لقاء كـ،ـ،ـارثي

ليله…..عشري من فضلك بلاش الطريقه دي قولتلك قبل كده و لو عملتها تاني انا همشي

عشري….لا انا مبتهددش و هتقفي هنا تسمعي اللي هقوله لأن انا والله ما هعيده مره تانيه و طريقتي دي لو مش عجباكي يبقي اوعي تحاولي تعملي فيها مش فاهمه وتستغبيني

ليله…..انا مش بستغباك يا عشري بس انت عمال تتعصب وانا مش عارفه انا عملت ايه

عشري…..عمل نفس الصوت تاني

ليله…..تاني يا عشري

عشري….يعني انتي مش واخده بالك اني متعصب بسبب المنظر اللي شوفتك بيه فوق لما انتي مش فاهمه جريتي ليه لما شوفتيني ؟؟ ولا مخدتيش بالك مني اصلا وكنتي بتجري كده عادي ايه عايزه تقنعيني انك مشوفتنيش و الباب اللي اتقفل ده كان صدفه

ليله….ااااا لا شوفتك و جريت عشان مكانش ينفع تشوفني كده و خليت ايه قفلت الباب

عشري….حلو يعني عارفه انا متعصب ليه

ليله…..لا هو انا مش فاهمه انت ليه متعصب

عشري…..بعصبيه و دين الله يا ليله لو فضلتي تتكلمي بطريقه العبط دي لا هتشوفي مني وش ابن……..

ليله…..طيب انا هسمعك بس بلاش ألفاظ و بلاش تعمل كده انا كنت واقفه و لما شوفتك جريت الموضوع كله مخدش غير ثواني

عشري….هو انتي متخيله اني متعصب عشان شوفتك مش مدركه يعني اني متعصب عشان كان ممكن غيرك يشوفني

ليله…..لا مقصدش كده بس اصلا الموضوع مكانش مقصود نادين كانت في الأوضه وخرجت و سابت الباب و انا كنت في الحمام وايه كانت واقفه قدامي و كنا بنهزر و لما قربت علي الباب لمحتك و عرفت أن الباب مفتوح جريت علي جنب و قولتلها تقفل هو ده كل اللي حصل يعني انا مليش ذنب و معرفش أن الباب مفتوح

عشري…..ميخصنييييييش انتي في بيت في شباب يعني قبل ما تخرجي من الحمام تكوني لابسه كان هيبقي المنظر ايه الوقت لو حد غيري شافك

ليله….هو انت يعني متخيل اني مبسوطه أن انت نفسك شوفتني بالمنظر ده الموضوع مكانش مقصود يا عشري و نفس شعوري بالاحراج انك شوفتني كان هيبقي نفس شعوري لو حد.من الشباب شافني

عشري…..رجع بنفس الصوت مره تاني مع كلمه اعتراضيه بحته كان هيبقي نفس شعورك لو حد من الشباب ايه و انتي شايفه اني زيي زيهم

ليله….يا ابني بلاش قلة ادب وألفاظ انا اقصد أن ده مش منظر اقف قدامك بيه فا كان هيبقي الوضع ايه لو حد فيهم شافني اكيد انا مكنتش حابه ده يحصل اصلا وبعدين انت بتناقض نفسك زعت اوي اني بقولك نفس شعوري من ناحيتك في المنظر ده هو شعوري من الشباب طيب يا سيدي شعوري مختلف و اقولك بحمد ربنا كمان أن انت اللي شوفتني مش هما عامل مشكله ليه بقي اعتبره مايوه

عشري….يا ديننننن

ليله….عشرررري

عشري….ليله كده مش حلو انتي بجد بتعصبيني هو ايه اللي اعتبره مايوه

ليله….بابتسامه طيب بص انا ساكته وانت اللي بتضحكني هو مش انت شوفتني بالمايوه اعتبره مايوه مزعل نفسك ومتعصب ليه

عشري……عشان كان ممكن حد يشوفك يا ليله

ليله….ومحدش شافني ليه بقي تقدر البلاء قبل وقوعه

عشري….بغضب لاني لازم اعمل حساب البلاء عشان لما يقع ابقي عامل حسابي لازم تبقي مقدره كويس أن في ست شباب في البيت يعني انتي مينفعش تتعاملي براحتك

ليله….قولتلك كنت في الحمام ومعرفش أن الباب مفتوح

عشري…..وده اللي بقوله تقدري البلاء تخرجي لابسه وستاره نفسك

ليله…..ماهو انا مجاش في بالي يا عشري الباب قبل ما ادخل كان مقفول

عشري…..و عشان انتي مع شباب في بيت واحد ده اللي بقوله لازم تاخدي بالك و لازم تعملي حسابك لازم تكوني ستاره نفسك طول الوقت لازم عينك تبقي وسط راسك و تبقي مركزه في كل تصرفاتك

ليله….تمام والموقف اللي حصل ده هيخليني اخد بالي من حاجه مكنتش مركزه فيها واكيد هاخد بالي الف مره بعد كده

عشري….و انا مش هسمحلك انك متاخديش بالك تاني لأنها لو أتكررت يا ليله و اللي يعز ويذل لا هتشوفي عشري تاني خالص انا من البدايه اصلا مكنتش عايز افضل في البيت معاكم بسبب كده لاني عارف أن انتوا لازم تبقوا براحتكم بس بما اننا مضطرين يبقي عينك تبقي وسط راسك

ليله….يا عشري دي اول مره يعني محصلش قبل كده

عشري….المفروض اصلا من اول ما عرفتي أننا هنفضل معاكم كنتي عملتي حسابك لكل ده لا تبقي مره أولي ولا اخيره

ليله…..طيب يا عشري تمام ممكن كفايه عصبيه بقي الموضوع بسيط علي فكره وانت مكبره

عشري……انا مش هقبل أن مراتي جسمها يتكشف علي راجل راجعي بقي متخلف جاهل دقه قديمه انا كده و مش هتغير و متقوليش انا لسه مش مراتك عشان هتبقي و لما هتبقي مراتي مينفعش و احنا لسه علي البر حد.يشوف جسمك

ليله….بهدوء تمام بس كفايه صوت عالي بجد انت مكبر الموضوع

عشري….بصوت اعلي مره تانيه تاني بتقولي مكبر الموضوع هو كبيرررررر أصلاً

ليله…..مقصدش اقصد يعني خلاص فهمت و هاخد بالي مفيش داعي بقي انك تفضل تتعصب وتعالي صوتك و تقول ألفاظ و تعمل اصوات عشري انا مش بحب كده انا عارفه أن معاك حق بس خلاص قولتلك مقصدش بطل بقي تعلي صوتك عليا لاني بتوتر بجد و هتزعل مني لو انا اتعصبت

عشري…..بكلمه اعتراضيه بحته هزعل؟!
لا زعليني يا ليله يلا انا عايز ازعل

ليله…..لا انت عايز تتخانق يا عشري

عشري….كده انا عايز اتخانق

ليله….اه ده خناق مش نقاش

عشري…بصي يا ليله انا لو عايز أتخانق صدقيني انتي مش هتعرفي تقولي كلمه و صوتك ده مش هيطلع من الاساس

ليله…..ليه أن شاء الله مش من حقي اتكلم أو ادافع عن نفسي

عشري…..في الغلط لااااااااا مش من حقك قولتها لك قبل كده و هعيدها تاني و صدقيني دي اخر مره هعيدها يا ليله انتي مش مرتبطه بواحد ناوي يتسلي معاكي يومين و يسيبك مش هتغاضي عن لبسك و طريقتك و تصرفاتك عشان غرض معين و لا عشان يومين حلوين نقضيهم و خلصت انا كنت جد معاكي من البدايه و عايزك معايا طول العمر و عشان انا جد فا لازم يكون في حدود و خطوط حمراء مينفعش تعديها لبسك جسمك تصرفاتك كل حاجه كنتي بتعمليها و انتي لوحدك مينفعش تفضل تتعمل و انتي معايا انا ربنا خالقني كده دمي حامي و بغير و مش من حقه اي بني ادم خلقه ربنا يلمح منك حاجه قد كده و لو بسيطه انا مش راجل بيخنق ولا متحكم زي ما بتقولي انا لو متحكم بجد مش هخلي طرف منك يبان

بس انا سايبكم براحتك لاني عرفتك كده و عجبتيني كده و مش حابب تغير فيكي اي حاجه غير بعض الحجات اللي تمس رجولتي و تمس انوثتك لبسك مش بعدل عليه إلا لو كان اوڤر طريقتك مش يعلق عليها إلا لو كانت اوڤر موضوع السجاير انا ممنعتوش و قولتلك قاعده فيها بنات براحتك انا معاكي براحتك لكن بره البيت و في مكان عام لا بيتهيألي انا بتكلم في الأصول و دي حاجه متزعلكيش ولا تخليكي تقولي عني متحكم و لو يا ليله شايفه أن ده تحكم يبقي انا شخص خنقه و متحكم و فيا كل الطباع الوسخه اللي في الدنيا

ليله….ولما انا عجبتك زي ما انا كده يا عشري ليه مش قادر تتقبل فيا كل حاجه زي ما هي بتقول أن عجبتك زي ما انا و مش ناوي تغير فيا وفي نفس الوقت من اول ما بدأت علاقتنا تاخد شكل جد و انت عمال تغير و تنتقد في تصرفاتي و تمنع ده و توافق علي ده

عشري…..انا عجبي ليله شخصيتها طريقتها أسلوبها كلامها الجد الهزار الدلع عجبني قوتك عجبني كل حاجه فيكي و عمري ما افكر اغير فيهم اي حاجه ولا هقدر الغي شخصيتك و مش بس عشانك لا ده عشاني انا كمان يا ليله لاني مش أبداً الراجل اللي يقبل بشخصيه ست ضعيفه

انتي الست اللي كنت بدور عليها و بحاول الاقي فيها كل الصفات دي بس مش معني كده اني هسيبك تلبسي بكيني قدام خلق الله مش هقدر المحك بلبس داخلي و تبقي معرضه أن اي راجل يشوفك و انتي بتتعاملي مع الموضوع بحسن نيه و بمبرر أنه غير مقصود مش هقدر ابقي قاعد و الرجاله بتعزم عليكي بسيجاره قدامي لاني لسه مرفعتش الاريال يا ليله انا نفسي معملهاش مع اي حد مش ايمي اهي بتشرب ورشيد بالنسباله تمام انا عمري ما عزمت عليها بسيجاره ولا عمري اعملها

لأن انا عندي حدود اللي مقدرش اشوفه بيتعمل معايا مقدرش اعمله مع غيري

ليله…..عشري هو انا ليه حاسه انك بتتكلم بطريقه اللي هو انا حد معندوش حدود و حد كله غلطات علي فكره انت كنت تقدر تلاقي نفسك الشخصيه اللي بتدور عليها دي و كمان لا بتدخن و لا بتلبس براحتها

عشري…..عشان انا مش مع المبدأ ده يا ليله انا حبيتك و اختارتك بس في نفس الوقت مش مجبر اسكت علي حجات مش عجباني و اسمع منك او من غيرك لو كنت عايز بنت بالطريقه دي كنت دورت و مش من حقك تغير في أسلوب اللي معاك لأن انا لو حبيتك هتمسك بيكي و بردوا هعدل في الحجات اللي مش عجباني فيكي

