لقاء كـ،ـ،ـارثي
عسال راح و بدأ يخبط علي الابواب و يصحيهم كلهم .
صحي عدي و اول ما فتح عينه بص علي التليفون لقي الساعه اربعه مكانش فاكر انه هينام كل ده اتصل علي تقي رن موبايلها شويه و بعدين فتحت
تقي….بصوت نايم الووو
عدي….صباح الخير
تقي…..صباح النور
عدي…..الساعه اربعه علي فكره مش ناويه تصحي
تقي…..بجد اربعه
عدي….والله العظيم
تقي….انت اتصلت وصحتني اصلاً قبل كده
عدي….لا انا لسه صاحي انا كمان شكلي كنت تعبان امبارح اصلاً طول اليوم كنت في الشغل و الكافيهات كانت موت عشان الماتش و منمتش في الطريق بس خلاص صحيت يلا قومي
تقي…..ماشي هقوم خلاص
عدي…..قدامك كتير
تقي….لا هاخد شاور و اغير و هنزل
عدي….ماشي و انا كمان
تقي…..اوك
عدي…..اشوفك بعد شويه ماشي
تقي….بابتسامه احممم ماشي باي
عدي….باي.
……………….
وقفت حنان و سليم و نسمه فضوا الشنط و شالوا الاكل و بعدين وقفت تحضر فطار و هما ساعدوها و بعدين نزلت ايمي ساعدتهم و كانوا عمالين يتكلموا ويضحكوا
الكل صحي عند البنات و الشباب و قاموا خدوت شاور و غيروا و بدأوا يجوا علي بيت البنات.
عسال صحي نادين و كلمها و بعد وقت بسيط بدأوا كلهم يتجمعوا في الڤيلا بتاعت البنات عشان يفطروا
حسان…..بهمس صباح الخير يا عمري
سلمي….صباح الخير
حسان….انتي مرشحه ولا ايه
سلمي….اه مع اني كنت كويسه قبل ما انام بس جسمي سايب خالص
حسان…..طيب معاكي حاجه للبرد
سلمي….معايا وخدت
حسان…..طب انتي لسه مفطرتيش علي فكره
سلمي….ما انا هاكل الوقت حاجه
حسان…..طب تعالي يا حبيبي اقعدي و لما تفطري هعملك لمون
سلمي….اوك نمت كويس
حسان…انا كنت فاصل خالص
سلمي….وانا كمان كنت بتكلم انا وايه و فجأه محستش بنفسي نمت
حسان….هي فين صحيح
سلمي….نازله الوقت فين تامر
حسان…..مش عارف صحي و خرج معانا تلاقيه بره مع الشباب تعالي يلا اقعدي
………
نعيمه….صباح النور يا مغرور
فضل…..بابتسامه قلب المغرور انتي رابطه ايدك ليه تاني في حاجه
نعيمه…ااا لا تمام
فضل…ولما هو تمام ربطاها ليه
نعيمه….اااا عادي يافضل
مسك ايدها و هو بيبصلها بغضب بسيط يفك الرباط اللي عليها
فضل…..لو شوفت ايدك مربوطه تاني هتعصب خدي بالك
نعيمه… والنبي يا فضل سيبها بالله عليك منظرها مش حلو والله
فضل…..اوعي ايدك مين قال منظرها مش حلو مش عجباكي مابصيش عليها تاني
نعيمه….انا بتكلم عليكم
فضل…..محدش اشتكالك هاتي ده كده ميتحطش تاني
بصت نعيمه علي ايدها
مسك فضل كفها باسه بحب
فضل…..ماهي قمر اهي
نعيمه….بابتسامه بتكدب يا مغرور
فضل….وغلاوه نعيمه ما بكدب هي خفت خالص و اول ما نرجع هيكون الكريم وصل و هنحط منه و هتبقي زي الفل
نعيمه…..طيب هو انت بجد مش قرفان منها و انت بتبوسها كده
فضل….بضحك انتي طيب قرفانه ليه وانتي بتتكلمي و الله ابداً طب ايه يعني اعمل حاجه تانيه عشان تصدقي بس هنتفهم غلط
نعيمه….بضحك هتعمل ايه
فضل…..بابتسامه جميله غمزلها لما نبقي لوحدها هوريكي باس راسها بحب
و اتحركت نعيمه معاه وهي مبسوطه.
عسال…..قرب من نادين و هي نازله الصغنن بتاعي
نادين….بابتسامه صباح الخير
عسال….بابتسامه قفل السوسته بتاعتها شويه صباح الفل يا احلي بنوته في الدنيا قرب من ودنها بهدوء لو شوفت السوسته نازله تاني هنتعاقب اشطا
نادين….بضحكه جميله اشطا يا بابي
باسها من خدها و مسك كفها و راحوا عليهم.
