا قامت نادين من الأرض عشان ركبها وجعتها من الرمل قعدت علي حرف الشازلونج قام عسال عدل نفسه
عسال….بهدوء ايه ده ركبك عملت كده ليه
نادين….من الرمل هروح اغسلها و اغسل ايدي
عسال…..لا استني الملح هيوجعك
فتح زجاجه المايه و فضل ينزل علي ركبها و بعدين غسل أيدها و لمح علي خدها رمل مكان ما كانت بتحط أيدها كل شويه
عسال…..قربي وشك لقدام عشان تغسليه
نادين….في رمل
عسال…..اه بس بلاش تحطي مايه مالحه عليه هيلتهب اصلا وشك احمر خالص
قربت نادين لقدام مسح علي وشها براحه ينزل الرمل و بعدين حط في أيده شويه مايه و غسل وشها بهدوء كان حرفياً بيتعامل معاها علي انها طفله صغيره
بعدين سحب كام منديل مسكتهم منه بهدوء و نشفت وشها
عسال…..تعالي اقعدي جوه و اسندي ضهرك شويه
نادين….لا لا متقومش خليك انا تمام كده
عسال….هبدل معاكي مش هقوم يلا تعالي
بدلت نادين مكان رفعت رجلها براحه مسك عسال الفوطه حطها علي رجلها و غطاها كانت لابسه الكاش بس رجلها كلها باينه.
مسكت نادين الشكولاته اللي كانت بتاكل منها و طبعاً كانت ساحت شويه من الشمس كلت واحده و بصت لايدها و ابتسمت و رفعت عينها لفوق أيدها اتبهدلت خالص
ايه…..خلصناااااا
ليله….وروني بقي كده
ايه…..تعالوا يلا اتصوروا بس اياك توقعوها كل اتنين يجوا واحد يقعد هنا و واحد هنا
عسال……حلوه يا ايه بنيتي قلعه
ايه…..بسعاده ايه رايك
عسال….جميله تسلم ايديكم كلكم
ايه….هصورك انت كمان بس مش هصور سلامه
عسال….بضحك احسن هو يستاهل
بص عسال لنادين وهو مبتسم لقتها محتاسه و المناديل بعيد عنها
عسال….بأبتسامه انتي عملتي ايه
نادين….بابتسامه جميله هي سايحه من الشمس و المناديل بعيد وانت بتتكلم
عسال…..مناديل ايه دي هتلزق في المناديل تعالي قربي
ابتسمت نادين وقربت منه مدت أيدها بره الشازلونج مسك كفها الاثنين بليده و بالأيدي الثانيه نصفهم بالمايه و لمح جنب شفايفها شكولاته و علي خدها
مد صباعه بتلقائيه مسح الشكولاته و من غير تفكير حط صباعه في بوئه كل الشكولاته من عليه
ابتسمت نادين بإحراج وصدمه و اتوترت
ابتسمت عسال وغمزلها و بعدين قفل المايه.
عسال…..سيبي دي بقي وخدي واحده تانيه غيرها
نادين….لا خلاص انا كلت و بعدين انت عايزها يموتوني
عسال…..هجيبلهم تاني
نادين…..كلت والله انا بس مش بحب طعم الملح بيضايقني
عسال….طيب خدي اشربي مايه
نادين…..ماشي
عسال….ارفعي الكاش علي كتفك
هزت نادين راسها ورفعته
قاموا كلهم اتصوروا مع ايه في الرمل اللي هي عملته كانت مبسوطه.
رشيد…..بقول ايه الشمس خلاص هديت نشيل الشمسيه دي
عشري…..لو مش هتضايقكم شيلوها
ليله….اه والنبي يا رشيد خنقتني انا مش بحب اقعد في مكان مقفول كده
رشيد….طيب تمام
حسان….هو سلامه اتاخر ولا انا بيتهيالي
عشري…..اه اتاخر و بتصل عليه مش برد ده انا هنفخه
ليله…..هموت واعرف راح فين
عشري….بابتسامه فضوليه انتي
ليله….اممم مش اوي بس عايزه اعرف المفجأه
عشري….هي مش مفجأه اوي يعني دي حاجه بسيطه
ليله….بردوا عايزه اعرفها ايه ده الله أخيراً
بصت لفوق لقت رشيد قفل الشمسيه ورجعها لوراء.
