چاسمين

لمحت قدامها سهر
بيري….سهرررر
سهر….وحشتينيي يا روحي هابي ڤلانتين
بيري…بسعاده ده احلي ڤالنتاين في الدنيا انتي كنتي عارفه ان فريد هيجيبنا هنا
سهر….اكيد بس اسمعي اول ما ندخل جوه تنسي فريد خالص
بصتلها بيري پصدمه وملامح مش مفهومه
بيري….انسي فريد يعني ايه هو مشي و مش هشوفه تاني
سهر…..اوباااااا ما انا قولت القمر شكله وقع قولتي اخرجي من البلد
بيري….بتوتر انتي بتقولي ايه لا انا مقصدش كده انتي فهمتي غلط
سهر….ماشي يا ستي هنمشيها فهمت غلط وعموما مټخافيش القمر هيستناكي عشان تمشي معاه انا اقصد لما ندخل جوه متجبيش سرته خالص و كأنه مش موجود في حياتك
بيري….لا مش فاهمه بجد
سهر….تعالي وانتي تفهمي
مسكتها سهر من ايدها ودخلت بيها علي جوه و فجأه لمحت بيري قدامها مريم و مازن و قفت مصدومه و بسرعه دموعها بقت تجري علي خدها
مريم….بيرررري
بيري….مريم
جريت بيري عليه وحضنتها حضڼ قوي و هي بټعيط هي ومريم
بيري…وحشتيني اوي
مريم…انتي اللي وحشتيني يا بيري كنت هكوت واشوفك
بيري…بعد الشړ عليكي انا اللي كنت هتجنن من غيرك انتي ومازن
بصت لمازن لقته واقف مبتسم ابتسامه حزينه
سابت مريم و بصتله نزلت دمعه تجري من عين مازن وقرب منها من غير ولا كلمه خدها في حضنه وضم راسها بكل قوته
بيري….پبكاء شديد وحشتني يا مازن وحشتني يا احلي اخ في الدنيا
مازن…..انتي وحشتيني اكتر بكتير
فضلوا في حضڼ بعض ثواني و يمكن دقيقه
بعد ها عنه بهدوء وبصلها بحزن
مازن….حقك عليا يا بيري سامحيني
بيري….ايه اللي انت بتقوله ده انت ملكش دعوه بأي حاجه انت ومريم انت فاهم ولا لأ اوعي احس في اي وقت انك شايل الذنب او حاسس انت وهي انكم ليكم يد في اللي حصل
مازن….ذنبنا الوحيد ان الاتين دول ابونا وامنا
بيري….وانتوا اخواتي و كل حاجه ليا في الدنيا يا مازن
قربت منها مريم وحضنتها
بيري….بحب مازن انا مليش غيركم يا حبيبي انتوا كل اهلي و انت بالذات انت السند والضهر و الامان ليا انا ومريم هتفضلوا اخواتي و مفيش حاجه في الدنيا هتقدر تقول انكم مش اخواتي ولا في حاجه من كل اللي بيحصل ده هتغير اللي انا بحسه من ناحيتكم ولا اللي انتوا بتحسوا من ناحيتي
سهر…..بأبتسامه مازن بيري مقدره اوي ان اللي بيحصل ده اكبر منكم ومنها مفيش حد فيكم ليه اي ذنب في اللي حصل و اهم حاجه انكم تفضلوا ديما ايد واحده و انتوا اكيد هتفضلوا كده لان انتوا اخوات
مازن….مش محتاجه تقولي كده يا سهر بيري عارفه هي عندي ايه و مستحيل الحقيقه اللي ظهرت دي تغير اي حاجه و لا تقول ان بيري مش اختنا
سهر….طب بقول ايه عشان شويه وهعيط منكم انا جيباكم هنا عشان نتبسط و نحتفل بعيد الحب مع ناس احنا بنحبها بجد اينعم ناقصنا امجد وملك بس معلش تتعوض في ظروف احسن من كده ابقي مظبطه كل حاجه اكتر و مأمنين الدنيا ونرجع نتقابل كلنا تاني ياريت بقي ننسي اي كلام يضايق و خلونا نقضي وقت حلو مع بعض ممكن
