لقاء كا….رثي

سلمي…..طيب لو هتروحي انتي انهارده خليني انا بليل او بكره

ليله….اه هروح الوقت وانتي ابقي اتفقي كده مع البنات عشان لو حد هيروحلها بليل خليكي انتي بكره يعني كل شويه تشوف حد مننا فاهمه

سلمي….خلاص تمام و سلامتك يا موزتي

ليله….الله يسلمك يا قلبي هنون عامله ايه

سلمي…..لسه نايمه والله شكلها لعبت كتير

ليله….بضحك اه كلنا لعبنا

سلمي…..بس مبسوطه اوي والله و كلمنا حسان بليل قعدت تحكيلوا و اتصل بيها ڤديو عشان يشوف اللعبه و التوك والاكسسوري

ليله…..ياعمري حسان كلمني امبارح والله شكرني العبيط

سلمي…..هو مبسوط عشان هي فرحانه ربنا يخليكي لينا يا احن لولي في الدنيا

ليله…..و يخليكوا ليا يارب يلا انا مش هعطلك بقي و هقوم عشان انزل انا كمان

سلمي…..ماشي يا روحي لو في حاجه كلميني

ليله…..حاضر يا قلبي يلا باي

سلمي…..باي

قفلت ليله و اتصلت بشركه الصيانه بتاعت السخان خدت منهم معاد لبكره حاولت انها تاخد معاد في نفس اليوم بس منفعش و اتفقت معاهم و قفلت قامت جهزت لبسها و بعدين قامت لبست و ظبطت نفسها
لبست بنطلون ليجن اسود ماسك علي الجسم اوي و عليه توب قصير علي الكمر لونه نبيتي و فوقه چاكت أسود شكله يجنن و لبست هاڤ بوت شبه البياده بتاعت الجيش لونها اسود اللوك كان بجنن عليها عملت ميك اب هادي و بعدين خرجت علي المطبخ جهزت القهوه و عملت نسكافيه لنعيمه و جهزت فطار و راحت تشوف نعيمه و تصحيها.

خبطت علي الباب و فتحت كانت نعيمه صاحيه و بتلبس

ليله…..صباح الخير صحيتي

نعيمه….صباح الفل اه صحيت

ليله…..انا قولت هلاقيكي نايمه ايه النشاط ده عالصبح

نعيمه…..هروح لنودي عندنا كام حاجه نعملها في المخزن بعد كده هقابل فضل عشان عندنا مشوار هنشوف حاجه للشقه و بعدين هرجع معاه عشان نجود عزماني علي الغداء

ليله…اللللعب حلو ده طيب يلا تعالي افطري جهزت الفطار

نعيمه….جايه وراكي حالا لولي كلمتي الشركه

ليله….اه كلمتهم يا اختي اهبطي بقي بس مش هينفع انهارده الاوردرات خلصت انهارده هيجوا بكره و كويس انهم مش هيجوا انا عندي مشاوير و انتي كمان انا كنت هرجع والله علي المعاد بس قالوا بكره

نعيمه….طيب كنتي هلتبهم يجوا حتي لو بليل هعفن كده و المايه الساقعه تعبتني

ليله…..والله مافيش معاد انهارده بصي لما ترجعي انا هبقي اسخنلك مايه في الكاتل كده كذا مره واتعاملي بيها معلش لحد بكره و القي عرفيني لو في اي حاجه محتاجه صيانه في البيت اعملها الفتره دي قبل ما الفرح عشان اسيبك و كله تمام