لقاء كا….رثي

تاني حاجه ايمي لما حبت رشيد حبته عشان نفس الاسباب مش عشان نفس ظروفها وانتي عارفه كويس ان ايمي العرسان اللي كانت بتترمي تحت رجلها كتير منهم اللي كان اصغر منها و منهم اللي كان مسبقلوش الجواز رغم انهم عارفين فرق السن و عارفين انها منفصله بس ايمي تجذب اي حد و مع كل ده رفضت و لما قلبها اختار اختار اللي حبته لا فارق معاها فلوسه لانها مش محتاجه ولا فارق معاها ظروفه هي حبته زي ما هو و هو كمان حبها زي ما هي و نفس الوضع عند سلمي ما هي كمان اتقدملها كتير قدها و اكبر حاجه بسيطه و مرتاحين ماديا و ظروفهم افضل من حسان بس قلبها اختار و حسان لو كان عايز يتجوز عيله لسه في العشرينات يقدر يعملها وهيلاقي طلبوا عادي علي فكره بس هو اختار اللي شبهه اللي قلبه اختارها فا اوعي تتكلمي ابداً في نقطه الظروف دي و مين اتكرم علي التاني و قبل بيه لان لو هنتكلم بجد الاربعه مفيش حد فيهم عيب

نعيمه….تمام معاكي يا ستي في كلامك و انا اللي بفكر غلط بس ده ميمنعش ان شيلة سلمي كبيره وانا عشان بحبها مش عايزه اشوفها في الوضع ده

ليله…..وضع ايه و شيله ايه هي سلمي هتاخد هنا و تربيها

نعيمه….ليه انتي مش عارفه ان حسان عامل للبت اوضه في البيت يعني عامل حسابه انها تعيش معاهم

ليله……اولا حسان معملش كده و لو عمل حقه دي بنته لو ملهوش خير في العيله اللي جايه من صلبه مش هيبقي ليه خير في صاحبتك بس سلمي هي اللي قالت و هي اللي اختارت لهنا الاوضه و بعدين سلمي من الاول عارفه ان حسان كان متحوز و عنده بنت و عارفه كويس ان البنت اكيد هتروح لابوها اوقات ماهو مش معني انه انفصل عن امها هيخرج بنته من حياته اكيد لا طبعاً ده ابوها يعني لازم تروحلوا لازم تبقي تحت عينه و ايه المشكله اصلا لو راحت وقضت معاهم كام يوم البنت تجنن و مؤدبه و متربيه و بتحب سلمي اوي و سلمي متعلقه بيها انا نفسي انهارده اتعلقت بيها و كنت مبسوطه وهي معانا

نعيمه….طيب جميل انتي بتقولي هتفضل بين ابوها وامها و سلمي راضيه كل ده حلو بس احب اقولك ان سلمي راضيه عشان بردوا متخيله ان الحوار هيخلص علي يوم ولا اتنين في الاسبوع او كل فتره بس هي مش متخيله ان ممكن وجودها معاها يبقي امر واقع زي ما هي بردوا كانت فاكره انها هتاخد البت يومين تلاته لحد ما امها تخف واهي توقعاتها باظت و هتلبسها اكتر لحد ما امها تخف خالص