رشيد…..مصحتنيش ليه طيب اجي معاكم
ايمي….ما انا سيبتك نايم بقي صعبت عليا
رشيد….جبتوا ايه ؟
ايمي….كل حاجه ناقصه و انا جيبت دواء من الصيدليه بس
رشيد….بصلها وضيق عينه دواء ايه
ايمي…مسكن متقلقش يا باااااي عليك
رشيد….بضحك مسكها من قفاها خدي يا بت هنا يا باي علي مين
ايمي….بضحك الحقني يا حوده اختك بتضرب
محمود….رفع حاجبه خير يا عم رشيدددد
رشيد…..بضحك اااااه انتوا هتتلموا عليا اختك بتقولي يا باااي عليك
محمود…..بضحك لسانك جايبلك الكافيه علي طول معلش يا رشيد امسحها فيا و بعدين هتعمل عقلك بعقل عقلة الاصبع
ضحك رشيد و حط ايده علي كتف محمود
ايمي….ده انت يومك اسود مين دي اللي عقلة الاصبع
محمود….بضحك الحقني يا رشيد
رشيد…بضحك طب بذمتك ينفع تخاف من عقلة الاصبع
محمود….تصدق مينفعش اخاف
رشيد….شوفت بقي
ايمي……كان في عصايه مقشه هنا
محمود…..بضحك اجري يا رشيد
ايمي…..بضحك يا خوافيييين
حسان…..في ايه مالك هببوا ايه معاكي
ايمي….يرضيك يا حسان بيقولوا عليا عقلة الاصبع
حسان…..بضحك معلش امسحيها فيا متعمليش عقاك بعقلهم
ايمي….انت بتضحك علي ايه انت كمان
حسان…..بضحك صراحه التشبيه في الجون
بصت لسلمي وهي بتضحك
ايمي…ولما افتحلك دماغه بقي ؟
سلمي….بضحك معلش كلهم رخمين
اللي هيضايق ايمي انا هضربه
فضل…..اوزعه
ايمي…..و قفت حطت ايدها في وسطها و هي بتضحك
محمود…..بس حاطه ايدها ازاي عامله زي براد الشاي الصغير
فطسوا كلهم من الضحك شباب و بنات
حنان…..محدش يزعلها ملكوش دعوه بيها
ايمي….ده اللي ربنا قدرك عليه يا حنون بدل ما تيجي تضربيهم
حنان…..هو في احلي من الست القصيره تفضلي كده طول عمرك صغيره و جميله و سنك ميبانش عليكي
ايمي….بابتسامه صح
نعيمه….بضحك حنون انا طويله قصدك ايه
حنان….بضحك قمر بردوا و بعدين ده وقتك خلينا نسكتها
ايمي….بضحك احيه عليا حتي حنون بتاخدني علي قد عقلي
حنان….بضحك والله ابدا وبعدين انا قصيره زيك
امنيه….صباح الخير قصيره تبقي ايمي
رشيد….بضحك شوفتي حتي امنيه عرفت بنتكلم علي مين
ايمي….عمرو حوش مراتك بدل ما اروقها
عمرو…..بضحك ماهي طولك
امنيه….لا يا حبيبي انا اطول منك
سلامه….بهمس و ابتسامه جميله صباح النور
ايه…..صباح الفل ايه القمر ده
سلامه…..انتي اللي قمر شكلك حلو وانتي رافعه شعرك كده
ايه…..ما انا مش قادره اعملوا بصراحه مكسره خالص
سلامه…..لا شكله حلو
تقي…..بتعملوا ايه اساعدكم
حنان….احنا خلصنا خلاص فطار سريع كده عشان تعرفوا تتغدوا
تقي….طيب اشيل النسكافيه ده
حنان…..اه شيليه بس براحه
عسال….لا استنييييي استنيييي
نادين….بضحك وقعته الهبله
عسال…..اعمل فيكي ايه
تقي…..بضحكه جميله طب انا مالي الكوبايات كتير
ايمي….عامله فيها شجيع السيما انتي كمان
تقي…..انتي هتفوقي عليا انا ما انا سمعاهم مطلعينك مسرح من الصبح
ضحكوا الشباب كلهم في دخله عشري و نادر و عدي
ايمي…..اه يا تربيه وسخه لسانك طول عمتك
تقي…..بضحك ما انتي سبتيهم و قفشتي فيا انا
بص عدي عليها من بعيد و ابتسم
ابتسمت بهدوء و بعدت عينها بسرعه
عشري……خلصتوا ولا لسه انا جعان
حنان…..يلا يا حبيبي خلصنا اه انا عملتلكم سندوتشات سريعه كده عشان الغداء احنا صاحين متأخر اصلاً
ليله….صباح الخير
الجميع…..صباح النور