عشري….اه تصدق كده احسن
رجعت نعيمه قعدت جنبهم و اول ما قعدت عطست
فضل…..ادي جاااامد
عطست تاني
فضل….بضحك حلو كده جالك برد ولا ايه
نعيمه….مالك فرحان فيا كده ليه
فضل…..هو انتي علي طول ظلماني كده
نعيمه…..ما انت اللي فرحان اهو
فضل….لا يا ستي مش فرحان وبعدين انا قولتلك علي فكره يلا اطلعي و مسمعتيش الكلام كنتي بتترعشي جامد
سلمي……نوني مالك بردتي ولا ايه ؟
نعيمه…..لا لا عادي بس حاسه ان مناخيري سايبه شويه
فضل…..اه هتقرفينا بقي هات المناديل يا عم سلامه
نعيمه….بابتسامة غيظ علي فكره هزعلك
فضل…..بابتسامه لا خلاص بقولك ايه معانا علاج للبرد لما نروح هيبقي اديكي منه
نعيمه….لا شكراً خليه عشانك معانا احنا كمان
فضل….طيب انا غلطان يا ستي
ايمي…..اول ما تروحي اشربي ليمون و خدي العلاج احسن تتعبي اكتر اصلا وشك باين عليه انكم بردتي
نعيمه…..ماشي
سلمي….ما تيجي نروح انا حاسه اني جعانه
حسان……زهقتي خلاص
سلمي….لا والله الجو تحفه و البحر جميل بس جعانه اوي
عشري……هو انتوا انهارده مستعجلين علي الاكل و لا بيتهيألي
ايمي…..عشان المايه المالحه بتجوع و بعدين الموج بيهمد و عملنا هبوط
عشري….طيب يا ست ايمي الوقت ناكل و بعدين كويس انكم جعانين عشان تاكلوا كويس محدش فيكم بياكل اصلا عدل
بص عسال من بعيد لمح عربية عشري و سلامه بينزل بيها من فوق و عامل بكاوتش العربيه إعصار بالرمل كأنه في صحراء
عسال …اهو شرف اهو أخيراً
عشري……اه يا حيوان بصوا نازل ازاي و عامل ايه بالعربيه
رشيد….بضحك كويس انها مش عربيتي
فضل….بضحك ده عامل فرح كمان
قرب منهم سلامه بضحتكه الجميله و هو مشغل مهرجان شوح الكبده كلهم ضحكوا عليه حتي ايه اللي حاولت تخبي وشها منه
نزل سلامه وهو فاتح القميص كله و لابس الشورت و عضلاته باينه و شكله يجنن
فتح الباب و هو بيرقص و بيعمل الرقصه المشهوره بتاعت الاغنيه جري فضل وقف جنبه رقص معاه الاتينن منظرهم كان يجنن
رشيد….لفضل وهو بيضحك عسال عسال حافظها
جري فضل شد عسال و قفوا الثلاثه جنب بعض يرقصوا علي الاغنيه و يعملوا الحركات بتاعتها نادين وايه و نعيمه كانوا بيضحكوا ومبسوطين و عينهم هتاكلهم بجد
وباقي الشباب والبنات بيضحكوا و مبسوطين بشكلهم اللي يجنن و كأنهم فريق حافظ الاغنيه بحركاتها و كلماتها حتي رقصهم كان رقص شبابي جميل.
و مع كل كلمه في الاغنيه سلامه يشاور علي ايه و يغنيلها و هي تضحك وتخبي وشها كان بيحاول مصالحها و هي تقريباً صالحته من اول ما شافت نزلته بالعربيه من فوق و لما دخل برقصته وضحكته
اما نادين فا كانت في دنيا تانيه كل شويه تشوف جانب في عسال جديد يشدها ليه اكتر مكانش العاقل الهادي الرومانسي الحنين اللي بيحب بجد و لا اللي صوته يخطف و لا الشخص اللي بينهم بالست و يقدر يقدرها لا ده كمان الشاب الشقي و الجرئ الصايع وقت اللزوم اللي بيرقص و بيتجنن باختصار كان فيه كل الصفات اللي تشد اي بنت
حتي نعيمه اتفاجئت من فضل اللي كانت فكرته مغرور و تقيل اكتشفت فيه شخصيه جديده
فضلوا الشباب يرقصوا و عملوا جو جميل و خلصت الاغنيه
سلامه…..بطريقه مضحكه هتصالحيني ولا لا
رشيد….بضحك خلاص يا يويو عشان خاطري الراجل بذل مجهود اهو
عشري…..ولا انت اتأهرت كده ليه و بتصل بيك مش بترد
سلامه….ترد عليا الاول ايه و انا اعرفك اتأخرت ايه
ايه…..بضحكه بسيطه و هي بتبعد وشها امشي من قدامي
سلامه…..بضحك قولي انك صالحتيني
رشيد…..خلاص يا يويو انتي الكبيره
حسان….بضحك اخر مره خلاص
ايه…..بابتسامه خلاص
سلامه…..خلاص ايه صالحتيني ولا لا لو صالحتيني هفرجك جبتلك ايه عشان متزعليش
ايه….علي فكره انا مش عايزه حاجه وقولت مصلحاك خلاص
سلامه…..يعني صافيه لبن
ايه….اه خلاص رضيت عنك بس مش هحليك تتصور معاها
سلامه….لا هتصور و هتصور معاكي واحسن والله ما اديكي اللي جبته
ايه…..انت ههددني كمان فوق ما انت غلطان
عشري….يا عم خلص خلينا نشوف اللي معاك في العربيه
سلامه….بضحك علي فكره يا ليله الشحططه دي كلها عشانك اصلا