بيري….بابتسامه من وسط دموعها ممكن طبعا
سهر….طب يلا اقعدوا الناس هتتفرج علينا
قعدوا كلهم مريم جنب بيري وماسكه في ايدها ومازن قدامها هو وسهر
بيري….قولولي صحيح خرجتوا ازاي و قولتوا ايه ل…. سكتت بيري ثواني مش عارفه تقول لماما وبابا ولا تناديهم بأيه
احممم اقصد قولتلهم ايه في البيت
مازن….ولا حاجه احنا مشينا من الموقع بتاع الشغل و اول ما وصلنا البيت سهر كلمتني قالتلي نيجي عشان نقابلك ونعملهالك مفجأه وطبعا احنا ما صدقنا بس اصلا مكانش في حد في
—
البيت و عشان اتأكد ان كل حاجه تمام اتصلت علي بابا قالي انه هيتأخر عشان في اجتماع مع مهيب و اتصلت علي ماما قالتلي انها هتتأخر عشان في حفله عملاها سيدة اعمال هي و باقي سيدات الاعمال بيحتفلوا بعيد الحب اصلها بقت من علية القوم
ابتسمت بيري بسخريه المهم ان محدش فيهم عارف
مريم…لا اطمني هما عرفوا اننا رجعنا وكلمناهم لما ملاقيناش حد فيهم يعني اطمني
مازن….انا طول الطريق كمان وانا مركز عالطريق مفيش حد ورايا خالد مكانش موجود ولا شوفته هو وابوه عشان الاجتماع ده و اصلا واضح انهم لحد ما انا كلمت بابا كانوا لسه عندهم شغل يعني اطمني الكل انهارده مشغول
بيري….الحمد لله ياريت امجد وملك كانوا هنا
سهر….كان نفسي والله بس امجد كمان مشغول انهارده كان معاهم في الاجتماع و ملك خاڤت تخرج لان طنط هناء معاها في البيت فا قلقت حد يخرج وراها كده افضل تتعوض ان شاء الله
مريم…..بقولك ايه امسكي دي كده وقوليلي ذوقي عجبك ولا لأ معلش بقي عرت فجأه و صممت اجيبهالك و انا جايه
بيري…..ايه دي
مريم….افتحيها طيب
فتحت بيري الشنطه لقت فيها عروسه لابسه فستان احمر
مريم….بابتسامه هابي ڤلانتين
بيري….يا عمري انتي بجد جميله يارتني كنت اعرف عشان اجيبلكم كلكم هدايا
مازن….هدايا ايه بس انتي احلي هديه يا بيري يلا امسكي شوفي هديتي
بيري…انت كمان جبتلي
فتحتها بيري لقت فيها علبة شكولاته هي بتحبها و مج لونه احمر علي شكل ميكي ماوس
ضحت بيري بسعاده
بيري….ربنا يخليكم ليا بجد حلوين اوي
سهر…..انا جبتلك اخواتك وبيتهيالي دي احلي هديه
بيري….بضحكه جميله اه والله احلي هديه في الدنيا ربنا ما يحرمني منكم ابدا كلكم
مريم….هو احنا مش هناكل بقي اي حاجه
مازن….اه ايه البخل ده صحيح ھموت من الجوع
بيري….انتوا لسه طفسين زي ما انتوا
سهر….اه ده الطبع اللي لايمكن يتغير ابدا يلا شوفوا هناكل ايه
…………
في الكافيه التاني
امجد….امسك كده الجهاز عشان ارتاح طول الوقت خاېف يضيع مني
فريد….قولي عملت ايه
امجد….زي ما قولتلك بالظبط في التليفون و كل حرف من اول ما بدأ الاجتماع هتلاقيه متسجل عندك
فريد….طيب قولي انطباعك ايه علي كل الموجودين