عشري….المهم العيال دي ساعدوكي و لا لأ عشان لو مساعدوش نعاقبهم عقاب تاني
نسمه…..والله ساعدناها
حنان…..ساعدوني والله
نعيمه….انتي متعاقبه ليه
نادر….عملتي ايه يا مصيبه
عشري…..ضحك ورفع حاجبه اقول
حنان…..بضحك معملتش حاجه يلا خلونا نفطر
نادر….بابتسامه عملتي ايه اعترفي
عشري….جينا من بره لقيناها متشعلقه علي الباب و اخويا العاقل متشعلق من الناحيه التانيه و قاعدين علي السور مش عارفين ينزلوا كل ده بسبب عصفوره
بصوا لبعض هما الاتنين و ضحكوا
نادر….بضحك يعني ايه بسبب عصفوره
نسمه……كنت واقفه لوحدي و كلكم نايمين لاقيت عصفور اتهبدت علي الارض روحت افتح اشوفها الباب كان مقفول فضلت اهش فيها مش بتطير صعبت عليا طلعت علي الباب فا الشبشب وقع بره الڤيلا مبقتش عارفه تحط رجلي وانزل فا سليم شافني وعرف اللي حصل طلع من الناحيه التانيه عشان يجيبلي الشبشب و يشوف العصفوره شبشبه هو كنان وقع فا اتعلقنا شويه لحد ما هما وصلوا
ضحكوا كلهم عليهم
نادر….بضحك انت عارف زمان كان عندنا اربع كتاكيت واحد منهم نسمه شاطته برجلها من غير ما تاخد بالها فا ياعيني الكتكوت بقي ماشي يعرج و هي تعيط كل ما يمشي فا واضح انها عندها عقده و بيصعب عليها الطيور
فضل…..بضحك يعني الهبل من زمان موجود
نادر….بصحك صح
نسمه….والله صعبت عليا اصلا في الاخر ميدو قرب منها يشوفها طارت
ايمي….اديتهم واحد سمير سمكره و طلعت مغفلاهم
ضحكوا و قعدوا كلهم عشان يفطروا
تقي كانت متوتره من نظرات عدي الغريبه بالنسبه ليها من وقت ما عرفتوا و بقول قريبين من بعض عمرها ماشافت منه النظرات دي غير بعد اللي خصل بينهم و من وقتها و هي حاسه انها عامله عامله و متوتره طول الوقت منه.
عسال…..يلا حبيبي افطري انا عملتلك ايس كوفي عشان مش هتشربي السخن انا عارف
نادين…..بابتسامه جميله شكراً
عسال….بحب العفو يلا امسكي كلي
نادين….حاضر
حسان…..هو تامر فين ؟
عشري…..بيتكلم في التليفون جاي
نادر…..استنوا اشوفوا
ايمي…..حنون الغداء انا اللي هعملوا ارتاحي انتي
حنان…..هو انا عملت حاجه انا مش تعبانه
ايمي….ماشي بس انا هعملوا و بعدين خدي اجازه كام يوم كده ادلعي فيهم
ليله….وانا هساعد ايمي
حنان….انا بحب وقفة المطبخ ملكوش دعوه اتبسطوا انتوا
ليله…..عارفين والله بس ارتاحي
مصطفي…..انا هعملكم حاجه حلوه
عشري…..انت خليك في الدماغ بتاعتك دي انا جيبت كل حاجه
مصطفي….الحق عليا عايز ادوقكم عمايل ايدي
تامر….صباح الخير
الجميع…..صباح النور
حسان….ايه ياعم الفطار جهز
تامر….اسف والله بس تليفون شغل بقي
سلمي….طب يلا تعالي اقعد
قعد معاهم و فطروا مع بعض و هما بيتكلموا و بيهزروا.
رشيد…..الشمس طالعه بس الجو برد
ايمي……لا مش لادرجه هو هنا برد بس لما خرجنا كان حر
عشري….الجو حلو انهارده اوي
مصطفي….هو ينفع ننزل البيسين ولا ساقع
سلامه….لا سخن علي فكره شوفت المايه حلو اوي
عشري…..دافيه حلوه بس لو هتنزل تطلع تلبس علي طول عشان الجو هواء
مصطفي….ماشي
كملوا فطارهم و بعد وقت بسيط خلصوا جزء منهم خرج بره و كل واحد فيهم خد جنب و خد مصطفي كام واحد كده و بدأوا خطتهم
و بدأت رحلتهم و مقالبهم و كوارثهم اللي هتحصل طول الكام يوم في الرحله..
وللحديث بقيه…….