ليله….عشاني انا
سلامه…..اه عشانك امال الاكل ده كله لامي و انت كمان انت عامل عزومه ايه الاكل ده كله
عشري….بضحك الله يخربيتك بوظت كل حاجه
ليله…..بضحك اكل ايه
سلامه….ايه ده انت مقولتلهاش لسه
عشري….بضحك لا كنت مستنيك تيجي تقول منك لله اخلص يلا خلينا ناكل
ايمي…..عشان كده بقي عاملين تقعدونا و مش راضين تطلعوني اعمل اكل
عسال…..عشري متفق معايا من امبارح قبل ما ننام وخرجنا الصبح اصلا عشان يروح يوصي علي الاكل
ليله….بابتسامه جميله اكل ايه طيب
عشري…..بنظره جميله هتعرفي الوقت بس نخلص من المصيبتين دول ويديني المفتاح
سلامه….أبداً مش هفتح غير لما تصالحني
ايه….بضحك خلاص مصلحتك و روح وريني جبتلي ايه؟
سلامه….طب اقفي هنا و غمضي عينك وانتوا كلكم اقفوا هنا محدش يجي
حسان…..انا جعت و الله يا سلامه هقتلك ما تخلص
سلامه….بضحك خلاص خلاص استنوا جري بسرعه فتح العربيه من وراء و بص لايه غمضي عينك
سلمي….انا هغمضلها عينها يلا بقي اخلص عصبتني
حسان….بضحك منك لله عصبت الكل
سلامه….خلاص يلا انا جاي اهو
خرج سلامه و هو شايل بوكس صغير بتاع حيوانات كلهم ابتسموا بصدمه و سكتوا شايفين حاجه من الفتحات بتتحرك بس فكروا في الاول ميلو
سلامه….بابتسامه يلا فتحي
فتحت ايه و بصت علي البوكس و حطت أيدها علي بوئها
ايه…..ايه ده ده بوكس لميلو ؟ ايه ده انت روحت جبت ميلو من البيت
سلامه….يعني انا قولت حرام يقعد لوحده في البيت و انتي جايه بيه كده من غير بوكس ايه رأيك نطلعوا
ايه…..طلعوا يلا
مد سلامه أيده طلع كلب صغنون و شكله قمر
ليله….بضحك ده مش ميلو
ايمي…..يخربيت عقلك جيبته منين ده
ايه كانت علي صدمتها و اقفه حاطه أيدها علي بوئها و بعد كده صرخت وفضلت تتنطتت وحده منه حضنته
ايه…..انت عملت كده ازاي وجبته منين
سلامه….بابتسامه انا كنت ناوي اروح اجيبلك شوكولاته و حجات حلوه عشان انتي عبيطه و قولت اضحك عليكي واصالحك بس لمحت محل الحيوانات علي الطريق بيفتح قولت طب ادخل اجيب اي لعبه لميلو لاقيت القمر ده لوحده في القفص قولت اكيد هيفرحك اكتر
ايه……ده قمر اوي
سلامه….يعني صالحتيني
رشيد….والله لو ما صالحتك بعد المجهود ده لا انا اللي هعلقها
حسان…..اهو قلب عليكي بعد ما كان واخد صفك
ايه….بضحك لا خلاص انا اصلا صالحته من قبل ما اعرف شكراً بجد يا سلامه
سلامه…..بابتسامه جميله العفو يا ستي علي فكره ده ولد يعني هو وميلوا هياكلوا بعض
ليله….بضحك مش عارفه اقولك كلمه حلوه و لا اقولك منك لله يا سلامه علي الدوله والازعاج
سلامه….بضحك انا مالي انا جبته وخلاص اتصرفوا انتوا في الدوله بقي
عسال…..ميلو اصلا هيتخانق معاه و يعمل عليه حفله عشان جديد عليه
سلمي…..اه بس لازم نبعدهم عن بعض حرام ده صغنون اوي هيضربوا
نعيمه….ده جميل اوي قد الكف شكلوا بيبي
سلامه….مش عارف الراجل قالي شهرين بس حاسس انه أصغر
ايه….لا ممكن شهرين هو اصلا النوع ده مش بيكبر كتير
عشري……هتسميه ايه يا ايه
ايه…..بكل تلقائيه نطقت بسرعه سلامه
ضحكوا كلهم و الشباب والبنات صوتهم سمع البحر كله ضحك سلامه بصدمه و يصلها وهو بيبرق
سلامه……مسكها من رقبتها يخنقها بعد كل ده عايزه تسمي الكلب سلامه ده انتي نهارك ازرق
ايه…..بضحك لا والله مش قصدي بس يعني حسيت اني عايزه اشكرك
سلامه….تشكريني تسمي الكلب علي اسمي
ايه….بضحك والله مش مقصوده بس عشان منك يعني و بعدين انا حبيته والله و مبسوطه بيه
ايمي ….ده عشان لما تضايق منك تشتم في الكلب
سلامه….اه عارف انا الحركات دي
ايه….بضحك والله أبداً
ابتسم سلامه بحب و شدها من رقبتها قربها منه و باسها من راسها وهو بيضحك
حست ايه أن قلبها هيطلع من مكانه و كانت مبسوطه لضمته وبوسته السريعه دي
بعد عنها و راح لعشري عشان يخرجوا الاكل
عشري…..يلا ظبطوا كده بقي التربيزات و حطوا الشنط والحاجات بتاعتكم في العربيه عشان نعرف ناكل
سلمي….انا عندي فضول اعرف ايه الاكل
ايمي…..وانا كمان
ليله….وانا اكتر عشان عندي توقع كده
