لقاء كـ،ـ،ـارثي

لقاء كارثي
أميره أسامه
صاحبة البطل الواحد

~° البارت السابع عشر°~
……………

في صباح اليوم الخامس الوقت كان بدأ يجري و الايام تمر مكانش لسه حد فيهم مستوعب أن وقت الرجوع الحياه هترجع تختلف و لا حد فيهم فكر في اليوم هيعدي ازاي و هما مش بعض .

يمكن كانوا عارفين أن اليوم ده هيجي اكيد وكل واحد فيهم يرجع لبيته و حياته.

بس عشان لسه مجربوش الحياه بعد التعود بيبقي شكلها عامله ازاي مكنش حد مركز و يمكن كمان عشان لسه ساعه الصفر مدقتش للرجوع فا حابين يستمتعوا بكل لحظه مع بعض.

لكن الأكيد أن رجوعهم لحياتهم الأولي هتغير فيهم كتير اوي هيعرقوا معني الحب بجد و معني الاشتياق معني الحنين و التفكير في الماضي اللي كان كله ذكريات حلوه .

…………

عرف الكل اللي حصل مع نعيمه خافوا عليها جداً و نزلوا كلهم اطمنوا عليها و قعدوا معاها كانت احسن كتير عن الاول.

ايمي…..تعبتي يا صغنن والله كنت حاسه

نادين ….طيب انتي عامله ايه الوقت

نعيمه….بأبتسامه بخير والله احسن كتير

ليله…..طيب انا ازاي محستش بيكي انا نومي خفيف

نعيمه……انا خرجت براحه و نزلت علي تحت عشان متقلقوش و انا عارفه انك لما بتصحي مش بتعرفي تنامي بسهوله

رشيد….سلامتك يا نوني اتحسدتي ولا ايه

نعيمه….بضحك تفتكر

عشري…..خلاص بقت زي الفل

ليله……انا عايزه اعرف انت ازاي متقوليش يا عشري انت و فضل و عسال

عسال…..انا والله قولتلها بس هي مرضيتش و لما حسيت ان هي تعبانه طلعت قولت لفضل عشان ينزل يبقي معايا

عشري…..هي أولاً مرضيتيش تقلقكم ثانياًمحدش فيكم.كان هيعمل ايه حاجه كانت لازم تروح المستشفي

ليله…..طيب وفيها ايه كنت جيت معاكم عشان متبقاش لوحدها

فضل……رفع حاجبه نعم يا ست ليله و احنا شفافين

ليله….لا طبعاً مقصدش بس يبقي في بنت معاها عشان لو تعبت

سلامه…..ما خلاص بقي يا ليله ماهي زي القرده اهي

نعيمه…..بضحك قرده في عينك كله منك لو كنت سيبتني عطست امبارح كان زماني بقيت كويسه

سلامه…..بضحك راح وقف قدامهم امبارح لاقيت نعيمه واقفه واحده الوضع ده و مقشعره مناخيرها و فاتحه بوئها كده

ضحكوا كلهم علي سلامه و حدفته نعيمه بالمخده

نعيمه……طب والله انت رخم

حسان….يلا الحمد لله انها عدت علي خير و كويس اصلا انها رجعت عشان تفوق

نعيمه…..بابتسامه انا كنت هموت والله

ليله……والله مضايقه منك و منهم اوي ينفع نبقي نايمين كلنا وهي تعبانه يعني

عشري…يا قلبي و الله ما رضيت و كان لازم احنا نتصرف و بعدين متقلقيش عليها احنا مسيبنهاش

ليله…..يلا الحمد لله طيب انتي حاسه انك احسن الوقت

نعيمه……اه طبعاً كتير الحمد لله الحقنه كويسه ريحتني و لما نمت ارتحت اكتر

سلمي…..طيب انتي كده مش هينفع تأكلي اي اكل حتي لو الترجيع وقف معدتك لسه تعبانه انا هعملك اي حاجه خفيفه

