لقاء كا….رثي

ليله…..اه شويه بس مش برد قوي يعني

سلمي….ماهو مش شرط بصي لو مناخيرك مسدوده او مرشحه شويه فا طببعي وانتي نايمه هتاخدي نفسك من بوئك فا بيحصلك جفاف و الجفاف ده بيعمل زي تشققات دقيقه جدا في اللثه او بطانه الفم عموماً و التشققات دي بتنزل دم تلقائي يعني انتي ممكن تكوني سنانك كويسه واللثه بخير بس التشققات اللي حصلت بسبب الجفاف دي هي اللي خرجت الدم

ليله….ايوه يعني انا اعمل ايه الوقت اجيلك ولا ايه

سلمي…..هو انتي مش محتاجه تيجي لو متأكده ان مفيش اي الم في الاسنان او اللثه

ليله….لا مفيش

سلمي…..طيب يبقي مشكلتك في الرشح اللي سادد مناخيرك ده خدي حاجه للبرد و اي بخاخه بتستعمليها عشان تفتح مناخيرك شويه و اشربي سوايل دافيه

ليله…..طيب انا مش عندي بخاخه اجيب ايه قوليلي اسم بتاعت ايه

سلمي…..بضحك هو اي حاجه و خلاص بتاعت ايه للجيوب الانفيه

ليله…..بابتسامه ما انا مش عارفه مش بستخدمها

سلمي…..ممكن تطلبي من الصيدلي عادي و تعرفيه انك عايزه حاجه خفيفه بس عشان تفتح مناخيرك شويه

ليله….اممم طيب اشطا انا كده كده هنزل هجيبها بقي وانا تحت المهم يعني ان ده مش من سناني

سلمي…..لا طول ما مفيش الم يبقي في اسباب تانيه هي محصلتش معاكي قبل كده

ليله….لا انا اول مره اصحي الاقي الدم ده

سلمي…كتير بقي

ليله….لا مش كتير بس مقرف اوي

سلمي….خلاص انتي خدي علاج للرشح والبخاخه زي ما قولتلك هتظبط نفسك وانتي نايمه و هتتنفسي عادي اللي عندك ده جفاف عشان اتنفستي من بوئك

ليله…..بابتسامه ماشي يا دكتور منتحرمش

سلمي…بضحك اي خدمه كشف عالماشي اهو عدي الجمايل

ليله…..بضحك جمايلك مغرقاني هبقي اعزمك علي حاجه

سلمي…..ماشي يا ستي انتي نازله امتي

ليله….انا هقوم اهو البس و هروح الاول ابص علي ايمي و عندي مشاوير كتير اعملها والله

سلمي…..طيب لو مش فاضيه روحي شوفي مشاويرك كده كده كلمتها و عرفت ان رشيد جابلها المساعده

ليله…..عارفه بس ابص عليها و اشرب معاها القهوه و نرغي شويه عشان متزهقش بردوا

سلمي…..بابتيامه خدي بالك انا مش عارفه ايمي هتفضل ازاي قاعده طول الفتره دي مش هتكمل خدي بالك

ليله….ماعشان كده مش عايزين نسيبها اللي فاضي فينا يروح يقعد و يرغي معاها شويه المشكله ان ايمي مبتقعدش و بتتحرك من مكان للتاني فا صعب عليها اوي انها تتحمل هي عشان لسه في الاول مش حاسه بس هتزهق و هتكتئب و احنا مش عايزين نسيبها تدخل في اكتئاب خالص