لقاء كـ،ـ،ـارثي
عسال…..بضحك قابل بقي
سلامه…الله الله الله خير خدتي علي الجو أخيراً
ليله…..بضحك اه نادين اتعودت خلاص و احنا قربنا نرجع
سلامه….طب بقولك ايه يا نودي بلاش انا
عسال….بضحك ولاااا انت بتتكلم معاها كده
سلامه…..بضحك قرب منه عيب احنا اخوات هتقلب عليا ولا ايه
عسال…..بضحك اه هقلب عليك
سلامه….بقولك عيب انا اللي هرجع معاك
عسال……بضحك ايه يعني مش فاهم هخاف انام لوحدي في الاوضه
سلامه…..بتهزر وكده صح
عسال……بضحك لا خلاص
سلامه…..بضحك حبيبه انا ميقدرش يزعلني حضنوا سلامه و ضحكوا كلهم عليه
ايمي…..بقولك ايه تعالي هنا ياللي عامل مشاكل مع خلق الله
سلامه….بضحك ايوه ايمي
ايمي…..بابتسامه خد الشنط دي فيها اكل حطها في العربيه
سلامه……اي أوامر تاني يا هانم
ايمي…..بضحك لا شكراً دماغنا بس شويه
رشيد…..هتقلب عليك خد بالك
سلامه…..لا متقدرش ايمي بتحبني
رشيد….ايه بتحبك دي ياض
ايمي…..بضحك صراحه بحبه
سلامه….بضحك اطلع منها بقي عشان شكلك بقي وحش اوي
رشيد…..بضحك عجبك كده
ايمي….خليها عليك بقي و سيبه خليه يسكت شويه عنده فرط حركه والله
حسان…..مين عايز شاي و مين عايز قهوه عربي
كل واحد فيهم قال عايز ايه
فضل….الايس بوكس في عصائر و بيبسي اللي عايز بردوا
قعدت ايمي علي الشازلونج وولعت سيجاره و الشباب ولعوا كمان
قعدت ايمي جنب عشري و هي هتموت علي سيجاره قربت منه حط أيده علي رقبتها وكان باصص علي الشباب و بيسمعهم و هما بيتكلموا
ليله…..بهمس عشري
عشري….هاااا
ليله…..عشري
عشري……نعم
ليله…..بدلع عشررررري
عشري…..من غير ما يبصلها ايوه يا حبيبي
بصتلوا بغيظ عشان قاعد مركز معاهم و مش بيبصلهم قربت أيدها بهدوء علي صدره كان فاتح القميص شدت من صدره شعرايه
عشري…ااااااه يا مؤذيه
ابتسمت ليله و بعد عينه تاني و دخل في حوارهم.
حسان…..انا فاهم يا رشيد انا اقصد بتبقي حظ و قرعه ولا الحوار في وسايط
عشري…..لا عادي دي بتبقي قرعه يا حسان زي الحج كده
ايمي…..علي فكره مش شرط
بصت ليله بغيظ عليه و رجعت تاني شدت شعرايه
عشري….ااااه يابت في ايه
ليله…..بزعل بنادي عليك
عشري…..سامعك يا حبيبي و عمال اقول نعم و ايوه و انتي مش بتتكلمي
ليله…..عشان مش مركز معايا انت مركز معاهم
عشري…..لا خلاص مركز معاك يا قلبي في ايه
ليله…..مفيش خلاص
عشري…..خلاص بقي عيب قولي يلا.
ليله…..مش قايله حاجه
رشيد…..يا ابني لا سيبك من عشري موضوع الشقق و الكلام ده مختلف هي بتبقي قرعه بس ملهاش علاقه بالحج وفيها وسايط
عشري…..علي فكره انا مقولتش أن مفيهاش وسايط أنه بقول انها زي الحج قرعه و دور و الجو ده و انا قولت لحسان اكتر من مره لو ناوي يسيبه من جو الدور و القرعه و انا هحيبها عادي
سلمي….هو انت هنسيب شقتك يعني
حسان…..لا مش هسيبها بس من بدري عايز اعمل حوار العقارات ده تقريبا كده كان عندنا نفس الأفكار زيكم و اهي فلوس متشاله و في نفس الوقت مش بتخسر
عشري…..طيب انت مدوخ نفسك ليه مالك انت ومال القرعه و الجو ده ما في شقق كتير في كل مكان
سلمي…..كنت هقوله كده اشمعني دي
حسان…..عشان فيها كل حاجه يعني الخدمات جوه فظيعه
نادين…..احمممم ااا طيب حسان علي فكره مش زي ما انت متخيل دي بروباجاندا مش اكتر علي المكان في أماكن احسن كتير و فيها خدمات احلي و اجمد و فيها مصداقيه حلوه بجد
حسان…..لا مظنش يا نادين ده معمول ضجه كبيره علي المشروع
ايمي….طيب اسمع بقي من نادين عشان هي اكتر واحده دايسه في المشروع ده
نادين ….انا عارفه المكان و عارفه صحاب المكان و لو حابب واسطه اقدر اعملك ده بس صدقني مش واو زي ما انت فاكر اسمه كلامي و بعدين النظام مش هيعجبك في ناس خدت هناك و بيتطلب منهم يدفعوا حق خدمات زياده عن المبلغ اللي اتدفع و اصلا المشروع مخلصش بالكامل و في ناس شققهم لسه مطلعتش والأراضي لسه مرفعتش حتي أساس و في ناس ناس خلاص كلها سنتين ثلاثه و يخلصوا الأقساط و اصلا الشقق متبنتش مع العلم في العقد مكتوب أن التسليم بعد نص المده
حسان….بتتكلمي جد
نادين….والله العظيم انت لو بجد عايز تدخل في الموضوع جد و مش انت بس اي حد فيكم اقدر ارشحلكم اماكن و التسويق للشقق ده سهل سيبوا عليا
بصلها عسال بابتسامه جميله و هو شايف نادين تانيه عمليه و بتتكلم في الشغل و مش متوتره و قويه و فاهمه
حست نادين أنه باصص عليها بصت بهدوء لاقته مبتسم ابتسمت و لعبت في شعرها بتوتر .