فضل….الدكتور اصلا قال تاكل حاجه خفيفه جداً

سلمي….تمام انا هعملها

سلامه……ضربتي كده اليوم علينا و مش هنروح البحر

رشيد…..يا واطي بقي ده اللي هامك

نعيمه…..لو عايزين تروحوا نروح انا كويسه بس مش هنزل المايه خلينا نروح عادي

رشيد…..لا لا خليكي الهواء بره شديد عليكي

نعيمه….لا والنبي بلاش ننكد عليهم بالذات سلامه اللي مش طايقني

سلامه….بضحك لا طبعاً أنا بهزر خلينا بكره عادي تكوني بقيتي احسن و نقضي انهارده في البيت

نعيمه…..عشان نودي كمان والنبي هي كانت عايزه تروح

نادين….اروح فين و انتي كده لا عادي طبعاً لسه في بكره نبقي نروح عادي الدنيا مش هتكير المهم تبقي كويسه

ايمي….خلاص خلينا انهارده

حسان……خلاص نقعد انهارده و انا هعملكم أجواء حلوه و نلعب كده كام لعبه

ايه…..ماشي انا موافقه

ليله….بقول ايه بما اننا قاعدين خلينا احنا كده نقوم ننضف البيت عشان حاسه ان في رمل كتير و انتوا اتفضلوا بره من غير مطرود وياريت تاخدوا في ايديكم الجزم اللي مش مبطلين هوهوه دول

سلامه…طب ما نخلي بالنا بقي من كلامنا هاااا عشان الجزم دول فيهم واحد اسمه سلامه

ليله….بضحك لا والله ما اقصد الله يخربيتك يا ايه

سلامه…..ايه دي هتتعلق أن شاء الله

ايه….الله وانا مالي ما قولت خلاص ننادي عليه سولي

حسان….بضحك بعد ايه الاسم لزق خلاص

ليله……اسفين ليك يا استاذ سلامه و اتفضلوا علي بره من غير مطرود و خمسه بقي هدوء

عشري……مش عارف ليه حاسس كده أن الطرده دي فيها نم علينا

ايمي….بضحك صراحه انا عندي سوره نم مع البنات

نعيمه….ببابتسامه هاديه صراحه وانا كمان

عشري….حتي انتي يا نوني

سلامه…..بنظره قرف عيب بلاش انتي ده انتي حتي كنتي علي فراش الموت

رشيد….بضحك الله يخربيت لسانك بعد الشر

فضل….ولا اطلع بره

نعيمه….بضحك ماشي يا سلامه أفوق بس و افضالك

خرجوا الشباب كلهم بره و سابوا البنات لوحدهم جريت ليله قفلت باب الڤيلا عليهم من جوه بصوا الشباب بسرعه لقوا البنات واقفين عند الجدار الزجاجي اللي جنب الباب بيغيظوهم

عشري……طيب حلو كده افتكروا أن انتوا اللي بدأتوا

ضحكوا البنات و راحوا بسرعه علي الكنبه

ايمي…..يلا بسرعه مش معانا وقت كله يطلع اللي عنده

نعيمه…..بقول ايه ابدأ انا عشان عندي حاجه مهمه لازم اقولها بصراحه بخصوص تعبي امبارح

ليله….اه ابدأي انتي احكيلنا حصل ايه؟

حطت نعيمه أيدها علي قلبها و رمت نفسها لوراء

نعيمه……ايه دول يا بنات ايه الشباب دي و ايه عشري و عسال و جمالهم دول و ايه فضل اللي انا كنت قالبه عليه ده و سيبكم بقي من فضل ليله انتي و نودي لو فرطتوا في عسال و عشري هتخسروا

ابتسموا البنات واتحمسوا

ليله…..ايه احكي يلا

نعيمه…..الاول نزلت مكانش في حد و عسال اول واحد اللي عرف اصلا اني تعبانه صحي من صوت الكلاب لأن وانا برجع كانوا واقفين بره علي باب الحمام فاضحني

