لقاء كـ،ـ،ـارثي

البارت السابع و التسعين .

………………………

بدأ الشباب يخرجوا واحد وراء التاني و عرفوا اللي حصل بخصوص الكلاب

سلامه و تامر صحيوا بردوا بس كانوا لسه في الاوضه.

تامر كان ساكت سكوت مش طبيعي حتي إن سلامه هو اللي قالوا صباح الخير و هو مبتسم في وشه و حاول انه يتكلم عادي عشان يفك كان حاسس ان نظرات تامر ليه كلها كسوف و خجلان منه و بيتلاشي انه يجيب عينه في عين سلامه

دخل سلامه خد شاور و بعدين خرج حط المصليه و بص لتامر

سلامه…..الحمام فاضي يا تامر لو هتدخل

تامر…ااا تمام هقوم

قام تامر خد غيار كان محتاج يفوق و وقف سلامه يصلي .

………….

عند ليله قبل اكتر من نص ساعه صحيت علي صوتهم قامت بهدوء بصت عليهم من فوق شافتهم و هما بيلعبوا مع عسال أبتسمت و بعدين دخلت الحمام شويه و خرجت ظبطت نفسها و صليت و بعدين راحت علي اوضه سلمي تبص عليها

خبطت بهدوء و استنت.

سلمي…..ادخل

فتحت ليله الباب لقيتها قاعده علي حرف السرير و سانده ايدها علي مخده صغيره.

ليله….بابتسامه صباح الخير

سلمي….صباح النور يا لولي تعالي

ليله…..ايه الاخبار نمتي كويس

سلمي….اه الحمد لله

ليله….لسه صاحيه ولا ايه ؟

سلمي…..لا صحيت من شويه ايه صحبت و نزلت و قمت علي صوت الباب معرفتش انام تاني

ليله…..منزلتيش ليه طيب

سلمي….بتنهيده حزينه الوقت هنزل

ليله….طيب هو احنا ممكن نفرد وشنا ده شويه عشان اي حد هيشوفك كده هيقولك مالك واحنا عايزين الدنيا تبان طبيعيه اكتر من كده ممكن و بعدين حسان اكيد هياخد باله من شكلك ده يعني هيسأل

سلمي….بحاول والله يا ليله اصلا هو مينفعش يشوف وشي كده لانه هيفكرني زعلانه منه

ليله…..انتوا زعلانين ولا ايه؟

سلمي…..مش زعلانين تاتش بسيط

ليله…..تاتش ايه بس عمل ايه حسان كمان ده طيب يا مفتريه

سلمي….هو انا قولت شرير بس هو اللي عصبني

ليله……متطلعيش عصبيتك عليه يا سلمي هو ملهوش دعوه ولازم تفصلي

سلمي….انا مطلعتش حاجه عليه والله اصلا التاتش ده كان موجود من قبل ما تيجي تناديني من وقت ما كنا قاعدين و بنلعب مع مصطفي و الشباب يعني انا مطلعتش عليه حاجه احنا بس كملنا و يمكن لما رجعت تاني ليه بعد ما انتي قولتيلي كنت متوتره اوي و مش طايقه نفسي فا اتعصبت عليه اكتر

ليله……براحه يا سلمي بلاش تخلطي الامور ببعضها يا قلبي حسان طيب و محترم و بيحبك

سلمي…..مانا بحبه يا ليله و اكيد مش قاصده اني ازعلوا بس انا كمان من حقي ازعل

ليله…..حقك طبعاً بس لو زعلك او لو قاصد يزعلك

سلمي…..ماهو زعلني يمكن مش قاصد بس كمان فهمني غلط

ليله….طيب عايزه تقوليلي حصل ايه ولا مش حابه

سلمي….لا عادي جوز علا مامت هنا اتصل عليه و كان بيسألوا يعني هيرجع امته و من كلامه مش عايزه يتأخر لان علا طليقته انتي عارفه انها حامل

ليله…..اه عارفه

سلمي…..بس فا شادي جوزها قالوا يعني انها تعبانه و خايف انها تولد هي المفروض مش بتولد طبيعي و متحددلها معاد بس هو لما شافها تعبانه قلقان

ليله…..طيب و حسان ماله مش فاهمه

سلمي…..هو بيقول ان علا مش عايزه هنا تبقي معاها عشان متخافش و عشان نفسيتها و اكيد مامت علا هتروح معاها فا مفيش غير حسان ياخد البنت تفضل معاه و والد و والده حسان مش هيعرفوا يتعاملوا مع هنا ده في حاله يعني انها ولدت واحنا مسافرين هو مقالهاش صريحه بس عرفوا اللي حاصل عشان لو ناوي يتأخر ميتأخرش