زي بالظبط انا عاجبك و انتي حبتيني زي ما انا حبيتك بس انتي الوقت معترضه علي اسلوبي تفتكري يا ليله هتبعدي عني عشان في حاجه مش عجباكي

ليله……مش هبعد عنك بس هحاول اغير اسلوبك و المشكله هنا انك مش هتقدر عارف ليه لان اسلوبك اللي مش عاجبني ده هو انتقاد في اسلوبي اللي مش عاجبك و هنا احنا قدام حل من اتنين يا تغير طريقتك و تسيبني اتعامل براحتي و يما عرفتني يا اما انا اللي اغير ده عشان اتلاشي اسلوبك اللي مش عاجبني

عشري…..بسيطه اهي يبقي انتي اللي هتغيري اللي مش عاجبني

ليله….يا سلام و ليه انت متغيرش

عشري…..بغضب عشان انا اللي صح

ليله….وليه انا مش صح ليه المفروض أن انا اللي اسمع الكلام و امشي المركب

عشري……المركب هتمشي كده كده يا ليله بهدوء بمشاكل هتمشي بس انتي في ايدك تمشيها بالطريقه اللي تعجبك عايزه مشاكل اوك عايزه هدوء بردوا اوك بس هي كده كده ماشيه بمزاجك غصب عنك و ليه بقي انتي تسمعي الكلام لأن كلامي انا مكانش في اي حاجه غلط ولا اتعديتي الأصول يا بنت الناس انا بحبك و بخاف عليكي و طريقتي دي غيره مش اكتر

ليله…..بتنهيده تمام يا عشري

عشري……ايوه تمام ايه ؟

ليله…..خلاص سمعتك و فهمتك واوك تمام

عشري….ايوه مفهمتش بردوا اللي قولته هعيده تاني و لا كده خلصت خلاص و هنردم علي الحوار ده

ليله….ما خلاص يا عشري قولتلك تمام

عشري……ايوه انتي بتتعصبي ليه الوقت مش فاهم ايه مش عاجبك يعني

ليله….هو في ايه عشري انا من بدري سيباك بتتعصبي و تقول ألفاظ و تعمل حجات غريبه ومنطقتش مالك و مالي الوقت قولتلك تمام حاضر عايز اي حاجه تاني

عشري……رفع حاجبه وبصلها بنظره حاده لا مش عايز

ليله…..طيب عايزه ارجع لو سمحت

عشري…..تمام اتفضلي.

مشيت ليله قدامه وهي متعصبه و هو فضل ماشي وراها

اول ما وصلوا عند الڤيلا دخلت و بعدين طلعت علي فوق علي طول.

لمحتها ايمي و البنات انسحبوا بهدوء علي فوق وراها.

رشيد…..بهدوء هو عشري ماله؟

سلامه…مش عارف شكلهم قافشين علي بعض ليله مضايقه

حسان…..محدش ليه دعوه سيبوهم براحتهم

سلامه….بضحك هو ايه اللي نسيبهك براحتهم صاحبنا يا جدع

حسان…..هو لو حابب يتكلم اكيد هيقول سيبه بقي

عشري…..بهدوء سلامه والنبي هات القهوه وانت جاي

سلامه…..طيب ماشي

رشيد…..خليه يا سلامه لو مقالش سيبه براحته يمكن تاتش بسيط و هما يحلوه سوا

سلامه….ماشي يا عم و انت يا عم حسان مش هنلعب ولا ايه

حسان…..لما البنات تنزل و الكل يكون موجود

………

دخل البنات و راء ليله

ايمي…..في ايه مالك داخله زي القطر كده ليه.

ليله…..بصي انا مش هتحمل الأسلوب والطريمه دي انتي عرفاني كويس مقدرش لا لا مقدرش

ايمي….طيب براحه بس في ايه؟

نعيمه…..اتخانق معاكي

نادين…..لولي والله العظيم انا شديت الباب ورايا بس تقريباً مقفلش كويس البنات قالولي اللي حصل

ليله……انتي ملكيش دع هو ولا حتي ايه هو اللي دماغه غلط و طريقته غلط

سلمي…..ليله بصراحه هو معاه حق

ليله…..حق في ايه بت انتي بتنرفزيني ليه

سلمي…..مش بنرفزك بس انتي عرفاني بقول الحق و هو اكيد اضايق أنه شافك كده و الباب مفتوح و اكيد فكر لو حد من الشباب شافك كان عمل ايه

ليله……يا سلمي انا مقولتش أنه غلط انا عارفه أنه بيتكلم صح و انا اصلا قولتله وقولت للبنات أن حتي لو هو اللي شافني مش حاجه حلوه بس طريقته بشعه بجد

ايمي….بابتسامه يابت بيحبك و غيران عليكي

ليله…..لا لا انا مستحيل انا وهو نكمل بنفس الطريقه لا شخصيتي ولا طريقتي تسمحلي ابداً اني اسكت و اللي غايظني اكتر اني مش عارفه ارد انا لو حد اتكلم معايا بالطريقه دي انتوا عارفين اني مش بسكت بس قدامه الكلام بيروح مرعب بجد وعصبي وقليل الادب كمان

ضحكوا البنات كلهم علي ليله

ايمي….بضحك ايه زمر تاني

ليله……بدموع زمر ايه ده مسابش حاجه مقلهاش

نادين…..يا عمرررري بليز متعيطيش

نعيمه…..ايه ده بجد ليله بتعيط مصدقش

ليله…..انا مش بعيد من قلة أدبه بس بجد.هو صعب دماغه مقفله يمكن معاه حق بس لما بيبقي متعصب مش بيدي لحد فرصه يتكلم كمان اللي بيحصل معايا قصداه ضد شخصيتي وده اللي مضايقني

انتوا عارفين يا بنات محدش يقدر يقف قدامي ولا بسبب حد يقولي كلمه او بتعصب عليا بس انا قدامه بسكت

ايمي….بهدوء عشان حبتيته يا ليله

ليله….بدموع وده اللي مضايقني يا ايمي و بجد مش حابه أبداً فكره اني اسكت عشان حبيته انتوا عارفين كويس أن الراجل لو مشي كلامه كل مره بيركب الست و حتي لو حصل موقف هي مش غلطانه فيه بردوا بيمشي كلامه و بيعتبر أن ده الصح و انا مش عايزه ده يحصل

ايمي…..بس خلينا نتكلم بصراحه يمكن انتي معاكي حق بس لحد الوقت انا مش شايفه أن عشري فرض عليكي حاجه هي صح من وجهه نظره و غلط من وجهة نظر الكل انا معاه و شايفه أنه صح

سلمي…..وانا كمان بصراحه و ده يدل علي أنه مش شخص شايف بس رأيه اللي صح

ليله…..ازاي يعني انتي يا ايمي لو رشيد عمل معاكي مثلا في موضوع السجاير كده هتوافقي

ايمي….قولتلك قبل كده يا ليله لو طلب مني هقوله حاضر و محترمه جداً و بعدين هو قالك اشربي معايا مع البنات يعني مقفلش عليكي الدنيا لو رشيد قالي نفس الكلام هوافق وكفايه اني هعمل معاه كل حاجه لوحدنا نتدلع نتجنن عادي و حتي اللبس بردوا حقه

ليله…..يا ايمي انتوا ليه مش قادرين تفهموني انا مقولتش أنه غلط او أنه مش حقه بس مش كده ايمي انا ست عايشه بطولي و لوحدي و كل قراراتي باخدها من دماغي ليا شخصيه وليا حياه مستقله مقدرش اعيش في جو كله تحكمات و اوعي تفكري اني مضايقه من غيرته و حبه بالعكس أنا مبسوطه و يمكن ابتسمت و ضحكت قدامه غصب عني لأن ده شعوري من جوه انا بجد مبسوطه بس كمان عشري طبعه صعب جداً و انا مقدرش اكون متسيطر عليا و المشكله اني ساكته مش يعترض

نعيمه….يا بنتي اي واحده فينا لما بتحب بتعدي و بتسكت و ده ميتسماش ضعف شخصيه و بيتهيالي عشري نفسه مش هشوف أنه بيسطر عليكي و بيضعف شخصيتك لولي لما جينا نلبس المايوهات انا اول واحده قولت البس براحتي لأن فضل متكلمش واللي بيني وبينه مش كبير مجرد نظرات رخامه علي بعض بس لما لبست و صممت اتفاجئت برد فعله و عرفت أن الموضوع بالنسباله مش زي ما انا تخيلت نظرات علي اعجاب علي جر شكل ده طلع غيره و كرامه و خوف و يمكن انا وقفت قدامه و عملت زيك كده لا مش هغير لا مش بلبس وانت مالك بس لما بصلي و حلف اني ما هخطي الباب غير وانا مغيره المايوه وقتها لساني اتلجم

معرفتش انطق و عملت زيك و مش هكدب عليكم خوفت منه زي ما انتي كده خوفتي من عشري و الخوف هنا مش معناه جبن أو ضعف شخصيه بالعكس خوفت أقوله لا واعند معاه يضايق يعني خوفت علي زعله و تكسير كلمته برغم أن انا الوحيده فيكم اللي محصلش بيني وبين فضل حاجه تقول أننا معجبين اعجاب صريح ببعض و قتها انا قولتله هغير بس عشان ميحصلش مشكله و الكل يتنكد بسببنا بس لا يا ليله انا غيرت عشان حسيت اني مش هقدر اعمل غير اللي هو قاله انتي كمان عرفاني كويس و مش سهل حد.يمشي عليا كلمته بس انا حبيت الموضوع حبيت طريقته و غيرته و تصريحه الواضح يعني انا أو انتي سهل جداً نعترض و نعمل اللي ينساب شخصيتنا
القويه انتي تعندي مع عشري و تلبسي براحتك و تشربي سجاير و انا كان سهل اكسر كلمته و مغيرش المايوه و يمكن لو عملنا كده لا عشري هيسيبك ولا فضل هيسيبني بس مسألتيش نفسك يا ليله ليه سمعنا الكلام ليه محدش فينا عند كالعاده و مشي كلمته انا عن نفسي معملتش كده لاني حاسه اني حبيت فضل بجد و عايزه اكمل معاه عايزه اهليه يحس برج لته في مواقف كتير عايزه احس بانوثتي و مبقاش ديما الست اللي واقفه الراجل الند بالند و لازم يجي وقت عليا احس أن في شخص اقوي مني انتي بقي ادام مضايقه اوي كده ليه مفكرتيش تشربي سجاير بعد ما هو قالك لا ليه موقفتهوش عند حده لما شافك من شويه وقولتيله ملكش دعوه انا براحتي ليه فضلتي تبدلي اكتر من مايوه عشان يوافق مع أن انتي شخصيتك كمان اقوي من شخصيتي بكتير و كلنا عارفين أن ليله وايمي اقوي شخصيتين فينا و انتي بالاخص صوتك من دماغك يمكن ايمي بتلين شويه عنك

ايمي……بابتسامه كفت و وفت نعيمه ردي بقي يا ست ليله وقولي ليه مكسرتيش كلمته مع انا و بيتهيألي البنات عارفين الاجابه كويس انتي حبيتي عشري يا ليله و يمكن انا شايفه أن عشري اكتر راجل دخل حياتك و عجبك كده اكتر من الي كنتي مرتبطه بيه كمان صح يا ليله.