ايه….بضحك دي سرينة يا جاهله ايش فهمك انتي

نادين….سيبها تكمل بقي

ايه….ما طبعاً الكلام علي حبيب القلب

ليله….بت والمصحف هضربك كملي

نعيمه…..نزل و لما نزل شافني اتخض و حسيت أنه خايف عليا بجد يخربيت القمر ايه طريقه اهتمامه بالست دي و ايه الحنيه اللي في البني ادم ده يجنن بجد

كنت بعمل نعناع و قاعده عند البار قومني و قعدني علي الكنبه و ياعيني لما قولتله ميصحيش حد فيكم كان مش عارف يعمل ايه رايح جاي و يبصلي بقلق لما رجعت تاني معرفش بقي يسكت و غالبا لانه متربي مليون مره حس انها رخمه يفضل معايا لوحدنا طلع فوق ولاقيته نازل و معاه فضل و عشري

ايمي……بابتسامه صراحه هو محترم و اكيد هما متكلمين بينهم وبين بعض و عارف أن فضل عينه علي نادين فا شاف انها مش حلوه ميقولش لفضل

نعيمه…..وغالباً ده اللي حصل فضلوا طبعاً واقفين معايا راح عسال جاب كوبايه و حطلي سڤن بتفح الستاير و انا كنت في نص هدومي مش عارفه اوقف ترجيع يعني تخيلوا كده لسه في أول الحكايه بيني و بين فضل و برجع يعني قمة القرف

سلمي….يعني هو بمزاجك انتي كمان

نعيمه…..فضل جري ورايا وانا راحه ارجع تاني يقوم عسال القمر يقوله سيبها براحتها عشان متتحرجش يا خراااابي علي الواد ده قمر

نادين ضحكت و ركزت معاها

نعيمه….عشري قالهم كده مش هينفع لازم نروح المستشفي طلع فضل جري عشان كان نازل من غير تيشرت لبس و جابلي تيشرت معاه كنت لابسه بحمالات لبسني التيشرت بتاعه و خرجنا فضل هو و عشري يتناقروا بره شويه عشان فضل مجابش المحفظه بتاعت عشري المهم روحنا و خلصنا و انا من واحنا في الطريق حاسه اني عايزه ارجع و ماسكه نفسي و لما خرجنا ماسكه نفسي مكسوفه ارجع قدامهم و مرعوبه ارجع في عربيه عشري العربيه قمر و هو واضح أنه زيك يا ايمي انتي وليله بيحب عربيته

ايه….بضحك هي تتحب بصراحه

نعيمه….المهم جاب فضل العلاج و جاب سڤن تاني كتير و مشينا مقدرتش بقي قولتله وقف بسرعه علي ما وقف كنت بدأت الدنيا و ملحقتش حتي اخرج راسي بره العربيه

ليله……بابتسامه صدمه رجعتي في العربيه

نعيمه……بضحك حطت أيدها علي وشها متفكرنيش ده في الارض و علي الباب من بره و علي الكرسي و علي تيشرت فضل

ضحكوا البنات كلهم

ليله….بضحك موقف متمناهوش لآلد اعدائي

نعيمه…..و الله يا ليله انا اتصدمت كان نفسي الأرض تتشق و تبلعني لاقيت نفسي بعيط و عماله اقول لعشري اسفه اسفه

نزلوا الاتنين بهدوء و ابتسامه ولا كأن في حاجه بس عشري بقي يقولي انتي عبيطه اسفه علي ايه انتي فكرانا بنقرف

راح جاب جركن مايه و هو وفضل بقوا ينضفوا وانا هموت

ايمي…..نضفوا بنفسهم

نعيمه…..والله نضفوا يا ليله و بقوا يهدوني و عشري القمر قاله خليك معاها فضل بقي يغسلي و شي و ينضف التيشرت و باب العربيه بجد بجد عملوا معايا موقف امبارح عمري ما هقدر أنساه يعني سيبكم من فضل انا بتكلم عن عشري و عسال بجد رجاله و جدعان و موقفهم حلو اوي يعني اتوقع الاهتمام ده من فضل لأن هو مركز معايا بس هما يعني جدعان بجد كمان موقف عشري و أنه مكانش قرفان لا يجننوا بجد و دي شهادة حق في حقهم

