لقاء كا….رثي

ضحكت نادين غصب عنها و بعدت عينها عنه

عسال…..بس متقلقيش ولا يقدر يحبسك ولا بجي جنبك صاحبك في ضهرك و خدي بالك هو ميقدرش يكسرلي كلمه بيخاف مني اصلوا يلا روحي اغسلي وشك و اجهزي بيستعبط ده ولا ايه مش عارف انك عندك شغل

بصتلوا و ابتسمت ابتسامه عتاب بسيطه

عسال….بغمزه و ابتسامه تجنن يلا روحي خايفه منه ولا ايه و لا بقدر يعمل حاجه انجزي جايبلك الفطار اللي بتحبيه

نادين….بهدوء حاضر

عسال……لا اتحركي بسرعه هموت من الجوع يلا

سابته و راحت علي الاوضه بتاعتها قفلت الباب و ابتسمت بسعاده و هي حاطه ايدها علي قلبها و بعدين راحت خدت غيار و طلعت طقم و دخلت علي الحمام تاخد شاور و تلبس .

ابتسم ميدو بهدوء و راح يجهزلها الفطار رغم انه زعلان منها اوي بس قلبوا مطاوعهوش يسيبها كده

طلع الفطار من الشنط كان جايبلها كرواسون بالجبنه و الشيكولاته و ساده و جايبلها ايس كوفي و جايبلها شوكولاته و حجات حلوه عشان عارف انها بتحب الحلو فضل يجهز و بعدين ولع سيجاره و وقف يشربها لحد ما تخلص.

غابت حوالي تلت ساعه خدت شاور سريع و لبست و خرجت ظبطت شعرها و بعدين لبست ايس كام عملت ميك اب سريع و هادي جداً كانها مش حاطه اصلاً هي وشها كان احمر من الجو قعدت علي حرف السرير لبست الشراب و الكوتش و بعدين خرجت بهدوء كان قاعد مستنيها علي البار ابتسم اول ما شافها ووقف سحبلها الكرسي

عسال…..يلا الكرواسون لسه سخن عايزك تاكلي كل ده

قربت منه و بصتلوا و بدون مقدمات دخلت في حضنه و عملت زي القطه لنا بتتمسح في صاحبها ابتسم ميدو لف ايد علي ضهرها و الايد التانيه حضن وشها و باس راسها

عسال…..بهمس هادي انتي عارفه اني بحبك و مقدرش علي زعلك صح

هزت راسها بهدوء

عسال…..قلبي مطاوعنيش يا تويتي بس انا زعلان منك بجد مش بس عشان حركه الموبايل و لا عشان عصبيتك و لا طريقتك بس عشان انا قبل كده قولتلك بردوا مهما حصل بينا لازم نتكلم و اللي زعلان مننا يدي فرصه للتاني يراضيه او يفهموا و انتي لا ادتيني فرصه اراضيكي و لا اتكلم معاكي كان احسن من انك تقلقيني عليكي 12 ساعه تردي و تفضلي زعلانه مني و انا هصالحك كل ثانيه من غير ما ازهق بس انتي معملتيش كده اه خوفتك و قلقتك بس مكنتش قاصد خالص لكن انتي كنتي قاصده تسيبيني يوم كامل المفروض انتي اللي تصالحيني علي فكره بس انا طلعت احسن منك عشان مقدرتش اسيبك زعلانه