ليله…..بدموع بصت لبعيد و سكتت شويه و بعدين بصتلهم بوجع اه حبيته يا ايمي و هو اكتر راجل دخل حياتي و حبيته بجد رغم أن الفتره نفسها قصيره جداً و دي تاني اغرب حاجه تحصل معايا انتوا عارفين اني مش بحب بسهوله و بعد علاقتي اللي فاتت عدي اكتر من ثمان سنين بس كمان مش حبي ليعشري هو اللي مخليني مش قادره اقف قدامه بشخصية ليله الحقيقه.

سلمي….بتأثر امال ايه يا ليله ؟

ليله…..نزلت دموعها اكتر عشان تعبت يا سلمي تعبت من دور الراجل اللي عيشته طول حياتي تعبت من اني بظهر ديماً بشخصيه قويه تعبت من جملة دي بنت بميت راجل تعبت من كلمة لا ليله دي ميتخافش عليها لا ليله هتعرف لا ليله هتتصرف لا لا ليله هتقدر تتعامل
تعبت من كلمة ايه ده تعبانه لا مش لايق عليكي قومي كده مش و اخدين عليكي ترقدي و كأن مش من حقي اتعب و أضعف و مقدرش اتصرف و مقدرش اتعامل و مينفعش اكون بنت جدعه لا انا لازم اكون بنت بميت راجل..

انا مقدرتش اقف قدام عشري مش بس عشان حبيته لا عشان حسيت أنه راجل بجد هيقدر يخاف عليا هقدر اعتمد عليه هقدر ارمي عليه كل حاجه و ارتاح اقدر اكون ست و في ضهري راجل بميت راجل

من يوم ما جيت علي الدنيا وانا متمرمطه بجد اه حبيت اشتغل من نفسي و محدش أجبرني لاني كنت حابه اعتمد علي نفسي اريح امي و مخليش ابويا يذلها رغم أنه كان بيحبها بس مقدرتش اخلي امي تحس اننا نقطه ضعف لابويا حتي اخويا في حياتي مجرد اخ طول عمره في حاله وبعيد مراته وولاده وشغله لما اضطريت اكون لوحدي بعد موت امي هو معترضش مقالش لا مكانش موجود في حياتي و ابويا نفسه كان بيساومني علي وجوده في حياتي يا تعيشي معايا و اعملك كل اللي بتحلمي بيه يا تفضلي مع امك و ملكيش علاقه بيا و الشخص اللي حبيته ساومني يا تنسي وجعك علي امك و تتأقلمي و متسافريش يا مش هفضل معاكي

عشري الوحيد اللي اتمسك بيا مساومنيش علي وجوده عشري لما كان بيتخانق معايا من شويه برغم أنه كان متعصب و صوته عالي و عمل حجات انا مقدرش اسكت عليها بس قالي كلمه خلتني اتأكد أن الشخص ده بيحبني و صادق بجد و معندوش استعداد يخسرني

سلمي….بدموع ابتسمت قالك ايه

ليله……كنت متعصبه و قولتله هو ليه المفروض أن انا اللي اسمع كلامك و اقتنع بيه ليه انا اللي لازم امشي المركب عشان العلاقه يعني تستمر قالي المركب كده كده هتمشي بمزاجك غصب عنك هتمشي سواء بهدوء أو مشكله هتمشي و قالها مره قبل كده و احنا بنتكلم عادي قالي انا شخص عصبي و ممكن يحصل بينا مشاكل بس عمر المشاكل ما هتخليني ابعد عنك

يمكن ده كلام و لسه مفيش أفعال بس انا صدقته لانه كان صادق بس بالنسبه ليا كفايه أنه قالها كفايه اني حسيت أنه متمسك بيا كفايه اني معاه حسيت اني ست بجد و أن في راجل في حياتي مش محتاجه أبداً وانا معاه ابقي ست بميت راجل

ايمي…..بابتسامه طيب لما انتي شايفه أنه معاه حق و شايفه انك حبتيه و شايفه كمان أنه راجل مفيش زيه و قدر في الكام يوم دول يعوضك من غير ما يحس بحاجات كتير افتقدتيها في حياتك ليه زعلانه وليه بتعيطي

ليله…….عشان قولتلك يا ايمي سكوتي و استسلامي ده قدامه حاجه ضد شخصيتي
متعودتش لسه أن الاقي شخص يتحكم فيا أو يمشي كلامه عليا و خايفه طباع عشري بعد كده تجبره أنه يمشي كل كلامه

ايمي…..وانا مش شايفه أن هو كده و مش انا بس البنات كمان كل اللي قاله ده صح و اي راجل بجد هيطلب حجات شبه كده يمكن رشيد مكلمنيش في موضع السجاير بس علي اللبس رغم أنه كان بيضحك وقالها بطريقه مضحكه بس عينه كانت واضحه يا ليله أنه مش قابل و مستحيل يوافق

ليله…..عارفه بس هو ده اللي حسيت بيه كمان الست لما طول الوقت بتبقي عايشه بطولها و مسؤوله و بتتصرف لوحدها و عايشه دور الراجل بيبقي صعب عليها في اي علاقه تتقبل أن شخص يجبرها علي حاجه المسؤوليه و دور الراجل صعب يا ايمي علي اي ست دي مش حاجه سهله

ايمي…..عارفه يا ليله بس عشري بيحبك و انتي كمان بتحبيه و صدقيني هو غيران عليكي و متنسيش أبداً أن دي طباعه

نادين…..مسحت دموعها وافتكرت من كلام ليله كل اللي هي مرت بيه و كانت حاسه بيها جداً بصي يا ليله يمكن انا مع كلام ايمي و كلام نعيمه و مقتنعه أن عشري بيحبك و يمكن في أوقات انتي مش بتاخدني بالك بس انتي عارفه اني بمركز اوي نظرات عشري ليكي مش نظرات واحد عجبتك ست حلوه او عجبه وجود ست في في حياته وقال اقضي و اضيع معاها اليومين دول بس انا عايزه أسألك سؤال أولاً انا حاسه بيكي و بكل كلمه قولتيها لأن انتي عارفه اني عيشتها و عشت الاسوء منها كمان و لحد انهارده بعيشها بس سؤالي ليكي يا ليله طبع عشري و شخصيته القويه قدامك شخصيتك القويه ممكن تخليكي في لحظه تبعدي عنه و تقرري تستغني عنه في مقابل انك تحافظي علي شخصيتك القويه و ميبقاش في حد مسيطر عليكي

ليله…..عشري دخل حياتي في كام يوم قلبها يا نادين في غيره كتير حاولوا معايا شهور و يمكن اكتر و عمري ما بصيت ليهم حتي لكن هو قدر يدخل قلبي بسهوله و اكيد مقدرش لا و ده اللي مخوفني

نادين….ليه خايفه دي حاجه حلوه

ليله……خايفه اكتشف اكتر أن طبعه اصعب من كده خايفه غيرته تكون اقوي خايفه مقدرش بعد كده اتحمل و بعد كده عشان انا بحبه مقدرش اقول لا

نادين…..بس عشري مش كده صدقيني هو يمكن طريقته مختلفه عن طريقه غيره بس مش هو بس اللي كده في غيره كتير نفس طباعه عشري من النوع اللي لما بيحب بيغير و دي مش حاجه وحشه يمكن خوفك ده كان هيبقي في محله لو قالك مفيش شغل انا مش محتاج مثلاً بعد الجواز انك تشتغلي كان قالي تلبسي بكم يجبرك تلبسي حجاب بقولك متخرجيش في اي مكان غير وانا معاكي حجات زي كده كتير بس هو متكلمش في كل ده وانتي بنفسك قولتي أنه معلقش علي نفسك عموما الا لو كان مكشوف زياده عن اللزوم يعني سايبك تلبسي فساتين و كت و كل حاجه فا بيتهيالي غيرته مقبوله يا ليله

ايمي…..طبعاً مقبوله بس اقولك علي حاجه يا ليله و يمكن ده تحليلي لخوفك أو تحليلي لرفضك لشخصيته القويه دي هو أن علاقتكم اتطورات تطوير ملحوظ

يعني يمكن انتي و عشري اكتر علاقه خدت منحني تاني و سريع عمسنا كلنا يعني يمكن فضل أخيراً لمح لنعيمه وقت المايوه موقفه معاها وهي تعبانه بس مقالش لسه حاجه صريحه حسان و سلمي كمان علاقتهم هاديه و ماشيه واحده واحده بتطور بس تطور عادي بيطلعوا سلمه سلمه ايه وسلامه بينهم مواقف و نقار و حجات كتير تخلي اي حد فينا يقول إن الاتنين دول هيبقي في بينهم علاقه جميله بس بردوا هما واخدنها سلامه سلمه

نادين وعسال علاقتهم كانت زيك انتي وعشري بس طبعا عسال الهادي الرايق يخليكي تحسي أن هما كمان ماشين بهدوء و مش مستعجلين حتي علاقتي انا ورشيد اه انا اللي قولت واعترفت و هو كمان بادلني نفس الشعور و يبان خلاص قدام الكل أننا والدين الموضوع جد بس بردوا علاقه هاديه إنما انتي و عشري علاقتكم اتطورت نطيتوا من اول سلمه لنص السلم و دي مش حاجه وحشه هو كان واضح و انتي عجبك الموضوع دخلوا في تفاصيل ونقاشات كتير طورت العلاقه بينكم و ده يدل علي أن عشري خلاص عارف هو عايز ايه و عشان هو ليه طباع مختلفه قرر أنه يحط النقط علي الحروف من البدايه و بسرعه لان اللي زي عشري مش من الرجاله اللي ممكن تقول لا ده احنا لسه في البدايه مينفعش اعلق علي ده وعلي ده لا يا ليله عشري من الرجاله اللي لو عجبها ست و دخلت دماغه و قرر انها تبقي شريكة حياته يكون دوغري و يفهمها طباعه من الاول و دي مش حاجه وحشه و بيتهيالي خوفك هو سبب تطور العلاقه بسرعه بينكم.

ليله…..يمكن معاكي حق اللي ارتبطت بيهم قبل كده مكانش حد.فيهم يقدر يتجرأ و يتكلم عن لبسي أو اي تصرف غير لما يضمن حبي ليه

ايمي…..وعشري قبل ما يضمن حبك ليه صرح بحبه و اعترض علي حجات مش بتعجبه و مقالش لا استني شويه لما ناخد علي بعض كان واضح معاكي و دي مش حاجه وحشه.

نعيمه….اهدي بقي كده و بطلي عياط و مش عايزه اشوفك كده تاني

ايمي….بضحك هي بتعيط عشان زمرلها و معرفتش تردهاله

ليله….بضحك وهي بتمسح دموعها بلطجي و متشرد بجد و مشافش بربع جنيه تربيه

سلمي…..بضحك بس اوعي تنسي يا قمر أن هو ده النوع اللي قلبك بيحبه

ليله…بلا نيله ما انا حماره تخيلوا كده معايا بحب بلطجي

ضحكوا البنات كلهم

ايمي…..بقول ايه يلا خلينا ننزل عشان الاستاذ حسان قال محضرلنا كام لعبه

سلمي….بابتسامه اي خدمه عدوا الجمايل

ايمي…..لا وبقينا ناخد صفه كمان

ايه……طيب انا هروح اغير هدومي

سلمي…..وانا كمان

ايمي…..طيب انا هنزل وتعالوا بسرعه

ليله….انا كمان هغير لسه لما كلمني لبست اي حاجه

نادين….خلاص هنزل مع ليله

نعيمه….وانا هاخد العلاج واجي

ايمي……طيب انا هنزل بقي انا متتأخروش.