ايمي……واضحه يا نوني مش محتاجه تقولي انا عمر نظرتي ما خيبت في اي بني ادم كلهم بجد جدعان اوي و محترمين و علي فكره نفس الموقف ده كان هتعمل لو حسان أو سلامه او رشيد

ليله…..صراحه انا مشكش أبداً انهم يعملوا عكس كده زي ما قالت ايمي كلهم يجننوا بجد.

نعيمه….وعسال يا حرام فضل مستني لحد ما رجعنا صاحي نودي الواد ده قمر اوعي تفكري تزعليه أو تبعدي عنه

نادين…..ميدو يجنن في كل حاجه امبارح اصلا و احنا علي البحر خلاني مش كتر اهتمامه اتوترت و خوفت لدرجه اني قولتله يبطل يهتم بالشكل ده

ليله…..يابت انتي حماره في حد في الدنيا يقول كده

نادين….خوفت يا ليله انا عمري ما شوفت الاهتمام ده من اي حد قريب مني امبارح ميدو كان فاضل شويه و ياكلني لدرجه انه مكلش غير لما انا خلصت انا مش متعوده علي كده يا ليله امي و ابويا نفسهم عمرهم ما عملوها معايا خوفت اتعود علي الاهتمام ده و فجأه ارجع تاني اعمل كل حاجه لوحدي

ليله…..انتوا عارفين بجد انا امبارح عسال خطفني حرفياً و هو قاعد يتكلم و السيجاره في بوئه و ماسك سعر نادين بعمله ضفيره

ليله…..بضحكه جميله انا كمان لاحظت و فضلت بصاله بجد بني ادم مش طبيعي

نادين…..شوفتوا يعني معايا حق ميدو بيعمل معايا حجات غريبه طريقته تصرفاته كلامه كل حاجه تخليني اتعود و انا بخاف من فكرة التعود

ايمي…..بس متقلقيش عسال مش كده و هي دي شخصيته

نعيمه…..ايوه يا نودي و الله دي شخصيته بقولك امبارح كان هيتجنن وانا اهو صحبتك يعني مخصهوش بس واضح أن الشباب كان معاهم حق و محدش فيهم كان بيطبله عشان صاحبهم لما قالوا إن عسال بيعرف قيمه الست بجد

سلمي…..علي فكره يا نودي في موقف كمان عملوا معايا عسال لو تفتكروا اول يوم جينا و اول دقيقه اتقفل علينا فيها الباب وقتها التاج كان نازل علي راسي و ورمت شويه مكانش عندهم هنا ثلج

ليله….ايوه انا فاكره جابلك تلج من اللي كان في البلكونه

سلمي…..ايوه حط حبه في كيس و ربطهم وقالي حطيخا علي راسك هو شخص جميل بجد و يجنن و ربنا يبارك لخالته لأنها واضح تعبت في تربيته

ايه….بضحك ومتعبتس ليه في تربيه ابنها

ليله…..خدي بالك سلامه مختلفش عن عسال هو كمان جدع و متربي الفرق بينهم الشخصيه سلامه شقي و مهيبر

ايمي…..شخصية عسال و شخصية سلامه واحده الاتين دمهم خفيف و بيضحكوا و القاعده معاهم حلوه بس سلامه ظاهره عليه اوي عسال بيحب حد ينكشه و يمكن دمه اخف كمان من سلامه بس هو اهدأ شويه من سلامه لكن بصراحه سلامه كمان يجنن

ايه….انا عارفه والله انا بهزر

ايمي…..علي فكره كمان عسال لما شاف ايدي اتجرحت اول يوم قالهم شوفوا أيدها بسرعه وخرج جري يجيب العربيات مع الشباب و ينزلوا حاجتنا و الشنط

