لقاء كـ،ـ،ـارثي
محبتش تصحي اي حد عشان محدش يقلق راحت بهدوء علي المطبخ تحاول تعمل اي حاجه دافيه لمحت النعناع حطت مايه تغليها و راحت قعدت علي كرسي البار مكانتش قادره تقف فات اكتر من نص ساعه و هي متبهدله.
صوت الكلاب قلق عسال قام بهدوء فتح الباب و نزل عشان يشوفهم و حس أنه سامع صوت حد بيتألم
نزل بسرعه علي تحت لمح نعيمه نايمه علي البار جري عليها
عسال…..نوني ده صوتك انتي ؟ انتي تعبانه
رفعت وشها بهدوء
نعيمه……اااااا شويه
عسال…..ايه ده ايه العرق انتي مالك فيكي
نعيمه…..معرفش انا معدتي تعبانه اوي ووو رجعت كتير اوي
عسال….طب فين البنات ؟ ليه مصحتيش اي حد
نعيمه…..انا نزلت هنا عشان محدش يصحي و يقلق
عسال…..طب قومي معايا تعالي علي الكنبه
نعيمه…..انا بس حاطه مايه علي النار بعمل نعناع
عسال….قومي قومي انا هعملك تعالي بس معايا
قامت معاه مسكت في أيده سندها لحد الكنبه
عسال…..انتي ايدك متلجه يا نوني ايه اللي جرالك
نعيمه…..مش عارفه بس خدت برد و كمان تقريبا الاكل تعبني اكتر
عسال….انتي صاحيه بقالك كتير
نعيمه……بتعب واضح اكتر من ساعه مش عارفه اوقف ترجيع خالص
عسال……بس انتي كده مش عايزه نعناع
انتي عايزه سيڤن و عايزه علاج
حطت نعيمه أيدها علي بوئها وقامت بسرعه تجري علي الحمام
عسال…..طب براحه براحه
راح وقفلها علي باب الحمام ومحبش يدخل عشان ميحرجهاش و يسيبها براحتها وحس أنه مش عارف يتصرف لازم حد يعرف
نعيمه…..اااااه اااااه
عسال…..نوني لازم حد من البنات يصحي يقعد معاكي
نعيمه….لا لا بيعملوا ايه يعني سيبهم حرام
عسال…طيب تعالي اقعدي هنا استني راجعلك
نعيمه…..متصحيش حد انا هبقي كويسه
عسال….طيب طيب انا هشوفك حاجه الترجيع فوق
سابها عسال وطلع بسرعه علي الموضه و راح قرب من فضل
عسال…..فضل فضل
فتح عشري عينه و قام بص
فضل……ايه يا عسال
عسال….بقولك ايه نعيمه تعبانه اوي
فضل…..ايه تعبانه ازاي
عسال….سمعت صوت الكلاب تحت عالي نزلت اشوف لاقيتها تحت بترجع و باين عليها التعب و مفيش حد معاها مش راضيه تصحي حد تعالي شوفها كده
قام بسرعه و قام عشري كمان نزل فضل من غير تيشرت و خد عشري التيشرت بتاعه لبسه وهو نازل وراهم
عشري…..هي كان باين عليها التعب
فضل….طيب بترجع ليه بس
نزل علي تحت وقرب منها كانت سانده بتعب علي الكنبه
فضل…..ايه يا نوني مالك يا بابا في ايه
عشري…..ايه ده مالك وشك
نعيمه….ااااا انا رجعت كتير و لما برجع بيبقي في نقط دم كده في وشي
عشري…..طيب ليه مصحتيش البنات فين ليله و نادين
نعيمه…..محسوش بيا انا نزلت هنا عشان متقلقش حد
فضل…..هي لازم تاخد حاجه الترجيع
عشري……معناه احنا اي حاجه مفيش معاكم فوق يا نوني
نعيمه…..ااااااه لا لا مش معانا انا بعمل نعناع جوه
فضل…..لا نعناع مينفعش
عشري…..لا حلو هيريح معدتها شويه
عسال…..بيتهيألي وهي معدتها قرفانه كده مش هتتحمله
نعيمه…..متقلقوش انا هبقي كويسه اصلا ارتاحت شويه لما رجعت
حط فضل أيده علي رأسها
عشري…..سخنه ؟