…………

نزلت ايمي الشباب كانوا قاعدين بره مع بعض بيضحكوا و بيهزروا حتي عشري كان باين انه عادي جداً عشان محدش يسأله أو يتدخل.

رشيد….بضحكه جميله أهلاً اهو القمر بتاعي وصل

ايمي……بابتسامه ايه وحشتك؟

رشيد….والله وحشتيني اصلا قعدت العيال دي تسد النفس

سلامه….بضحك كداب و كان قاعد بهزر و يضحك معانا

رشيد….بضحك وبهزر اه بس قعدتكم رخمه و هي وحشتني عايز حاجه بقي

سلامه….لا يا عم أطلع منها انا

ايمي…..ايه يا حسان هتلعبنا في اليوم ده ولا لا

حسان….والله انا جاهز ينزلوا بس البنات و نبدأ انتوا اللي متأخرين

ايمي….نازلين الوقت اهم بيغيروا بس و نوني بتاخد العلاج بس بقول ايه قبل ما البنات ينزلوا انا في حاجه كده عايزه اعملها فيهم

حسان…..تعملي ايه ؟

ايمي…..بضحك صراحه يعني انا ابان عاقله كده و رايقه بس لما بقعد انا وشيطاني لوحدنا بتقلب معايا بمقالب

سلامه….مقالب فيهم الله انا موافق

عسال….بضحك يا اخي نفسي اشوفك عاقل تموت في الشر

سلامه…..قصده انك شر يا ايمي

ايمي…..بضحك عسال يقول اللي هو عايزه

عسال….بضحك شكلككككك وحشش

سلامه….بقي كده طب اطلع انا منها و ابقي شوفي مين هيساعدك بقي

ايمي…..لا شكراً لخدماتك انا اصلا عايزه رشيد هو اللي يساعدني في الحوار ده

رشيد….حوار ايه ؟

ايمي….بضحك طب بصوا انا هقول و محدش يعترض المقلب فور فن يعني

عشري….بضحك وهو بينفخ الدخان خيرررر

ايمي…..بضحك خير متقلقش بص هو بصراحه انا معنديش مقلب معين بس عايزه نعمل مقلب في كل واحده في البنات و نشوف رد فعلها يعني رشيد مثلا ياخد بنت فيهم علي أنه عايز يتكلم معاها في حاجه مهمه و يقول أن هو اتفاجئ بكلامي اني معجبه بيه وهو محبش يحرجني بس انا مش في دماغه

عشري…..بضحك اوباااااااا حلو ده

حسان…..بضحك بيتهيألي رشيد ممكن يتضرب فيها

سلامه……ايوه و ايه هتقلب عليه

رشيد….بضحك يا نهار اسود والموقف طب بقول ايه انا موافق بس عندي فكره اقوي من دي خلينا نزود الموضوع شويه

عشري…..اعوذ بالله ما جمع الا ما وفق قول يا اخويا

فضل…..دماغ شياطين الجوز دول

ايمي….بضحك سيبه يفكر بقي متبقاش رخم انت وهو قول يا رشيد

رشيد….بس محدش فيكم يضرب انا بقول اهو

عشري…..قول قول متخافش

رشيد…..انا هقولهم اللي ايمي قالته و هنهي كلامي باني معجب بيهم هما

ايمي….بضحك انا موافقه جداً

فضل…..بضحك لا لا انت عبيط يا جدع

عسال….بضحك انا مش موافق يعني انا متوقع أن نودي لما تسمع انك مش معجب بصحبتها و انك وافقت عشان متحرجهاش متوقع انها تتوتر و تتأثر تروح انت قائلها اصلي معجب بيكي لا لا بتخرج

عشري….بضحك وانا مش موافق اصلا في بيني و بين ليله تاتش و عارف انها مش طيقاني

رشيد….بضحك ايه خايف توافق عشان مش طيقاك يعني

عشري….توافق ايه يا واطي اقصد انها كده كده مش طايقه نفسها وبعدين انا عارف دماغها مش سالكه دي ممكن تشك أن انا اللي قولتلك تعمل كده عشان اختبرها

ضحكوا كلهم علي عشري

ايمي….لا متقلقش مش هتقول كده

عشري….يا عم ده احلي رد فعل و هي متعصبه خلينا نشوف ردود أفعالهم

حسان….انتوا مصايب انتوا الاتنين بجد

ايمي…..خلصوا بقي قولوا موافقين

سلامه….بضحك انا عن نفسي موافق عايز اعرف ايه هتعمل ايه في عشري علي فكره هي بتحبك و بتحترمك بس بيتهيألي بعد الحوار ده هتقل منك اوي يا صاحبي

رشيد….بضحك صراحه انا مش قلقان غير من ليله عشان متعصبه

عشري…..بصراحه انا مش عارف ايه هو رد فعلها بس بيتهيألي هتروق عليك

حسان….لا انا متوقع سلمي هي اللي رد فعلها يبقي قوي خدوا بالكم ده مقلب رخم يعني في النهايه ايمي صاحبتهم

فضل….طب قوليلي يا ايمي بما انك صاحبتهم و علاقتكم قويه تقدري تعرفي رد فعل كل واحده يعني في موقف زي ده تفتكري يتصرفوا ازاي هيسيبوكي علي معاكي ولا يقولولك

ايمي…..بضحك بص هي الوحيده اللي اتوقع انها تقولي هي ليله

عشري….لا لا مستحيل ميتهيأليش تجرحك و بيتهيألي متقدرش حتي تقولي انا لأن رشيد صاحبي و عارف أن انا وليله في علاقه يعني لو قالت هتبقي مشكله كمل بضحك انا متوقع انها تهزق رشيد بالادب و بهدوء عشان محدش ياخد باله

حسان…..هي ممكن متقولش اه عشان المشاكل بس ممكن يعني ده من وجهة نظري لشخصية ليله تعدي الموقف بس بعد.كده تحاول تخلي ايمي تبعد عنه أو تقولها اي حاجه مش صريحه تخليها تشك فيه.

عسال……طيب من وجهة نظري انا بقي ليله قالت إن هي مش بتحب الكدب و ميتهياليش هتقدر تسكت لو هي واصله بجد للدرجه دي في الصراحه

فضل…..لا يا جدع مش كل حاجه بتتقال بيتهيألي في الموقف ده بالذات هتخاف تقول لايمي عشان متجرحهاش و اكيد لو قالت لعشري هتبقي كارثه يعني بين الصحاب

سلامه….صح ليله اعقل من أنها تعمل مشكله بيتهيالي اللي هبله وممكن تقول ايه

رشيد….بضحك ايه رأيك انتي في الحوار ده

ليله…..انا مع عسال جداً ليله صاحبتي و اختي وانا حفظاها مش هتسكت بس بصراحه كلامكم بردوا في نسبه من العقل ممكن ليله تفكر في الموضوع ده بالذات يمكن تخاف تجرحني و يمكن تفكر انها لو قالت لعشري يحصل مصيبه بين اتنين صحاب و بصراحه بقي عندي فضول بجد اعرف

فضل….طيب اسمعي لو مثلا رشيد خد نعيمه يقولها و فرضنا انها مقدرتش تقولك اكيد هتحب تفضفض مع البنات مثلا فا كده اللي هتقوله هيعرف و مش هنعرف نعمل فيه المقلب

ليله…..صح عشان كده بقي دورنا احنا نراقبهم و كل واحد فيكم لما رشيد يخلص الحوار يروح بسرعه يسأل مثلا مالك فيكي ايه مش يمكن مثلا يحبوا يفضفضوا معاكم

رشيد….المهم منخليهمش هما يتكلموا مع بعض و لما يعرفوا نقولهم لسه المقلب متعملش مع مين عشان ينضموا لينا و هما كمان يروحوا يتكلموا مع الضحيه الجديده و يعرفوا مالها.

ضحكوا كلهم

عشري…..والله انت وهي دماغكم دي سم و يكون في علمكم لو ليله زعلت مني هقولها إن انتوا السبب انا مليش علاقه

رشيد…ياعم مش هتزعل و انا اصلا هحاول اخلي ليله آخر واحده

ايمي……طب بس بس البنات شكلهم نازلين

عشري…..طيب تعالوا جوه بقي عشان رشيد يبقي ياخدهم بره هنا

ايمي…..يلا

سلامه….بضحك وصوت واطي عشري اتحمس

عشري….بضحك واطي انت والله

دخلوا قعدوا كلهم البنات نزلوا و آخر واحده كانت ليله

قعدوا كلهم و راحت هي بهدوء قعدت جنب عشري من غير ما تبصلوا كانت لابسه تيشرت اسود بكم ليه فاتحه من الضباع بتدخل صباعها فيه و بنطلون جينز وسلامه شعرها كان شكلها جميل اوي و هادي قعدت جنبه و متكلمتش

عسال…..كنتي فين كل ده

نادين…..كنت مع البنات فوق

عسال…..وحشتيني علي فكره

نادين….بابتسامه احراج انا متأخرتش لحقت يعني اوحشك

عسال….فكراني بهزر والله وحشتيني اوي

نادين….بابتسامه شكراً

عسال….بنظره جميله العفو يا قلبي

فضل….عامله ايه الوقت

نعيمه….احسن كتير الحمد لله

فضل…..معدتك مش وجعاكي

نعيمه….لا خالص بس المكان ده بيوجعني شويه

فضل….عشان رجعتي كتير اكيد بس علي بكره أن شاء الله هتبقي احسن

نعيمه….بابتسامه أن شاء الله

فضل…..طب قوليلي بقي هو انتي لما بتتعبي بتحلوي اكتر

نعيمه….بابتسامه رفعت حاجبها ده انت مطلعتش مغرور بس بقي ده انت طلعت كمان كلامنجي

فضل…..بضحكه جميله يا شيخه حرام عليكي اتفضلي ظلماني كده كتير

نعيمه…..يعني انت مش مغرور

فضل….صراحه اللي يشوف واحده زي القمر كده لازم يتغر عشان القمر ميشوفش نفسه علينا

نعيمه….بضحكه هاديه يعني بتعترف اهو يعني مش ظلماك

فضل….لا ظلماني شويه لاني والله مش مغرور و مش كلامنجي الا بقي لو انتي شايفه أنك وحشه

نعيمه…..لا مش شايفه نفسي وحشه بس انت كلامنجي يا فضل و شكلك قولت الجولتين دول لغيري كتير

فضل…..طب اقولك سر و متقوليش عليا مغرور

نعيمه…..بابتسامه علي حسب

فضل…..انا مش هقول اني معرفتش بنات بس عمري ما روحت قولت لبنت كلمه هما اللي كانوا بيجوا بيقولوا و بيعملوا تصرفات تلفت النظر وتبين إعجابهم