ليله…..دي شخصيته يا نودي انا فهماكي علي فكره و فاهمه فكره ان الشخص يعيش طول حياته مسؤول و متحمل المسؤوليه و فجأه يجي بني ادم يشيل عنه كل ده طبيعي أننا نخاف نتعود نخاف نحب الموضوع و يحصل حاجه تخلينا نرجع للبدايه كل ده انا مقدراه بس صدقيني هو مش كده و واضح أنه متمسك بيكي جداً

ايمي……طيب و انتي البلطجي بتاعك عامل ايه

ليله….لا لا لا انا وهو مش نفس الدماغ و هنتعب مع بعض عصبي اوي يا ايمي بصي هو كل حاجه فيه تجنن بس بلطجي

ايمي…..بضحك هو مجرم بصراحه بس عسل والله و علي فكره انتوا دماغكم نسخه من بعض انتي عصبيه و هو عصبي انتي مجنونه وهو اجن انتي عنيده و هو عنيده انتي دماغك ناشفه وهو زيك

ليله…..ما عشان كده بقولك مش نفس الدماغ يمكن زي ما قولتي زي بعض في كل حاجه بس عشان دماغي تستوعب و دماغه تستوعب أن احنا كوبي بيست من بعض هنتعب و بعدين المشكله ان هو عصبي بس برغم أن انا عصبيه معرفش ليه مش بعرف اقف قدامهم بقيت خايبه اوي و بسكت و صوته بيخوفني و عليه نظره بحس اني بلغت لساني

نعيمه….بضحك شوف مين اللي بيتكلم

ليله….بضحك اهو ليكي حق انا نفسي مش مصدقه

ايمي…..احنا كلنا لسه بتعرف و بنكتشف بعض و لازم الست تكون ذكيه مينفعش يا ليله تقفي بعصبيتك دي قدامه لازم بذكائك تمتصي غضبه لأن اللي زي عشري و يمكن فضل كمان يا نعيمه غضبهم مش حلو فا لازم نعدي مينفعش نقف راس براس هتضيعوا انوثتكم و هتبقوا عاملين زي راجل واقف في وش راجل

سلمي….طيب الخبره بتاعتنا بقي عامله ايه مع رشيد

ليله…..بضحك لا دول عايشين في مائة البطيخ مقضينها ضحك و قلة ادب

سلمي…..قلة ادب ازاي

ليله…..امبارح السافل عشري و رشيد و فضل واضح.كده أنهم كانوا بيتكلموا في الخباثه عن أكلة السمك و الفسفور

نعيمه….بضحك اه خلاص افتكرت

ليله…..بضحك الهانم بقي الصايعه راحت معاهم علي الخط

ايمي….بضحك بصوا رشيد يجنن هو كمان شبهي اوي يعني رايق عاقل قليل الادب و جرئ زيي هو تركيبه جميله و يمكن ده النوع اللي بحبه في الرجاله يعني ميكس كده خفيف و متحسيش بيه بس بصراحه لسه لحد الوقت معرفش عصبيته عامله ازاي يعني معرفش وقت عصبيته غضبه بيروح لفين و طبعاً أنا عصبيه بس الاكيد اني عمري ما وقف قدامه ولا هخلي عصبيته تروح لابعد حد انتوا عارفين لما الشخص بيكون غالي عندي بقدر امتص عصبيته و لما يهدأ بعرف اعاتبه و اغلطه و اخليه يندم كمان.

