چاسمين

رواية
چاسمين
أميره اسامه
صاحبة البطل الواحد
فتجدهم حيارى مضطربين ليسوا على يقين من أمرهم
البارت الثلاثون
…………….
بيقولوا ان الحب افعال مش اقوال ويمكن دي مقوله حقيقيه ميه في الميه ويمكن كمان مش شرط تكون الافعال دي كبيره او مستحيله عشان احس بحب الطرف التاني ليا احيانا الافعال البسيطه بتخلي القلب طاير من الفرح في تفاصيل صغيره لما بنحس ان الطرف التاني واخد باله منها بتفرق معانا اوي.
الحب مش محتاج يوم عشان نحتفل بيه لو حقيقي احنا بنحب و بنتحب هيبقي كل يوم عيد حب و مش هيبقي يوم واحد بس في السنه الحب مش هديه و ورد و قلب احمر و شوكولاته
الحب اكبر من شويه هدايا جوه بوكس مقفول .
……………
فضل فريد واقف حوالي ربع ساعه مستني بيري تنزل واخيرا خرجت بيري من اوضتها و سمع فريد صوت الباب بيتقفل فضل باصص عليها وهي نازله.
لبست بيري بنطلون چينس و عليه سويت شيرت لونه ابيض وشنطه كروس و كوتشي ابيض ونزلت تجري علي السلم من كتر ماهي مبسوطه.
فريد….بابتسامه براحه براحه هتقعي
بيري….بابتسامه جميله انا جاهزه
فريد….بتجري ليه كده هو الخروج هيطير
بيري….اه عادي ممكن يطير وتغير رأيك لو اتاخرت عليك
فريد…لا ياستي مش هيطير و مش هغير رأيي قوليلي بقي مستعده
بيري….هو انا مش باين عليا ولا ايه طبعا مستعده بس هخرج ازاي
فريد…العربيه قدام البيت هخرج انا الاول و اول ما اشاورلك تيجي علي طول ماشي
بيري….بسعاده ماشي طيب احنا رايحين فين
فريد….هو انتي بترغي كتير ليه نمشي بس الاول وبعدين هتعرفي يلا اقفلي كل حاجه واقفي غلي الباب اول ما اشاورلك تقفلي الباب و تيجي علي طول
بيري….حاضر
خرج فريد و هي وقفت تقفل في كل حاجه في البيت وراحت وقفت علي الباب بص فريد حواليه في كل مكان واول ما اطمن شاورلها قفات بيري الباب بالمفتاح وخرجت جري فتحلها فريد باب العربيه ركبت ونزلت نفسها لتحت قفل فريد البوابه الخارجيه بتاعت البيت وركب وطلع علي طول بالعربيه.
فريد….بابتسامه جميله ايه هتفضلي قاعده تحت كده كتير
بيري…..رفعت من علي راسها الزنط بتاع السويت شيرت ايه بعدنا شويه
فريد…مش اوي بس اطلعي يلا
بيري….لما تبعد طيب
فريد….قولتلك اطلعي مټخافيش
بيري….حاضر ااااه
فريد….براحه
بصت بيري من الشباك وهي مبسوطه بالطريق اللي بيجري قدامها البيوت والزرع حتي العربيات الزجاج كان فيميه اسود اللي بره مش بيشوف اللي قاعد لكن هي كانت شايفه و فرحانه و فجأه لقت الشباك بينزل والهواء دخل طير شعرها و خلاها طايره اكتر من الفرحه كان احساسها زي الطير اللي كان محپوس واتفتحله القفص و بصت لفريد وهي مبتسمه
فريد…ايه مالك
بيري….مبسوطه اووووي بجد حاسه اني اول مره اخرج
فريد….امال ايه بحب البيت وبرتاح فيه وبحس فيه بالامان
بيري…..ايوه دي حقيقه بس بجد كنت محتاجه اخرج اوي كنت محتاجه احس اني مش محپوسه
فريد….وانتي مش محپوسه يا بيري ومفيش حاجه في الدنيا ممكن تجبرك علي الحپسه كل الحكايه ان ده امان ليكي مؤقتا بس اوعدك ان الوضع ده مش هيستمر كتير هانت بيري قريب اوي هترجعي لحياتك الطبيعيه
بصتله بيري و اختفت ابتسامتها شويه شويه
بيري….اقولك علي سر يا فريد
فريد….قولي
بيري….علي قد ما انا مستنيه اليوم ده يجي بفارغ الصبر علي قد ما انا خاېفه منه اوي
فريد…..ليه يا بيري
بيري….تفكير في اني هرجع لحياتي تاني اوقات بيبقي غريب اصل اي حاجه قديمه هرجعلها و انا حياتي كلها اتغيرت ارجع لمين و ازاي كمان خاېفه اوي من اللي جاي بيتهيألي يا فريد عشان الحياه