نعيمه….بضحك مغرور اوي

فضل….بضحك والله العظيم مش غرور دي حقيقه يمكن كنت بتجاوب معاهم خصوصا لو البنت مش وحشه بس انا مقولتش ولا مره و لا حتي لمحت غير للقمر

نعيمه…..بضحكة احراج طيب واشمعني

فضل….اشمعني ايه ؟

نعيمه….يعني اشمعني بتقولي انا ؟

فضل……انتي عايزه تدبسيني ولا ايه انا مقولتلكيش حاجه انا قولت للقمر

ابتسمت نعيمه بغيظ وضربته علي كتفه

فضل….بضحك طب خلاص خلاص نتكلم جد بقي

نعيمه….لا شكراً يا مغرور

فضل….بضحك خلاص والله جد بقي اقول

نعيمه….اتفضل

فضل…..صراحه عشان انتي مختلفه

نعيمه….بضحك و ياتري كام واحده دخلت حياتك قولتلها انها مختلفه

فضل…..بشرود عدد علي صوابعه

نعيمه…..بضحك ضربته تاني انت رخم علي فكره وانا غلطانه اني قاعده جنبك و بتكلم معاك

فضل…..ضحك و مسك أيدها بسرعه استني بس والله بهزر و والله عمري ما قولت لاي بنت انها مختلفه لاني محستش الاختلاف ده غير لما شوفتك

نعيمه….طيب اسأل ولا هتهرج

فضل….بابتسامه لا والله أسألي

نعيمه…..انا مختلفه في ايه؟

فضل…..حجات كتير أولاً زي القمر ثانياً شخصيتك جميله ميكس كده بين الطيبه و الجدعنه يبان انك قويه بس انتي كيوت يبان انك متمرده و صوتك من دماغك بس انتي بتسمعي الكلام

نعيمه…..ايش عرفك بقي اني بسمع الكلام

فضل….يعني لما قولتلك غيري المايوه مثلا

نعيمه….بابتسامه توتر ااااااه لا ما انا قولتلك مكنتش حابه اعلي صوتي و اعمل مشكله عشان الباقي ميتنكدش

فضل….بغمزه لا لا سيبك من الحوارات القديمه دي انتي لو مش عايزه تسمعي الكلام مش هيهمك حد بس انتي وافقتي و يمكن ده يخليني اتأكد أن يعني

نعيمه….يعني ايه ؟

فضل…..بغمزه يعني في حاجه كده جواكي من ناحيتي

نعيمه….بصدمه ابتسمت و اتوترت اكتر انا لا طبعاً

فضل……طيب عيني في عينك

نعيمه…..اهو

فضل….بابتسامه ايه حلوين ؟

نعيمه….هما ايه؟

فضل….بابتسامه غمزلها لون عيني

نعيمه…..امممم مش اوي يعني انا اصلا مش بحب اللون ده

فضل…..كدابه اوي علي فكره و شكلك حبيتهم و عجبوكي و نفسك تفضلي باصه فيهم بس مش عارفه

نعيمه….بضحك ده ايه الثقه دي و لا اقصد ايه الغرور ده علي فكره انت بيتهيالك

فضل…..متأكده

نعيمه….بضحك عايز ايه يا فضل انت مالك فايق ليه انهارده ولا منمتش كويس و ده تأثير قلة النوم

فضل….لا نايم كويس و مفيش فيا اي حاجه و زي الفل كمان اما بقي عايز ايه فا هو سؤال مش اكتر

نعيمه….ايه هو

فضل……انتي سمعتي الكلام و غيرتي المايوه عشان في حاجه صح و اوعي تقولي عشان ميحصلش مشكله لاني مش مصدق

نعيمه بابتسامه بصت قدامها و سكتت

فضل….بهدوء بصيلي يا نوني

بصتلوا نعيمه و هي مبتسمه ومس علي بعضها

نعيمه…..علي فكره انت مخليني متوتره

فضل…..و انا مش عايز اوترك والله انا بس بسأل سؤال و مستنيه رد

نعيمه…..انت شايف ايه يا فضل ؟

فضل……بابتسامه صراحه و من غير كدب و لا تقولي لا و الكلام ده

نعيمه….بابتسامه اوك قول

فضل…..انا شايف أن لو البنت معترضتش يبقي بتبادل الشخص نفسه الشعور و ألا هو ماله أصلاً

نعيمه…..و انت بقي عندك شعور يعني و كده ؟

فضل…..انا ممكن اقولك متجاوبيش علي سؤالي بسؤال و ممكن اقولك ردي انتي الاول بس انا مش هعمل كده اه يا نوني انا عندي شعور و شعور حلو اوي كمان و شايف كمان انت انتي بتبداليني نفس الشعور ده صح

ابتسمت نعيمه و فضلت بصاله شويه

نعيمه….ااااا احمممم والله اللي انت شايفه

فضل….بضحك و نظره جميله سند رأسه لوراء و بعدين بصلها و بيتهيألي انا مش عايز احلي من ده رد و فهمت خلاص

نعيمه….بضحك علي فكره انا مقولتش اه

فضل….ومقولتيش لا و عندنا بنقول السكوت علامة الرضا

نعيمه….بضحك يعني ايه بقي أن شاء الله؟

بصلها فضل بابتسامه جميله و غيرت لهجته في لحظه

فضل……يعني هلا و غلا بيكي في جلب العرباوي يا الدقاقه

نعيمه….بضحك وايه اخر كلمه دي بقي اوعي تكون بتغلط

فضل…..مش بقولك ظلماني علي طول لا يا ستي مش بغلط الدقاقه دي في لهجتنا يعني الست اللي أنوثتها طاغيه الست المتفجرة الانوثه ختم كلامه بغمزه و ابتسامه تجنن

نعيمه….بتوتر و إحراج و ده مدح بقي ولا قلة ادب

فضل…..ننشرها الوقت مدح بس بعدين نبقي نشوف حوار قلة الأدب ده

ضحكت نعيمه و خدودها احمرت اوي و قلبها كان هيطلع من مكانه

ابتسم فضل و فضل باصص عليها و سكت عشان الشباب كانوا بيتكلموا و قرر يأجل الكلام معاها لما يبقوا لوحدهم.

سلمي…..ما كفايه رغي بقي مش قولتوا هنلعب ايه يا حسان غيرت رأيك

حسان….اديكي بتقولي اهو بيرغوا انا مالي بقي

سلمي…..و انت ساكت ليهم ليهم قوملهم

حسان….بضحكه جميله اضربهم يعني

سلمي….بضحك لا بس زعق كده وخوفهم

حسان…..انتي شايفه كده

سلمي…..اه جرب كده

حسان….بضحك مش هيصدقوني انا مش بعرف ازعق

سلمي… اسمع مني هيصدقوك شكلك يدي شرير

حسان….بضحك رفع حاجبه انتي شيفاني شرير

سلمي….بضحك لا لا والله انت جميل انااااا سكتت و ابتسمت بإحراج اقصد طيب

حسان…..بابتسامه جميله لا لا انا همشيها اول كلمه طلعت من قلبك انا جميل

سلمي….بضحكة احراج خلاص و لا تزعل جميل يلا قوم بقي انا زهقت

حسان……ماشي يا ستي

قام وقف بقول ايه مش ناويين نلعب بقي

عشري….نشرب القهوه طيب الاول و نخلص السجاير دي

حسان….طب يلا انجزوا بص لسلمي ايه رأيك انفع

سلمي….بضحك شوفت صدقوك ازاي

حسان…..هو مش اوي يعني بس يلا هنمشيها صدقوني

سلمي…..حسان هو انا ممكن اسالك سؤال

حسان….اكيد

سلمي…..بضحك هو انت كده علي طول

حسان…..اللي هو ازاي

سلمي….يعني مش بتزعق مش بتتعصب يعني هادي كده و رايق ديماً ومثالي

حسان….اكيد لا مفيش حد مثالي اصلا انا بزعق و بتعصب و بزعل بس لو الموقف مستاهل بس في العموم انا بحب اكون محافظ علي هدوئي لأن مش كل المواقف تنفع بالمشاكل و الزعيق

سلمي….طيب ايه أقصي لحظه غضب ممكن توصلها

حسان…..ازعق شويه اتعصب اشوح بايدي كده قال يعني عصبي و بعدين اسيبك المكان وامشي و ربع ساعه اهدأ وارجع تاني

سلمي…..بضحك قال يعني عصبي

حسان….بضحك ما هو بصراحه انا شخص رايق زي ما قولتي و بعدين انا الان عاقل وهادي و تقيل بس انا مرح جدا وبحب الضحك و مش بحب القاعده اللي فيها نكد و مشاكل فا صعب حد يعصبني ويمكن عصبيته بتبقي علي الشباب اكتر في الشغل مثلا في موقف زي اللي عسال قال عليه انا مواعيدي مظبوطه جداً و بضايق من اي حد مش بيحترم المواعيد يعني اقصد اسباب بسيطه ممكن تعصبني علي عكس لو في سبب كبير ببقي اهدأ و بتعامل بهدوء

سلمي….مع أن يعني الطبيعي أن الحجات العاديه متبقاش محتاجه عصبيه و الحجات الكبيره هي اللي ممكن تعصبك

حسان…..يمكن معاكي حق بس انا بشوف أن البني ادم طاقه و أحياناً كل فتره لازم نفرغ الطاقه دي و نخرج اللي جوانا فا انا بشوف انها تطلع افضل في المواقف البسيطه لأن المواقف الكبيره هي بالفعل كبيره والعربيه وقتها ممكن توصل لمصايب فا العقل فيها والحكمه بتبقي مطلوبه و انا عندي قناعه أن في المشاكل الكبيره بالذات لازم الشخص يتحكم في عصبيته يمكن يقدر يحل الموضوع من غير مشاكل او مصايب او حتي أنه يخسر الشخص اللي قدامه اما بقي لو الموضوع تافهه و بسيط اللي قدامك هيديكي ألف عذر لانه شايف أن عصبيتك مش في محلها يمكن يقول انك متعصب من حاجه تانيه او انك بتمر بضغط أو يشوف أن الموضوع عبيط اصلا فا هو ميزعلش و يسيبك تتعصب شويه وخلاص

سلمي….بابتسامه وجهة نظر جديده بس حلوه

حسان….طيب انتي بقي عصبيتك اخرها ايه

سلمي….لا انا بصراحه سواء الموضوع بسيط او كبير مش بعمل مشكله ولا بتعصب و بسكت و في الأغلب انا بخلي عصبيتي و انفجاري اخر حل ممكن الجأ ليه انا شخص بيدي فرص كتير اوي يعني عندي فرط في الفرص و الاعذار و التسامح إلي أن يخلص رصيد البني ادم اللي قدامي

ابتسم حسان بهدوء

حسان ….وبعدها بيجي الطوفان

سلمي….بضحك لا مش لدرجه طوفان بردوا بس بمشي و بضمير مرتاح لاني ببقي حاولت اتمسك بالشخص اللي قدامي علي قد ما اقدر