عشري….بابتسامه هقولكم امبارح و احنا قاعدين علي البحر قولت لليله نفسك في ايه الوقت
ابتسمت ليليه وفهمت و من غير تفكير قربت منه قدام الكل ضمته من رقبته
ابتسم عشري بحب و حط أيده علي وسطها وفضل ضاممها وهو بيقول للبنات
عشري…..اااا يعني الجو كان حلو وقاعده رومانسيه وبحر قولت هتقولي حاجه كده يعني ليله قالتلي نفسي في أكلة سمك
ضحكوا كلهم
رشيد….بضحك اه بوظت احلامك يعني
عشري….بضحك و هو باصص لليله يعني حاجه زي كده بس قولت بكره بقي بما اننا هتيجي علي البحر اروح اشوف في محلات سمك فاتحه ولا لا و جبالها احلي أكلة سمك و جمبري
حسان….بابتسامه الراجل كان عنده امل يسمع كلمه حلوه
ليله….بضحك علي فكره بقي ده مفتري عشان انا قولت كلام حلو بس لما قالي غمضي عينك وقولي حاجه نفسك فيها شميت ريحة البحر مجاش في بالي غير أكلة سمك و بعدين دي الحاجه الوحيده اللي مجبنهاش لأن كنت عامله حسابي اقول لسالم يجبلنا في يوم
عشري…..لا يا ستي انا جيبت خلاص
عسال….علي فكره فضلنا نلف لحد ما لقينا كان ناوي يقلب دهب عشانك
ليله….بأبتسامه جميله شكراً
عشري….العفو يلا تعالوا بقي نجيب الاكل
راحوا كلهم مع بعض سلامه وعشرين بقوا يطلعوا الشنط من وراء و هما يروحوا علي التربيزات لحد ما الثلاثه اتملوا علي الاخر
نعيمه…..ريحة الاكل حلوه اوي
سلمي…..اه بصراحه اوي
حسان….ايه خلاص نفتح ولا لسه
عشري….يلا خلاص افتحوا بس اقعدوا علي طول بقي عشان ميبردش و قبل النور ما يروح
الكل وقف يفتح الفويل من علي الاطباق كان جايب سمك مشوي و جمبري مشوي و مقلي و طواجن كتير و كاليماري و شوربه سي فود ورز و سمك سنجاري و كابوريا و مكرونه بالجمبري و رز بالجمبري و سلطات كانت اكله سمك كبيره بجد
ليله….بهمس و صدمه عشري ايه كل اللي انت جايبه ده
عشري…..بالف هنا يا عمري مش كنتي عايزه أكلة سمك
ليله….بس ده كتير اوي
عشري…..مفيش حاجه كتير عليكي و بعدين كان نفسي اجيبلك اكتر و كويس اني لاقيت محل فاتح اصلا
ليله….انت مجنون علي فكره
عشري…..بابتسامه حط أيده علي شعرها و بص في عينها مجنون بيكي يا ليله مش قولتلك مش عارف عملتي فيا ايه
ليله ….غمضت ومالت علي كفه اللي علي راسها و انا قولتلك شكلي حبيتك
عشري….بابتسامه طب ايه أمته بقي هتتأكدي
ليله…..بضحك امممم شكلي اتأكدت
ضحك عشري و باس راسها بحب
عشري….يلا عايزك تاكلي و متخليش حاجه للعيال دي
ليله…..هيحصل انا هموت من الجوع اصلا
قعدوا معاهم و بدأوا ياكلوا الاكل رحمته كانت جميله وشكله اجمل و كان انواع كتير
بص عسال علي نادين
عسال….ايه يا حبيبي مش بتاكلي ليه مش بتحبي السمك ؟
نادين….اااا لا بحبه اوي
عسال….بأبتسامه طب ايه مش بتعرفي تاكليه من الشوك
نادين….بابتسامه لا بعرف بس يعني انا عندي مشكله بسيطه
عسال….ايه هي
نادين…..انا مش بعرف اكل وفي اكل كتير كده خصوصا لو بحب كل الانواع اللي موجوده مش ببقي عارفه اكل ايه
عسال….بضحكه جميله يعني لو بتحبي الموجود كله المفروض تكوني مبسوطه أن الاكل علي مزاجك
نادين….اكيد بس مبعرفش اكل و ببقي محتاره و ممكن اصلا اقوم جعانه
سمعت ايمي الحوار اللي داير بينهم بصت لعسال وضحكت
ايمي……مش قصدي طبعا ارمي ودني بس نودي بجد مش بتحب الانواع اللي بتحبها كلها تبقي قدامها تلاقيها محتاره و مش عارفه تاكل وممكن متاكلس خالص
عسال…..بضحكه جميله طيب و دي نحلها ازاي عشان تاكل
ايمي…..بضحك بصت لنودي ركزي علي نوع بقي وكلي منه
نادين….بضحك ايوه هعمل كده
عسال….طيب استني انا هظبطلك الدنيا انتي قولتي بتاكلي من كل حاجه صح
نادين…..اه
قام عسال مسك الطبق حط كام معلقه رز و خد جزء صغير من السمك و حطوا قدامها
عسال…..كلي من دول الوقت يلا و خليهم
نادين….بابتسامه ماشي
مسك الجمبري و فضل يفصص فيه علي طبق نضيف و خد من طاجن الكاليماري حطه علي جنب و فضل مستني تخلص كام معلقه بعدين بصلها وشال الطبق من قدامها
عسال…..كفايه سمك وارز خدي الشوكه كده يلا كلي بقي الجمبري انا قشرته