ليله…..طيب يا قلبي يعني بالعقل كده دي بنوته صغيره و لو مامتها ولدت طبيعي هتبقي تعبانه قدامها و جايز البنت فعلا تخاف او تتأثر فا اكيد مامتها خايفه عليها و وجودها مع ابوها افضل حل لان موقف زي ده مش حلو انها تعيشوا عارفه لو هتولد سيزرين هنقول تمام و هتدخل قدامها عادي فا مش هتخاف

سلمي….يا ليله افهمي انا عارفه كل ده و مش مضايقه و اكيد طبعاً مش صح ان البنت تتعرض لحاجه زي دي هتخاف جدا انا اصلا قولتلوا ارجع عشان متبقاش قلقان و انا هرجع معاكم يعني يوم ونص و ارجع

ليله…..طيب كويس اوي براڤو فين المشكله بقي كان عايزك تروحي معاه

سلمي….لا مش كده هو انا سألتوا شادي عايز ايه فا حكالي حسان كان باين عليه القلق و التوتر لان تقريبا شادي وصل ليه ان علا علي اخرها يعني ممكن تولد اي وقت فا هو خاف علي هنا لو حصل كده وهو مسافر هيعملوا ايه في هنا وفي نفس الوقت هو محرج من شادي فا انا قولتلوا ارجع عشان متبقاش قلقان فا هو كان متعصب و بعد كل ده بيقولي طريقتك كان باين عليها انك مضايقه و ترجم ده علي انها غيره وانا كنت متعصبه من عصبيته عليا هو فهمني غلط لما قولتلوا روح لهنا وخليك معاهم عشان متبقاش قلقان

ليله….ااااه قولتيلي طيب بصي انا عارفه ان حسان ميتعصبش بسهوله و خلبنا نقول ان عصبيته توتر علي بنته فا حقه الرجل ليه كل العذر بس بصراحه يعني هو عمره ما هيترجم عصبيتك غلط الا لو انتي غيرانه فعلا

سلمي….مغيرتش يا ليله هو اللي كان متوتر و قلقان اوي و بعدين لو فرضنا اني غيرانه يا ليله مش حقي

ليله…..حقك يا قلبي طبعاً محدش يقدر يقول غير كده بس هنغير من ايه يا هبله ما بردوا عشان اغير لازم يكون في سبب اقوي اغير عشانه مش اغير من واحده تعبانه و هتدخل تولد و لو انتي غيرانه بسبب قلق حسان و ترجمتي ده خوف علي طليقته خلينا نتكلم بصراحه اولاً هو الواضح انه خاف علي هنا بس خلينا نقول انه اتوتر مثلا او اتغير لما عرف انها هتولد اكيد ده مش حب يا سلمي مثلا يعني دي ام بنته مهما كان و انتي قولتي ان علاقتهم كويسه مفيهاش مشاكل فا عادي يا قلبي مش هيتمني للست الشر يعني

سلمي….تمام عادي و انا مقدره كل ده انا بس اتعصبت من عصبيته يا ليله

ليله…..معلش نقدر الموقف بردوا في النهايه شادي ده جوز مامت هنا مش ابوها و اكيد حسان اتحرج منه او مثلا اتلغبط يعني ممكن يكون هو فعلا كان حابب يرجع بس عمل حساب زعلك او انك تترجمي رجوعه وقفه مع طليقته عشان يطمن عليها وفي نفس الوقت عامل حساب بنته سلمي لازم تهيئي نفسك لمواقف شبه كده كتير علا هتولد و هتبقي ام لامره الثانيه و البيبي هيتعبها و ماشاء الله هنا جميله و بتحب الحركه يعني في اوقات هتلاقيها بتتصل بحسان ياخدها هيبقي في تواصل اكتر متنسيش ان هنا كانت معاها لوحدها فا عادي تشيل مسؤوليتها يمكن لما يبقي معاها بيبي في البدايه تبقي مش قادره تهتم بالاتنين اوي و بعيداً عن موضوع البيبي لازم تعرفي ان في مواقف كتير اوي هتواجهيها لو كل مره حصل خلاف بينكم بسببها ده مش هيبقي حلو علي علاقتك انتي و حسان صدقيني

