لقاء كـ،ـ،ـارثي
صاحبة البطل الواحد
. البارت الخامس والثمانين .
………………………
وصلوا علي الڤيلا علي الساعه 8 الصبح الجو كان برد اوي لكن السماء صافيه..
كل واحد فيهم كان مبتسم و بيتفكر نفس اللحظات اللي عاشوها في اول سفريه جمعتهم لكن بإختلاف المكان والبيت بس وجودهم قدام الڤيلا بالبحر و الجو العام رجعهم لأحلي ذكريات عاشوها و اتبصمت جوه كل واحد فيهم..
نزلوا الشنط و قابل عشري واحد تبع سمير اللي كان بيكلموا وحجز معاه كان واقف مستنيهم اتكلم معاه هو و فضل و خدهم علي جوه يفرجهم بسرعه علي المكان و يأمن علي الحاجه كلها قبل ما يسيبهم و يمشي و يكون الشباب نزلوا الشنط..
اتفرج عشري بسرعه علي الڤيلتين
كانت ڤيلا كبيره ليها اتنين مبني واخدين زاويه كأنهم باصين علي بعض حواليهم جنينه كبيره اوي و في وسط الجنينه بين الڤيلتين حمام سباحه كبير الڤلل مكانش في بينهم سور ليهم بوابه واحده كأنها ڤيلا دابل و في قدام حمام السباحه قاعده جميله و ڤيلا منهم جنب حمام السباحه قدامها قاعده مدوره بينزلوا ليها بثلاث درجات و حواليها دفايه بتشتغل بالحطب و النار كانت تجنن و عند الڤيلا التانيه قاعده تجنن بالخشب مربعه مفتوحه من كل الاتجاهات بس بتتقفل بستاير بيضاء شفافه و اكتر من كام كرسي مرجيحه… و مكان كبير زي مطبخ وسط الجنينه و فيه كل ادوات الشوي و قدامه بار الڤيلا بكل تفاصيلها كانت تجنن و خاصتاً القاعده بره اما جوه الڤلتين كانوا نفس النظام تقريباً باختلافات بسيطه اوي كل ڤيلا ليها باب زجاجي كبير علي الجنينه بره
مكان واسع اوي المطبخ مفتوح علي قاعده كبيره و فوق الغرف كلها و كل ڤيلا كان فيها سبع غرف و كان المبني الواحد دورين غير الارضي اللي علي الجنينه كل دور في ثلاث غرف و تحت في الارضي في غرفه صغيره بردوا نوم.
دخلوا بهدوء علي جوه و وقف سليم و عدي و رشيد و حسان خلصوا مع السواق و اتفقوا معاه انهم هيبقوا معاه علي التليفون عشان وقت الرجوع وبعدين مشي.
دخل عسال و البنات و الشباب كلهم لحقوهم ودخلوا علي الجنينه.