فضل….لا دي متلجه مع انها عرقانه
عشري…..طيب افتح الستاير دي عسال و انا هجيبلها سڤن
عسال…..تمام
فضل……ايه يا مالك كده تعبتي ليه بالشكل ده
نعيمه…..ااااه مش عارفه
مسك منديل مسح وشها
عشري….خدي يلا اشربي كده السڤن ده هتبقي احسن
فضل….خدوا من أيده و قربه منها
مسكته نعيمه و شربت حبه صغيره
عسال و عشري فضلوا واقفين قدامهم
نعيمه…..ملامحها كانت قرفانه اوي ااااه وسع يا فضل
جريت بسرعه علي جوه تاني ترجع دخل وراها فضل
عسال….فضل فضل كمل بهمس تعالي خليها براحتها
فضل…..براحتها ايه جسمها كله بيترعش و مش قادره تقف
عشري…..لازم دكتور او مستشفي
عسال…..قصدك تسمم
عشري….لا ما كلنا كويسين هي كانت تعبت و الاكله تقيله و السمك بيظهر البرد معدتها متحملتش و بعدين بيتهيألي مش هينفع معاها حاجه توقف الترجيع غير الحقن
عسال….طيب هتلاقي هنا
عشري…..اه اكيد
فضل…..طب يلا انا هوديها
خرجت نعيمه و هي بتنشف وشها بالفوطه
عشري…..نوني لازم نروح المستشفي
نعيمه…لا لا انا كويسه خلاص
فضل….كويسه ايه عشري صحي ليله تيجي معايا
نعيمه….لا لا محدش يصحي حد
عشري…..خلاص سيبهم نايمين يا فضل هنروح احنا
نعيمه….انا كويسه والله
فضل…..لا مش كويسه وهنروح انا هيطلع البس تيشرت بسرعه
عشري…..هات المحفظه بتاعتي و انت جاي علي ما اخرج العربيه
عسال….خليك انت طيب وانا اروح معاهم
عشري….لا لا خليك انت هنا عشان لو حد صحي و بعدين انا عارف الدنيا هنا اكتر
عسال….طب اجي معاكم
عشري….هتيجي تعمل ايه خليك انت
نعيمه…..والنبي ريحوني انا كويسه
عشري…..لا مش كويسه خلينا نطمن عليكي و بعدين اعتبري نفسك خارجه تمشي هواء عشان تفوقي شويه
عسال….روحي احسن يا نوني هما هناك هيقدروا يوقفوا الترجيع ده
نزل فضل جري و هو لابس التيشرت و شبشب في رجله و معاه تيشرت تاني
قرب فضل منها
فضل….تعالي البسي ده مش هينفع تخرجي كده
لبسها التيشرت بتاعه فوق لبسها
عسال….بقولك ايه خد الدفايه دي كمان حطها عليها
فضل……تمام
عسال…..معاك الموبايل عشان اطمن عليكم
فضل….اه معايا يلا يا نوني تعالي
خرجها فضل و ركبها وراء و ركب هو جنب عشري قدام
عشري…..فين المحفظه
فضل….مش لاقيها معايا محفظتي خلاص
عشري….يا ابني كانت علي الكومدينو
فضل….يا عم أطلع بقي انا معايا
طلع عشري بالعربيه و قفل وراهم عسال الباب و دخل
فضل…..وين بنروح ؟
عشري….عمسبط اكيد
فضل…..طيب
بصلها فضل كانت سانده راسها ومغمضه عينها
فضل…..نوني ارفعي راسك و متغمضيش عينك
هزت نعيمه راسها و كانت حاسه بضيقه فظيعه حركه العربيه و ريحة البنزين اول ما دارت قرفوا معدتها اكتر لكن فضلت ماسكه نفسها.
خرجوا من المكان و مشيوا علي الطريق مكان المستشفي مكانش بعيد اوي عن الڤيلا
بعد حوالي عشرين دقيقه كانوا في المستشفي دخلها فضل و عشري و قابلتهم دكتور قاله فضل عن حالتها و سأل الدكتور نعيمه كامل سؤال و بعدين كشف عليها
وطلب من الممرضه تديها حقنه عشان توقف الترجيع ده
راحت نعيمه مع الممرضه في اوضه تانيه تاخد الحقنه.