نادين…..لا بس هو هادي و لذيذ و بيتهيألي عصبيته مش رخمه

ليله……بضحك بس خير ان شاء الله صحيت يعني امبارح من النوم لما عشري قالي يلا اطلعوا فوق و صحي البنات لاقيت كل واحده فيكم نايمه علي صدر الشباب خير يا ست سلمي

سلمي….بضحك وإخراج لا بقولك ايه انا اصلا اتفاجئت كنت سانده علي الكنبه و نمت صحيت لاقيت حسان نايم علي كتفي

ليله….بضحك وراسك اللي كانت سانده علي راسه دي ايه

سلمي….بضحك لا بتحصل عادي اكيد اتحركت وانا نايمه

ليله…..وست الكتكوته ايه

ايه….بس بقي عشان انا يومي طين و كينت الدنيا

ايمي…..وايه الجديد ما ده العادي

ايه…..لا اسمعي بقي كنا عاملين تتريق انا وهو عليكم كل اتنين مندمجين مع بعض و هو يقولي بصي ليله وعشري وانا أقوله بص سلمي و حسان و بعدين قولتله فضل الوحيد اللي قاعد حزين عشان نوني نايمه و بوظت عليه اللحظه

نعيمه….الله يخربيتك

ايه….بضحك لا استني بس المهم قالي ليه يعني قولتله يعني انت مش عارف انهم بيكراشوا علي بعض خدني علي قد عقلي قالي اه صح ملاحظ بس لما انتي عارفه ازاي قولتي معجبه بفضل و ضحك

ليله….بضحك فضحت نفسها الهبله

ايمي…..احسن علي الاقل يفهم انها كانت بتقول ايه كلام

ايه…..ماهو اكيد فهم لاني ضرب لخمه و عملت نفسي عبيطه

ليله….وايه اللي جابك في حضنه يا اختي

ايه….بضحك انا مالي اسأليه هو

سلمي….لا يا شيخه كنتي متخدره

ايه….بضحك بلاش انتي

ايمي….بقول ايه قوموا نشوف هنعمل ايه قبل ما يدخلوا

ضحكوا البنات و بعدين قاموا بسرعه كل واحد فيهم عمل حاجه نضفوا المكان تحت و وقفت ايمي و سلمي عملوا اكل و طلعوا باقي السمك كمان عشان يبقوا يسخنوا و عملوا شوربه لنعيمه و باقي البنات نضفوا الاوض فوق بتاعتهم وخلصوا كل حاجه.

الوقت بينهم في اليوم ده كان بيعدي بسرعه اتغدوا و خلصوا و طلعوا شويه اللي حابب ياخد شاور و اللي بيغير هدومه عشان اتفق معاهم حسان يلعبوا مع بعض لعبه حلوه.

خرج عشري من الأوضه لمح ليله جوه الموضه بتاعتها بتضحك مع ايه و بيضربوا بعض بهزار و هي خارجه من الحمام اللي في الاوضه و بهدومها الداخليه من فوق و لسه ملبستش تيشرت

اول ما شافته اتصدمت و جريت علي جنب بسرعه و غالباً قالت حاجه لحد من البنات فا الباب اتقفل..

ليله….الله يخربيتك انتي سايبه الباب عشري شافني

ايه…..بضحك طيب كويس أن هو بس اللي شافك مش أمة لا الا الا الله و بعدين نودي نزلت تحت هي اللي مقفلتش

ايمي…..بضحك اعملي نفسك عبيطه و اعتبري أنه مايوه

ليله….مايوه ايه انتي كمان ده هيطين عيشتي ده بصلي بصه

ايه…..لا لا كبري احنا قلنا الباب علي طول

ليله…..انتي منك لله غوري يا بت بدل ما اضربك.

