لقاء كا….رثي

ليله….عادي بتفك معانا بتتكلم عن اللي جواها و بعدين هي مكانتش مضايقه من وجود هنا هي مضايقه انها هتاخدخا العياده و خايفه البنت تزهق يعني كمان مش مضايقه من وجودها

نعيمه….ماهي عايزه تاخد اجازه من شغلها ودي كمان عصبتني

ليله…..حتي لو عملت كده هي ادري بشغلها وعارفه ايه اللي ينفع وايه اللي مينفعش

نعيمه ….طيب سؤال بقي يا ليله انتي ممكن تبقي في نفس وضع سلمي ده و موقفك يكون نفس الموقف

ليله…..ليه لا هو الراجل المنفصل او اللي معاه بنت عامل جريمه لو حبيتوا اه هرضي

نعيمه…..يعني تقدري تقعدي بعيال مش عيالك يا ليله

ليله…..اه ارضي يا نعيمه لان لو انا رضيت اجوز واحد كان معاه عيل و اتحط في ظروف خارجه عن ارداته او لو حتي زي ما قولتي لا قدر الله ام البنت جرالها حاجه اه هرضي ماهو مش هيرمي بنته عشان خاطر يرضيني ما اولع انا واللي خلفوني هو لو سمع كلامي اصلا لازم اخاف منه انا جربت يا نعيمه حرمان الاب و عرفت بيعمل ايه في البنت بالاخص و عمري في حياتي ما هعمل اللي اتعمل فيا مع اي حد و بعدين ده يا بخت اللي يربي يتيم عند ربنا بصي انا مش عايزة ادخل معاكي في النقاش ده كتير عشان هحس ان ده فال وحش علي مامت هنا فا ربنا يديها الصحه و تقوم بالف خير يارب انا طبعاً عارفه ان كل اللي قولتوا انتي مش مقتنعه بيه و شايفه ان احنا بس عندك الاهم فا تمام همشي معاكي للاخر بس لو احنا عندك اهم يبقي علي الاقل عشان خاطري انا متكرريش اللي قولتيه تاني الصبح لسلمي بطلي كلمه بنت طليقه حسان و طليقه حسان و الكلام بتاع شايله شيله مش شيلتك و الجو ده عشان ممكن تجرحي سلمي من غير ما تحسي احنا لو مش عارفينك كويس يا نعيمه هنزعل منك بجد جايز نزعل من كلامك بس احنا عارفين ان قلبك ابيض و هبله

نعيمه…. بابتسامه طيب و زعلتي ليه يا اختي مني لما انتي عارفه اني هبله

ليله…..ما قولتلك جايز نزعل من كلامك بس مش منك يعني خدي بالك الكلام اللي سمعتيهولي لو فيا بجد يمكن مكانش قصر فيا يعني انا لو مش جدعه بجد او بعمل نفسي جدعه مكانش هيبقي عندي دم ولا كلامك هيأثر فيا بس انا اتفاجئت بكلامك عشان كده زعلت بس محبتش اطول معاكي و قولت استني لما اتكلم بليل و اعرفك ان الست عملت تاني عمليه بس البعيده معندهاش دم لسه