تعاهدنا

كنت عايز منه اي حاجه اعملهالك انا.

ادهم….لا ابدا كنت عايز حاجه دافيه بس..قطع كلامه

وفضل يعطس كذا مره .

تهاني….يالهوي ده انت خدت برد جامد اوي طيب

اطلع حضرتك وانا هجيبلك حاجه دافيه و هجبلك

أسبرين.

ادهم…لا لا شكرا يا ست تهاني انا هطلع اخد دش دافي

وهنام شويه اكيد هتحسن.

تهاني…اطلع طيب بس عشان ترتاح

طلع ادهم وهو مش قادر قلت اكل وقلت نوم وحزن ووجع

وتعب كل دول كانوا السبب في تعبه بالشكل ده.

وصل الأوضه بتاعته بالعافيه. ودخل الحمام يحاول

ياخد دش دافي وسريع وبعدها خرج ماسك التيشرت

في ايده ولابس البنطلون نام عالسرير بتعب وغمض عينه

من غيره ما يشوف الموبايل وصل عليه ايه او سهام بعتت

ايه…نام من غير ما يلبس او يتغطي او ياكل راح

في دنيا تانيه خالص.
……………………………………

مر حوالي ساعه إلا ربع الجو كان بدأ يمطر اكتر الشوارع

بقت فاضيه و غرقانه خالص من مايه المطر و الدنيا بره

ضالمه بشكل فظيع حتي البانسيون الناس اللي كانت

فيه كانوا في حالهم جدا وكل واحد نايم في اوضته

مفيش اي صوت ومكانوش كتير تقريبا اربع غرف اللي

ساكنين غير أدهم وكل واحد فيهم في دور

طلعت تهاني معاها كوبايه يانسون و معاها اسبرين

خبطت براحه ادهم باشا ادهم باشا .

ادهم كان نايم مش دريان بالدنيا.

تهاني….يالهوي لا يكون جراله حاجه ده باين علي

شكله التعب أوي. وانت يا حمو الكلب قولتلك خليك

بايت انهارده مشيت برضو طب وبعدين اخبط تاني

ولا اسيبه يمكن نايم.. لا انا هسيبه ينام مسكت تهاني

الكوبايه ومشيت تاني عشان تنزل وفجأه وقفت

كأنها بتفكر..

تهاني….انا هخبط تاني لايكون الجدع في حاجه

رجعت تاني علي اوضه ادهم خبطت ومكانش في

رد…وقررت في اللحظه دي انها تفتح الباب وزي ما

تيجي تيجي هي ونصيبها…

فتحت تهاني الباب…واتفاجئت بأدهم 😳😳

وللحديث بقيه..

حابه بس اقولكم علي مفجأه تعاهدنا قصه حقيقيه اعرف ابطالها وشاهده علي حكايتهم مع بعض التغييرات البسيطه سواء في الاشخاص وقرابتهم لبعض زي ساره مثلا اللي كانت اصلا تقرب لعهد
..وزي اسامي الاشخاص🥺💔