خرج عشري و فضل و معاهم الشاب اللي سلمهم و طلب منه عشري علي الساعه واحده يبعت حد بعربيه عشان يروح يجيب حجات للاكل و كل اللي هيقضيهم الكام يوم دول و بعدين مشي…
عشري…..حمد الله علي السلامه
حنان….الله يسلمك يا حبيبي
الجميع….الله يسلمك
عشري…..ايه رأيكم في المكان
ليله….تحفه
ايمي…..يجنن يا عشري و الجنينه بالمباني زي الصور بالظبط
حنان…..حلوه اوي ماشاء الله
عشري…..طيب الحمد لله جوه بردوا نفس الصور بالظبط بصوا انا عارف انكم خلصانين و هتموتوا و ترتاحوا
بس في السريع كده شوفوا انتوا حابين تاخدوا انهي ڤيلا فيهم
ايمي….مش هتفرق يا عشري الاتنين حلوين اوي
فضل….هو مبدأياً كده كل مبني في سبع غرف واحده في الارضي و كل دور في ثلاث غرف و تقدروا تقولوا يعني انهم نفس النظام والتقسيمه و كل حاجه
عشري…..كمان الغرف كلها ماستر بس الغرفه اللي تحت فيها سرير واحد و الدورين اللي فوق كل دور في غرفه فيها سرير و الاتنين التانين سريرين الفرش و كل حاجه نضيفه فا احنا هنسيبلكم انتوا الاختيار
ايمي….بقولك ايه انا مش قادره اروح لحد هناك فا خلينا احنا في الڤيلا اللي قدامنا يعني الشمال
عشري…..بابتسامه تمام و احنا اليمين حلو كده موافقين موافقه يا حنون
حنان…..انا موافقه علي اي حاجه المهم تكونوا مرتاحين
عسال….بضحكه جنيله اخلصوا عشان ماما خلصانه من المشوار
ليله…..اه خلاص يا عشري زي ما ايمي قالت حرام هي محتاجه ترتاح
عشري…..طيب هنحطلكم بس الشنط و ادخلوا انتوا بقي ارتاحوا
علي الساعه واحد بس في عربيه هتيجي عشان نجيب كل اللي هنحتاجها يعني معلش هتعبكم كده هبقي محتاج حد فيكم معايا او علي الاقل تعرفوني هتحتاجوا ايه ليله تيجي معايا
ليله…..بابتسامه متبصليش انا مقتوله
حنان…..انا هبقي صاحيه ان شاء الله هاجي معاك
عشري….بلاش انتي يا حنون ارتاحي
حنان….متقلقش انا لو نمت ساعتين ثلاثه هبقي كويسه
بصتلوا ليله و ضحكت
ليله….متبصليش انا خلصانه
عشري….بأبتسامه طيب ابقي شوفي كده قبل ما تناموا انتي و البنات ايه اللي هتحتاجوه و ابعتيلي علي الواتس والباقي هجيبه انا و حنون تمام
ليله….تمام بس انت جايب حجات كتير ايه كل ده
عشري….لا دي مايه بيبسيي حجات ساقعه عصاير كده يعني
ليله…..اه اوك
فضل….عرفونا بقي كده فين شنطكم بالظبط عشان نحطهالكم
عسال……مصطفي انت او سلامه هاتوا مايه ليهم كمان جوه
عشري….اه حطولهم جوه مايه و قسموا كل الكراتين دي بينا عشان لو حد صحي واحتاج يشؤب مايه او اي حاجه لحد بس ما نجيب كل اللي ناقصنا
حنون….و خدوا انتوا كمان من الحاجه اللي معانا دي كلوا منها قبل ما تنامو
فضل…..طب يلا كده كل واحده تشاور علي شنطتها
رشيد….دي بتاعت ايمي هاتها كده
بدأوا ياخدوا الشنط بتاعت البنات و دخلوها جوه و حط لها مايه و بيبسي وعصاير و حجات كتير
عشري…..يلا محتاجين حاجه
حنان….سلامتك
ليله…..عشري اقفلوا الباب اللي بره ده
حسان….هروح انا اقفلوا يا ليله متقلقيش
رشيد….بهمس حبيبي لو صحيتي قبلي عرفيني
ايمي….وانت كمان انا مش هنام كتير يعني ارتاح بس
رشيد….هتنامي من غيري
ايمي….بضحكه جميله عشان اوحشك
رشيد…انتي و حشاني من الوقت نامي كويس
ايمي….حاضر يا قلبي
رشيد…..يلا هروح اجيب شنطتي و اطمن علي الباب مع حسان و ادخل
ايمي….تمام
عدي…بهمس و ابتسامه جميله اشوفك بقي لما اصحي
تقي…..بابتسامه ماشي
عدي….نامي كويس
تقي….ااا وانت
عدي….باي
تقي…..باي
