لقاء كا….رثي

عسال….بابتسامه الاتنين بيموتوا فيكي بس بقولك ايه يلا نفطر و نمشي بسرعه قبل ما جوزك الرخم ده يجي و احنا مش ناقصين وجع دماغ

نادين…..بضحكه جميله ماشي بس لو اتعصب عليا هتدافع عني

عسال…مين ده اللي يتعصب ميقدرش هو بس استغل اني مكنتش موجود امبارح بس انا انهارده معاكي ميقدرش يجي جنبك

نادين….بضحك ماشي

عسال…..بحبك يا احلي بنوته في الدنيا

نادين……وانا بحبك اوي

عسال…..يلا افطري و الشوكلت ده بتاعك اوعي تدي منه حاجه للرخم اللي متجوزاه

نادين …بضحك لا مش هديلوا خالص هديك انت بس

ابتسم عسال و طبطب علي ضهرها بحب

عسال…..يلا يا عمري افطري عشان ننزل

نادين…..حاضر

………………..

صحيت ليله من النوم حست انها قرفانه اوي و في طعم مش حلو في بوئها كأنها متعوره او في دم

مسكت المنديل مسحت فيه لقت في دم فعلاً رفعت جسمها و هي حاسه معدتها مقلوبه و مقدرتش تتحمل دخلت بسرعه علي الحمام رجعت

غسلت وشها و بعدين خرجت تاني اتصلت علي سلمي

سلمي…..اوعي تقولي بقيتي صحاب انتي و هنا و بتتصلي عشانها

ليله….. بابتسامه صباح الفل دي حبيبتي دي بس انا عيزاكي انتي

سلمي…..صباح النور يا قلبي خير في حاجه ولا ايه و مال صوتك انتي تعبانه ولا لسه صاحيه

ليله….هو انا لسه صاحيه اه بس انا صحيت معدتي مقلوبه خالص و رجعت

سلمي…..ايه ده طب ليه خدتي برد ؟

ليله……لا لا مش برد انا كويسه بس صحيت يا سلمي حاسه ان في طعم دم غريب في بوئي و قلب معدتي و قولت اتصل اسألك لان الدم من سناني

سلمي….سنانك ازاي يعني في حاجه و جعاكي

ليله….لا خالص مفيش اي الم في سناني واصلا معرفش الدم ده منين بالظبط

سلمي….طيب يمكن من اللثه

ليله….لا ما هو انا بصيت في المرايا الدم بين سناني

سلمي….ماهو اللي بين سنانك بتبقي لثه بردوا عادي طيب بصي هي وجعاكب بعني لو ضغطتي عليها او علي اي سنه او ضرس في الم

ليله…..خالص والله و بعدين انتي عارفه انا مش مهمله في سناني و ديماً كل كام شهر بجيلك معرفش في ايه و مفيش اي الم دم بس و عملي قرفه كده في معدتي و عملت بالمطهر بتاع الاسنان اللي كنتي كتبالي عليه كمان

سلمي…..طيب لما عملتي بيه في اي حرقان او حاجه وجعتك

ليله….ولا اي حاجه زي كل يوم

سلمي….تمام بصي انتي من صوتك واضح ان مناخيرك مقفوله شويه و مرشحه