حسان…..ده في العلاقه يعني ؟

سلمي…في العلاقه و كل حاجه دي طريقتي عموما

حسان….طيب لو زعلتي مع حد من البنات و في موضوع مثلا عصبك مش بتتعصبي

سلمي….لا خالص والله اسألهم انا ديماً هاديه و مش بتعصب يمكن انا شخص كتوم شويه في إظهار مشاعره و زي ما قولتلك بدي اعزار كتير و بفترض حسن النيه ديماً حتي لو بالفرض حصل مشكله بتكلم و بتناقش و بيبقي باين اني جد و حاده شويه بس مش بطريقه اوڤر هي مجرد مشاعر بتظهر انك مضايق مش اكتر

حسان….بابتسامه جميل حلو بردوا بردوا أن الشخص يعرف يتحكم في أعصابه و علي فكره يمكن طريقتنا مختلفه شويه بس احنا نشبه بعض

سلمي…..بابتسامه اه لاحظت ده بس انت بتتعصب شويه يعني

حسان…..علي صحابي بس يعني بينا وبين بعض كده

سلمي….امممم يعني مش علي البنات

حسان…..بنات مين انا مفيش حد في حياتي

سلمي….لا اقصد أن عصبيتك دي مش علي البنات عموما يعني لو في حد في حياتك و انت متعصب بتعمل ايه

حسان……انا عندي بنوته يا سلمي و بتعمل معاها علي انها حاجه هشه اخاف عليها تتكسر و انا في العموم بحس أن البنت او الست حتي لو شخصيتها قويه فيها جانب بسيط القريب منها هو اللي بيكتشفه والجانب ده ضعيف و قابل للكسر و بصراحه انا ميجليش قلب خالص اني اتعصبت أو ازعق في وش بنت و عمري ما عملتها بصراحه

سلمي….خالص خالص

حسان….اه والله خالص اصل هستقوي علي ست مش رجوله يعني ممكن اتناقش ممكن ابقي حاد شويه وده علي حسب حجم الموقف اكيد لكن مبتوصلش العصبيه و زعيق اصل كمان هقولك علي سر

سلمي….بابتسامه قول

حسان…..بابتسامه انا ضعيف جداً قدام دموع البنت عموماً سواء بقي بيبي لسه أو ست قويه وحتي كبار السن مقدرش اشوف ست بتعيط

سلمي…..انا واضح اصلا انك حنين يا حسان

حسان….بابتسامه يعني بيقولوا

ايمي…..بهمس لرشيد بقولك ايه وهما بيتكلموا كده اسحب اي واحده فيهم يلا

رشيد….بضحك اسحب ايه هما خرفان و بعدين كلهم بيرغوا

ايمي….بهدوء كده خد اي حد واغمز للشباب يساعدوك

رشيد….طيب تمام بص علي سلامه لقائه واقف يضحك هو وايه و بيلعبوا مع الكلاب غمزله رشيد و شاور براسه علي بره

ابتسم سلامه وهز رأسه براحه.

سلامه……ايه بقولك ايه كان في لعبه جبتها امبارح للاستاذ سولي اخرجي هاتيها من بره

ايه……دي هنا في البوكس

سلامه…..اااا لا كانت بره علي التربيزه

ايه….طيب استني اخرج اشوفها.

اول ما رشيد لمح ايه خرجت

ايمي……بضحك قوم بسرعه يلا وراها

رشيد…..بضحك حسبي الله

قام خرج وراها بسرعه و راحت ايمي وقفت جنب سلامه و الاتنين فطسانين من الضحك

سلامه….بضحك وطي صوتك هتفضحينا

ايمي…..مش قادره اتخيل ايه هموت والله

سلامه….بضحك خدي بالك لو رشيد راسه انفتحت مليش دعوه دي متشرده

ايمي…..علي فكره ايه هتتكسف تعمل رد فعل قوي مع رشيد

سلامه….طب تعالي كده نقرب من الباب من غير ما تحس و خلينا نسمعهم

الشباب كلهم لاحظوا الحوار و فهموا أن ايه اول ضحيه للمقلب .

في الخارج

رشيد…..ايه يا أيه في حاجه؟

ايه……لا ده سلامه بيقولي أن لعبه الكلاب بره هنا بس مش لقيتها هشوفها جوه خلاص

رشيد…..طيب استني تعالي بس انا عايزك و كويس اني لاقيتك بره لوحدك

ايه……طيب ماشي في ايه ؟

رشيد….تعالي بس اقعدي هنا

رسم رشيد ملامح الجد علي وشه و حاول يكتم ضحكته

ايه…..في ايه مالك ؟ شكلك مضايق

رشيد…..بتنهيده يعني شويه بصي انا عايز اقولك حاجه و بصراحه مش عارف ابدا منين

ايه….حاجه ايه قول قلقتني

رشيد…طيب الاول اوعديني أن اللي هقوله ده محدش يعرفه ده أولاً ثانيا تساعديني فيه

ايه…..والله لو هقدر اكيد مش هتاخر عليك يا رشيد بس هو ليه يعني محدش يعرفه سر مثلا

رشيد….يعني اه سر

ايه….طيب وليه متكلمتش فيه مع ايمي

رشيد….عشان ايمي اصلا مينفعش تعرف

ايه…..اوباااااا انتوا زعلانين من بعض ولا ايه

رشيد…لا خالص بالعكس أنا وايمي كويسين

ايه….طيب امال في ايه ؟

رشيد….طيب انا هتكلم بس متقاطعنيش

ايه…طيب يلا سمعاك

رشيد….اااااا بصراحه كده يا ايه انا حاسس ان موضوعي انا وايمي مش هينفع و عشان متفهمنيش غلط ايمي ست جميله و روحها حلوه بس مش هي دي اللي انا عايزها

ايه…..بضحك انت بتهزر صح

حاول رشيد يتحكم في نفسه

رشيد….لا مش بهزر انا بقولك هي مفيش زيها بس بصراحه انا اتفاجئت جداً من كلامها و مقدرتش ارفض طلبها عشان متتحرجش

ايه…..بضحك هستيري لا لا مش مصدقاك

رشيد….ليه طيب

ايه….بضحك يا جدع قول كلام غير ده بقي و الله بتهزر

رشيد…..علي فكره انا حبيت اتكلم معاكي لاني حاسس ان البنات لو فتحت معاهم الحوار ده ممكن يقفشوا ومحدش هيفهمني بس بجد يا ايه انا مش هقدر و مش عارف اقولها ازاي وبعدين في حاجه كمان

ايه….بضحك خير

رشيد…..انا من اول ما شوفتك يا ايه و انا معجب بيكي انتي

ايه هنا مقدرتش تمسك نفسها و دخلت في نوبه ضحك ابتسم رشيد غصب عنه

رشيد…..ايه مش مصدقاني انا عارف ان سني كبير شويه

فصلت ايه اكتر و بقت تضحك

رشيد….بضحك هو انا عايز اعرف انتي بتضحكي ليه

ايه…..بضحك إذا كان انت بتضحك و مش مصدق نفسك

رشيد…بضحك لا انا بضحك علي ضحكك

ايه…..والله العظيم بتحور و مش مصدقاك لأن دي مش شخصيتك اصلا اعترف وقول أن ده مقلب

هنا رشيد مقدرش يمسك نفسه من الضحك و خرج سلامه وايمي قربوا منهم و هما بيضحكوا

ايمي….بضحك بوظتي المقلب

رشيد….بضحك بنت اللذينه قفشتني و مقدرتش تمسك نفسي من ضحكها

ايه….عيب عليك انا قولت مقلب

سلامه…..بضحك علي فكره انت اللي بوظت الدنيا بضحكك

رشيد…..مقدرتش والله ريأكشناتها فظيعه و هي مش مصدقه

ايه….بضحك اه يا ولاد الايه بتعملوا فيا انا مقلب

ايمي……طيب محستيس أنه بيتكلم جد

ايه….لا خالص ممكن لو كان كمل في أول جزء أنه مش معجب بيكي وخدها جد كنت صدقته شويه بس اول ما قالي معجب بيكي فصلت مقدرتش أمسك نفسي

سلامه……كويس انها جات علي كده انا قولت هتفتح راسك

ايه….بضحك لا والله شكيت أنه مقلب هو حاول يمسك نفسه بس معرفش ملامحه فضحته

ايمي….طيب اسمعي بما انك عرفتي فا عايزين نكمل المقلب في باقي البنات

ايه….بضحك هما ميعرفوش

ايمي….بضحك لا مفيش غير الشباب بس وانتي بقيتي معانا روحي بقي بهدوء كده نادي سلمي و قوليها من غير ما حد ياخد باله أن رشيد عايزك بره ضروري

سلامه…..بس استني ندخل احنا عشان متشكش

ايه….بضحك طب يلا ادخلوا وربنا يقدرنا علي فعل الخير

دخلت ايمي و سلامه و بعد ثواني دخلت ايه بهدوء راحت لسلمي كانت واقفه مع حسان بيتكلموا قربت من ودنها

ايه…..لومي بقولك ايه رشيد بره و قالي أنه عايزك ضوروي

سلمي….بهمس في حاجه ولا ايه

ايه…..لا معرفش انا كنت بدور علي لعبة الكلب قالي معلش نادي سلمي بس من غير ما حد ياخد باله اتحرجت اسأله في ايه روحي شوفي انتي بقي عايز ايه

سلمي….طيب تمام حسان رجعالك تاني

حسان….بابتسامه تمام خدي وقتك

مشيت سلمي وقربت من حسان وهي بتضحك

ايه……بضحك طبعا انت عارف الحوار

حسان….بضحك ايه اتعمل فيكي المقلب؟

ايه….اه بس قفشتوا من اول لحظه و قولتله ده مقلب

ضحك حسان و راحوا وقفوا مع ايمي و سلامه

حسان….فضح روحوا

ايمي….بضحك احنا فصلنا ضحك علي منظرها وهي ميته من الضحك

سلامه…..تفتكروا سلمي هتعمل ايه

ايه….بضحك سلمي هتتكسف ترد عليه بس هتشتم فيه في سرها اكيد

ضحكوا الثلاثه علي ايه

في الخارج.