—
تستقر وكل حاجه تخلص في حجات كتير اوي هتتاخد مني خاېفه عليكم كمان منهم كلهم
فريد…..اولا مش عايزك تخافي طول ما احنا ايد واحد مفيش حد فينا هيحصله حاجه ثانيا لازم يحصل تغيير لان ده شئ طبيعي بس انا واثق ان التغيير ده هيكون في صالحنا كلنا اللي غلط يا بيري لازم يتدفع التمن و اللي تعب في حياته و اتظلم لازم يشوف حقه بيرجع مش هقدر اضحك عليكي واقولك ان حد زي امجد و ملك حياتهم مش هتتأثر لان في النهايه ده ابوهم و مازن ومريم كمان اكيد هيتأثروا لان اللي هيتحاسب ابوهم وامهم بس الاكيد انها علي قد ما هتبقي فتره صعبه في حياتهم علي قد ما هيبقوا قادرين يعيشوا وسط المجتمع وهنا رافعين راسهم
بيري…..بس المجتمع مش بيرحم يا فريد و انا بجد خاېفه عليهم من الناس و مواجهتهم بعد ما كل حاجه تتفضح هيتعبوا بجد
فريد…..يمكن بس كمان هيتعبوا اكتر لو موقفوش مع الحق و عملوا الصح الناس بتنسي يا بيري
بيري….بس بعد ما بيبقوا وجعوا ناس ملهاش ذنب و للاسف هيتعاملوا معاهم فتره كبيره علي انهم ولاد ناس فاسده وظالمه و عملوا مصايب
فريد…دي بقي نحلها بعدين ويمكن ربنا يقف معاهم في النقطه دي و الناس يبقوا ارحم من اهاليهم عليهم
بيري …يارب يا فريد
فريد….ممكن بقي تضحكي انا عامل كل ده عشان ابسطك شويه
بيري….بأبتسامه وانا مبسوطه والله و هتبسط اكتر لو عرفت هنروح فين
فريد…ما قولتلك يا زنانه مفجأه و بعدين شويه و هتعرفيها
بيري….بأبتسامه ماشي
مر الوقت بسرعه وأخيرا وصل فريد قدام كافيه في مكان هادي حتي الكافيه كان باين عليه انه هادي ورايق لانه في مكان مش حيوي للدرجه
بصت بيري حواليا و هي مش فاهمه ليه وقفوا
فريد….يلا يا بيري انزلي
بيري…..حاضر هو احنا رايحين فين طيب قولي هو احنا داخلين الكافيه ده
فريد….اه بس انتي ادخلي الاول وانا هبقي اجي وراكي
بيري….طيب ليه عشان تركن يعني خلاص هستناك وندخل سوا
فريد….لا ادخلي انتي الاول
بيري…ايوه طب ليه
فريد….بابتسامه انتي خاېفه ولا ايه
بيري….بصراحه اه خليك معايا
فريد…..يعني تفتكري انا هجيبك مكان زي ده وانا مش عامل حسابي و لا انتي خاېفه اسيبك و امشي
بيري…..لا مش كده بس دي اول مره اخرج فيها من بعد اللي حصل حاسه كأني بجد اول مره اخرج زمان قبل كل ده كنت بخرج في اي مكان و حتي لو وصلت قبل سهر و ملك كنت بستناهم عادي الوقت بقيت احس اني خاېفه من كل حاجه حتي الناس كأني عندي رهاب اجتماعي
فريد….وانا مش عايزك تخافي ابدا حتي لو انا مش جنبك يا بيري لازم تتأكدي اني ديما هكون حواليكي و معاكي ماشي
بيري….ماشي بس عشان خاطري انزل معايا
فريد….بيري انتي بتثقي فيا
بيري….اكيد اكتر من نفسي
فريد….بأبتسامه طيب لو بتثقي فيا انزلي و ادخلي جوه
بيري…..طيب هنزل بس انت هتيجي ورايا علي طول
فريد….مش علي طول اوي بس يلا انزلي و ادخلي جوه
بيري….حاضر
فتحت بيري الباب و نزلت بهدوء وهي عماله تتلفت حواليها
فريد…..روحي مټخافيش انا هنا
هزت بيري راسها و راحت علي الكافيه و قبل ما تدخل بصتله
ابتسملها فريد و هز راسه
خدت بيري نفس طويل وبعدين دخلت علي جوه و اول ما اختفت نزل فريد بهدوء و مسك موبايله و دخل علي كافيه تاني جنب الكافيه اللي بيري دخلت فيه .
فريد…..سهر بيري دخلت اخرجي خديخا
سهر….اوك باي
دخلت بيري بهدوء وهي باين عليها التوتر مكانتش عارفه تروح فين او تقعد فين و فجأه