نادين….بضحك ماشي
عسال….بضحك اعتبري نفسك مكلتيش رز وسمك
نادين…..بابتسامه حاضر
مسك الكابوريا و فضل يفصص فيها و حطها بهدوء علي الطبق
عسال….بابتسامه غمزلها و لا كأن في حاجه حصلت اعتبري الكابوريا كانت محطوطه
نادين….بضحك اعمل نفسي عبيطه يعني
عسال….بضحك اه متركزيش خديهم كده بالدور مش لازم يبقوا كلهم في نفس الطبق
بصتلوا نادين و ابتسمت و فضلت سرحانه في وشه و هو بيعمل في تظبيط الاكل ليها
مال عسال عليه و هو مش باصص لها
عسال…..كلي و متبصيش عليا
ابتسمت نادين بتوتر و بصت في الطبق بسرعه.
كام ثانيه و بصلها و رفع حاجبه
عسال…..يلا كلي الطبق بحاله
نادين…..بابتسامه باكل والله
عسال….طب يلا كلي بسرعه
نادين….حاضر
……
حسان…..بصي كلي ده الاول و هتبقي احطلك تاني بس راجعي ورايا احسن يكون في شوك
سلمي….بابتسامه لا كفايه كده وكل انت بقي
حسان….انا باكل معاكي متقلقيش
سلمي……انا بحب السمك بس بجد مش بعرف اشيل الشوك الا لو كبير و ظاهر
حسان…..ولا يهمك انا شلت كله بقولك ايه الطاجن ده تحفه بس سبايسي شويه تجربيه
سلمي….لا مش بحب اي حاجه سبايسي
حسان….طيب تعرفي تقشير الجمبري
سلمي…اااا بضحك
حسان….ايوه يبقي مش بتعرفي مطعم ايه اللي فاتحينه ده انا هفضحكم استني عليا اكل بس
سلمي….بضحك لا والله بس عشان ضوافري يعني
حسان….اااااه طيب مش تقولي قولت مش بتعرفي
سلمي….لا بعرف علي فكره و علي فكره انا شاطره في الاكل
حسان….والله المايه تكدب الغطاس الدوق واحكم
سلمي….بس كده نرجع و ادوقك
حسان….وانا لسه هساني لما نرجع بكره هدوق
سلمي…امممم ماشي اتفقنا
………
سلامه……يويو ممكن تسيبي الاستاذ سلامه و تاكلي بقي الاكل هيبرد
ايه….بضحك انت اللي قولت سلامه اهو
سلامه…..يعني انتي كنتي قولتي اسم غيره نتنيل نناديه بيه و انا قولت لا و بعدين خدي بالك لحد ما اشتريت الكلب ده كنت حاسس اني حبيته بس بسببك بقي في بينا عدوه
ايه….بضحك طب خلاص نقوله سولي ايه رايك
سلامه…..اي حاجه عشان احبه ممكن يلا بقي انا حطتلك في الطبق عايزه تاني
ايه…..لا كفايه ايه كل ده
سلامه…..طيب بقولك ايه الاستاذ اللي في ايدك ده مش هياكل
ايه……لا غلط عليه طبعا
سلامه….طيب البوكس بتاعه في شويه دراي سرقتهم من الراجل قولت يتسلي بيهم في الطريق
ايه….بضحك بجد سرقتهم
سلامه….بضحك لا بهزر والله انا لاقيت شوال كده مفتوح قولتله هحطله حبه ياكلهم قالي خد
ايه…..بأبتسامه سلامه
سلامه….نعم
ايه…..انا مبسوطه اوي
سلامه….بابتسامه بجد فرحتي بيه
ايه….اه و يعني حركه حلوه منك مع اني كنت هصالحك من غيره
سلامه…..علي فكره انا والله ما كنت اقصد ارخم عليكي و اضايقت انك عيطتي و كمان مكنتش اقصد اخوفك من البحر بس مكنتش حابب انك تقعدي لوحدك واحنا كلنا جوه مبسوطين بس اعمل ايه بقي جات كده
ايه….وانا مش زعلانه منك والله وعارفه انك مكنتش عايزني افضل لوحدي
سلامه……بابتسامه جميله طب يلا كلي
ايه….حاضر
…………………
قام عسال بسرعه من جنب نادين جري علي البحر غسل أيده و رجع تاني سحب منها الطبق
عسال….هاتي كفايه عليكي خدي يلا بتحبي شوربة السي فود
نادين….بابتسامه اه
عسال….يلا كلي من دي بقي
نادين….طيب هو انت مش ناوي تاكل عمال بتأكلني و مكلتش اي حاجه
عسال……هاكل الوقت كلي بس الاول انتي
نادين……طيب كل الوقت لو سمحت
عسال….بس كده عيوني مسك نفس الشوكه بتاعتها و كل من الجمبري والكابوريا اللي كان حاطتهم ليها
نادين….اااا لحظه دي شوكتي
عسال…..بنظره طويله اه عارف يلا كلي حط الشوكه في بوئه و بعدين قام ياخد كام شوكه من السمك السنجاري
ابتسمت نادين و كملت اكل
عسال…..مد أيده بالشوكه قدام بوئها
دوقي كده ده بسرعه حلو اوي
فتحت بوئها و خدت منه الشوكه حته الصغيره من السمك قفلت عليها شفايفها و الباقي هو مد أيده خده من علي شفايفها وكلوا
خدت نفس طويل كانت حاسه انها هتموت من اللي بيعملوا معاها اهتمامه بيها بالشكل ده مخليها مبسوطه و عاجبها بس في النفس الوقت خايفه تتعود عليه.