امجد…صراحه يحير انا كنت قاعد حاسي اني تايه ومش فاهم حاجه
فريد….بمعني ايه
امجد….يعني انا رايح علي اجتماع عارف ان كل اللي فيه رمز للفساد و القرف اللي بيحصل في البلد مش هكدب عليك يا استاذ فريد انا اول مره في حياتي اكون خاېف مش توتر لا حقيقي كنت خاېف انت متخيل رايح مكان زي ده وعارف ان كل اللي فيه وحشين بما فيهم ابوك اللي المفروض يكون امانك و حمايتك فا كنت حاسس بضغط كبير المكان مش بتاعي اللي حواليا يخفوا بجد بس لما بدأ الاجتماع حسيت انه لا مش كل اللي فيه وحشين
فريد…انا مقولتش ان كل اللي فيه وحشين انا كنت متأكد ان في منهم بعيد عن شغل الباقي  بس قولي مين فيهم حسيت انه معاهم ومين لا بصفتك قاعد بتراقب كلام الكل
امجد….شوف دي حاجه مقدرش احكم فيها يعني علي سبيل المثال ابويا كان قاعد بيقول كلام كويس جدا يدل علي انه مواطن شريف يهمه مصلحة البلد واللي فيها  بس لو لا اني عارف قبلها كل مصايبه بالدليل اللي علي الورق و سامعه بنفسي لما كان بيتفق علي شهر و عارف ان هو اللي ضړب عليا انا وملك ڼار كنت مستحيل اصدق انه وحش خصوصا بعد ما سمعت كلامه عن الشباب هو كان بيتكلم وانا قاعد مستغرب ازاي
—
قادر تمثل الهدوء والثبات الانفعالي الفظيع ده ازاي قادر تبان بوش ملاك وانا بنفسي شوفت وش الشيطان اللي جواك
فا لو هنتكلم عن اللي سمعته فا وارد يكون كلهم زي ابويا بس في ناس مقدرتش احس معاهم الاحساس ده بصراحه كانوا بيتكلموا بجرأه و من غير ما يعملوا حساب حد حتي الوزير نفسه
فريد….زي مين
امجد…يعني راجح الطوبجي واخوه مراد الطوبجي بصراحه مستحيل اصدق بعد الموقف بتاعهم انهم وحشين واكيد انت هتسمع بنفسك وتعرف اني عندي حق عايز اقولك ان راجح الطوبجي مسح بكرامة مهيب الارض خلاه في الاجتماع قاعد مش عارف ينطق انا كنت حاسس انه عامل زي البركان اللي بيغلي من غضبه بس الفرق بين البركان و مهيب ان مهيب مش جرئ ميقدرش ينفجر لو الراجل ده كان صح مكانش سمح ليه يتكلم معاه بالشكل ده ويخلي منظره زباله كمان اتفتح موضوع التهجير و طلب منهم انهم يتنازلوا عن بعض الاراضي و العقارات بمقابل مادي عشان يستقبلوا فيهم الناس الكل وافق تقريبا إلا راجح الطوبجي رفض اصلا الموافقه علي موضوع التهجير و كان بيتكلم بجرأه و قال انه مستحيل يوافق انه يتنازل ليهم عن ارض او حتي عقار الا لو كانوا مثلا جايين يتعالجوا اسمع كلام الراجل ده هتعرف اللي اقصده الراجل ده باين عليه انه بجد محترم
فريد….انا مليش علاقه بيه هو و ولاده واخواته بس الراجل ده فعلا سمعته سبقاه من زمان وكل الكلام عنه كويس بس طبعا في مجال شغلي اتعلمت اني مينفعش اصدق اي كلمه عن اي حد الا بالمواقف و يمكن ده موقف هو اتحط فيه عشان يثبت و يأكد الكلام عن سمعته الكويسه.
