لقاء كا….رثي

ليله…..لا لا لا انتي رهيبه بجد و مش عارفه دماغك فيها ايه اوعي اوعي تقولي الكلمتين دول قدام سلمي ابدا لان صدقيني هتزعل منك كفايه الصبح عماله تقولي قدامها بنت مرات حسان طليقه حسان و هي اكيد عدتلك ده عشان عارفه انك متعرفيش زي ما انا عملت بس لو قولتي كده قدامها بعد ما عرفتي صدقيني هتزعل منك

نعيمه…..وتزعل ليه انا متعصبه اصلا عشانها

ليله….ليه هي حد ضربها علي ايدها ما هي اللي مشكوره عرضت المساعده اه مكانتش تعرف ان الموضوع هيوصل لكده بس دورنا نريحها و نشيل عنها

نعيمه…..بصي يا ليله انها تساعد و تعرض المساعده وضع و انها تشيل ليله مش بتاعتها وضع تاني انا مش عارفه انتوا ليه مش قادرين تفهموني و فاكرين اني وحشه او قلبي جامد بس مش كفايه انها قبلت بواحد مطلق و معاه بنت

ليله….وفين المشكله بتحبوا وبيحبها و بعدين حسان يعيبوا ايه راجل محترم و مؤدب و چنتل و مستعد يعمل عشانها كل حاجه تفرحها و اي ست في الدنيا تتمناه و ايه مشكلته انه كان مطلق او معاه بنت هو الراجل يعيبه ايه اصلا غير اخلاقه

ده بكلامك ده بتثبتي ان الرجاله و نظره المجتمع للست المطلقه انها راحت عليها طلعت صح و ان الست المطلقه ولا اللي معاها عيال المفروض ترضي باي حد يتقدملها و كأنها معيوبه و بعدين هنروح بعيد ليه ما ايمي اللي مننا كانت متجوزه معني كده انها راحت عليها لا طبعاً

حبت و اتجوزت راجل مفيش زيه ربنا يحميهم لبعض

نعيمه….لا يا حبيتي هو متكرمش عليها رشيد ظروفه كانت زي ظروف ايمي عشان كده ميقدرش يتكلم

ليله…..بت متعصبيش امي بدماغك الشمال دي مين اللي ميقدرش يتكلم مفيش راجل في الدنيا يا نعيمه بيعيبه انه كان متجوز او منفصل او حتي معاه عيال انتي في مجتمع شرقي ذكوري يا حبيبتي فوقي الراجل في مجتمعنا بياخد حقه تالت و متلت و الكل بيأيده و لو هنتكلم علي رشيد بالتحديد لا مفيش حاجه تخليه يكون مجبور انه يتجوز ست منفصله او ميقدرش يتكلم زي ما بتقولي لاسباب كتير اقولهالك لو خبرتك في الحياه قليله و كلامك كتير من غير فهم

اولا رشيد راجل هو كمان الف ست تتمناه و الف بنت كمان زي القمر محترم شيك ذوق راقي مرتاح مادياً جداً ظروفه افضل من حسان لانه انفصل من غير عيل مت ان دن مش سبب يعيب حسان بس خليني امشي مع عقلك العقيم للاخر يعني رشيد يقدر يتجوز اي حد يعجبه و خدي بالك الجيل الوقت بتاع البنات مش كله بيفرق معاه الحب و ان الشاب يكون من سنها عادي جدا انها تتجوز واحد اكبر منها حتي لو بعشرين سنن في مقابل انها تعيش في مساوي مادي يريحها و رشيد يقدر يعمل ده بس هو لما اختار ايمي اختارها مش عشان هي مناسبه لظروفه لا خالص اختارها عشان حبها عشان ايمي تتحب و عشان زي القمر و عشان محدش يديها سنها ..