…………..
عشري و رشيد و فضل كانوا باصين لبعض و ميتين من الضحك
ليله…..انا نفسي اعرف بتضحكوا علي ايه ؟
نعيمه……والله ما عارفه انا بضحك علي ضحكهم
عشري….بضحك مفيش وانت كل يا سي زفت بقي
رشيد….بضحك ما انا باكل اهو انت منك لله
ايمي…..بضحك و روقان ما تلمس نفسك بقي منك ليه وتاكلوا وانتوا ساكتين
فضل…..بضحك مش عارف ليه حاسس ان ايمي دخلت معانا علي الخط
ليله….هما بيضحكوا علي ايه
ايمي…..بضحك لا مفيش بس تقريباً كده الفسفور طلع علي عقلهم
الثلاثه ضحكوا بصوت عالي
عشري…اااااايه بااااس خلاص
رشيد…بضحك دي فضيحه و المشكله انها بتلقطها وهي طايره
فضل….قولتلكم انا داخله معانا علي الخط
عشري….ياعم احنا بنضحك محدس نطق و بعدين كله منك يا واطي انت اللي فضيحه
رشيد….بضحك انا مقولتش غير منك لله يا عشري.
ابتسمت ليله و نعيمه و سكتوا و حسوا بالاحراج
ايمي….بابتسامه لليله مش كنتي اختارتي اكله تانيه
ليله…..بإحراج ضحكت هو في ايه انتي كمان
عشري….بضحك مفيش مفيش يلا كلي يا قلبي.
…………..
عسال…..كفايه بقي شوربه خدي دول انا قشرتهم
نادين….لا كفايه كده كله مش شوربه بس انا شبعت
عسال…..مفيش الكلام يلا افتحي بوئك
نادين….ميدو شبعت و الله
عسال…..بحركات جميله بعينه يلا يلا افتحي بسرعه
ابتسمت نادين و فتح بوئها
عسال…..تجربي المكرونه دي شكلها تحفه
نادين….بضحكه جميله انا شبعت ايه كل ده مش قادره
عسال….عشان خاطري يلا جربي بس
نادين….بابتسامه اخر واحده
عسال…..يلااااا كلي
نادين …..ميدو والله شبعت اوي مش هقدر
عسال….بجد شبعتي ؟
نادين…..اه والله خلاص تعبت
عسال….طيب يا عمري بالف هنا
نادين…..ممكن تاكل انت بقي
عسال……بابتسامه انا حاسس اني شبعت انا كمان
نادين….شبعت ايه انت كلت انت عمال تحطلي و تأكلني اكيد شبعت بسبب كده
عسال….انتي شبعتي دي اهم حاجه عندي
نادين…..وانت هتاكل يلا ايه رايك انا احطلك
عسال…..لا خلاص هاكل بس انتي مش هتحطي ايدك في حاجه انتي هتقعدي كده و ترتاحي بس تعالي الاول انضفلك ايدك
نادين …..لا هحطلك زي ما حطتلي
عسال……بأبتسامه و انا مش عايز اتعبك قومي يلا تعالي معايا
مسكها من أيدها وراح بيها علي البحر غسلت أيدها و رجع بيها علي الشازلونج فرجها كام منديل وايبس
عسال….يلا نصفي ايدك تاني في المناديل دي و اقعدي هنا ارتاحي اجيبلك بيبسي بقي
مسكت نادين أيده بسرعه بصلها عسال و قعد جنبها
عسال…..ايه يا عمري
نادين……ميدو ممكن كفايه!!