رن موبايل ليله بصت لقت عشري ابتسمت بصدمه وبصتلهم

ليله…..نهار اسود ده عشري

ايمي….بضحك طب ردي

ليله…..بضحك لا انا مالي ده قليل الادب و لسانه طويل هيشتم

ايمي…..بضحك أو يزمر

ليله….بقولك ايه خدي ردي عليه و قولي له ليله في الحمام

ايمي….بضحك انا مالي و بعدين ده لسه شايفك

فصل التليفون و بصتلهم و هي سرحانه و بتضحك

ايمي…..فصل ده هيعلقك

ليله….بضحك لو اتصل تاني ردي و النبي

ايمي…..والله ما هرد ده واطي و مجنون و مضمنهوش

نعيمه….بضحك ما شاء الله سمعته بقت سبقاه مسجل خطر

ليله…..نهار اسود بيتصل تاني ايه خدي ردي عليه

ايه….ارد ايه والله يخرج من الموبايل ياكلني

ليله….تخلصي ردي ما كله بسببك

ايه….بضحك هاتي احممممم الوووو ايوه يا عشري انا ايه

عشري……ايوه يا ايه فين ليله ؟

ايه….كتمت ضحكتها اااا في التويلت هتخلص و تكلمك قالتلي ارد عليك

عشري…..خبطي عليها و اديها الموبايل الوقت

ايه….بصدمه بصت لليله وهي بتضحك طيب لحظه واحده

ليله…..بهمس شاورتلها لا لا اوعي

ايه…..بضحك يا ليله ليله عشري علي الموبايل عايزك

ليله….بهمس يومك اسود

خدت منها التليفون وراحت علي الحمام و قفلت وراها

ايه….بضحك ليله شكلها هتترفع

ايمي…..بضحك منك لله هيقلب عليها

ايه….انا مالي والمصحف نودي اللي مقفلتش وراها.

في الحمام.

ليله….احمممم ايوه يا عشري

عشري ….بصوت باين عليه التوعد تنزلي حالا و تخرجي بره الڤيلا

ليله….اااا ليه ااا اقصد انا في الحمام طيب

عشري…..بصوت غاضب لييييييله انا عارف انك مش في الحمام و فاهم كمان الحوار اللي عملتيه و ايه ترد و الكلام ده تنزلي حالاً

ليله……حوار ايه ووووو ومالك بتزعق ليه كده

عشري….بصي انا حذرتك اكتر من مره بلاش تجربي زفارة لساني فا انزلي و بلاش تعصبيني عشان انا مش بحب دور العبط ده ثواني والاقيكي قصداي

قفل في وشها

ليله….اااا طيب الو الو منك لله يا ايه الكلب

خرجت ليله و هي مبتسمه و باين عليها التوتر

ايه….بضحك ايه زمر

ليله….انتي منك لله

ايمي…..في ايه شافك

ليله….طبعاً شافني متعصب وعايزين انزل تحت بيقولي اخرجي بره الڤيلا

ايه….بضحك يبقي هياخدك وراء مصنع الكراسي

ليله…..مصنع الكراسي ده اللي هاخدك فيه أن شاء الله

ايمي……بضحك طيب روحي شوفيه عايز ايه

ليله….هيكون عايز ايه يعني هتنفخ يا ايمي

ايمي….بضحك لا اتكلمي بهدوء و بعدين اسمعيه و انتي ساكته

ليله….وانا ساكته ليه ماسك عليا ذله انا مالي

ايمي…..يابت بيغير عليكي و اكيد فكر لو حد من الشباب اللي شافك

ليله…..انا اصلا مش عارفه ابص في عينه عشان هو نفسه شافني

نعيمه….ما قولنالك اعتبره مايوه

ليله….بس ده مش مايوه ياللي تتشكي منك ليها كملت بضحك بقولكم ايه ورحمة امي انا خايفه

ايمي….بضحك عيشت و شوفتك بتخافي طيب روحي بقي عشان لو اتأخرتي عليه هتتنفخي بجد

ليله…..ما تيجي معايا يا ايمي هو انا مش باجي معاكي في اي مصيبه

ايمي…..لا يا اختي انا مش بتدخل بين واحده و حبيبها

ليله….يا بت هتنفخ ايه النداله دي

ايمي…..هيقولك كلمتين خديهم وخلاص يلا روحي بقي

ليله….يعني مش هتيجي معايا

ايمي….بضحك لا لو حسيت أن الموضوع كبير هجيلك

ايه….شالله يسترك اوعي تقولي أن انا السبب

ليله….خايفه منه طب تصدقي لا هلبسك معاه يا ايه خليه يرزعك زماره تسد ودنك

ايه….بضحك عادي عادي الراجل لينام وهو صاحب مفيهاش مشكله

ليله…..لبست التيشرت طيب وسعي وسعي بدل ما اقتلك ابقوا اطمنوا عليا

ايمي…..بضحك نازلين وراكي اهو

خرج عشري علي بره و قف بعيد شويه عن الباب كان باين عليه الغضب بيشرب السيجاره نفس و راء نفس بغضب فظيع ورايح جاي قدام الباب.