سلمي….يا ليله انتي مش فهماني لو علي هنا انا بحبها اوي و معنديش مشكله معاها

ليله…..حلو يعني معترفه ان في مشكله بس مع مامتها

سلمي….ولا مامتها الست محترمه و مفيش بيني و بينها حاجه بس يعني عادي اني اغير يا ليله حطي نفسك مكاني

ليله…..محدش قال انه مش عادي انا قولت انه حقك بس الغيره لازم يكون ليها سبب او دافع قوي يعني لو لاقتيه بيكلمها من غير سبب بتكلموا من غير سبب مش كلام في مسؤوليات يا سلمي حاولي تسيطري شويه و افتكري ديماً ان انتي من البدايه لما حبيتي حسان كنتي عارفه ان معاه بنت يعني عارفه ظروفه لو مش قد الظروف دي من الاول او حاسه انها ممكن تبوظ حياتكم بعد الجواز انسحبي

سلمي….انتي بتقولي ايه يا ليله اكيد مش للدرجادي طبعاً ده سوء تفاهم بسيط

ليله…..وانا كلامي واضح انا مقولتش سيبي حسان انا بقول لو شايفه انك مش هتقدري سوء التفاهم البسيط ده ممكن تبقي مشكله كبيره عشان تعيشي حياه هاديه مع حسان بظروفه دي مينفعش ابداً يكون في سوء تفاهم من الاساس لا بسيط ولا كبير لانه في الاخر هيتحول مشكله فهماني اي حاجه تخص بنته ابعدي عنها خالص ةعملي معاه مشكله في اي حاجه الا النقطه دي و زي ما قولت من حقك تغيري من طليقته بس لو كلامه او كلامها بعيد عن هنا لو مثلا حسيتي انها بتتلكك بهنا عشان تشوفوا بس انتي قولتي ان الست محترمه و بتحب جوزها يعني مش هي الست المطلقه اللي لقت طليقها هيرتبط فا بترجعوا ليها بالطريقه دي ست متجوزه يا قلبي و ليها كل الاحترام و حسان كمان راجل محترم

سلمي….والله عارفه كل ده و مقولتش عنها حاجه انا قولت اكتر من مره انها لذيذه و محترمه و اكيد مش بشك في حسان بس يعني لما اتعصب و كان قلقان كده غصب عني اضايقت و حسيت بصراحه انه خايف عليها مش علي هنا

ليله….بابتسامه هو حتي لو خاف عليها لو بصيتي علي خوفه كويس هتلاقيه بردوا عشان هنا دي امها يا سلمي و لا قدر الله بعد الشر يعني لو الام حصلها حاجه البنت هتدمر حتي لو ابوها احن اب في الدنيا احنا مجربين وجع فراق الام ودي حبيبتي لسه مشبعتش من امها و لسه صغيره ربنا يارب يقومها بالسلامه يعني اللي عايزه اقولوا انه شايل هم هنا اكيد انتي بس براحه كده و اهدي بلاش الشيطان يلعب في دماغك بلاش غيره عبيطه حسان بيموت فيكي و انتي عارفه

سلمي…..تمام يا ليله احنا اصلا قفلنا الموضوع و اتصالحنا يعني خلاص

ليله….طيب الحمد لله ربنا يهديكم يارب و يبعد عنكم كل شر خلينا بقي في موضوع اهم

سلمي…..ايه ؟

ليله…..تامر يا سلمي

سلمي…..خلاص يا ليله المفروض يعني ميبقاش في موضوع لازم يخرج كل ده من دماغه و المفروض ان كلام سلامه و موقفه يأثر فيه

ليله….انا مش بتكلم عن كده يا سلمي

سلمي….امال

ليله…..هتزعلي مني

سلمي….اكيد لا انتي عارفه

ليله….بصراحه يعني من اول خالص الموضوع لما عرفنا منك مشاعر تامر تجاه ايه بعد موت جوزها انا كنت مشفقه جدا علي تامر و كان صعبان عليا و يمكن انا نسيت الموضوع لاني عمري ما شوفت تامر بيتعامل مع ايه بنيه مش سليمه و بعدين انتي عارفه كويس اني بلقطها وهي طايره بس لما ايمي قالتلي قبل ما انتي تقوليلنا قولتلها مستحيل طبعاً وكدبت احساسها لاني زي ما بقولك عمري ما شوفت من تامر اي مشاعر غريبه غير انه اخ لايه.