فضل….غير يا دكتور
الدكتور…..برد جامد و الاكله كانت تقيله مع الهواء فا معدتها مقدرتش تتحمل بسيطه يعني متقلقوش هنجيب بس العلاج ده و تاكل حجات خفيفه لأن معدتها مش متحمله
عشري….طيب وشها حصل فيه ايه
الدكتور….ده من الترجيع عادي اوقات لما اي حد بيرجع جامد الشعيرات الدمويه في الوش بتنفجر لأنها ضعيفه و دي طبيعتها
عشري….يعني دي حاجه عاديه ؟
الدكتور….اه اه مفيش مشكله بكره بالكتير و شها هيروق معدتها هتفضل تعبانه شويه زي ما قولت بلاش اكل تقيل خالص و تشرب حجات دافيه بس بكره مش انهارده انهارده تشرب سيڤن و مايه كتير عشان ميحصلش جفاف
فضل…..طيب المايه كتير مش هتخليها ترجع
الدكتور….هي ممكن ترجع تاني علي فكره بس مرتين تلاته لحد ما الحقنه تعمل مفعول
فضل….هي رجعت اصلا كتير مفيش حاجه في معدتها
الدكتور…..بس كده افضل هترتاح المايه اللي بتخرج من معدتها دي عصاره المعده و ده معناه أن معدتها ملتهبه جداً
عشري…..تمام يادكتور
الدكتور…..علي فكره ممكن تسخن تدفي شويه انا كاتب دواء يخفض الحراره لو محصلش مفيش داعي تاخده
فضل….بص لقاها جايه طيب تمام يا دكتور الحقنه اللي خدتها دي هتاخدها تاني
الدكتور……لا لا دي هتوقف معاها أن شاء الله الف سلامه عليكي
نعيمه…..بهدوء الله يسلمك يا دكتور
عشري……سلام عليكم
فضل….ايه حاسه بأيه الوقت
نعيمه….تمام بخير
عشري…..بابتسامه ايه يا نوني خوفتينا عليكي
نعيمه….بابتسامه انا كويسه الحمد لله
خرجوا بره و راح ركبها و طلع جنب عشري
فضل…..خلينا نروح علي اي صيدليه بقي و كمان عايزين نجيب سڤن تاني
عشري…..عسال جايب حجات كتير
فضل…..بس السڤن قليل
عشري….طيب تمام رد عليه بيتصل اهو
فضل….ايوه يا عسال
عسال….ايه الاخبار
فضل……احسن الحمد لله روحنا وخدت حقنه توقف الترجيع و عندها التهاب جامد في معدتها وبرد هنجيب العلاج ونيجي
عسال…طيب تمام
فضل…..في حد صاحي عندك ؟
عسال….لا لا كله نايم
فضل….طب نام انت كمان يا اخوي
عسال….لا انا مستنينكم
فضل…..ماشي يا صاحبي يلا سلام
عسال…مع السلامه
عشري…..ايه حد صحي
فضل…..لا كله نايم
بص فضل عليها لقتها سانده و مغمضه عينها
عشري…..اهي في صيدليه
فضل….اركن بقي قدامها
ركن عشري و نزل بسرعه فضل جاب العلاج و بعدين لمح محل صغير دخل جاب منه سڤن و طلع تاني و مشيوا في وسط الطريق مقدرتش نعيمه تمسك نفسها اكتر من كده..