حسان….ماشي فاهم يا رشيد طيب قوليلي يا نادين ترشحي فين بالظبط
نادين…..لا كتير في أماكن تحفه و تجنن و طبعاً مقدرش ارشح تاخد فين غير لما اعرف اخرك كام .
عشري…..علي فكره بعيداً عن مشروع فضل اللي هيموت يعمله انا كنت بفكر في الحوار ده انا كمان
فضل…..لا بقولك ايه ركز معايا انا
نادين…..طيب نتكلم جد يا فضل
فضل…..نتكلم
نادين…..ومن غير زعل
فضل….ايه اوعي تكوني بتقولي حاجه في المشروع ده دول ما هيصدقوا
نادين…..بابتسامه لا مش كده طبعاً انتوا احرار و اكيد ده حلمك بس اوقات احلامنا بتكون اكبر شويه من الإمكانيات اللي حوالينا يعني انت عندك مشروع يجنن و تحفه و مربح جداً بس مش هنا للاسف
فضل…..يعني ايه؟
نادين….يعني مشروعك حلو وناجح وانت عشان بتحبه هقدر تنفذه بس خلينا نتكلم بعقل شويه الوقت انت عايز تخرج من تحت ايدك عربيات بمواصفات خياليه و التجميع ده مش سهل المشروع مكلف جداً بس مش مهم الفلوس خصوصا لو هي متوفره بس تفتكر بقي لو خرج من تحت ايدك عربيه تجميع قويه و تجنن هتبيعها بكام
فضل…..اكيد مش بسعر بسيط لأن انا ناوي كل قطع الغيار اللي هتركب في الجسم الخارجي تكون جايه من عربيات شديده
نادين….حلو يبقي انت كده مركز علي فئه معينه لأن اللي انت بتقولوا لا يمشي علي طبقه عاديه و لا طبقه متوسطه
فضل……بس لو من فئه متوسطه و ركيب هتعجبه
نادين…..ماهي هتعجبه مختلفناش بس مش هيقدر علي تمنها فا انت كده خرجت من في فئتين فقيره و متوسطه و اتجاهك بقي واضح و لو هنتكلم بالعقل مفيش شاب معاه فلوس هيروح يشتري عربيه تجميع حتي لو كانت عجباه
حسان….صح براڤو عليكي انا مع نادين ايه اللي يخليني اسيب احدث العربيات و اشتري تجميع
فضل….ما انا قولت دي للركيبه و مجانين العربيات
نادين……اهو الركيبه و مجانين العربيات هتلاقيهم في الفئه المتوسطه اكتر و للاسف انت هتبقي غالي عليهم وفي نفس الوقت لو انت مفكر هتلاقي في الطبقه العاليه دي حد بيحب يشتري عربيه زي دي فا انت كده هتبيع كل فتره عربيه و ده هيبقي خساره عليك كبيره صدقني انا مش بحبطك بس لو هتنفذ المشروع ده يبقي تعمل ده في عربيات بسيطه أو تفكر في المشروع ده بره او تعمل حاجه تانيه ورشه صغيره متبقاش هي الأساس في شغلك تكون مجرد فور فن مش اكتر تعمل حاجه ليك لصحابك تسوقلها بهدوء جايز بعدين تضرب معاك منها تبقي بتعمل الحاجه اللي بتحبها و منها متبقاش خسرت و ضخيت كل فلوسك علي مشروع كبير و تقعد سنه او اكتر عشان تبيع عربيه
رشيد…..صح فكر يا فضل
ايمي…..ممكن تعمل فعلا ورشه صغيره و جرب
نادين…..لو انت مش مقتنع حقك بس عشان ينجح متعملش ده الوقت لأن انت الوقت متحمس جداً و مش ديماً الحماس بيوصلنا للنجاح أحياناً بيكون طريق للفشل و الخساره حابب الموضوع يبقي تدرس السوق كويس تعرف دماغ الشاب اكتر تحاول تلاقي الفئه المهتمه بجد بالمشروع ده و مستعدين يدفعوا فيها
عشري…..انا بس نفسي اعرف انتي ساكته ليه من وقت ما جيتي يا شيخه الله ينور
ضحكوا كلهم و ضحكت نادين
سلامه…..ايه مقتنع ولا ايه
فضل…..بص هي كلامها مقنع و حقيقي انا متحمس بس مش عارف بصي انا لو اقدر اعمل مشروع زي ده لوحدي هجازف بس مش هقدر اجازف لو معايا شركاء
نادين…..لا متفكرش بس بالطريقه دي حتي لو انت بس اللي هتمول المشروع لوحدك لازم تدرس الموضوع لان انت واحد بيدور علي النجاح فا مينفعش تبدأ و انت حاسس ولو واحد في الميه انك تخسر اللي عايز ينجح بجد يا فضل مينفعش يفكر في الخساره
فضل….بس التجاره عموما مكسب وخساره
نادين….طبعاً لأن ده العادي لكن المشاريع اللي زي كده واللي مش متعارف عليها اوي في البلد لازم تكون متأكد من نجاحها ومدارسها كويس اوعي تقول أنا هيبقي من ضمن اتنين تلاته عشره حتي في البلد اللي بيعمل كده و اكيد هنجح لأن ده مش مشروع متعارف عليه مش كل حاجه جديده علينا يا فضل بتنجح
حسان…..براڤو عليكي يا نادين لا ده بجد طلعت دماغها عمليه جداً
سلمي…..عشان كده احنا مسلمينها كل حاجه في أيدها
