لقاء كا….رثي

ليله….لا لا لا انتي صعبه بجد و دماغك غلط هو ايه اللي تلبسها دي اصلا و بعدين ليه وجودها يبقي امر واقع هو في ام في الدنيا تستغني عن ولادها البنت عايشه مع امها و جوز امها و لما حبت تتجوز راحت لحسان و قالتلوا انه لو هيطلب البنت تبقي معاه هتصرف نظر عن الجواز و ده اللي حكاه حسان و هو قالها تتجوز و محرمهاش من بنتها فا ليه يبقي امر واقع يعني مش فاهمه

نعيمه…..هو انتي مش بتقولي ان امها تعبانه افرضي جرالها حاجه مش حسان هياخد بنته و لا هيسيبها مع جوز امها و ساعتها سلمي اللي بتشجعيها اللي بتعملوا ده هتلبس البت طول العمر و بدل ما تحب و تتجوز و تعيش مع جوزها تقعد تربي في بنته و تشيل الهم من قبل حتي ما تخلف

ليله….بصتلها ليله بصدمه و قامت وقفت قبل ما تقـ,ـتلها اعوذ بالله يا شيخه حرام عليكي ربنا يقومها بالسلامه و يخليها لعيالها موتي الست عشان تقنعيني بالتخلف اللي في دماغك بعد الشر عليها انتي يابت بوظتي ضغطي انا لا عارفه هو عالي و لا واطي لا لا دي رهيبه ده الكلام معاكي خساره انا بقنعك بأيه اصلا و انتي بتفكري في اللي ابعد من يومين سلمي تاخد فيهم البت

نعيمه….بضحك يا ستي اقعدي خلينا نتكلم بعد الشر عليها مش قصدي والله بس انا اتعودت ابص لبعيد هو حد فينا عارف بكره هيحصل فيه ايه انا بقولك افرضي ده حصل

ليله….مفرضش انا مش هتدخل في علم الغيب و لو حصل يبقي نصيب و قدر سلمي و حسان كبار و عاقين كفايه انهم يظبطوا حياتهم و سلمي مش الشخصيه اللي تسيب طفله امها ماتت انا عرفاها كويس و بعدين يا واطيه انتي انتهت حلول الارض معاكي عشان تسرحي بخيالك لبعيد كده و تقنعيني اصدق ان وجهة نظرك صح انتي بتدوري علي حل في المستقبل لو علا جرالها حاجه سلمي هتعمل ايه ما تولع سلمي علي حسان عليكي عليا هو انتي متخيله يا نعيمه ان لو سلمي دي ربنا زرع في قلبها حنيه الدنيا هتعوض مكان علا عند بنتها هو في حاجه اصلا تعوض مكان الام انا اهو قدامك بقيت شحطه طويله عريضه و لحد يومنا ده موت امي كسرني عندك ايه بقت شحطه هي كمان و اتحرمت من امها و هي صغيره و الكل بيحاول ميحسسهاش باليتم و سلمي كمان موت امها مأثر فيها بلاش كل ده نادين اكتر واحده فينا عانت من فقدان الام و الاب و هنا عايشين علي وش الدنيا و دي اوسخ يعني بالظبط حالها نفس حال هنا امها متجوزه وعايشه حياتها وابوها متجوز وعايش حياته تفتكري يا نعيمه لو امها وابوها كانوا صحاب وفي بينهم علاقه كويسه و مرات ابوها وجوز امها كلهم علاقتهم ببعض حلوه نادين كانت هتعاني في حياتها بالشكل ده مش احسن لما نشجع سلمي ان علاقتها تبقي حلوه بعلا عشان خاطر البت عشان متعيش نفس المعاناه اللي نادين عايشتها الام متتعوضش بكنوز الدنيا يا نعيمه انتي سيبتي امك وابوكي و جيتي قعدتي معايا هنا عشان مش متحمله خناقهم و مشاكلهم فضلتي راحة دماغك عن انك تفضلي قاعده معاهم بس ابصم بالعشره ان لو لا قدر الله بعد الشر نجلاء ولا عادل حصلهم حاجه هتلعني البوم اللي متحملتيش فيه خناقهم و هتلعني الساعه اللي قررتي تستقلي فيها بحياتك بعيد عنهم دول ميتعوضزش و خصوصا الام يا نعيمه حتي لو كنتي مبتتفقيش معاها هتفضل امك