ليله….بهمس لايمي و نادين و ايه بقولكم ايه يا بنات خلوا حنون هي اللي تختار تقعد فين الاول
ايمي….اه طبعاً عادي بيتهيألي الدور التاني كتير عليها تشوف هي لو حابه الاوضه اللي تحت دي او الدور الاول
ليله….بالظبط عشان كده بقولكم حرام تفضل طالعه نازله احنا هنتعامل
ايمي….تمام
نادين….انا معنديش مشكله طبعاً
ايه….ولا انا
عسال…..طيب معلش يا بنات قبل ما امشي عرفوني هتختاروا انهي اوض عشان اطلع انا و سلامه شنطه ماما و نادين وايه
ليله…..بابتسامه والله لسه بنتكلم في الموضوع ده يا ميدو بصي يا حنون اختاري انتي الاول اللي يريحك
حنان….لا يا حبيبه قلبي انتوا اختاروا انا مش هتفرق معايا الاوضه
عشري…..حنون خدي انتي الاوضه اللي تحت عشان متفضليش طالعه نازله
حنان…..معنديش مشكله بس خلي البنات تختار الاول
ليله….بصي يا حنون هو زي ما قال عشري انسب حاجه ليكي بدل ما تطلعي و تتعبي اللي تحت بس احنا حابين انك تختاري يعني ملكيش دعوه بينا لو حابه تطلعي فوق او الدور الثاني براحتك طبعاً اللي يعجبك بس لو هترتاحي تحت خلاص و ملكيش دعوه بينا احنا بنتعامل يعني لو مش حابه تحت احنا نقعد فيها عادي
حنان….لا معنديش مشكله لو محدش فيكم عايزيها خلاص
ليله…..بضحك يا ست الكل احنا عايزينك انتي اللي تختاري اللي يعجبك احنا هنختار بعدك
عسال…..ليله عيزاكي تختاري يا امي و انا شايف خليكي تحت احسن فعلاً
انتي و ريهام
ليله….لا ريهام ايه هو سرير واحد عشري قال ريهام معانا تحنا خليها هي تنام براحتها
حنان….لا عادي هتنام جنبي انتوا كتير ماشاء الله عشان تناموا براحتنا
نادين….احنا هنتصرف مع بعض يا حنون سيبي ريهام معانا اقولك انا وريهام نقعد في اي اوضه فيها سريرين ماشي يا ريهام
ريهام…..بابتسامه اشطا طبعاً بس طلعوني هموت وانام
عشري….بس يبقي اتحلت دخل يلا الشنطه بتاعت حنون يا ميدو و يلا عرفونا كده هتختاروا ايه و هنطلع نحطلكم الشنط بسرعه ليله هتقعدي فين
ليله….يختاروا هما انا مش فارق معايا تقي انتي و نسمه هتقعدوا مع بعض و لا هتقعدي مع نعيمه يا نسمه
نسمه….لا مع تقي دي بتتقلب بسرعه هخاف اقعد لوحدي
فضل….بضحك فضحانا علي طول
نعيمه….بضحك احسن بردوا
تقي….خلونا طيب انا ونسمه فوق خالص عشان اللي مش حابب يقعد فوق و هيتعب يخليه في الدور الاول
عشري….تمام ربنا يكرمك يا بنتي لخصتي عقيال الباقي
سلمي….انا وايه كمان فوق في الاوضه التانيه
عشري….حلو في اوضه فيها سرير في الدور الاخير
نعيمه….لا انا مليش في الفرهده خلوني تحت
ليله….طيب ايمي تطلعي ولا اطلع انا لان كده فاضل انتي و ريهام و نادين و اكيد ريهام و نادين محتاجين سريرين
عشري…..طيب كده نعيمه تحت و في اوضه لريهام و نادين و في اللي بسرير لوحدها
ايمي …خليني تحت مش قادره اطلع
امنيه….طيب وانا هترمي فين خلصوني
ايمي….بصتلها بغضب اكيد مش معايااااا نومك زفت
نعيمه….بضحك اختك مش طيقاكي تعالي معايا انا في سرير فاضي
امنيه….اشطا
ليله….تمام انا هطلع فوق مع البنات في الاوضه الباقيه
نعيمه….طب يلا بينا احنا بقي
ليله….وانتي يلا اطلعي فوق
ايمي….ماشي
الشباب طلعوا بسرعه كلهم يساعدوا البنات طلعوا علي الدور الثاني حطوا شنط ايه و سلمي في اوضتهم و شنط تقي و نسمه في اوضتهم و شنطه ليله في اوضتها لوحدها
وحطوا في الدور الاول شنطه لنعيمه و شنط نادين وريهام و شنطه ايمي و بعد كده نزلوا و راحوا هما علي الڤيلا و هما كمان بدأوا يقسموا مين هيقد فين و سابلهم عشري المجال خالص هما يختاروا.