ايمي…..لا نادين شاطره بجد و فكر والله يا فضل
فضل….هفكر والله هي كلامها مقنع
عشري…..حبيبي
ليله……نعم
عشري……ايه ده مالك
ليله….لا مفيش
عشري……بجد مالك
ليله….مفيش مستنياك تخلص كلام
عشري…..انا سألتك في ايه اكتر من مره مردتيش
ليله…..و مش هرد
عشري…..بابتسامه هنعمل زي الاطفال بقي و نتقمص
ليله…..علي فكره انا زعلت بجد
عشري….ليه بس يا حبيبي طيب قولي كنتي عايزه ايه انا اسف والله
ليله……اممم هقولك و متتعصبش
عشري….لا مش هتعصب يا قلبي
ليله….هموت علي سيجاره
رفع عشري حاجبه ركز في عينها شويه و بعدين بص علي الشباب
ليله….بدلع عشررررري
عشري…..بتنهيده نعم
ليله….وحياتي
عشري….لا
ليله…..عشان خاطري
عشري….قولت لا
ليله….هخاصمكم
عشري…..طيب جربي كده
ليله…..هخاصمكم عادي ولا بيهمني
عشري…..طيب وانا مستني
سحب نفس طويل و نفخه
ليله….طيب نفس واحد
عشري…..هتفضل نزن كده كتير
ليله…..نفس واحد بس
عشري…..بعدين لما نبقي لوحدنا
ليله….محدش واخد باله كلهم بيرغوا ده هو نفس واحد
عشري…..قووولت لا خد نفس طويل و نفخه في وشها
فتحت ليله شفايفها و سحبت الدخان و خرجته
عشري…..ابتسم بصدمه انتي بتعملي ايه؟
ليله….بضحك بتصرف
عشري….بضحك بتتصرفي لا انتي تيجي معايا كده قومي
ليله….بضحك هنروح فين
عشري….تعالي بس
قام عشري مسك كفها و راحوا بعيد عنهم بتمشوا بعيد علي البحر
عشري….تعالي بقي هنا افهم كده بتعملي ايه
ليله….بضحك قولتلك بتصرف انت مش راضي تديني نفس خدت اللي انت طلعته
عشري…..عارفه يا ليله لو عملتي الحركه دي تاني قدام حد هقتلك
ليله…..ليه يعني
عشري…..هو كده و اسمعي الكلام
ليله…..بدلع محدش خد باله اصلا
عشري…..بابتسامه عض علي شفايفه عايزه مني ايه يا ليله
ليله….انااااا مش عايزه حاجه انا عايزه سيجاره بس
عشري…..هديكي و ارحميني شويه هااا
ليله….بضحكة دلع انا عملت ايه بس ؟
عشري….بضحك كل خير
طلع العلبه و حطلها سيجاره في بوئها و ولعها
عشري….خدي بالك الحركه دي لو اتكررت تاني حتي لو انا وانتي بس متلومنيش علي رد فعلي
ليله….بضحك هتعمل ايه يعني
عشري……هديكي النفس بس مش هنفخه في الهواء
ليله….بضحك امال هتنفخه فين
عشري….ابتسم ورفع حاجبه يا لييييييله
ليله….بضحك لا خلاص هسكت
عشري….احسن بردوا لديهم ضهرك و بصي هنا
ليله…..احنا بعيد عنهم محدش شايفنا أصلاً
وقفت ليله وشها للبحر و وقف هو وراها حضنها من وسطها و باس راسها بحب
…………
فضل…..نوني نوني
نعيمه….فتحت عينها بهدوء
فضل……انتي نمتي و لا مغمضه عينك
نعيمه…..اااا لا نمت من غير ما أحس بس حسيت اني بردانه اوي
فضل….طيب يلا تعالي نقوم نروح
نعيمه…..لا هما شكلهم مبسوطين سيبهم
فضل….طب قومي انا هروحك و خليهم هما
نعيمه…..لا طبعاً مش هروح معاك لوحدنا
فضل….بضحكه جميله ايه خايفه من الفسفور
ابتسمت نعيمه بهدوء
نعيمه….لا بس يعني مش حلوه قدام الكل نروح لوحدنا
فضل…..نوني انتي تعبانه
نعيمه…..ااا لا بردانه شويه و حاسه اني رشحت
فضل……شكلك هتتعبي علي فكره
نعيمه….لا لا انا لو نمت شويه هبقي كويسه
سحب الفوطه من ضهر الكرسي و حطها عليها
فضل…..طيب اتغطي الوقت لحد ما نعلم الحاجه دي و اقولهم نمشي مش هينفع تقعدي وانتي بردانه كده هتتعبي
نعيمه….ماشي
بعد حوالي عشر دقايق رجع عشري و ليله
فضل….بقول ايه يلا بقي خلاص بدأت تسلم و نوني نايمه
عشري….طيب يلا
فضل…..خد انت البنات طلعهم و ارجع تاني خد الحاجه
ايمي….بقول ايه انتي وهي اللي يطلع ياخد شاور بسرعه ويخرج بلاش شغل المصايف والتلزيق ده
سلمي….انا مش بتأخر
فضل…..بس خلوا نوني الاول لان شكلها بردان
حسان…..كانت بتعطس كمان شكلها خدت برد
سلامه…..ايه كمان نايمه
رشيد….البحر همدهم
عشري….طيب يلا يا بنات كده علي العربيه خليني اطلعكم انتوا الاول و انت يا عسال تعالي معانا بردوا عشان تبقي معاهم
عسال….طيب يلا
عشري….ليله يلا حبيبي علي العربيه و شوفي انتي والبنات حاجتكم معاكم ولا لا
ليله….طيب
سلامه…..ايه يويو
ايه….ايوه
سلامه….يلا يا بابا اركبي هنمشي