امجد….و انا واثق انك ليك نظره واكيد هتعرف اني معايا حق بخصوص بقي اللواء اللي هو خيري حماد يعني انت اكدت عليا اركز عليه و من كلامك حسيت انك شاكك فيه بس انا حاسس ان هو كمان بعيد عن دايره الشك دي
فريد…..في شغلي يا امجد مفيش حاجه اسمها احساس زي ما قولتلك لازم مواقف
امجد….فاهم بس هو كمان كلامه ميقولش انه حد وحش واللي فهمته فيما معني الكلام اكيد هتسمع بنفسك يعني هو تقريبا كان بيتكلم عنك كان بيطالب الوزير ان اي حد منكم كا ناس بتشتغل يعني في الجهاز انه يرجع القواضي بتاعتكم تاني وبيقول ان في حجات جديده او دليل كده يعني
فريد….ذكر اسامي
امجد….لا كان بيتكلم في العموم بس واضح انه صادق يعني ده اللي حسيته
فريد….ما قولنا مفيش حاجه اسمها احساس و بعدين انت بنفسك قولت ان رافت الباشا اتكلم كلام لولا انك عارف الحقيقه وسامعها بودانك لا كنت صدقته
امجد….اكيد
فريد….طيب يبقي الكلام مش عليه جمرك و لا بفلوس لحد ما يبقي في موقف
امجد….عموما اسمع بنفسك وشوف انت
فريد….طيب بالنسبه لمنصور
امجد….الوزير
فريد….اه
امجد…..بصراحه مش عارف
فريد….يعني ايه مش عارف
امجد…..يعني مقدرتش افهمه
فريد….اشمعني
امجد…..يعني لما تسمع كل الكلام اللي قاله و موضوع الزام رجال الاعمال بالاراضي والعقارات تقول انه معاهم مفيهاش كلام بس اللي استغربته بجد اني حسيت انه اتبسط من كلام راجح الطوبجي لمهيب
فريد….يعني ايه اتبسط
أمجد….مش عارف بس ياريت كان ينفع اسجلك صوت وصوره عشان تفهم اللي بقوله بص ابتسامته لراجح الطوبجي و هو عامل يغسل و يشطف في مهيب مكانتش غير ابتسامه اعجاب بكل كلمه بيقولها و الاغرب انه سابه يقول كل ده لمهيب يعني خرج عن نطاق الاجتماع الاساسي و فضل يتكلم و يسمع مهيب بالادب
—
في الوقت اللي كل واحد في الموجودين كان بيقول كلمه و يسكت علي طول حتي ابويا نفسه قال كلمته و سكت
فا بصراحه موقفه غريب مش عارف هو كويس ولا وحش
فريد….طيب قولي رد فعل الموجودين علي كلام راجح لمهيب كان ايه
امجد….ولا صوت طلع لحد فيهم يمكن الملامح كانت بتتكلم لكن محدش قدر ينطق
فريد…يعني ايه الملامح كانت بتتكلم
امجد …يعني مثلا خالد كان ھيموت ويتكلم و مكانش طايق راجح ولا طايق ابوه عشان ساكت ومش عارف يرد حتي ابويا منطقش بس كان باين عليه انه مش طايقه و اغلب رجال الاعمال عموما كانوا ساكتين ڠصب عنهم مش عارف بقي احترام للوزير ولا خافوا لسان راجح يطولهم
فريد…..طيب قولي مسألتش رأفت الباشا عن سبب خروجه بعد الاجتماع
امجد….سألته قالي ان في شويه حجات ليها علاقه بالشغل هيتكلموا فيها بصراحه محبتش اسأل حجات ابه عشان هو مش ناقص شك فيا
فريد…..احسن كده
طيب قولي ……
و فضل فريد يتكلم مع امجد و يستفسر عن كل تفصيله حصلت في الاجتماع.
