لقاء كا….رثي

نعيمه……ايوه و بعدين

ليله…..هو ابه اللي وبعدين ياللي معندكيش دم ما انا بحكيلك اهو اللي حصل البت هتفضل شويه مع سلمي و مش هينفع تفضل مت حسان ولا ترجع لامها وهي في الظروف دي و كل اللي عملتوا اني عرضت علي سلمي اخدها منها يوم لان وجودها معاها في العياده مش هيكون الطف حاجه لا هتقدر تشوف شغلها ولا هتعرف تركز و مش هتقدر تسيبها بره مع البنات و تبقي متطمنه عليها و هتشيل همها دي طفله يا نعيمه هتزهق اكيد و هي قاعده مستنيه سلمي تخلص

نعيمه….طيب ما هي اللي جابت وجع الدماغ من الاول ليها

ليله….هي مكانتش تعرف ان الموضوع هيبقي كده و بعدين عيزاها تعمل ايه هي بتشيل عن حسان مش اكتر

نعيمه…..وتشيل عن حسان ليه ماهي بنته يا ليله

ليله….لا اله الا الله يا بت انتي متخلفه ما احنا عارفين انها بنته هو انا قولت بنت الجيران بس هتقعد معاه فين حسان متبهدل سلمي بتقول ان الببت كله متبهدل و علي بعضه انتي معرفتيش تتصرفي و تخلي ابو امير يطلعلك حد و تقفي معاه يصلحلك السخان و انا حبيت اعرفك ان موضوع الصيانه و شغل البيت مش سهل ما بالك ببيت مقلوب هتقعد فين البت هتفضل محبوسه في قلب الاوضه ولا هتخرج و تتبهدل و لا هو هيبقي ليه دماغ يركز معاها و لا مع البيت اللي كله عمال

نعيمه…..ترجع لامها

ليله…..ازاااااي يا نعيمه يابنتي بقولك امها مش في وعيها و جوزها مسحول معاها و مع بنته اللي في الحضانه هيركز مع هنا ازاي دي مسؤوليه

نعيمه….ماهي قالت ليها اخت

ليله….ماهي اختها كمان معاها يا نعيمه و سايبه ولادها مع حماتها المريضه يعني غصب عنها انا بجد مش فهماكي يعني عذرتك الصبح و قولت متعرفش بس بجد انتي غريبه بقولك رجعت تاني المستشفي و دخلت عمليات مره تانيه بعد ما ولدت و في الرعايه شويه تقوليلي انتي عامله فيها جدعه لا مش عامله فيها جدعه اولا انا بحاول اساعد سلمي و اشيل عنها حتي لو يوم و عشان خاطر حسان كمان ثانياً حتي لو هستجدع مع علا وانا معرفهاش دي ست زينا يا نعيمه يعني مش شرط خالص اننا نقف مع اللي مننا طول ما اللي قدامك ضعيف و انتي تقدري تساعديه يبقي ليه لا

نعيمه….بصي يا ليله بصراحه و من غير لف و دوران انا الموضوع كله علي بعضه معصبني ربنا يشفيها و يقومها بالسلامه لولادها مقولناش حاجه بس انا متعصبه عشان خاطر سلمي بصراحه مش حابه انها تعمل في نفسها كده و لا تشيل ليله مش بتاعتها سلمي لسه صغيره و بنت متجوزتش قبل كده اصلا فكره انها مرتبطه بواجد معاه عيل دي من الاول كانت محتاجه تفكير بعيدا يعني عن ان حسان محترم وانا بعزه