لقاء كا….رثي

سلامه….طيب و بعدين؟

ايه…..وبعدين ايه؟

سلامه……عايز حل يا ايه انتي عارفه اني مش معترض علي شغلك و قولتلك كمان بعد ما نتجوز لو مش حابه توقفي متوقفيش و لما انتي نفسك قولتي مش حابه اكمل قولتلك متستعجليش وفكري حابه تاخدي اجازه فتره براحتك لكن لو الشغل هيجي علي صحتك بلاها خالص لاني مش هسمحلك مره تانيه تتعبي بالمنظر ده انتي مش شايفه شكلك عامل ازاي

ايه….صدقني مش هعمل كده تاني و بعد كده هاخد عدد معين لو الشغل كتير

سلامه…..انتي بتاخدي اوردرات شغلك علي مدار الاسبوع يا ايه تقدري توزعي الشغل علي الاسبوع كله متضغطيش في يوم واحد

ايه…..هعمل كده والله انا بس قولت اضغط الشغل اليومين دول لاني مكنتش موجوده الفتره اللي فاتت وكمان قولت عشان لو روحت اطمن علي ايمي او عشان لو ليله احتاجتني في اي مشوار ابقي فاضيه

سلامه….كل ده علي راسي بس في شغلك اوعي تيجي علي نفسك مره تانيه حتي لو بتحبي شغلك مينفعش تحبيه اكتر من نفسك مفهوم مش عارف اصلاً بكره بمنظرك ده هتقدري تنزلي ولا لا بس لو عندك شغل و مش هتقدري تاخدي اجازه اياكي تاخدي كل العدد ده تاني

ايه….لا والله مش هعمل كده تاني

سلامه….طب اوعديني

ايه…..وغلاوة سلامه عندي مش هعمل كده

سلامه….. بابتسامه جميله حط ايده علي شعرها خوفتيني عليكي يا جزمه

ايه….. بابتسامه ما انت جيت انقذت الموقف ربنا يخليك ليا

سلامه ….ويخليكي ليا يا احلي يويو في الدنيا انا لازم اتجوزك و المك في البيت بدل فرط الحركه ده وبعدين بتحبي الحلاقه اوي يا ستي ابقي احلقيلي انا

ايه…. بضحك و زعلت اوي لما سميت الكلب سلامه وانت مصمم تحط نفسك معاهم

سلامه….بضحك ضربها بالقلم براحه يابت احترمي نفسك يا حلاقه

ايه….بضحك انا حلاقه

سلامه…..اه حلاقه كلاب

ايه……عقبال ما ابقي حلاقه سلامه

سلامه…. بضحك طب احدفك بره العربيه بمنظرك ده ولا اطلع عاقل و اتحمل

ايه…. بضحك لا وحياة امك اطلع عاقل واتحمل لو حدفتني ولله ما هقوم من مكاني و هنام في الشارع
واجيللك العار

سلامه…..لا وعلي ايه اكسب فيكي ثواب و اروحك و خلاص لا وكمان جايه من غير عربيه كان فيكي حيل بقي تروحي بالاسكيت

ايه….بضحك ما هو ده سبب من الاسباب اللي خلتني اعيط لما افتكرت اني هروح بالاسكيت