عشري….يا شباب احنا عددنا اكبر من البنات فا عايزين نظبطها
سليم….اطلع انا و عدي فوق خالص
عشري….تمام يلا خدوا شنطكم و اطلعوا
عدي و سليم طلعوا فوق خالص في غرفه من الغرف و خدوا حاجتهم و خلصوا نفسهم .
عشري….طيب كده خلصنا من اول اثنين رشيد هتقعد فين انت و حسان
رشيد….عادي مش هتفرق والله قوق تحت اي حاجه
فضل….بقولكم ايه انا مش قادر افتح عيني انا هطلع فوق خالص نادر تيجي معايا ولا عايز تبقي مع محمود او تامر
نادر…..معاك يلا بينا مش هتفرق يلا
فضل….يلا اقفشوا في بعض انتوا بقي
عشري…..بضحك اه يا واطي طيب كده الاوضتين اللي فوق خدوهم في اوضه حسان تقعد فيها انت ولا رشيد
حسان…..عادي والله العظيم مش فارقه خلصوني اطلع يا رشيد انت اقعد مع نفسك
رشيد…لا خدها انت انا طالع اول دور مش قادر
حسان…..بضحك عجزت خلاص ماشي هطلع انا يا سيدي عرفت مين اللي مسن يا سلامه سجل عندك
رشيد….والله ابداً لسه شباب يا واطي بس حالياً مش قادر رجلي باظت من الكرسي
عشري….خلاص اطلع تلدور الاول و خد الاوضه لوحدك يا رشيد
رشيد….لا خليها ليك
عشري….والله ما هيحصل يلا اطلع انت انا هاخد عسال اشطا يا عسال
عسال….اشطا و انا هاخد جنبي مصطفي صغير و هنعرف نتعامل مع بعض اكيد مش هنام جنب سلامه
سلامه……سلامه بضحك طيب كده في اوضه بسريرين فاضيه جنبهم تيجي معايا يا تامر و لا محمود
عشري…..خلي محمود هنا زي حنون وانت خد تامر و اطلعوا
سلامه…..تمام يا تامر ولا ايه ؟
تامر….اه تمام طبعاً يلا بينا
محمود…..طب انت خد الاوضه دي يا عشري لو عايز تقعد لوحدك وخليني انا مع عسال و مصطفي
عشري…..لا يا حوده والله ما فارقه انا بعرف اتعامل مع عسال يلا ادخل انت
محمود….ماشي طب تعالي معايا يا مصطفي
عسال….بلاش اسمت مني مش هتعرف تتعامل معاه
محمود….السراير فوق اكيد اصغر خلينا ننام سوا انا وهو
مصطفي….يا جدعان خلصوني انتوا بتعزموا علي بعض نيموني هنا علي الكنب مش هتفرق اهي ايام سوده بنقضيها عايز انام يا جدعان
ضحكوا كلهم عليه
محمود….بضحك لا لا سيبوا معايا حرام هو مش قادر يطلع اصلا
عسال…..بضحك طيب لو معرفتوش تناموا يطلع عندي
محمود…..لا هنعرف انا نومي حلو
مصطفي….ولله وانا كمان لا بشخر ولا بتحرك و لا بعمل اي نيله هتحطوني في مكان هتصحوا تلاقوني زي ما كنت ممكن تنيموني بقي
عشري…..بضحك ادخل يا مصيبه خدوا شنطكم يلا
دخل عمرو من بره كلهم بصولوا بصدمه
عشري…..نهار اسود انا نسيت عمرو
محمود….بضحك وانا والله