………..
سهر ….هو احنا مش هنخلص من الندب و الحزن ده بقي ما كفايه منك ليها ليه امال لو مكانش انهارده الڤلانتين كنتوا عملتوا ايه
بيري….بأبتسامه انتي فيكي ايه حرام نتكلم يعني
سهر…..وانا ماسكه لسانكم ما تتكلموا بس مش في النكد ده ما خلصنا بقي صعبان عليكم نقعد ونتلم و نضحك ونهزر زي زمان طيب بزمتكم موحشكوش القاعده بتاعت زمان من غير هم ونكد
مريم….اكيد وحشتنا
مازن….مين في الدنيا بيحب النكد يا سهر
سهر….انتوا يا خويا و الدليل اهو نازلين مناحه من الصبح
مازن….يعني هو بمزاجنا ما كل اللي بيحصل حوالينا نكد و قرف
سهر….عارفه بس نقدر نغيره او علي الاقل ننساه شويه الحبه اللي احنا قاعدين فيهم مع بعض
بيري….طيب يا ستي خلاص هنسكت قوليلي بقي ناويه تتكلمي في ايه الحلقه الجايه
سهر…..لا خلوها مفجأه
مازن….بضحك والله بقيت اخلف من مفاجئاتك دي يا سهر عارف ان بعدها علي طول مصېبه
سهر…..لا عيب عليك المرادي مفيش كده
مازن…..كل مره تقولي نفس الكلمتين دول يا بنتي اهدي شويه انتي متخيله ان الموسم الجديد اتوقفتي بعد تاني حلقه
مريم….بضحك سهر مبتضيعش وقت
سهر…..طب اعمل ايه قولولي مقدرش اشوف حاجه غلط و اكتم رأيي جوايا لازم اكون صريحه
بيري…..محدش قال متبقيش صريحه يا روحي بس الصراحه ليها حدود عشان متتأذيش
سهر…ماشي واديني هغير الموضوع لما نشوف اخرتها معاهم
مريم….بيري صحيح انتي اكيد مش هتعرفي تروحي الافتتاح بتاع ملك صح
بيري….افتتاح ايه
مريم….هو انتي متعرفيش انها هتعمل الجاليري اللي كانت نفسها تعمله
بيري…..اه انا عارفه حكايه الجاليري دي بس معرفش انها خلاص خدت المكان
مريم….لا خدته و قالت احتمال عشر ايام بالكتير وتفتح
بيري…..اكيد مش هقدر طبعا
سهر….سيبك منها اختك عبيطه
مريم….ليه ده سؤال عادي
سهر…..اكيد مش هينفع يعني هي مستخبيه من الدنيا كلها وهتظهر في افتتاح الجاليري تفاجئهم يعني
مريم….انا عارفه انه مش هينفع طبعا بس قولت اشوف هتعمل ايه
مازن….بيري لازم تفضل في مكانها اصلا المفروض مقابله انهارده دي مكانتش حصلت
بيري…..ايه موحشتكش يعني
مازن….وحشتيني طبعا يا بيري بس انا خاېف عليكي
سهر…..متقلقش انا لولا عارف ان انهارده الدنيا امان مكنتش عملت كده ابدا بس قولت افرح بيري في اليوم ده خصوصا يعني انها بدأت تتختق من الحپسه
بيري….بجد اليوم ده فرق معايا فوق ما تتخيلوا
سهر….بابتسامه و غمزه ادعيلي بقي
ابتسمت بيري بهدوء وفهمت قصد سهر
بيري…..ربنا يخليكي ليا
مريم……سهر طمنيني علي طنط امل بقت احسن
سهر….اه الحمد لله احسن كتير الزرقان بدأ يهدأ شويه بسيطه و ايدها و جنبها وجعهم خف عن