لقاء كا….رثي

ليله…..تصدقي بالله و رحمه امي اللي ما بحلف بيها كدب انتي ما حد يقدر يتحملك قد ما انا بتحملك لا ايمي بقي ولا ايه ولا نادين ولا سلمي ولا حتي فضل انا لو مش بحبك مكنتش هتحملك و كويس انك عارفه ان خلقي ضيق و عصبيه عشان تعرفي انا متحملة زبالة لسانك قد ايه و جايه علي نفسي

نعيمه……بضحك و المصحف بحبك

ليله…..بابتسامه حبك برص يا واطيه

نعيمه….طب ايه مش هتصلحي السخان اتربيت خلاص خليكي جدعه بقي

ليله…… بابتسامه بجحه الصبح هتصل بحد يجي يتنيل و يصلحوا و ده عشان اخلص من زنك بس

نعيمه……هنحور اعترفي و قولي انك مش هتقدري تقعدي من غير السخان

ليله….بضحك يا بت متبقيش مستفزه و رحمه امي يا نعيمه لو دخلت معايا عند ما هيتصلح هستحمي عند نادين او هروح اي مكان كل يوم اعمل سونا و حمام بخار واروق علي نفسي ما انا عروسه بقي يعني هسيبك تضربي دماغك في اي حيطه

نعيمه…..بضحك هاجي معاكي عادي و لا يهمني

ليله….مش بقولك مستفزه طب و حياة امك ابقي وريني بقي بعد ما اتجوز هتعملي ايه

نعيمه…..ولا حاجه هتعمليلي كل اللي انا عيزاه غصب عنك هتصلحي و هتقفي مع صنايعيه و كل حاجه انا مالي

ليله…..بضحك والله بجحه انتي يابت ماسكه عليا شيكات

نعيمه….لا بس صاحبك علي عيبه و انا قدرك اللي مش هتعرفي تهربي منه يعني غصب عنك هتتحمليني لحد ما اتجوز واجي جنبك و نبقي جيران

ليله….. بابتسامه ده لسوء حظي هتبقي جيره وسخه

رن موبايلها راحت تاخده من الشنطن و هي بتضحك هي و نعيمه

نعيمه….والله ده انا هعملك حس لما اجي

ليله…..لا شكراً استني الوووو ايه يا حسان

حسان…..ازيك يا لولي عامله ايه

ليله….بخير يا حبيبي كله تمام

حسان….معلش انا عاملك ازعاج انهارده بس قولت اتصل عليكي قبل ما تنامي و اشكرك علي اللي عملتبه مع هنا

ليله…..بابتسامه عيب عليك يا حسان متقولش كده هزعل والله انا معملتش حاجه

حسان….معملتيش ابه بس انا لسه قافل معاها هي و سلمي و صوتها مبسوط وفرحانه باليوم و حكيتلي كل اللي عملتيه و الله ما عارف اقولك ايه رغم اني تعبان و طالع عيني بس فرحه هنا فرحتني و نستني التعب و انتي السبب فيها

ليله…. يا حبيب قلبي متقولش كده ربنا يحميها و يخليهالك هي تجنن وانا اللي المفروض اشكرك عشان وافقت انها تقضي اليوم معايا لاني اتبسط جدا والله العظيم