ايه…..سلامه فين كان معايا
سلامه….بضحكه جميله في البوكس بتاعه يا ستي يلا قومي
ايه…..حاضر طيب استني اجيب الجردل بتاعي
سلامه….بضحك انا هجيبه حالا يلا روحي علي العربيه هغسلهم من الرمل بس و اجيلك
ايه…..طيب
فضل…..يلا يا نوني
قامت نعيمه و راحت علي العربيه علي طول
ركبوا البنات كلهم و راح سلامه أداهم لعب ايه و قفل عليهم الباب
سلامه….في اي حاجه نقصاكم
ايمي….لا خلاص كلوا تمام
ركب عسال و مد أيده لنادين ركبت هي كمان
عشري…..هاجي علي طول يا شباب يلا لموا كل حاجه
فضل…..متتأخرش بس
عشري….تمام
ركب عشري و مشي بالعربيه علي فوق
دقيقتين بالظبط و وقف قدام الڤيلا نزلت نادين و راح عسال فتح الباب و دخل البنات خد من عشري الشنط بتاعت الاكل هو وأيمي و دخلوا علي جوه
عسال….ايمي الاكل ده احطه عادي في الثلاجه
ايمي…..اه يا عسال حطهم أو سيبهم انا هاجي احطهم و انتوا يلا اطلعوا و متتاخروش انا مستني تخلصوا
ليله…..و انا كمان هستني نوني ادخلي انتي الاول عشان متتعبيش و انتي وراها يا نودي
نادين….حاضر
ايه…..انا هيطلع بسرعه و مش هتأخر
سلمي….يلا طيب هستناكي
ايمي…..بقولك ايه يا عسال خرج الحاجه دي من الايس بوكس
عسال….ليه سيبها في تلج لسه ماسحش اصلا خليه ينفع
ليله…..ايوه في ثلج كتير خساره هنا الثلاجه مليانه و مش بتسقع اوي زي الايس بوكس
سلمي…..انا انهارده اول مره اشرب مائه ساقعه
عسال….عشان الثلاجه بتتفتح كتير واحنا عدد مش بتلحق
ليله…..هو انت قاعد ليه
عسال….ااااا بساعدكم عايزين تبقوا لوحدكم
ليله….بضحك لا مش كده طبعاً أنا عيزاك تطلع تاخد شاور بسرعه قبل ما المصايب دول يرجعوا
ايمي….اه صحيح اجري بسرعه
عسال….بضحك ايوه صح طيب مش محتاجين اي حاجه
ايمي…..لا روح انت يلا بسرعه
عسال…ماشي
طلع عسال بسرعه علي فوق
ليله…..بضحك بموت فيه يدخل القلب بطريقه مش طبيعيه
ايمي…..هو وسلامه فزاع بجد
سلمي…..افتكرت لما قولتي يا ليله أن عشري بيحبه اكتر واحد و بيصعب عليه و بجد ده نفس شعوري معرفش ليه لما بشوف عسال بحس أنه صعبان عليا
ايمي….عشان اليتم وحش اوي يا سلمي احساس أن البني ادم لا ليه اب ولا ام ده يوجع اوي خصوصا أنه حبيبي ملحقش يعيش معاهم
سلمي…..عندك حق كنت الاول بقول يعني هو احسن مني انا شوفت ماما و عيشت معاها وأتعلقت بيها بس لما فكرت فيها قولت علي الاقل انا ليا معاها ذكريات هو لا
ايمي…..هي في الحالتين توجع انا لما بفكر في الموضوع قلبي بيتخطف مقدرش اتخيل الحياه من غير امي وابويا بس زي ما قولتي هو ملهوش ذكريات ويمكن ده السبب اللي بيخلي اي حد فينا يبص في عين عسال و يحس أنه صعبان عليه
ليله….بس واضح أنه بيحب خالته اوي
ايمي…..صراحه بالشخصية اللي حطوا عنها دي هي تتحب
سلمي……احترمتها و هي ست قويه علي فكره مش اي حد يعمل كده
ليله….ما انتي ابوكي عمل كده مع ايه
سلمي…..صح و بحترمه وبقدره جداً بس اقصد هو راجل يقدر يشتغل لكن هي كانت لوحدها و كلهم اطفال و صغيره ضحكت بحاجات كتير عشانهم و بعدين بابا عمل كده بس ماما كانت معاه شويه لكن هي خدت قرار جرئ انها تنفصل يعني مفكرتش مثلا أن ممكن ولادها لما يكبروا يلومها
ايمي…..هي ست شاطره عرفت تربيتهم صح وتخليهم يحبوا بعض و اهو سلامه واحد منهم مش شايف أن هي غلط و مقدر اللي عملته
ليله….ربنا يخليها ليهم يارب
ايمي…..يارب
سلمي….اللهم امين انا هيطلع اشوف ايه لو سيبتها مش هتخلص
ايمي…..اطلعي و خلصي انتي كمان بسرعه و نادي عليا
سلمي….حاضر
ليله……البت نوني شكلها تعبان
ايمي…..اه رشحت و كل شويه تعطس ربنا يستر عايزه اعملها ليمون
ليله….خليكي انتي هاتي انا هعملها و اطلع أديها حاجه للبرد
ايمي…..طيب علي فكره شكلهم جم صوت العربيه باين
رجعت ليله بضهرها بصت من الباب
ليله……اه هما
دخل عشري بالعربيه و نزلوا الشباب و طلع فضل فوق العربيه فضل ينزل في الحاجه و هما ياخدوا منه و بسرعه يرجعوا كل حاجه مكانها ظبطوا المكان و قفل حسان الباب بتاع الڤيلا بره و دخلوا كلهم.