نزلت ليله بهدوء و خرجت علي بره لمحته من بعيده ملامحه متبشرش بخير حاجبه مرفوع قلبها دق جامد بس حبت تعمل عبيطه ابتسمت و راحت عليه.

ليله….بابتسامه ايه يا عشري

عشري….بغضب تعالي

قفل الباب ومشي مشيت جنبه و هي ساكته و بتبصله بطرف عينها

عدوا الرصيف و مشيوا ناحية المنحدر اللي كله رمل و بينزل علي البحر

ليله…..انا رايحين فين؟

عشري…..بغضب هو انتي وراكي مشوار يعني و هأخرك ما تنزلي

ليله…..طيب انت ليه متعصب كده في ايه

اصلها عشري بغضب

عشري….ليله متخلنيش اعمل حاجه ترجعي تزعلي منها انا انا بتعصب ببقي وحس يا ليله من فضلك انزل وبلاش استفزاز

ليله….استفزاز ليه انا مش فاهمه بجد انت مش شايف نفسك

عشري…..لا فااااااااهمه و عارفه ايه اللي معصبني فا خلينيا نبعد بقي عشان لما صوتي يعلي متزعليش

ليله…..وقفت لا وانا مش هاجي خلاص

وقف عشري و يصلها بغضب

عشري….يعني ايه مش هتيجي

ليله…..يعني مش هاجي معاك وانت عامل كده يا عشري و بعدين بتاخدني بعيد ليه

عشري……يعني ايه مش فاهم هتكلم تحت

ليله…..تتكلم تحت ايه ده منظر واحد عايز يتكلم ده منظر واحد عايز يخلص عليا بقولك ايه انا مش هاجي معاك وانت عامل كده وبصراحه بقي انا خايفه منك

مسك كفها و هو باصص لها بغيظ و نزل بيها

ليله….ااااااه طب استني براحه يا عشري مش عارفه انزل الحجاره بتدخل في رجلي

عشري…..بغضب طب انزلي براحه اظبطي رجلك مالك عاملها كده ليه

ليله….يعني هو بمزاجي ما انت اللي بتشدني

عشري…..اهو سيبتك انزلي بقي من غير ولا كلمه

ليله…..طب استني متمدش كده خليني أسند عليك هقع

يصلها بنفاذ صبر و رجع خطوتين مدلها أيده مسكت فيه و نزل براحه عشان متتعورش.

و اول ما خلصوا المنحدر ده و بقوا علي الرمل بتاعت البحر ساب أيدها و مشي قدامها ناحية البحر

و بعدين وقف قدامها مره واحده و شه ليها بصتلوا و سكتت خد اخر نفس من السيجاره و بعدين رماها وداس عليها

ليله….ااااا ايه ممكن افهم في ايه بقي ؟

عشري…..لا انا اللي عايز افهم ايه المنظر ده

ليله…..ااااا منظر ايه

عشري……بغضب بصي هنبدأها عبط هتزعلي و هتسمعي مني اللي متحبيش تسمعيه

ليله….انا بسألك علي فكره منظر ايه تقصد لبسي يعني ماله تيشرت و بنطلون چينس مضايقك مثلا التقطيع اللي فيه ده ما انا بلبس فستان و شورت

عشري……ليله و رب الكعبه هفقد اعصابي

ليله….بضحك طيب براحه طيب

عشري….بغضب و صوت عالي صدمها متضحكييييييش و عمل نفس الصوت مره تانيه هو انتي شيفاني بهزر الوقت