عمرو…..ايه قسمتوا الاوض و مليش مكان
عشري….بضحك لا يا حبيبي يا سلام تنام مكاني بس احنا حقيقي نسينا انك معانا انت كنت فين
عمرو…..بضحك كان معايا تليفون شغل
عسال…..يبقي خد عمرو معاك يا محمود و مصطفي انا هاخده زي ما قولت
مصطفي…..يا جدعان نيموني و الله هفرش و انام في مكاني هنا
عشري….بضحك يلا يلا اطلع علي فوق معاه يا ميدو
عسال….بضحك يلا يا فضيحه
عشري….يلا بينا تصبحوا علي خير يا شباب
و بكده الشباب كمان قسموا نفسهم تحت محمود و عمرو في الغرفه اللي في الدور الارضي و الدور الاول
عشري و عسال ومصطفي مع بعض و سلامه و تامر مع بعض و رشيد لوحده وفي الدور الثاني فضل و نادر مع بعض و عدي و سليم مع بعض و حسان لوحده .
………………….
عند البنات دخلوا كل واحده فيهم علي الاوضه بتاعته.
دخلت ليله شنطتها جوه كانت فاصله خالص خدت غيار و دخلت تاخد شاور سريع عشان تنام
مغابتش كتير يادوب عشر دقايق و خرجت كانت لابسه ترنج شتوي الجو كان تلج و راحت خبطت علي البنات كان لسه صوتهم كلهم طالع من تحت لفوق و محدش فيهم لسه نام
دخلت الاول علي تقي و نسمه
تقي….تعالي يا لولي
ليله…..بقولكم ايه في السريع كده حد فيكم محتاج اي حاجه عشان اعرف عشري قبل ما انام
تقي…انا مش عايزه
نسمه….ولا انا
ليله….مش عايزين اي حاجه تاكلوا تشربوها اكل معين سويتس اي حاجه
تقي….اه هو ينفع يجيب بسكوت شاي عشان بس افطر بيه
ليله….ماشي مش عابزه حاجه تاني
تقي…..لا
ليله….وانتي يا نسمه
نسمه….بابتسامه عريس
ليله….بضحكة غيظ هاجي اروقك
نسمه….بضحك مش انتي اللي بتسألي
ليله….بس كده عيني حاضر اخلصي يابت عايزه ايه
نسمه….والله ولا حاجه
ليله…..ابو شكلكم قفلت الباب و راحت علي اوضه ايه وسلمي
صوتكم طالع يعني لسه متخمدتوش
سلمي….لا لسه
ايه….في ايه عامله زي المخبرين كده ليه
ليله…..عايزين ايه عشان اعرف عشري
ايه…..لولي انا عايزه اندومي
ليله…..بقرف بيت ام الاندومي و ايه تاني
ايه….بوسه
ليله….بضحك واحدن عايزه بوسه والتانيه عريس
سلمي….بضحك مين دي؟
ليله…..نسمه المتخلفه
ايه….لا خلاص مش عايزه حاجه تاني
سلمي…..وانا مش عايزه
ليله….طب يلا اتكلوا علي الله وخلصي الفرح بتاعك ده عشان لو دخلت انام و سمعت صوتك هاجي اقتلك
ايه….لا متقرفيناش انزلي تحت
وطت ليله مسطت الشبشب
ايه….بضحك جريت لا خلاص خلاص يخربيتك مش قادره اجري
ليله….متربتيش يوم واحد
سلمي….بضحك تربيتي
ليله…..تربيه وسخه يلا باي
قفلت ونزلت علي تحت راحت علي نعيمه وامنيه