رشيد….لسه مخدتوش شاور
ايمي….انا هموت واخد شاور عشان الملح ده بس لسه مخلصوش
سلامه…..هيطلع انا بقي بسرعه اخد شاور انا سريع
رشيد….يلا جري
فضل……نوني كويسه
ليله…..طلعت تاخد شاور شكلها بردت هعملها ليمون واديها علاج للبرد
فضل….طيب تمام عسال فين
ايمي…..طلع ياخد شاور
فضل….طيب هيطلع اشوفه يمكن يكون خلص
عشري….في السريع بقي يا فضل
بعد حوالي ساعه إلا ربع الكل كان خد شاور و نزلوا تحت معادا نعيمه نامت بعد ما خدت الدواء الساعه كانت داخله علي عشره.
ايه…..بضحك بطل رخامه بقي يا ميلو و اتعرف علي سلامه
رشيد….بضحك خد بالك هيبقي اسمه خلاص
سلامه….بضحك انا ندمان اني جبته والله يا ريتني سيبها زعلانه
ايه….بضحك خلاص سولي معلش نسيت
عسال…..ايه طول ما انتي مسكها في ايدك و بتقربيه من ميلو هو مش هيسكت
ايه…..ايوه انا عارفه اني لازم اسئله بس خايفه من ميلو يضربه ده صغير خالص
عسال…..مش هيعمل حاجه اصلا لو سبتيه في الأرض ميلو اللي يخاف من صوته
سلامه….سبيه كده و ابعدي شويه
ايه….ماشي
سابت الكلب في الأرض فضل يهوهو علي ميلو و خاف منه فضل يرجع لوراء
سلامه….بضحك ايه ده ؟ ميلو طلع بوء
ليله….بضحك ياروحي علي الصغنن اللي بيخوفوا
ايمي….احنا ليلتنا سوده مش هيبطل هوهوه للصبح
حسان……خدوا سلامه معاكم و سيبوا ميلوا هنا
ايمي……سلامه ناخده فين
رشيد…بضحك قصده سلامه الكلب
سلامه….بضحك لا كده كتير و خدوا بالكم الكلام هيبقي رايح في داهيه
عشري….بضحك لا ورشيد بيقولها قصده سلامه الكلب
رشيد…بضحك اعمل ايه طيب
سلمي…..علي فكره يوم بالظبط و هيبقوا صحاب اصلا ميلو مش كبير يعني مش هيبقي شرس عليه
حسان…..هيسليه اصلا و هيحبه بس لازم خناقه كده صغيره ده التعارف بتاعهم
عشري….بقول ايه ما تجيبوا كده الريموت ده نجيب فيلم او اي حاجه
فضل……مفيش طاقه للخروج بره انهارده
عشري….لا طاقه ايه بقي البحر عمل الواجب معانا خلي القاعده رايقه كده
ايمي…..احنا شويه كده و ننام عشان نصحي بكره بدري
سلامه…..هتنزلوا بكره البحر ولا ايه؟
ايمي….براحتكم انا عن نفسي لو روحت مش هنزل المايه خلاص
نادين…..خلينا نروح اه هنقعد هنا نعمل ايه
رشيد….خلاص ننزل عادي كده كده هنقعد فعلا مش هنعمل حاجه بس بكره نبقي ناخد الكوره
عشري….كانت في العربيه علي فكره نسيت اقولكم
رشيد….مش مهم بقي بكره ابقي أخدكم ماتش سريع كده
سلامه….انا وحشني البلايستيشن اوي
حسان….ما قولتلكم اجيبه قولتوا لا
ايمي……سيب الفيلم ده يا عشري حلو اوي
عشري……طيب تمام
قعدوا كلهم جنب بعض يتفرجوا
ليله….سلامه قبل ما تقعد ممكن تهدي النور ده شويه أو اقفل بتاع المطبخ ضارب في عيني
سلامه…..طيب تمام
عسال…..اه صحيح القطره
نادين….لا لا خلاص انا كويسه
عسال….عينك حمراء
نادين…..لا لا مش بحبها انا انام هترتاح
عسال……مش بتحرق والله
نادين …طيب قبل ما انام هحط منها
عسال….ماشي يا حبيبي.
