لقاء كا….رثي

سلامه….لا يا ستي انا موجود اي وقت ولو في ايه في ايدي هجيلك و امري لله بحبك اعمل ايه

ايه….بحب نامت علي كتفه و انا بموت فيك

ابتسم وباس راسها و بعدين دور العربيه و مشي..

وصلها و اطمن انها طلعت و بعدين راح خد ريهام.

…………………..
في منزل نادين

فتحت نادين الباب و اول ما شافت ميدو وقفت ساكته اتوترت من ملامحه كان باين عليه ان مزاجه زي الزفت عينه لونها احمر و جنب عينه بيظهر عرق كده لما بيكون مضايق بيكون واضح اوي

دخل و هي خدت خطوه لوراء و بعدين راحت علي المطبخ

قفل الباب و مشي من قدام المطبخ مبصلهاش راح يقعد علي الكنبه

نادين…ااا بعمل نسكافيه تشرب

عسال…..لا خلصي و تعالي

ضيقت عينها بترقب

نبرته و طريقته أكدولها ان ميدو مش بخير سكتت وحطت المايه في المج بتاعها و بعدين راحت عليه بهدوء

نادين…ااا طيب تشرب قهوه

عسال……ولع السيجاره مش عايز اقعدي

هزت راسها و خدت نفس طويل و بعدين قعدت و هي ماسكه المج بأيدها الاتنين و مبصتلوش خالص لانها في العادي بتتوتر لما بتبص في عينه

خد نفس طويل من السيجاره و بصلها كان عارف انها بتهرب منه و مستحيل هتبصلوا او تبدأ هي كلام

فضل ساكت و عمال يهز برجلوا كان علي اخره و بيحاول يعمل ضبط نفس عشان مش حابب يتعصب و هي فضلت ساكته و متوتره و لسه مضايقه

عسال…….بنبره هاديه خالص مبترديش ليه يا نادين

فضلت باصه علي المج و بتحركه في كفوفها

عسال….سمعاني و لا أعلي صوتي اكتر شويه

نادين…ااا احمم عادي

عسال….يعني ايه عادي ؟

نادين….مش عايزه ارد

عسال….تمام يعني ايه مش عايزه تردي

نادين….يعني مش عايزه ارد يا ميدو مش عايزه اتكلم مضايقه

عسال…..حلو فهمنا سبب عدم ردك انك مضايقه طيب ايه بقي اللي مضايقك

نادين….بصتلوا بهدوء لا انت عارف ايه اللي مضايقني علي فكره

عسال…..والله انا كل اللي اعرفوا انك الصبح كنتي مضايقه عشان الموقف اللي حصل بس انا اعتذرت

نادين…..و انا مش قابله الاعتذار يا ميدو

عسال….جميل ليه مش قابله الاعتذار بقي انا معملمتش جريمه و ليه حابه الموضوع يكبر هو مفيش موضوع اصلا يا نادين

نادين….لا بجد والله انت شايف انه مفيش موضوع

عسال…..اه اي موضوع في الدنيا بينتهي باعتذار و انا اعتذرت مع انك عارفه اني مقصدش

نادين…..هو ايه اللي اي موضوع بيخلص باعتذار يبقي نزعل بعض و نقل من بعض و منحترمش بعض و نرجع نعتذر وعادي بسيطه هتخلص باعتذار