كانت بتلبس هدومها اتخضت
ليله…..بابتسامه غمزتلها ابييييض
نعيمه….خضتيني يا جزمه
ليله…..في السريع كده عايزه ايه عشري يجيبه لما يخرج
نعيمه…..يعني ايه؟ انا مش عايزه
ليله….عايزه تاكلي حاجه تفطري بحاجه تشربي حاجه في حاجه نقصاكي اخلصي
نعيمه…..لا مش عايزه
ليله….يابت فكري مش هيعرفوا كل شويه يروحوا مش معانا عربيه
نعيمه…..والله ما عايزه اي حاجه هيجيبوها هاكل منها
ليله….بضحك طفسه ماشي طب فين امنيه
نعيمه….بتاخد شاور
ليله….راحت خبطت عليها
امنيه….ايوه يا نوني
ليله….انا ليله يا صفرا
امنيه….بضحد عايزه ايه
ليله….قوليلي عايزه اي حاجه لما عسري يخرج
امنيه….لا مش عايزه
ليله…..طب فكري كده
امنيه…..والله ما عايزه
ليله…..احيه علي اللي بتحلف في الحمام ان شاء الله تتسخطي.
امنيه…..بضحك حرام عليكي يا مفتريه
ليله….بصت لنعيمه وهي بتضحك يلا باي
نعيمه….باي
راحت خبطت علي نادين و ريهام كانوا قاعدين علي السراير بيتكلموا وشكلهم خلصانين
نادين…..لولي
ريهام….تعالي يا ليله
ليله…..لسه بترغوا نامو
نادين….بضحك كنا هنام والله بس بنطلع هدومنا من الشنط
ليله….طيب في السريع كده محتاجين ايه عشري يجيبه هو و حنون عشان اعرفوا
نادين…..انا عايزه نسكافيه
ليله….هيجيب اكيد و هقولوا بس عايزه ايه غير النسكافيه
نادين….ولا حاجه
ليله….وانتي يا ريهام محتاجه ايه
ريهام…..مش عايزه و الله يا ليله
ليله …طيب فكري كده فرصه و هما معاهم العربيه
ريهام….والله ما عايزه لو افتكرت حاجه هقول لماما علي الواتس
ليله…..ماشي يلا باي
ريهام…..باي
نادين….باي يا لولي
راحت ليله علي ايمي كانت بتحط هدومها في الدولاب
ايمي….بابتسامه تعالي يا قلبي
دخلت ليله براحه
ليله….خدتي شاور يا موزتي
ايمي….اه بس بحط الهدوم و بعدين هنام
ليله….طيب قوليلي محتاجه ايه من بره عشان ابعت لعشري
ايمي….امممم ولا حاجه
ليله…..فكرررري
ايم…..مش عارفه بس مش عايزه والله
ليله….انتي معاكي بن صح
ايمي….احيييييه فكريني ابقي اخده من رشيد حطيته في شنطته
ليله….بضحك طب عشان الريحه و هدومك
ايمي….بضحك طبعاً و الله لو حطيتها في ميت شنطه ريحتها فظيعه
ليله….طي مش محتاجه اي حاجه خالص
ايمي….لا والله مفيش حاجه في بالي هو عشري قال هيروح امته عشان لو صاحيه ممكن اروح معاهم
ليله…..هو قال باين العربيه هتيجي علي 12 او واحده مش فاكره
ايمي….خلاص ممكن ابقي اروح معاهم
ليله….مش هتلحقي تنامي الساعه داخله علي تسعه
ايمي….ما لو صاحيه لو مش صاحيه بقي خلاص