سلمي….بابتسامه هاي رشيد

رشيد….بابتسامه هاي يا سلمي تعالي

سلمي…..ايه قالتلي انك عايزني

رشيد…اه اقعدي

قعدت سلمي و بصتلوا بابتسامه بسيطه

سلمي…..خير

رشيد…بصي يا سلمي انا هقول اللي عندي علي طول احسن حد يخرج بس ارجوكي افهميني و اتمني تساعديني

سلمي….خير يا رشيد قلقتني

رشيد….بصي يا سلمي انتي اكيد شوفتي حوار ايمي و اعترافها قدام الكل و بصراحه انا مقدرتش ارفض عشان مجرحش ايمي بس ايمي مش الشخص اللي بدور عليه

بصتلوا سلمي بصدمه و تأثر و سكتت
و طبعاً الاربعه كانوا قريبين من الباب بيحاولوا يسمعوا و سلمي ضهرها كان ليهم

رشيد….انا عارف أن الموضوع يضايق خصوصا أن ايمي صاحبتك بس غصب عني

سلمي…..طيب يا رشيد انا بصراحه مش عارفه اقول ايه انت صدمتني طبعاً انت حر و محدش فينا يقدر يتدخل في مشاعرك في النهايه كل شخص فينا بيبقي فاهم اللي جواه اكتر من اي حد و انا مش هقدر الومك علي مشاعرك اللي مش قادر تبادلها مع ايمي بس انا لو هلومك بس علي حاجه هتبقي انك متكلمتش

رشيد….مقدرتش يا سلمي و قولتلك محبتش اجرحها

ايمي…..بالعكس لما تقولها في الاول افضل كتير من أنها تتعلق بيك خصوصا أن ايمي واضح انها حبيتك و اعجبت بيك بجد و بعدين انا ملاحظه انك قريب منها فا مش حلو خالص يا رشيد أن ده يبقي شعورك و في نفس الوقت مش بتحاول تحسسها بده لا ده انت بتقرب منها وبتعلقها بيك اكتر

رشيد….ده اللي حصل بقي يا سلمي انا ربنا يعلم نيتي مقدرتش اجرحها ايمي شخصيه حلوه بس مش الاستايل بتاعي و في حاجه كمان اهم

سلمي….ايه هي بقي

رشيد….مش عايزك تفهميني غلط بس سلمي بصراحه كده انا من البدايه خالص و انا اعجبت بيكي انتي مش بايمي

صدمت سليم اترسمت علي ملامحها اكتر و برقت و قلبها بقي يدق

سلمي….اااااا اانن انت بتقول ايه

رشيد….بقول اني معجب بيكي انتي يا سلمي و عايز ابقي معاكي

سلمي…..رشيد انت واعي للي بتقولوا

رشيد….دي مشاعري وانتي لسه قائله أن محدش فينا يقدر يتحكم في مشاعر غيره

سلمي….بس انتي ناسي أن ايمي دي اختي اولا يا رشيد انا مفيش عندي مشاعر ليك انا اعتبرتك اخ كبير صديق مش اكتر

رشيد…..لو عشان السن انا مش هحسسك بيه صدقيني

سلمي…..بغضب بسيط و صوت بتحاول تتحكم فيه سن ايه و قرف ايه بقولك ايمي اختي مش صاحبتي يعني انا حامله هم انها تتوجع انك مش تبادلها نفس الشعور تقوم انت تقولي معجب بيا انت اكيد جرالك حاجه و علي فكره ايمي متستحقش منك كده خالص و انا كمان متستحقش منك انك تحطني في الموقف ده

رشيد….انا عارف أنه موقف مش حلو بس اسمعيني يا سلمي

سلمي….قامت وقفت بغضب و هي أيدها بتترعش من التوتر اسمعني انت كويس الكلام اللي قولته ده بمجرد ما همشي هتنساه مش حابب تكمل مع ايمي انت حر اصلا ايمي تستاهل احسن حد في الدنيا بس اياك تقولها الكلام اللي قولته عني ده لاني معنديش استعداد اخسر صاحبتي بسبب راجل معنديش استعداد اشوفها موجوعه بحاجه انا مليش ذنب فيها فهمت الموضوع ده ميتفتحش تاني نهائي لحد ما نمشي كلنا من هنا بعد اذنك

ايمي و سلامه وايه وحسان راحوا وقفوا علي البار بسرعه

حسان…..خدوا بالكم احسن تنادي حد من البنات و تحكيله

ايمي….بضحك ابقي الحقيها يا ايه لو حبت تروح لاي حد

ايه….ماشي ماشي اسكتوا

دخلت سلمي وهي باين علي ملامحها التوتر الفظيع

سلمي…..ايه معلش تعالي لحظه فوق

ايه….طيب بعد اذنكم

دخل رشيد وهو بيضحك و قرب من حسان وايمي وسلامه كانوا فطسانين من الضحك

رشيد…..سلمي هتكرهني منكم لله

سلامه….بضحك مننا لله ليه ما انت مشارك باوسخ جزء من الفكره

ايمي…..بضحك يا عمري انا و الله صعبت عليا

حسان…..بسعاده وانا كمان عايزين نعرف بس بتقول ايه لايه

ايمي……رشيد طيب اخرج انت و سلامه يناديلك اي حد من البنات و انا وحسان هنطلع نسمعهم

سلامه…..هقول لنادين ولا نعيمه

حسان….بضحك لا لا هات نعيمه والنبي

رشيد…..بس انزلوا بسرعه عشان لو خلصت معاها كلام البنات يلحقوا يتكلموا معاها.

ايمي….ماشي.

في الاعلي..

ايه….انتي بتهرجي اكيد

سلمي….بهرج ايه يا أيه انتي ماشيه ايدي بتترعش ازاي انا مش قادره اتلم علي اعصابي و رحمة ماما اللي بقوله ده حصل

ايه….طب هنعمل ايه ؟

سلمي….معرفش انا مخي اتشل وكويس اوي اني قدرت اقوله الكلمتين دول

ايه…..بس بيتهيالي ايمي لازم تعرف

سلمي….ماهي كده كده هتعرف بس اكيد مش مني انا مقدرش اقولها ولا اقدر اقولها أن رشيد قال انه معجب بيا انا

ايه….طيب اقولها انا

سلمي….معرفش معرفش انا مخي اتشل

ايه….طيب ايه رأيك اقول لليله و هي تتصرف بقي

سلمي….ليله ايه دي ليله لو عرفت هتقلب الدنيا و ايمي هتتجرح بجد لا بلاش ليله علي الاقل لما نرجع احسن

ايه….خلاص مستني يمكن هو يقولها أنه مش معجب بيها

سلمي…..بجد انا حاسه هيجرالي حاجه ايمي صعبانه عليا و مش عارفه ازاي هحط عيني في عين رشيد احنا لازم نمشي بكره

ايه….طيب هنقولهم ايه

سلمي….معرفش معرفش يا ايه بس لو فضلنا هنا هيبان عليا

ايمي…..طلعت هي و حسان و هما بيضحكوا لا عادي انا عرفت خلاص صح يا حسان

حسان….بابتسامه جميله انا مليش دعوه

سلمي…..بصدمه عرفتي ايه و انتوا ليه هنا اصلا

ايمي….بضحك اصلي سمعتك وانتي بتتكلمي

ايه ضحكت و بعدت عنها بسرعه

سلمي….بعدم استيعاب بصتلهن بصدمه و ابتسمت ابتسامه خفيفه انتوا بتهرجوا صح ؟

ايمي….شربتي المقلب

سلمي…..حطت أيدها الاتنين علي وشها و ادتهم ضهرها

ايمي…..بضحك اوعي تعيطي احسن انزل اقتلوا

حسان….بابتسامه والله انتوا شياطين

سلمي….بضحك من بين دموعها والله حرام عليكم اعصابي سابت و اتصدمت

ايمي…..بضحك والنبي ما تزعلي

سلمي…..انا زعلت عشانك انتي و خوفت تزعلي مني لو عرفتي أن رشيد معجب بيا و انتي يا جزمه واقفه تتكلمي معايا وانتي عارفه

ايه….بضحك ما انا اتعمل فيا قبلك

سلمي…..انتوا ايه ناوين تعملوا المقلب في الكل

ايمي….بضحك صراحه اه اتفقت عليكم انا والشباب

سلمي….بدموع ضحكت كده يا حسان حتي انت تتفق معاهم

حسان ….بضحكه جميله والله ما ليا ذنب هي الشريره دي و رشيد اللي اتفقوا

سلمي….والله قلبي كان هيقف

حسان….بأبتسامه حقك عليا والله امسحي يلا دموعك و خلينا نشوف الصحيه الثالثه

ايمي….يلا عشان سلامه خرج نعيمه و بقولك ايه انتي معانا

سلمي….لا انا مليش دعوه بيكم يا اشرار

ايمي….متبقيش رخمه بقي خلي المقلب يبقي حلو و بعدين عشان لو نعيمه حبت تقول لاي حد ميبقاش من اللي لشه متعملش فيهم المقلب

سلمي….طيب ماشي يلا

حسان….بابتسامه امسحي دموعك طيب شكلك معيط

سلمي….بضحك ماهو بسببكم

نزلت ايه و ايمي

حسان…..يلا كده كويس

سلمي….علي فكره انا زعلانه منك عشان وافقت بجد مقلب رخم

حسان….بضحك والله هما اللي اشرار انا مليش دعوه بس حقك عليا وبعدين يعني سمعنا الكلام اللي قولتيه و ايمي اتبسطت اوي و انا كمان

سلمي….اشمعني بقي

حسان…..يعني موقفك جميل اكيد

سلمي….بابتسامه احراج طب يلا خلينا ننزل

حسان…..يلا بينا.

في الاسفل..

فضل……بضحك معرفش طولوا ليه متحمس اشوف رد فعل نعيمه حاسس انها هتفتح راس رشيد

ايمي….بضحك لا ميتهياليش بس اكيد هتهزقه

عند ليله و عشري من اول ما نزلت وهي قاعده ساكته جنب عشري و هو كمان ساكت و بيلعب في الموبايل ساب الموبايل و حطها في جيبه و بعدين بصلها و هو بياخد نفس طويل و بينفخه عليها كان عايز يجر شكلها

فضلت زي ما هي و متأثرتش بالدخان وكأنه معملش حاجه

عشري……ايه هتفضلي ساكته كده كتير

ليله…بهدوء نعم بتكلمني؟

عشري…..امال بكلم نفسي

ليله…عادي انا مش ساكته ولا حاجه وبعدين انت اللي ساكت و شكلك مشغول في موبايلك

عشري…..اه كنت بتكلم الموزه بتاعتي شويه

ليله…..طيب كويس اهي تسليك شويه

عشري……بقولك ايه متبقيش رخمه انا مش بحب قلبة الوش دي

ليله….علي فكره انت بجح

عشري….بضحكه عاليه خلت ليله ابتسمت غصب عنها انا بجح و جالك قلب تقوليها

ليله…..اه بجح اخاف منك يعني

عشري….طيب يا ستي انا بجح بجح ليه بقي

ليله….عشان انت اللي مزعلني والوقت زعلان من قلبى وشي

عشري…..انا زعلتك مقدرش

ليله….لا والله هتعمل فيها طيب وكده

عشري…..طب ما انا طيب فعلا

ليله….والله طيب كويس

عشري…..علي فكره انا بتكلم جد انا مقدرش ازعلك و عشان حسيت انك مضايقه بحاول انكشك

ليله….لا زعلتني يا عشري

عشري…..ليه يا قلب عشري

ليله…..عشان طريقتك و عشان الفاظك و اللي بتعمله وصوتك العالي و عصبيتك

عشري……انا اسف

ليله…..بلمعة دموع في عينها و انا مش قابله أسفك

عشري….بضعف و تأثر ابتسم لا لا لا استني اوعي تعملي كده

بصتلوا ليله بزعل و طلعت علي فوق بسرعه قبل دموعها ما تنزل

قام عشري بهدوء و طلع وراها بسرعه وهو مبتسم و كان بياخد السلم في درجتين

و قبل ما تدخل علي الاوضه قفشها من دراعها بسرعه و قربها منها زقته من صدره و أدتله ضهرها عشان ميشوفهاش و هي بتعيط

عشري…..حبيبي

ليله…..عشري من فضلك انزل

عشري….مقدرش ليله بتعيطي ليه

ليله…..مفيش

ابتسم عشري و شدها لحضنه فضلت دموعها تنزل في صمت

عشري….بصي انا هقولك كلمه و اعتبري أن الكلمه دي كمان اخر مره اقولها مهما حصل حصل بينا اوعي في مره اشوف دموعك دي تاني عشان انا والله العظيم ما قصدت ازعلك انا بحبك يا ليله وانتي عارفه كده كويس عارفه أن كلامي خوف وغيره عليكي