عسال…..بابتسامه كفايه ايه يا قلبي
نادين……ااااا يعني اقصد كفايه تهتم بيا كأني بيبي صغير
عسال….بصلها ثواني من غير ولا كلمه اااهو انتي مضايقه اني مسبتكيش تغكلي لوحدك ااا بس علي فكره انا مقصدش اني اضايقك ولا بعاملك علي انك طفله مع أن ده مش عيب اني احس انك بنتي بس كنت عايز اخليكي تشبعي و تاكلي وبس من غير ما تبذلي حتي مجهود للاكل
نادين….لا لا انت فهمتني غلط بالعكس أنا مش مضايقه و مبسوطه جداً بطريقتك معايا
عسال….امال فيكي ايه ؟
نادين……ميدو انا حابه اوي كل حاجه بتعملها معايا طريقتك كلامك اهتمامك معاملتك معايا علي اني بجد طفله تعاملني تغسلي ايدي تعملي شعري تنضفلي ايدي و رجلي من الرمل انا باختصار انهارده بالاخص عشت معاك تفاصيل اتمنيت اعيشها و انا طفله اتمنيت حد يهتم بيا بالشكل ده و احس اني مسؤوله من حد مش مسؤوله من نفسي بس انا خايفه اتعود علي كل ده خايفه بعد كده مقدرش اعمل كل ده لنفسي و ابقي عايزه حد يعمل معايا ده كله.
عسال….بابتسامه انتي عمرك ما هوعوزي حد بعملك كل ده لان انا هفضل موجود انا فاهم انتي حاسه بأيه بس كلامك محسسني انك خايفه اني مبقاش موجود و ترجعي تاني لوحدك و ده مش هيحصل انا هفضل جنبك و هفضل اعمل كل ده سواء انتي موافقه أو مش موافقه فهمتي
احساسي انك بنتي هيفضل موجود و مش هيتغير و هفضل اتعامل معاكي علي انك طفله حتي لو جبت منك عشر عيال ماشي يا تويتي
ابتسمت نادين و ضحكت
نادين….تويتي!!
عسال….بابتسامه شقيه ايه مش عارفه تويتي
نادين….تويتي ده الكتكوت صح
عسال….اه هو انتي شبه كده صغنونه و جميله و كل حاجه حلوه فيكي شبه كده
نادين…..بضحكه جميله بتحب انت تويتي
عسال…..اه بحبه و بحب صوته بس بحبك اكتر
ابتسمت نادين بإحراج و لعبت في شعرها
عسال…..يلا قوليلي تشربي بيبسي
نادين…..امممم اشرب بس تروح تاكل
عسال….هروح حالا
قام بسرعه فتح الايس بوكس خد كانز فتحه و مد أيده لنادين و بعدين راح ياكل
فضلت نادين قاعده خاصه علي ضهره و هو بياكل سندت راسها علي الشازلونج و فضلت مبتسمه وباصه عليه.
نادين….بهمس و انا بحبك اوي يا عسال اوي .
……….
حسان……أبداً بتشوفني هرجع أمته و كانت بتقولي أن هي دخلت مسابقه رسم و مبسوطه و متحمسه اوي
سلمي….تعرف اني نفسي اشوفها
حسان…..بجد
سلمي….اه والله حاسه كده انها جميله و تدخل القلب
حسان…..هتحبيها اوي و كمان هي هتحبك
سلمي…..خلاص يبقي اكيد يشوفها
حسان…..اكيد بقولك ايه عايزه ايه تاني
سلمي….لا انا شبعت خلاص
حسان….شبعتي ايه طبقك لسه بحاله
سلمي….لا والله كلت كتير اصلا
حسان….دوقي طيب بس الطاجن ده كده
سلمي….بابتسامه ماشي
عشري….بضحك الله يخربيت امك
ليله….بهمس هو ممكن تبطل قلة ادب بقي و تاكل وانت ساكت
عشري…..بضحك انا مقلتش ادبي هو اللي عيل مش سالكه و مش مبطل ضحك
ليله…..بضحك وانت الموضوع علي مزاجك علي فكره
عشري….بضحك غمزلها صراحه اه
ليله…..طب كل يا عشري و بطل سفاله
عشري…..طيب قوليلي الاكل عجبك
ليله….اوي اوي بجد تحفه حاسه اني هنام نوم بسبب الاكله دي
عشري….بضحك هي صراحه الاكله دي بتحتاج نوم بعدها
ليله…..بضحك انت عارف انت التربه معدتش قدامك
عشري….بضحك و الله انا طيب و محترم انتي اللي دماغك مش حلوه و بعدين انتي مش قولتي هتنامي بسبب الاكله جات علي كلمتي يعني
ليله…..عشان انا اقصد نوم عادي يعني
عشري….بغمزه امال انا اقصد نوم مش عادي يعني
ليله…..بضحك هقوم من جنبك
عشري…..لا خلاص بس اقولك علي حاجه اخيره
ليله….اتفضل يا استاذ عشري
عشري…انا رأيي تقفولوا عليكم الاوضه من جوه انهارده
ليله….بضحك نهاركم اسود كلكم لو قربتوا مننا
عشري…..بضحك لف أيده علي رقبتها و ضمها بحب و باس راسها
ليله….بضحك طب ايه
عشري….بضحك هو ايه اللي ايه يا مجنونه انا بهزر خايفه ولا ايه
ليله…..يعني حاسه اني خوفت منك
عشري….بنظره جميله لو خوفتي من الدنيا كلها يا ليله مينفعش تخافي مني عشان انا بحبك
ليله….بتنهيده جميله و انا كمان
عشري…..بابتسامه عارف شكلك هتبتدي تحبيني
ليله…..لا انا حبيتك يا عشري
عشري…..اووبااااااااااا أخيراً بموت فيكي و بحبك و عايز اتجوزك الوقت قبل كمان شويه
ليله…بضحك ده عشان تلحق مفعول أكلة السمك
عشري….اهووووو اهو و شوفتي بقي مين اللي دماغه شمال بس اعملي حسابك سيبك بقي من الحمام و النواشف و الكلام القديم ده يوم جوازنا هعملك اكله سمك احلي من دي مليون مره و اهو علي الاقل نعوض المفعول اللي بيروح علي الفاضي انهارده ده
ليله….بضحك موافقه يا سافل
………..