و بعد كل السنين دي و بعد ما عرفت فضلت كمان شايفه ان تامر عادي خالص بيتعامل كا اخ إلي ان جاتلي ايه و هي منهاره و عرفتني اللي حصل بينها و بين سلامه و مش هكدب عليكي مكنتش طايقه اخوكي بس مبينتش ده لأيه و كلامي معاها كان انها هي صح و سلامه صح كل واحد ليه طريقه و تفكير لا غلطهم ولا خدت طرف حد مع اني كنت بيني و بين نفسي مع سلامه لاني عارفه مشاعر تامر الحقيقيه بس انتي عارفه لو كنت قولت لايه انتي صح و سلامه غلط و ازاي يعمل ده او يقول كده كانت ايه هتقفل دماغها من ناحيه سلامه اكتر و الحمد لله عدت علي خير

بس انا مش هكدب عليكي يا سلمي علي قد ما انا كنت مضايقه من تصرف تامر علي قد ما هو صعب عليا لاني عارفه ان اللي هو فيه ده مش بمزاجه بس انا شايفه انك كنتي قاسبه عليه اوي

سلمي….انا يا ليله ؟

ليله….اه يا سلمي عيزاني اطبلك واقول انك كنتي صح مش هعمل كده اكيد يمطن انا طول الفتره اللي فاتت كنت بطلب منك تتكلمي معاه و يحصل بينكم المواجهه دي بعد مشكله ايه بس مش دي المواجهه اللي قصدتها ابداً انا كل اللي طلبتوا منك انك لو هتتكلمي معاه بوضوح من غير لف و دوران و تعرفيه اللي كصل بسببه ان كلامك يكون عباره عن لفت نظر مش اكتر يعني لو هو مش واخد باله من تصرفاته يفرمل لو هو في حاجه في دماغه يفوق نفسه شويه لكن مش انك تواجههي بالمنظر ده اخوكي مدبوح يا سلمي مواجهتك معاه كان لازم تكون اخف من كده.

سلمي…..حطي نفسك مكاني يا ليله اولاً انا في ضغط نفسي من اول ما قولتيلي ان ايه سابت سلامه و فضلت كام يوم معرفش هي بتمر بأيه حاولت اتكلم معاه لا كان في فرصه ولا انا كنت قد المواجهه لما اتكلمنا عن الفرح و انا قولت ايه تتجوز الاول بردوا كان هيحصل زعل من ناحيه حسان و كان طبيعي لانه ميعرفش انا ليه حابه اننا نأجل فرحنا و ايه تتجوز قبلنا فا مكنتش قادره افهموا بعدها هو اتكلم عن موضوع حبه انه من طرف واحد و كنت مرعوبه يقول حاجه تلفت النظر غير اني طول الوقت شايفه ان سلامه بقي مركز زياده عن اللزوم وده عامل عليا ضغط فظيع.

و كل ده كوم و كلامك امبارح كوم تاني ان سلامه يطلب منك تطلعي لايه بسرعه عشان تامر معاها حتي لو مقلهاش صريحه دي كارثه يا ليله متخيله ان سلامه وصل لدرجه انه يخاف من تامر يعني غلطه بسيطه من تامر هتخلي الراجل اللي جوه سلامه ينفجر متخيله ده لو حصل هنروح فين كمان لما قولتيلي و شوفت منظر سلامه من بعيد مبقتش قادره اسيطر علي نفسي
عايزه الحق الموضوع بسرعه

انا لما خرجت مع تامر يا ليله و قررت اني اتكلم معاه كنت متخيله او خليني اقولك اني كنت واثقه اني لما انكلم مع تامر هينكر هيقولي انه نسيها هيتكسف مني و هيخبي قولت مش مهم المهم اني اوصلوا الفكره حتي لو خبي اكيد هيحط النصيحه دي في عين الاعتبار انا كنت ناويه والله العظيم اني اتكلم بهدوء يا ليله لان ده موضوع مش محتاج تنشنه او عصبيه و اكيد كنت خايفه علي مشاعره بس لما اعترف انه لسه بيحبها اتجننت يا ليله

تامر مش هيدمر نفسه بس لا ده هيدمر حياه ايه وهي ملهاش ذنب في كل اللي بيحصل ده هو صحيح اخويا و شقيقي بس انتي عارفه ايه عندي ايه فكره انها تبقي عايشه حياه فيها مشاكل وتوتر بسبب تامر و كمان مستعده تضحي بسلامه عشان تشتري اخوها خلتني فقدت اعصابي حتي لو كنت قاسيه يا ليله بس تامر كان لازم يفوق انا عارفه انه محترم و كويس و كل حاجه بس كان لازم اخليه يشوف الصوره اللي ممكن اي حد يشوفوا بيها لو الموضوع اتعرف كان لازم يعرف ان لو اخته شيفاه كده يبقي الغريب معذور لو شافه كده و كل ده كوم و نظره ايه ليه كانت هتبقي كوم تاني لو حصل مشكله اكبر و ايه عرفت الحقيقه.

