لقاء كا….رثي
لقاء كا...رثي 111
لقاء كارثي
أميره أسامه
صاحبة البطل الواحد
. البارت المئه 111.
………………………
خرج سلامه فتحلها الباب و ركبها و بعدين راح ركب و بصلها.
ايه…… بابتسامه هاديه شكراً يا سلامه تعبتك معايا اوي
سلامه …بابتسامه بطلي هبل يا بت ايه شكراً دي بس انا مش طايقك علي فكره وعايز اعلقك من قفاكي و اديكي حتت علقه
ايه….. بابتسامه ليه كده بس انا فيا حيل ده انا خلصانه قدامك اهو
سلامه…..ماهو عشان مفكييش حيل و خلصانه بجد مش طايقك بتعملي في نفسك ليه كده يا ايه ليه كل الشغل ده بتاخديه في يوم واحد بصي يا ايه انا محترم شغلك جداً و مقدر حبك ليه بس ده مش معناه انك تيجي علي نفسك كده انتي شغلتك صعبه هي في الاصل شغلانه عايزه راجل يقدر يشيل و يحط و ينزل و ينضف ده مجهود رهيب انا مش قادر من ايدي بسبب حجم الكلب امال انتي هتعملي ايه خصوصا ان مش ده الكلب الوحيد انهارده انتي صاحيه من بدري و شغاله من الصبح و اكيد جالك كلاب بنفس الاحجام يعني شغلانه متعبه لصدرك و عضمك و كل حاجه انتي اصلا من غير اي حاجه ضعيفه يا ماما متتحمليش مجهود كلب زي ده فا ليه بتعملي كده
ايه…..مكنتش اعرف اني هتعب كده اصلاً بقالي يومين من وقت ما رجعنا من السفر مكانش عندي شغل كتير يعني يادوب كلبين او تلاته في اليوم و صغيرين مكنتش تعبانه و قولت عادي انا مرتاحه بقالي فتره مش هتعب لو خدت كل الشغل ده في نفس اليوم بس فصلت جيت علي اخر كلب حسيت اني مش قادره و هيغم عليا من التعب
سلامه….ما طببعي يا ماما جسمك ليه عليكي حق هتتحاسبي و هتتسألي عليه و بعيداً عن التعب و المجهود انتي طول اليوم ايدك في مايه و الجو تلج و بعدين شعر الكلاب بيتعب الصدر و بيعمل حساسيه و انتي الجيوب الانفيه عندك بايظه علي طول فا ليه كل ده انتي لو محتاجه فلوس هقول عشان كده حقك بس انتي مش محتاجه و لو محتاجه انا موجود محتاجه فلوس يا ايه ؟
ايه….. بابتسامه فلوس ايه بس يا سلامه اكيد لا الموضوع مش مادي خالص انت عارف كل الموضوع اني بحب شغلي اه متعب بس بحبه
سلامه…..و مينفعش يا حبيبة قلبي حبك لشغلك يجي علي حساب صحتك انا سمعتك وانتي بتعيطي عرفت انك جايبه اخرك صوتك اصلاً كان باين عليه التعب
ايه…..مكنتش اعرف والله اني هتعب كده تقريباً كمان عندي برد في جسمي و لسه مظهرش فا كله بقي جه مع بعضه
