تعاهدنا

البارت الحادي عشر

شعور مميت ان الحلم اللي فضلت تحلم بيه طول

حياتك و بتسعي بكل طاقتك عشان تحققه بمجرد

ما تحس انك خلاص هتوصله وتمسكه بأيدك ينهار

قدام عينك وكأنك مسكت سراب وكأن المشوار اللي

مشيته عشان توصله ماكانش ليه وجود من الأساس

تعب ومجهود من غير انتصار.

شعور مميت انك تحس انك ضامن وجود شخص في

حياتك وتكتشف أن القلوب ملهاش ضمان.💔

نزل أدهم من البانسيون وهو مش شايف قدامه

عايز يبعد عن كل الناس وعن الاوضه اللي بقت

سجنه ومش عارف امته هيسيبها رجله خدته

لحد البحر كان الجو برد اوي علي البحر ..

البحر موجه عالي وامواجه غضبانه وكأن البحر

بيعبر عن الحاله اللي جوه قلب ادهم ..

مكانش في ناس كتير كام شخص يتعدوا

وبعيد عن بعض …وقف ادهم قدام البحر وهو

بيشم ريحته اتنهد بوجع تفسه يضرخ بكل

قوته لكن منع نفسه عشان الناس حواليه. وده

كان تاعبه اكتر… محسش بنفسه غير لما مسك

الموبايل واتصل بسهام..

وبمجرد ما شافت اسمه مرضيتش ترد لانها مش

قادره تواجهه ولا عارفه لو ردت هتقوله ايه

قلبها واجعها عليه وعلي وعد..

اتصل كذا مره ومكانش فيه اي رد…بطل الموبايل

من الرن حوالي عشر دقايق أتنهدت سهام براحه

و حست انه فقد الأمل.. وفجأه سمعت صوت

إشعار لرساله علي الواتس.. بصت من بره علي

الإشعار لاقته ادهم باعت رساله صوتيه حست

ان قلبها اتخطف وحست بحيره بين انها تسمعها

او متسمعاش عندها فضول تسمع اللي باعته

وفي نفس الوقت حاجه بتمنعها انها تسمعها الوقت

لكن فضولها كان اقوي او بمعني اصح حبها لأدهم

اللي منعها…مسكت الموبايل فتحت الرساله واتصدمت

لما سمعت صوت أدهم اللي مغطيه الحزن.

أدهم….مش عايزه تردي عليا ليه يا سهام؟

كرهتينى؟

ولا مش عايزه تسمعي صوتي ؟

ولا مش عارفه تردي تقوليلي حاجه؟

أصل كرهتيني دي مستحيل أصدقها.

مش عايزه تسمعي صوتي دي اخر حاجه ممكن اصدقها.

بس انا عارف انك مش لاقيه حاجه تقوليهالي

ياسهام..عارف انك مخبيه حاجه عني عارف انك مش

هتقدري تشوفينا بنتعذب قدامك بالشكل ده

وتفضلي سيبانا كده..سبتيها تخرج معاه ليه يا سهام

وانتي عارفه ان ده هي*م*و*تني.. آمنتي علي عهد

مع راجل تاني غيري أزاي ياسهام…عارفه بحاول

اصدق ان الفلوس هي الحاجه المهمه بالنسبالك

وأنك مستعده تخسري كل الناس اللي بتحبك

بجد عشان خاطر شويه فلوس…بحاول اصدق