قفل سلامه نور المطبخ و راح وقف جنب الباب قفل جزء من النور فا الجو كان اهدي
ليله…..حلو كده
عشري……اقفل كده الباقي نشوف
سلامه….اهو
عشري….حلو كده خليها سينما
ليله…..كده صلمه خالص
عشري…..مش بتقولي مصدعه و بعدين نروح التلفزيون قوي
ايمي….خليه كده احسن
سلامه….أخلصوا عايز اقعد
ايمي….بضحك بصوا بيزعق ازاي
رشيد….خليه براحته هو عايز علقه
سلامه….بضحك والله لا هسيبه مقفول و سعوا كده دخلوني
ليله…..سكتوا الجزمه الصغير اللي بيهوهو ده
رشيد….بضحك اسكت يا سلامه
ضحكوا كلهم
سلامه….الله ينعل ابو سلامه علي اللي اتشل في أيده وجاب سلامه
عشري….بضحك احسن كانت مالها الشكولاته
سلامه….انا عارف بص لايه اخنقك ولا اقوم اخنقه ابن الجزمه ده
ايه….بضحك لا والنبي خلاص يا جماعه اسمه سولي و محدش يقول سلامه هتجيبواي الضرب كده
رشيد….طب يجرب كده يجي جنبك
سلامه…..ما انت اسمك رشيد مش سلامه يعني مش خسران
عشري…..طيب بطل رغي بقي مش كفايه قرينك الصغير يا اخي سبحان الله حتي لما جبت كلب طلع مزعج زيك
سلامه…..انا مش هرد انا محترم بص لايه بهمس وانتي ليلتك سوده
ايه….بهمس وهي بتضحك انا عملت ايه انا مالي
سلامه….ماشي يا ايه و الله لا اروح اجيب كلبه صغيره و اسميها ايه
ايه….بضحك طب اياك
سلامه….هتشوفي
سكتوا كلهم و علوا صوت التلفزيون شويه عشان يعطي علي صوت الكلب
سلمي كانت قاعده جنب حسان رافعه رجلها علي حرف التربيزه و كانت لابسه كاش بتاع نوم قصير
مسك حسان مخده حطها علي رجل سلمي
بصتلوا بهدوء
حسان….بصوت هامس رجلك
ابتسمت سلمي ابتسامه احراج و هزت راسها و بصت بسرعه علي التلفزيون و نزلت رجلها فضل هو باصصلها و مبتسم ابتسامه بسيطه
حست بخياله اتوترت اكتر و بعدين لفت وشها براحه ليه عينها جات في عينه لمدة ثواني لا هي بعدت عينها ولا هو بعد عينه
و في الاخر استسلمت سلمي و بعدت هي عينها بسرعه و قلبها كان بيدق بسرعه
بص حسان علي التلفزيون و هو بياخد نفس من سيجارته و بعدين رجع بصلها تاني حست تاني بخياله أنه مركز معاها وده وترها جداً رجعت بهدوء بصت عليه تاني
حسان….بهمس ايه؟
سلمي…ااااا ايه
حسان…..مالك
سلمي……بتوتر اااا انا لا مفيش
حسان…..بابتسامه جميله ماشي
ابتسمت سلمي و بصت تاني علي التلفزيون
ثواني بالظبط و همس حسان بهدوء
حسان…..ياريت نبقي نلبس حاجه اطول أو بنطلون يكون افضل
بصت سلمي عليه وهي مصدومه ابتسمت بتوتر واضح
بصلها حسان نظره جاده و هو بيسحب نفس طويل و عينه مركزه في عينها
سلمي…..ااااا حاضر
ابتسم حسان وبص علي التلفزيون فضلت لصاله ثواني و بعدين بصت علي التلفزيون و هي مبتسمه زي العبيطه.
……………
ايمي سندت علي كتفه رشيد ابتسم رشيد و حط كفه علي راسها
ليله كمان كانت نايمه علي صدر عشري و عشري بيحرك أيده في شعرها
حتي عسال كان حاطت أيده علي كتف نادين و هي طايره من السعاده
مسكت ايه كفها تطرقع في صوابعها
سلامه….هبله
ايه….بضحك بطرقع صوابعي
مسك سلامه كفها تطرقع صوابها
ايه….بضحك اااااه يا مفتري
سلامه….بضحك وطي صوتك بدل ما يقوموا يضربونا كفايه الكلاب عليهم
ايه….طيب براحه انت بتدوس جامد
سلامه…..دي صوابع اصلا
ايه….بهمس مالها صوابعي دي كمان
سلامه….بضحك سلاكة سنان يعني مش كفايه صوابع رجلك الغريبه
ايه….تتريق بقي علي خلقه ربنا
سلامه….بضحك لا خلاص حلوين هاتي ايدك التانيه
ايه….طيب براحه
سلامه….براحه والله
مسك سلامه كفها التاني و فضل بطرقع صوابعها براحه
سلامه….خلصوا كده ؟
ايه….بضحك لا استني معايا عشره كمان شيلاهم علي جنب
سلامه….بضحك ايه يا بت خفة الدم دي
ايه…..تنكر انها احلي من الشاتك
سلامه….بضحك صراحه حلوه
ايه….بطل تضحكني بقي و وطي صوتك هنتضرب
سلامه…..شايفه كلهم مركزين ازاي قالي يعني فاهمين
ايه….بضحك ما في ترجمه
سلامه…..ايه ده اه صحيح
فضلت ايه تضحك و تكن ضحكتها
ايه…..انت مش شايف الترجمه ولا ايه
سلامه…..مركزتش اصلا مع الفيلم سلامه الكلب فصلني
ايه….بضحك اهو انت اللي شايفه سلامه
سلامه…..ما انتي ياللي منك لله اللي خلتيني خدت علي الاسم ملاقتيش غير سلامه
ايه…..بهمس وهي بتضحك والله حلو فيه منك
سلامه…..في مني !