ليله….ماشي يا قلبي يلا انا طالعه بقي عشان اعرف عشري قبل ما ينام
ايمي….ماشي يا موزتي
ليله…باي
ايمي…..بت يا ليله
ليله…هاااااا
ايمي….قربت منها ايمي خدتي بالك طبعاً من سلامه و كلامه
ليله….ااااااه صح انا نسيت ايه ده بقي
ايمي…..مش عارفه بس سلامه مش مطمني
ليله….بصراحه ولا انا مش عارفه ليه عندي احساس ان سلامه شاكك في حاجه
ايمي…..كلامه غريب مع تامر هو كله بهزار بس في حاجه مش مريحه انا قولتلكم سلامه مستحيل يركز في هزار تامر مع ايه الا لو جواه شك
ليله…..و الله يا ايمي انا متوتره من الموضوع ده اوي و بتمني يكون اضايق بس من الهزار و مش شاكك في اي حاجه تانيه
ايمي…..يارب و يعديها علي خير
و اكيد هيبان علي سلامه في الرحله دي اذا كان عارف ولا لا
ليله…..اكيد و سلمي لازم تتكلم بقي مع تامر
ايمي….هي مش عارفه مش لاقيه فرصه
ليله….لا لازم تتحرك بقي عشان كده مش هينفع خالص
ايمي….لما نصحي هبقي اتكلم معاها كده و انشاء الله خير
ليله…..يارب ماشي يا قلبي يلا انا طالعه بقي
ايمي….ماشي باي يا روحي
طلعت ليله علي فوق و اتصلت علي عشري.
عشري….بهدوء ها يا حبيبي
ليله….لسه منمتش
عشري…..لا لسه هنام خلاص
ليله…..طيب محدش عايز اي حاجه خالص غير ايه و تقي تقي عايزه بسكوت شاي تفطر بيه و ايه اندومي
عشري…..بس كده مش عايزين اي حاجه خالص
ليله….والله سألتهم قالوا لا كمان كلهم فاصلين محدش عارف كده كده اللي هتجيب منه هيبقي موجود يعني
عشري…..طيب انتي عايزه ايه يا قلبي
ليله……ولا حاجه يا حبيبي متنساش بس النسكافيه عشان البنات كلهم بيشربوا منه
عشري…..هجيب طبعاً بس قوليلي محتاجه ايه
ليله…..ولا حاجه والله
عشري….خالص
ليله….خالص قولي انت نمت فين و لوحدك و لا معاك حد
عشري…..انا في الدور الاول و معايا عسال و مصطفي
ليله…..طب هتناموا ازاي و ليه تلاته في اوضه
عشري….احنا كتير عنكم يا قلبي
ليله….طيب مين نايم لوحده
عشري….رشيد و حسان
ليله…..بابتسامه طب تعالي نام معايا انا نايمه لوحدي
عشري….بضحكه هاديه يارررررريت
ليله…..بأبتسامه يلا مستنياك
عشري….كان نفسي والله
ليله…..بحب بقولك ايه يلا روح نام انت فاصل
عشري…..ماشي يا عمري و انتي كمان نامي بقي شويه عشان اول ما هرجع هصحيكي مش هسيبك تنامي كتير مش جايين ننام احنا
ليله….ماشي يا بلطجي
عشري…..يلا تصبحي علي خير
ليله…..وانت من اهل الخير بحبك
عشري….وانا بحبك
ليله….باي يا عمري
عشري….سلام يا حبيبي
………………..
