لقاء كا….رثي

عسال…… نقل من بعض و منحترمش بعض !! لا ثواني عشان انتي تقريبا اختلط عليكي الامور هو انا عملت بجد كل ده ؟

نادين…..اه يا ميدو لان انا لو في مكانك انت مش هتسكت

عسال…..لا هو انتي تخطيتي مكاني و عملتي اكتر من كده بس ده هنتحاسب عليه بعدين خلينا فيكي الوقت انا نزلت و انتي لسه نايمه قولت حرام اسيبك شويه و اكيد هتصحي وانا في الطريق لما وصلت قولت لا كفايه كده اصحيكي عشان شغلك و مشاويرك اتصلت مرتين لحد ما فصل مردتيش بعتلك مسدچ عشان تردي ركنت العربيه و لسه هرجع اتصل بيكي تاني لاقيت محمود خارج من البيت و بيقرب عليا نزلتلوا و سيبت الموبايل سلمت عليه و وقفنا نتكلم ونضحك و بعدين خدني علي جوه

نادين…..اه و نسيتني

عسال…..منستكيش انا كنت اصلا بكلمك عشان لو كنت دخلت و اتصلتي عليا و انا واقف علي السلم بفك المنحل مكنتش هعرف ارد و لو انتي مش فاهمه صعوبه الموقف افهمك المنحل لما يتحل من مكانه مينفعش تستني لحظه لازم ادام بدأتي في حله من مكانه تكملي لان اي غلطه هتخليه ينتشر في كل مكان و هيبقي صعب السيطره عليه فا كنت بقولك ردي بسرعه قبل ما ادخل و انا لو نسيت حقيقي فا نسيت الموبايل عشان اتلخمت مع محمود لكن منستكيش انا خارج اصلا و متخيل انك لسه كل ده نايمه لاقيت اتصالاتك دي انا اللي خوفت عليكي فكرتك فيكي حاجه و نسيت ان انا اللي مكلمك و باعت المسدچ مجاش في بالي اصلا ان اتصالاتك دي كلها قلق عليا بس لما عرفت انك خوفتي و قلقتي اعتذرت و قولتلك متزعليش انا نسيت الموبايل و فهمتك الموقف بتكبري الموضوع ليه بقي

نادين…..قولتلك عشان انا لو في مكانك انت مش هتسكت اكتر من مره زعلت مني عشان بكنسل او مش برد او موبايلي مقفول او غير متاح بحاول علي قد ما اقدر معملش الحاجه اللي بتضايقك عشان اتلاشي عصبيتك و نرفزتك و زعلك مني بس انت قابلت كل ده بنفس الحاجه اللي بتضايقك مني و مش بس كده انت جاي تعاتبني علي خوفي عليك ميدو انت بجد مش مستوعب ان رسالتك خوفتني

عسال…..لو مش مستوعب انا بعمل ايه هنا الوقت؟ وبعدين انا مش بعاتبك يا نادين علي خوفك و عارف انك خوفتي بس انا شرحتلك الموقف و اتأسفت و قولتلك حقك عليا وطول اليوم بتصل بيكي و لما فاض بيا اتصلت بليله تكلمك و بردوا مرضتيش تردي عليا و مصممه تكبري الموضوع و تعملي بينا مشكله عبيطه علي سبب تافهه