لقاء كا….رثي

نعيمه…..بضحك طيب سيبك من الحوار ده بت انا مكنتش اقصد والله انتي بس استفزتيني و شيلت همك عشان عارفه انك راحه تجيبي حاجتك و مكنتش حابه البت تبقي معاكي انتي و عشري عشان تبقي براحتك

ليله…..براحتي ازاي يعني هاخدها معانا اوضه نومي و لا هشيلها علي قلبي انا كنت مبسوطه و عشري كان مبسوط و هنا كمان كانت مبسوطه اوي و البوم جري بسرعه و رغم التعب و الارهاق واللف بس كان بجد حلو و بعدين انا لو عارفه اني مش هقدر مش هاخدها لانها مسؤوليه بس انتي عارفه اني متعوده و ياما خدت ولاد اخواتي فا الموضوع عادي و كفايه عندي ان البنت اتبسطت سلمي متضغطتش حسان مشالش هم و اليوم مشي

نعيمه….طيب يا ستي قلبتي علي امي ليه بقي و مخلتيش حد يجي يشوفلب السخان ولا انا مش في حسبة الجدعنه بتاعتك دي

ليله…..وحياة امك يا بت ده انا بتعامل معاكي علي انك طفله و بعمل كل حاجه سواء طلبتي او مطلبتيش حامله همك و انا جنبك و انا بعيد عنك مبطلعش عليكي صنايعي او مندوب او اي مخلوق يا بت ده انا فرجت عليكي الدنيا يوم ما استلمتي اوردر من غي رما تقوليلي فاكره يوم القطه اللي رعبتك و يومها نبهت عليكي وقولتلك مره تانيه متفتحيش لمخلوق لاني مش هبعت مندوب او اديه معاد غير وانا موجوده انا شايله همك با نعيمه كاني امك مش صاحبتك دي امك نفسها بتقولي الله يعينك علي نعيمه

نعيمه…..بضحك حصل بس شايفه انه مش عاجبك يعني

ليله….ضحكت و هزت راسها شمال و بمين يابت انتي مستفزه بجد

نعيمه….ما اشمعني يا اختي قلبتي عليا انهارده و بتقوليلي خلي ابو امير يجيبلك حد

ليله…..لاني عارفه انك مش هتعملي كده بس كنت بربيكي يا نعيمه عشان البوء المعفن بتاع الصبح و بربيكي و عشان تعذري حسان ان البيت عنده مقلوب و مش هيعرف ياخد البت و بضايقك من الاخر عشان تبطلي الزباله اللي بتطلع من بوءك قبل ما تعدي علي عقلك انتي عارفه ايه مشكلتك يا نعيمه

نعيمه….. بابتسامه ايه يا ام العريف

ليله…..انك لا بتفكري بعقلك و لا بقلبك انتي طالقه لسانك علي الخلق هو اللي متحكم فيكي مع انك لو شغلتب قلبك شويه الدنيا هتبقي زي الفل عشان قلبك ابيض و عقلك كمان لما بيشتغل بيطلت حجات حلوه بس البعيده اتسحبت من لسانها

نعيمه….بضحك والله ماتقدروا تعيشوا من غيري بس انتي اللي خلقك ضيق و عصبيه و مش متحملاني