ليله….بدموع وانا معترضتش علي فكره بس طريقتك و عصبيتك مكانش ليهم اي داعي خالص

عشري…..كنت متعصب يا قلبي والله العظيم و قبل ما اخرج اصلا كان فضل قبلها نازل علي تحت و تخيلت لو خرج بدالي وشافك مكانش الوضع هيبقي حلو يا ليله غيرت عليكي مش عايز حد يشوفك أو يلمح جسمك

ليله…..بس انا قولتلك مكنتش عارفه انا خرجت من الحمام لاقيته مفتوح

عشري…..و انا قولتلك في حجات مينفعش نتعامل معاها ببساطه و عموما انا يا ستي و اوعدك وعد شرف من راجل بيحبك من قلبه بجد أن عمري ما هخليكي تعيطي تاني بس عشان خاطري بلاش تعملي ايه حاجه اتفقنا عليها عشان متبقاش نقطه خلاف بينا

ليله….بس اوعدني الاول تبقي مؤدب و بلاش طريقتك دي عشان والله يا عشري هوريك وش تاني و بعد.كده اللفظ اللي اسمعه منك هردهولك عشره اوعي تفكرني مؤدبه

عشري….بضحك لا ما انا عارف انتي بتاعت مشاكل

ليله….بضحك مسحت دموعها انا لساني اطول منك علي فكره وانا لو سكت سكت عشان بحبك

عشري…..عشان ايه ؟

ليله…..عشان بحبك يا رخم

عشري…..بابتسامه يا عمري انا و الله العظيم انا اللي بحبك بطلي عياط بقي هعيط معاكي علي فكره

ليله…..اااااه علي اساس انك عندك دم اصلا انت عارف انا بشوفك ازاي اصلا

عشري….بضحك ازاي

ليله…..بشوفك بلطجي و مسجل خطر و متشرد كمان

عشري…..بضحك كل دول يا مفتريه والله بحبك

ليله…..وانا كمان و اياك تزعلني تاني

عشري….مقدرش يا عمري يلا امسحي دموعي و ادخلي اغسلي و شك وانزلي

ليله….ماشي

عشري…..بقولك ايه مفيش حاجه كده ولا كده

ليله……بعينك يا سافل لما يبقي يتقفل علينا باب واحد

عشري….بضحك ما في باب اهو ندخل و نقفله عادي مش قصه

وقته ليله في صدره.

ليله…..امشي علي تحت يا عشري امشي يا بلطجي بزق حيطه امشييييي

عشري…..بضحك براحتك بكره تجيلي و تطلبها وانا مش هوافق

ليله…..بعينك و الله امشي من هنا يلا

عشري….بضحك طيب بحبك

ليله…..بابتسامه جميله وانا كمان يا رخم

عشري…..يلا يا قلبي متتأخريش

ليله…..حاضر

في الاسفل.

نعيمه……حسان انا قولتلك عشان معرفتش اتصرف و بصراحه عارفه انك هتقدر تحل الموضوع انا مش هقدر اقول لايمي حاجه زي دي و لا هقدر اقول لفضل اصلا انا مصدومه في رشيد ازاي يقولي كده و هو عارف أننا صحاب و ازاي يقول كده وهو عارف أن انا و فضل يعني مش هتكسف منك يا حسان انا و فضل في بينا اعجاب و بيتهيالي واضح الكل ولا ايه

حسان….بتمثيل اه واضح و بصراحه انا مصدوم ازاي رشيد يقولك كده يعني معملش حساب انك تقولي لفضل و يحصل مصيبه

نعيمه….فضل مينفعش يعرف اصلا ولا حتي ايمي انت تروح تقول لرشيد وتخليه هو بطريقته ينهي الموضوع معاها ومن غير ما يجرحها.

حسان….طيب انتي قولتيله ايه لما قالك كده

نعيمه…..بصراحه انا بهدلته و يمكن كنت بحترم رشيد و براعي أن في فرق سن بينا بس لما قالي كده نزل من عيني و محستش بنفسها غير لما قولتله انت اصلا جبان لو عندك ربع الشجاعه والجراه اللي عند ايمي كنت صارحتها و لو بتعرف يعني ايه عيش وملح كنت فكرت في صاحبك

حسان…..خلاص يا نوني انا هتصرف سيبي الموضوع ده عليا بس يعني انا كان عندي رأي تاني

نعيمه…..قول

حسان….صراحه انا كنت عارف الحوار ورشيد فاتحني فيه و قالي أنه معجب بيكي ايه رايك تديله فرصه و تجربي رشيد كويس علي فكره

نعيمه….بصدمه انت بتقول ايه هو انتوا شاربين ايه يا جدعان بجد يعني انا جيتلك عشان عارفه انك بتتعامل بعقل مع الموقف تقولي كده فيكوا ايه بجد

و فجأه سمعت نعيمه ضحك الكل و قرب منها حسان وايمي

سلامه….بضحك شربتي المقلب

نعيمه……مقلب ده كان هزار يعني

ايمي….بضحك والله انتي قلبي

نعيمه….والله انتي عايزه ميت قلم علي وشك يا جزمه انا قلبي كان هيقف و انت بتضحك علي ايه

فضل….بضحك والله هما اللي فكروا يعملوا فيكم كلكم المقلب انا مليش دعوه

نعيمه……تصدق انا غلطانه اني خوفت اقولك انت وهي

سلمي….بضحك نعيمه بتترعش زيي

نعيمه…..يابنتي مش قادره اتلم علي اعصابي اول مره اتحط في موقف زي ده

حسان….بضحك ضم راسها باسها قدام الكل

نعيمه…بابتسامه وسع كده بجد انتوا رخمين ولا حسان ده كمان اللي يقولي جربي

حسان…..انا قولت يلا اعيش الموقف شويه

ايه…..حسان فصلني ضحك والله

نعيمه …..والله العظيم مقلب رخم و زي الزفت

ايمي……انا قولت لرشيد يقولكم أنه مش بيحبني هو اللي زود بقي انه يقولكم معجب بيكم مليش دعوه

نعيمه……جوز شياطين اعوذ بالله منكم و الله معدتي قفشت تاني

عسال….بابتسامه والله حرام عليكم

نعيمه….بضحك لا يا عاقل انت كمان لما هو حرام وافقت ليه

عسال….موافقتش أساليبهم بس هما اشرار

نزل عشري وهو بيضحك

عشري….ايه بقوا كام ضحيه

نعيمه….حتي انت كمان ده انتوا عصابه بقي

ايمي….بضحك نادين خرجت بره معاه فاضل ليله اوعي تخرج بره

عشري…..ماشي

نعيمه….ايوه يعني كده مين متفق مع مين

ايمي…..انا والشباب و اللي فيكم بتعرف بتنضم لينا

نعيمه…..طب يكون في علمكم ليله هتسمع الكل وساخه لسانها اللهم بلغت

ضحكوا كلهم علي نعيمه

ايمي….مش بقولكم حافظينها

نعيمه…..بضحك يارب نعيمه تضرب رشيد عشان وقف قلبي

عشري….بضحك احنا عايزين نكون قريبين منها دي مجنونه و بتاعت مشاكل

ايه…..خلينا في نودي الوقت انا صعابنه عليا اوي

عسال…..بابتسامه والله وانا كمان

ايمي….تعالوا نسمع بيقولوا ايه

عشري…..طيب انا هقعد عشان لو ليله نزلت متشوفناش و احنا واقفين نسمع كده

حسان….خلينا احنا كمان هنا

قرب عسال و ايمي و ايه و سلامه يسمعوا.

نادين…..بصدمه وتوتر انت بتقول ايه يا رشيد

رشيد…..بقول اللي جوايا يا نادين عشان لو فضلت مخبيه هيجرالي حاجه بجد ايوه انا مش بحب ايمي و بحبك انتي

نادين…..بتوتر اكبر عينها دمعت بسرعه طب ازاي هو انت فاكر انك كلامك ده هيبسطني رشيد انا كنت بحترمك بجد و كنت مبسوطه بيك انت و ايمي

رشيد….طيب ممكن متعيطيش

نادين……ملكش دعوه بيا انت بجد شخص وحش جداً ازاي هانت عليك ايمي دي ايمي دي حد جميل ازاي هانت عليك ميدو بجد يعني مصعبش عليك تكسره و تصدمه فيك طيب وايمي اللي اعترفت قدام الكل و وثقت في مشاعرها و مشاعرك عادي كده تجرحها.

ابتسم رشيد بتأثر و قام وقف

رشيد….لا لا انا كده مش هتحمل نودي اهدي والله العظيم ده مقلب

خرجوا كلهم و هما بيضحكوا وعسال كان باين عليه التأثر قرب منها بسرعه و ضمها و هي فضلت تعيط حضنتها ايمي من ضهرها

ايمي ….والله حقك عليا

عسال….بحب والله قولتلها بلاش عشان نودي هتتوتر بس هما اللي أشرار

نادين….بدموع علي فكره بجد مقلب وحش اوي و قلبي كان هيقف

عسال….حقك عليا يا عمري الله يخربيتك يا رشيد

ايمي…..بضحك خلاص والنبي حقك عليا

ايه…..علي فكره المقلب ده بيتعمل فينا كلنا وفاضل ليله بس

نادين……لا لا مش مقلب حلو انا خوفت بجد و معرفتش اتصرف كنت بحاول اقنعه يغير كلامه لانه مينفعش

عسال…..خلاص يا عمري حقك عليا انا

سلامه…..بضحك طيب حسيتي بأيه

نادين…..اتصدمت وقلبي اتقبض و خوفت من رشيد اوي حست أنه راجل مش كويس و انا بجد بحترمك يا رشيد بس للحظه خوفت منك و خوفت علي ايمي و علي ميدو كنت بفكر لو هنا الاتنين عرفوا هيحصل ايه

رشيد…بتأثر قرب منها و باس كفها حقك علي راسي والله انا اصلا مقدرتش اكمل ولا قدرت استني نشوف رد فعلك هتعملي ايه او هتتكلمي مع مين بمجرد ما حسيت انك اتوترتي و وشك ابيض وقفت

نادين…..حرام عليكم بجد ده انا قلبي كان هيقف

ايمي……طب قولي انك مش زعلانه وحياتي

نادين….بضحك مش زعلانه والله بس زعلت عليكم انتوا الاتنين اكتر حاجه

سلمي….بضحك قربت منها يا روحي دي بتعيط زيي

نادين…..عملوا فيكي انتي كمان

سلمي….بضحك فينا كلنا يا قلبي مش احنا بس بس اقولك علي حاجه انا مستنيه اشوف رد فعل ليله و نفسي بجد تاخد حقنا

رشيد…..بضحك دي اكتر واحده مقلق منها. وبعدين دي ليها سابقه في الخناقات و الضرب

نادين….بضحك احسن انت وايمي تستاهلوا الضرب

سلامه…..طيب صراحه كده لو كان رشيد كمل المقلب كنتي هتقولي لاي حد ولا هتسكتي

نادين….اكيد مكنتش هقول لايمي خالص لاني مقدرش اعمل كده

سلامه…..طيب كنتي ممكن تحكي لمين