ايه….بضحك اقصد متشرد كده و مزعج و شقي
سلامه….وانا متشرد و مزعج و شقي والله ما حد عارف قيمتي في البيت ده طب بذمتك كده تخيلي الڤيلا دي من غيري
ايه…..صراحه كانت هتبقي وحشه اوي
سلامه….طيب بقولك ايه لو قولتلك اختاري حد من الشباب يكون مش موجود
ايه….بضحك ايه الشر ده لا حرام كلهم حلوين
سلامه….طيب لو قولتلك اختاري انا و لا حد تاني تختاري مين
ايه….بضحك بصت علي الشباب و بعدين بصتلوا وهي بتضحك ممكن حسان عشان عاقل اوي
سلامه….بضحك ده الفيلسوف بتاعنا
ايه….وممكن فضل بردوا
سلامه….اشمعني
ايه….بضحك بص بينام و بعدين شكلوا حزين أن نوني مش معانا في القاعده دي تعبت و بوظت القاعده
سلامه….اشمعني بقي يا رويتر
ايه…..هو ايه اللي اشمعني هتعمل فيها غبي ماهو و نوني شكلهم بيكراشوا علي بعض واضحه يعني
سلامه….بضحك و سعاده داخليه اه ما انا لاحظت يا رويتر
ايه….ايه رويتر دي قصدك اني فتانه؟
سلامه….بضحك اه طبعاً بس عادي احنا بنفتن لبعض صح
ايه……اه طبعاً
سلامه…..بضحك استغل الموقف كمل بهمس طيب انا كمان هفتن علي حاجه
ايه…..ايه قول
سلامه……حسان وسلمي كمان شكلهم كده مندمجين سوا
ايه…..بابتسامه ايوه انا كمان ملاحظه
سلامه…….تصدقي الرحله دي والجو اللي قلب ده جه بفايده
ايه….بضحك ايوه كل اتنين بقوا مع بعض ليله وعشري وايمي ورشيد و فضل نوني وعسال و نودي و سلمي و حسان
سلامه…….عقبالك بقي صحيح بمناسبه انك فتنتي علي فضل و نوني قولتلي بقي كنت معجبه مين
ايه…..و هي لسه مش فاهمه غبائها بفضل
سلامه……بضحك فضل اللي هو معجب بنوني و نوني كمان معجبه بيه و انتي عارفه
بصتلوا ايه بصدمه و ابتسمت ورفعت عينها لفوق و بعدين بسرعه عدلت نفسها و بصت علي التلفزيون
فضل سلامه يضحك و هي مبتسمه و بتحاول تسكت نفسها
سلامه….قرب من دونها وهو بيضحك ده القمر طلع عنده زهايمر
ايه….بضحك بصتلوا عايز ايه انت في ليلتك دي
سلامه….بضحك كل خير
ايه….خلاص اسكت و بطل رغي مش عارفه اشوف الفيلم
سلامه….بضحك ماشي يا ستي هسكت خلاص و هاتي ايدك دي اكمل طرقعه
ايه….بتوتر ااااا خلاص خلصوا طرقعوا كلهم
سلامه….طيب هاتي ايدك عشان لما الطرقعه تيجي تاني اعرف
ايه…..بضحك ايه هتبعتلك اشعار يعني ؟
سلامه….بضحك اشعار
ايه……حلوه اعترف و متبقاش كداب ومنفسن عشان الالش بتاعي احلي من بتاعك مليون مره
سلامه….بعترف يا ستي
ابتسمت ايه و بعدين بصت علي التلفزيون و هي حاسه انها مش علي بعضها
مسك سلامه كفها و فضل يطرقع تاني في صوابعا بصت علي أيده بطرف عينها وابتسمت و رجعت بصت علي التلفزيون ثواني و قبض علي كفها بين كفه خرجت منها تنهيده تلقائيه خلت سلامه ابتسم و بعدين شبك صوابعه في صوابعها
اتوترت بس كانت مبسوطه اوي و عملت نفسها عبيطه و مش مركزه و فضلت تتفرج علي التلفزيون
سلامه كان مبسوط و اتبسط اكتر بحوار فضل و اتبسط اكتر و اكتر بأيديها اللي في أيده بطريقه مختلفه حرك سلامه صباعه الكبير بهدوء في كفها من جوه و الحركه دي بتخلي ايه تنام فضل يحرك صباعه في كفها بهدوء .
سندت ايه راسها علي كتفه بكل تلقائيه
سلامه….ابتسم و همسلها هتنامي ولا ايه
ايه….بهمس و هي ملامحها مبتسمه رفعت راسها تاني و بصتلوا اصل الحركه دي بتنيمني
ضحك سلامه ضحكه جميله و بصلها
سلامه….طب تعالي رفع دراعه و ضمها نامت علي كتفه و ضم راسها بكفه و بكفه التاني فضل يحرك صباعه في كفها.
……………
حس رشيد أن ايمي بتنام السيجاره في أيدها و مش بتشربها
رشيد…..ايمي حبيبي
ايمي….امممم
رشيد…..انتي صاحبه ولا نايمه
ايمي…..ااااه صاحيه
رشيد….صاحيه ايه بس السيجاره هتقع منك هاتي كده عشان متحرقكيش
ايمي….سيبها
رشيد….لا كفايه سجاير كده خدها منها و مال بجسمه علي الطفايه وهي في حضنه و رجع تاني ضمها بأيده الاثنين
رفعت ايمي وشها ليه
ايمي…..كنت هشربها علي فكره
رشيد….بابتسامه جميله باسها من طرف مناخيرها تشربي ايه ده انتي شكلك سافرتي بس عينك هي اللي مفتحه
ايمي…..ابتسمت و رفعت أيدها لدقنه امممم منمتش علي فكره
رشيد…..بس بتنامي خلاص
ايمي…..بابتسامه وهي بتمشي أيدها علي دقنه و انت مش بتنام ولا بتتعب
رشيد…..لا بنام وبتعب كمان بس تقدري تقولي لما بكون مبسوط لأ بحس بنوم ولا بتعب
ايمي……بأبتسامه وانت بقي مبسوط ليه
رشيد….اممممم يعني يمكن عشان انتي جنبي و في حضني
ايمي……بابتسامه حركت صباعها علي شفايفه انا كمان مبسوطه اوي
رشيد…..باس صباعها بهدوء مبسوطه ليه
ايمي…..عشان معاك
ابتسم رشيد بحب و عض صباعها براحه
ايمي….بنوم فظيع ضحكت ااااااه يا عضاض سيب صباعي
هز رشيد راسه بلأ
ايمي…..هعضك لو مسبتش
قرب كفه من شفايفها
ضحكت ايمي و عضته براحه و بعدين بعدت سناها و باسته مكان العضه
ضحك رشيد بهدوء و ساب صباعها و باس جبهتها بوسه طويله
غمضت ايمي عينها وهي مبتسمه و فضلت مغمضه كأنها مستنيه البوسه دي عشان تتخدر و تنام
فضل باصص عليها شويه و هو مبتسم حرك صراعه علي مناخيرها فضلت مغمضه
رشيد…..حبيبي
ايمي…هااااا
رشيد…..بضحكه جميله ده الجميل سافر خالص سند رأسه علي راسها و ابتسم
بعد حوالي ساعه فتح عشري عينه علي صوت الفيلم بص في الساعه كانت 12
بص علي ليله كانت غطسانه في النوم رفع رأسه بهدوء لقي الكل نايم و رايح في النوم
فضل ساند علي رجل حسان و نايم و حسان حاطت راسه علي كتف سلمي و سلمي سانده راسها عليه و ايمي نايمه جنبها في حضن رشيد و هو كمان نايم
وسلامه جنبه وايه نايمه علي أيده و نادين وعسال في ركن الكنبه غطسانين في النوم.
