لقاء كا….رثي

نعيمه….اهلا شرفتي

ليله…. بابتسامه رفعت حاجبها اهلا بيكي يا اختي شيفاكي يعني مش واخده الشاور بتاعك

نعيمه…..ما البركه في اللي طلعت واطيه معايا

ليله….لا متقوليش كده ده اقل واجب انتي تؤمري

نعيمه…..مستفزه

ليله…..بتعلم منك

قلعت ليله الشوز و دخلت قعدت قدامها علي الكرسي و هي باين عليها الارهاق.

ليله…اااااه فتحت شنطتها و ولعت سيجاره وخدت نفس طويل

نعيمه…..بابتسامه خير شيفاكي يعني راجعه ايد وراء و ايد قدام معرفتيش تشتري حاجه من هنا ولا ايه

ليله……ابتسمت و حطت رجل علي رجل لا متقلقيش يا صفرا اشتريت حجات كتير اوي و اجلت الباقي لبكره كمان عشان مكانش في نفس في العربيه

نعيمه…..طيب وفين مشوفتلكيش شنطه حتي طالعه بيها

ليله…..عشري خد الحاجه معاه هجيبها معايا اعمل بيها ايه هنا كده كده هتروح علي الشقه

نعيمه…..اه يا واطيه طيب انا كنت عايزه اتفرج

ليله…..لا متقلقيش ما انتي هتتفرجي لو جنابك يعني فضيتي نفسك ليا يوم هتروحي تفرشيلي انتي الحاجه عشان عشري مش راضي انا اروح

نعيمه…..اممم طيب اشطا كويس انك عرفتي تشتري

ليله….لا عرفت يا اختي متفرحيش اوي كده اشتريت و ظبطت الدنيا و جيبت حجات كتير و اتغدينا و كمان لعبنا في الالعاب

نعيمه…..ااااه قولتيلي قومتي بدور الام علي اكمل وجه يعني يا بختك يا علا قاعده مرتاحه و ليله هانك بجلالة قدرها بتفسح بنتك

قربت ليله لقدام و بصتلها

ليله…..بت انا مش طيقاكي من الصبح بس عارفه ايه اللي مخليني مستحمله لسانك اللي عامل زي المبرد و كلامك اللي زي الدبش انك متعرفيش حاجه

نعيمه……حاجه ايه ؟

ليله……سلمي قالت ان مامت هنا بعد ما روحت نزفت و تعبت و جوزها خدها بسرعه علي المستشفي حصلها تمزق في الرحم و دخلت عمليات تاني و نقلوها الرعايه لان حالتها مكانتش مستقره يعني الست لا حول لها ولا قوه و بدل ما كانت هتقعد يومين تلاته لحد ما تقدر تقوم هتقعد اكتر و طبعاً انا قولت لسلمي متقولش قدام ايمي عشان متخافش الدكتوره نبهت اوي ان محدش يعرضها لاي قلق او توتر و انتي عارفه ان ايمي حاطه ايدها علي قلبها بسبب الحمل ده و مش لازم تعرف اي حاجه سلبيه عن اي واحده حامل سواء من بعيد او من قريب و انتي طبعا من الصبح عماله ترمي كلام زي الزفت شويه عليا و شويه علي سلمي و انا مش قادره انطق