لقاء كا….رثي
لقاء كا...رثي 111
انا ممكن اعدي اي حاجه يا نادين الا اللي عملتيه ده يعني حابه تكبري الموضوع و تفضلي زعلانه وانا افضل اصالح واراضي فيكي و اعتذر اعملي كده بدل اليوم سنه لا هزهق ولا همل و لا عمري هقول خلاص انا عملت اللي عليا خدي جنب و خدي موقف بس ردي عليا حتي لو هتفضلي ساكته بس تفتحي الخط لو هتردي الكلمه علي قد الكلمه مش هزهق و مش هزعل لو هتردي بمسدچ و تقضيها مسدچات لحد ما تبقي احسن مش هزعل لكن اتصل عليكي و مترديش و تكنسلي و مره تانيه الاقيكي ويتنج اكتر من نص ساعه لا هنا مش هسكت الغلط كان عندي بس انتي ركبتي نفسك الغلط كله انا بقالي 12 ساعه هتجنن عشان تردي عشان اطمن عشان اراضيكي و في الاخر تقوليلي مكنتش عايزه ارد
نادين…..عشان مضايقه يا ميدو عشان معنديش كلام اقولوا عشان لو كنت رديت عليك و انا متعصبه كنا هنزعل من بعض و كنت ويتنج عشان كان معايا مكالمات شغل
عسال…..و اللي حاصل الوقت ده ايه مش هيزعلنا من بعض ده كان اهون انك تردي و تفضلي قالبه وشك و طريقتك واسلوبك طول اليوم بلاش طول اليوم خديلك يا ستي كام يوم و انا مكنتش هزهق لكن يوم بحاله اتصل مترديش و تكنسلي و تتعاملي معايا علي اني عيل صغير بتربيه لا يا نادين مش ده الاسلوب اللي مستنيه منك في حل اي مشكله بينا قلقتي حقك بس اديكي جيبتي اهو الحق عليكي
قام وقف و هو بياخد الموبايل والمفاتيح و السجاير و متعصب
نادين….انت رايح فين انت المفروض جاي هنا عشان تتكلم مش كده ؟
عسال…..و انا خلصت اللي عندي كلامك مش عاجبني عشان اكمل كلامي معاكي انا اعتذرت يا نادين و انتي قولتي مش قابله اعتذار كان ممكن اعديها لو كنتي رديتي بس مش هعديها بطريقتك دي حل المشاكل و الخلافات مش بعدم الرد و التجاهل و اعتبارك ليا اني عيل صغير احنا مش ماشيين مع بعض انا جوزك و انتي مراتي يعني منين متصل عليكي تردي حتي لو مش طيقاني زعلانه هتاخدي وقتك براحتك و انا هراضي و هدلع و هطبطب سنه قدام من غير ما اشتكي لكن مترديش و تفكري انك كده بتأدبيني لا اسف و يكون في علمك بكره مفيش نزول من البيت لاي سبب و من هنا ورايح لو كلمتك في اي وقت مش هقولك تردي عشان هتردي يا نادين و اللي حصل انهارده ده مش هيتكرر بس حتي لو مين بيكلمك تردي عليا حتي لو مكالمه شغل مهمه هتقفلي و هتردي جربي بقي اسلوب جديد وطريقه جديده لان انا لو بقلل منك و مش بحترمك مكنتش لما زعلتي يوم ما سمعتي صوت الست اللي بتشتغل معانا و ماسكه شغلنا لما قالتلي هتاكل ايه يومها قولتلك مش هتتكرر و عشان خاطرك من هنا لحد ما تخلص شغلها مش هكون موجود معاها في نفس المكان و حصل و مكنتش بروح طول ما هي هناك يعني اللي بيزعلك مش بكرره انا قولت اللي عندي بكره مفيش نزول و اي وقت اتصل عليكي تردي و لو مين معاكي علي التليفون تردي عليا