ابتسم بهدوء و رفع نفسه
عشري…..ليله ليله حبيبي يلا قوم يا عمري
ليله…..ايه
عشري…..قوم يا حبيب يلا صحي البنات كلهم ناموا يلا خلينا نطلع فوق احسن
ليله…..امممم طيب شويه
عشري…..شويه ايه يلا قومي بصي البنات نايمين ازاي و انا مش هعرف اصحيهم يلا حبيبي صحيهم عشان اصحي الشباب انا كمان
ليله….امممم شويه بس
عشري….بابتسامه باسها في خدها ايه حضني عجبك
ابتسمت ليله و بعدين اختفت ابتسامتها و نامت
عشري…..يا حبيبي يلا بقي
ليله….اوووووف
عشري…..معلش يلا قومي صحيهم و اطلعوا ناموا فوق
ليله….قامت طيب ايمي سلمي يلا قوموا ايه قومي يلا
قام عشري فتح النور و قفل التلفزيون
صحيوا البنات و صحي الشباب بصت سلمي بتوتر لما هي وحسان رفعوا راسهم مع بعض
عشري…..يا شباب يلا علي فوق يلا فضل قوم
فضل….ماشي ماشي
قام فضل اول واحد طلع علي فوق
عسال…..نودي يلا حبيبي اطلعي نامي
نادين….حاضر
سلامه…..ايه يويو يلا يا بابا قومي
عشري……صحيها يا ليله
ليله…..يا ايه قومي بقي و الله هطلع و اسيبك
سلامه….بهدوء يويو
فتحت ايه عينها و بصتلوا
سلامه…..يلا يا بابا اطلعي نامي فوق
ايه……طيب قومت خلاص
طلع سلامه هو وايه و فضلت ليله مستنيه عشري و هي سانده علي الباب و نايمه
قفل عشري الباب كويس و حط للكلاب اكل و راح قفل الستاير
عشري…..ليله اصحي
ليله…..صاحيه صاحيه خلاص
راح قفل النور و ساب نور المطبخ مفتوح و بعدين راح عليها
كانت واقفه و مرعبه أيدها علي البار و نايمه علي أيدها
قرب منها باسها من رقبتها رفعت كتفها بسرعه عشان غارت
عشري…..يلا حبيبي
رفعت نفسها وطلعت معاه علي فوق
راح قدام الاوضه الكل كان دخل
عشري…..يلا تصبحي علي خير
ليله….ماشي يلا
عشري….بضحكه جميله مسك أيدها هو ايه اللي ماشي مفيش تصبح علي خير
ابتسمت ليله و حدفتله بوسه علي الهواء
عشري…..بابتسامه لا ده انتي مسافره خالص
ليله….امشي بقي متبقاش زنان
عشري…..بضحك اهو كده انتي صاحيه
ليله….تصبح علي خير
عشري….وانتي من اهل الخير يا عمري
دخلت ليله و دخل عشري و الكل كان باين عليه التعب و الإرهاق و ناموا نوم عميق.
علي الساعه اتنين صحيت نعيمه و هي حاسه ان بطنها بتتقطع و مش قادره كانت حاسه انها عايزه ترجع
قامت بهدوء بصت علي ليله و نادين لقيتهم نايمين خرجت بهدوء من الاوضه عشان خافت لو رجعت يسمعوا وتصحي
كانت لابسه بنطلون و تيشرت كات نزلت بسرعه علي الحمام اللي تحت و كانت بتدعي الكل يكون نايم و فعلاً لاقت الكل نايم و النور مقفول مفيش غير نور المطبخ
دخلت تجري علي الحمام جابت كل اللي في معدتها رجعت كتير لدرجه ان جسمها ساب و مقدرتش تتحمل قعدت علي ركبها و فضلت ترجع كل ما تقوم تغسل وشها ترجع تاني لحد ما هديت خرجت بره قعدت علي اول كرسي قابلها كام دقيقه ورجعت تجري تاني ترجع بطريقه هيستيريه كان واضح التعب عليها خدت برد جامد و أكلة السمك زودت التعب و معدتها متحملتش رجعت كتير لدرجه مبقاش في حاجه في معدتها ترجعها غير مايه .
الكلاب كانت سمعاها و عماله تهوهو
نعيمه…..اااااه ااااااه
كانت بتعرق جامد و مش قادره جسمها متلج بس العرق مغرق وسطها و جسمها و بدأ جسمها يكون في رعشه خفيفه.