نعيمه…..علي فكره انت قليل الادب
فضل….ياستي انا مالي هو انا اللي اتكلمت و بعدين انتي مالك انا قليل الادب انا حر
نعيمه….انا مالي فعلا
فضل….بابتسامه طيب بقولك ايه
نعيمه….نعيمه افندم
فضل…..بمناسبة أكلة السمك و الفسفور العالي ده ما تيجي نفتح صفحه جديده و نرجع زي اول يوم كده كنا قاعدين حلوين بنتكلم علي السلم ونرغي تعالي نعمل مصافحه كده بمناسبه الفسفور و نفتح صفحه جديده
نعيمه….بضحك لا يا شيخ وانا يوم ما هعمل معاك مصافحه و افتح صفحه جديده هختار يوم الفسفور العالي ده نفتحها بكره يا ظريف علي الاقل يكون مفعول الفسفور راح
فضل….بضحكه عاليه قرب منها وهمسلها ايه خايفه مني ولا ايه لا خدي بالك لا الفسفور و لا غيره يأثر فيا
نعيمه…..كمان بتعترف ده انت كده محتاج استشاره طبيه
فضل….بضحك الله يخربيتك و طي صوتك لا بقولك ايه انا جامد اوي و مقصدش كده
نعيمه….بضحك انت اللي قولت انا مالي
فضل…..اقصد يعني متخافيش مني
نعيمه….مش بخاف من حد و قولي عايز ايه يا فضل
فضل….يعني عايز نفتح صفحه جديده و نبطل نناقر في بعض و عايز اعرفك اني مش مغرور زي ما قولتي
نعيمه…..ماشي هشوف
فضل….لا بقولك ايه براحه علي الارض و متعشيش الدو عليا وبلاش الغرور يمسكك انتي مفيش هشوف في حاضر
نعيمه….انا براحتي اعمل اللي عايزاه و مفيش حاضر
فضل….لا في حاضر و زي ما خليتك تغيري المايوه هتعملي اللي هقولك عليه
نعيمه….انا غيرت عشان لو كنت قلبت عليك كنت هعمل مشكله و الكل هيظعل من بعضه و كل واحد فينا صحابه هياخده صفه و انا محبتش اخلطيهم يتقلبوا علي الشباب بسببي
فضل……بابتسامه بصلها في عينها لا انتي قولتي حاضر عشان كنتي عارفه اني مش هخليكي تخرجي كده قولتي حاضر عشان كان معايا حق
نعيمه…..بتوتر ابتسمت انت عايز ايه الوقت
فضل…..بابتسامه جميله كل خير يا احلي نوني
ابتسمت نعيمه و بعدت عينها عنه.
فضل….بهمس بس كان حلو المايوه علي فكره
نعيمه….اتلم
فضل….اتلمينا
…………..
خلصوا كل كلهم و طبعاً فاض اكل كتير جداً قاموا مع بعض كلهم يسلموا كل بواقي الاكل و الاطباق و رموها في شنطه بلاستيك كبيره.
و ايمي و سلمي خدوا كل الاكل النضيف و غطوا بالفويل و حطوا علي جنب نضفوا مكانهم و رجعوا الدنيا زي ما كانت و غسلوا ايدهم .
وقفت نعيمه علي جنب متنحه كده
سلامه….بضحك في ايه يا نوني مالك عامله كده ليه انتي اتحنطتي وانتي واقفه
نعيمه…..بغضب انت رخم ليه يا سلامه كنت هعطس
سلامه….بضحك اااااااه انتي واخده وضع التمثال ده عشان تعطسي
نعيمه…..أمشي من قدامي راحت خلاص يا رخم
حسان….بضحك مش هتبطل رخامه علي خلق والله بقي
عسال…..ازاي سلامه لو ملقاش حد يرخم عليه بيرخم علي نفسه
سلامه …..طب مالك ومالي الوقت انا برخم علي نوني لما ابقي ارخم علي نادين ابقي اتكلم
عسال…..طب جرب كده
سلامه….بضحك ما بلاش و بعدين بتصعب عليا مش هتتحمل رخامتي دي كيوت
نادين…..بابتسامه لا انا مش كيوت و هرخم عليك لو رخم عليا