سليم….انا عايز افهم بقي ايه اللي حصل مع تقي كانت بتعيط ليه كده
عدي….بابتسامه خلاص مفيش حاجه يعني امورنا تمام
سليم…..طيب كويس بس انا مش بسأل عن اموركم من امتي و احنا بنرخم علي اي بنت يا ابن ابويا
عدي….لا متفهمنيش غلط انا معملتش حاجه والله بص هحكيلك
حكاله عدي باختصار اللي حصل و فهموا ان هي مضغوطه
سليم….طيب معرفتش السبب اصلا علي عدم ردها
عدي…..بضحكه جميله رفع حاجبه بص هو غالباً انا عرفت هظبط الدنيا و لما اظبطها هبقي احكيلك كل حاجه من البدايه خالص
سليم….بضحكه جميله ماشي يا عم اهم حاجه عندي تكون مبسوط وعارف انت عايز ايه
عدي…..يعني تقدر تقولي اني بدأ احس اني عارف خلاص بس مستني اتأكد انت ايه الدنيا معاك
سليم….بضحك مش عارف لسه عشان ابقي صريح عجباني يعني لو هنتكلم علي الشكل هي زي القمر بس اكيد محتاج اعرفها اكتر
عدي….في اعجاب المهم
سليم….في بدأ بالشكل الخارجي يعني في قبول اكيد كمان اعجاب بشخصيتها طبعاً لسه معرفتهاش اوي بس تقدر تقول اعجاب مبدأي كده
عدي….لازم تقعدوا وتتكلموا كده يعني
سليم….اكيد انا جيت اصلا عشان كده
عدي…..بابتسامه ربنا يسعدك يارب
سليم….ويسعدك يا صاحبي
وقف عدي و راح علي البلكونه
سليم….علي فين
عدي ….بضحك هرخم عليها اشوفها هترد ولا لا
ضحك سليم و سكت.
اتصل عليها عدي كانت هي قاعده بتحكي لنسمه اللي حصل عشان تخلص من زنها.
تقي…..بأبتسامه و صدمه ده بيتصل
نسمه….طب ردي بسرعه
تقي…..ارد ايه لا مش هرد
نسمه…..بت والله العظيم لا هتردي
تقي…بضحك طب وسعي هقوم ارد
نسمه…..هتردي قداكي
تقي….بضحك والله هرد
نسمه….ردي هنا
تقي….طب اسكتي خالص.احمممم فتحت الخط الووو
عدي….بابتسامه كنت مستني مترديش عشان اجي اقتلك
تقي…بضحك طب ليه بس الطيب احسن
عدي…..لا مفيش طيب ولا جدع بقي المفروض اتصالحنا فا كنت مستني اشوف هتردي ولا لا
تقي….واديني رديت اهو في ايه
عدي…لا مفيش انا بس قولت الحقكك قبل ما تنامي و ارخم عليكي
تقي…..بضحك طيب شكراً علي رالخاكه يا رخم
عدي…..مش هتنامي
تقي…..لا هنام خلاص
عدي….هتصحي امته كده؟
تقي….اااا مش عارفه بس يعني لما الكل يصحي هبقي اصحي
عدي….ماشي بس يعني متطوليش اوي احنا مش جايين نقضيها نوم
تقي…..ماشي مش هنام كتير
عدي….ااااا انا يعني ممكن اصحيكي
تقي….علي اساس هتفضل صاحي يعني
عدي….لا هنام بس انا لو نمت شويه ساعتين كده ولا تلاته خلاص هفوق
تقي…..طيب تمام ابقي صحيني
عدي…..ماشي يا ستي روحي نامي بقي علي طول
تقي…..اوك
عدي…..نامي كويس ها
تقي….بضحك حاضر و انت كمان نام كويس
عدي…..يلا باي
تقي….باي
قفلت و بصت لنسمه و هي مبتسمه و باين علي ملامحها السعاده
نسمه….بضحكه واسعه ايه
تقي…..بضحك يخربيت الضحكه في ايه مالك
نسمه….بضحك معرفش بس مبسوطه عشانك
تقي…..و انا مبسوطه بس متلغبطه و خايفه و مضايقه كمان
نسمه……المهم انك مبسوطه و دي اهم حاجه الباقي ده كله يتحل بعدين
تقي…..طب ممكن ننام بقي
نسمه….يا سلام طبعاً يلا نامي و تحلمي هاااا
تقي…..بضحك اتلمي يا رخمه