نعيمه….فضل فضل وقف
فضل….هترجعي وقف يا عشري وقف
قربت نعيمه شويه من الشباك بس مقدرتش تتحمل و ملحقتش نفسها و رجعت في العربيه شويه و اضايقت جداً و حست بالاحراج
نزل فضل بسرعه فتح الباب عليها
نعيمه……انا اسفه والله انا قولتلكم بلاش اخرج ااااااه
عشري…..عادي عادي ولا يهمك رجعي
نعيمه…..اسفه والله
عشري….فداكي العربية و صاحب العربيه
فضل….مجراش حاجه بتعيطي ليه
عشري……نوني نوني اهدي كله تمام
نعيمه….بإحراج و دموع اسفه والله
عشري….يا بنتي في ايه
نعيمه……العربيه اتبهدلت
فضل…..يا قلبي خلاص هرجعها زي ما كانت تعالي انزل هنا في الهواء شويه
نزلها فضل و راح بسرعه جاب چركن مائه في العربيه من وراء
نزل عشري كمان
عشري…..هات هات انا هنضف اغسلها وشها و نصف لبسها
فضل….لا لا انا هنضف
عشري….وسع بس
نعيمه….بدموع طيب ممكن تبعدوا انتوا انا هنضف
عشري….بابتسامه ايه فكرانا بنقرف و لا ايه و سعي يلا
طلع عشري جوه العربيه فضل ينزل المايه من الچركن و جاب مساحه صغيره بتاعه الزجاج سحب بيها المايه كلها و بقي ينصف الكرسي بأيده و ينشفه
فضل غسل و شها و نصف التيشرت و نصف أيدها و بعدين نشفلها وشها بالمناديل
نعيمه…..التيشرت باظ
فضل….بابتسامه فداكي مليون تيشرت اقفي هنا لحظه قرب من عشري و خد المايه دلق علي الباب من بره و نضف الدنيا
عشري…..يلا يا ستي رجعتلك المكان احلي من الاول عشان تعرفي تقعدي و متبقيش قرفانه
نعيمه….بابتسامه تعب انت خايف أن انا اللي اقرف امال اقولكم انا ايه بجد انا اسفه والله
عشري…..اسفه علي ايه بتحصل عادي و كلنا بنرجع يعني عادي و خدي بالك احنا مش بنقرف
نعيمه…..بابتسامه بجد شكراً يا عشري ليك انت وفضل
فضل…..شكراً علي ايه يا عبيطه
عشري…..متزعلنيش منك يلا اركبي
ولا حابه تقفي شويه في الهواء
نعيمه….لا لا خلاص انا احسن
عشري…..لو حسيتي انك عايزه ترجعي متمسكين نفسك
فضل….خدي الدافيه دي كده علي كتفك عشان متبرديش يلا تعالي
ركبوا تاني و مشي عشري بالعربيه و شويه و وصلوا البيت فتحلهم عسال
عسال……حمد الله علي السلامه
نعيمه…..الله يسلمك معلش يا عسال سهرتك
عسال….بابتسامه مفيش حاجه يا نوني يلا ادخلوا
عشري…..ايه الكل نايم نومة أهل الكهف
عسال…..كله مرهق و انا معملتش اي صوت عشان محدش يقلق
فضل…..معلش يا عسال هات كوبايه نضيفه عشان احطلها سڤن
نعيمه…..بقول ايه انا احسن الوقت والله ممكن بقي تطلعوا تناموا
فضل…..انا قاعد معاكي عشري وعيال اطلعوا انتوا ناموا
نعيمه….اطلع انت كمان انا كويسه والله هقعد هنا شويه و بعدين هبقي اطلع
فضل….لما تحبي تطلعي هطلع معاكي بس استني اجيبلك تيشرت بدل ده عشان عليه مايه
قرب عسال حطلها السڤن و راح فضل جاب تيشرت تاني بسرعه و نزل
عشري…..طيب انا فوق لو في اي حاجه صحيني
فضل….ماشي يا اخوي طلع يلا
عسال….طيب وانا كمان هطلع مع عشري و انت عارف نومي خفيف
فضل….ماشي يا عسال
طلعوا الاتينن و قرب فضل منها
فضل…..ارفعي ايدك اغيرلك التيشرت ده
رفعت نعيمه أيدها تقلع التيشرت ساعدها فضل و لبسها التاني
فضل….اشربي شويه و حاولي تريحي
نعيمه….بلاش عشان مرجعش تاني انا كده احسن
فضل…..حبه بس و خلاص
نعيمه….ماشي شرب شويه و بعدين خد منها الكوبايه حطلها مخده و نامت عليها و فرد عليها الغطاء
نامت نعيمه بعد وقت بسيط و خلاص فضل سيجارته و راح علي الكنبه اللي جنبها نام .
و في صباح يوم جديد صحي الكل و نزل علي تحت و عرفوا اللي حصل .
وللحديث بقيه….