تخيلي كده انها عرفت انه بيحبها و جات تراجع تاني مشكلتها مع سلامه بينها وبين نفسها ايه اول واحده هتشوف تامر قذر و وسخ لما تفكر هزاره و وقفته وراها اكيد هتقول ان سلامه كان معاه حق و مش بعيد تفكر ان تامر كان بيتحرش بيها و مش بعيد كمان دماغها تخليها تشك في ادق التفاصيل بيبص عليها بيراقبها في اوضتها في الحمام او لما كان بيدخل عليها الاوضه

كنا هنبقي قدام مشكله اكبر و ساعتها انا لو وقفت قدام ايه و قولتلها انتي فاهمه غلط و ايه اللي بتفكري فيه ده مش بعيد تشوفني بدافع عن اخويا و حقها

كان غصب عني يا ليله انا كنت في موقف زي الزفت قلبي كان هيقف امبارح من كتر الضغط النفسي هو انتي فاكره اني كنت مبسوطه وانا بقول لاخويا كده والله العظيم ما كان سهل عليا ابداً ليله انا اقسم بالله و رحمه ماما لما شوفت تامر باصص علي سلامه و لمحت سلامه واقف كنت حاسه اني شوفت عذرائيل جاي يقبض روحي نظره تامر ليه اصلا موتتني حسيت انه هيقع من طولوا انا صحيح كنت قاسيه علي تامر بس لما شوفت سلامه اترعب علي اخويا بقيت عامله زي المجنونه عماله ابص علي اي حد حواليا عشان لو حصل حاجه يلحقوا تخيلي كل اللي كنت خايفه منه و خلتني قسيت علي تامر بسببه فجأه لاقيته قدامي انا حسيت ان سلامه هيعمل مصيبه و في لحظه شوفت كل حاجه بتدمر علاقه ايه وسلامه و علاقه ايه بينا و موقف ابويا كان غصب عني والله العظيم

ليله…..بهدوء و تأثر عارفه والله يا سلمي و مقدره موقفك بس انتي كنتي فاكره انك هتسمعي من تامر نفي عن مشاعره كان لازم تحطي في دماغك انه ممكن يقولك اه بحبها

سلمي….محطتش يا ليله و لا تخيلت انه يقولها انا لحد قبل ما انكلم معاه انا اللي كنت محرجه منه و خايفه نكون ظالمينوا وهو بجد نسيها و طلعها من دماغه اتفاجئت برد فعلوا

و رد فعلي كان غصب عني صدقيني
كان لتزم اقسي علي تامر عشان يفوق لان مهما كان سلامه معاه حق مكنتس هتحمل القسوه دي منه علي اخويا و يمكن كمان كلامي مع تامر هو اللي خلي سلامه يهدأ بالشكل ده

يمكن يكون هو اشفق عليه من قساوتي دي و الحمد لله ان ده حصل والا كان زمانهم مموتين بعض

ليله…..الحمد لله انها عدت علي خير و الحمد لله ان سلامه قدر يسيطر علي نفسه لان جملته اللي قالها وهو بيلعب عن فقد السيطره رعبني لما جالي انا عملت اللي هو عايزه من غير ما افتح بوئي نفذت من غير ما اسأل او اتكلم الكلام راح لان منظره كان مرعب و خوفت بجد يفقد السيطره

سلمي…..سلامه فاجئني يا ليله يمكن من كتر ما هو فاجئني انا شيطاني عمال بقولي سلامه مش هيسكت

ليله…..لا سلامه طيب و جدع و متربي و الحمد لله ربنا هداه و قدر يحتوي الموقف انا بس كل اللي طلباه منك تحاولي انك تصلحي اللي حصل ده مع تامر مش عشان اي حاجه بس اخوكي محتاجك و بما انك قدامه انتي بس اللي عارفه فا لازم تاخدي بالك من النقطه دي كويس هو الوقت ملهوش غيرك يسند عليه و يحتويه و يطمنه و يعدي بيه الفتره دي اخوكي موجوع و قلبه تعبان و فوق كل ده اوعي تستهوني بموقفه و وقفتوا قدام سلامه ان شاب طول بعرض يقف حاطت وشه في الارض و مكسوف كبيره اوي يا سلمي يعني بلاش نزود وجعه و همه و كسرته هو محتاجك

سلمي…وانا مش هسيبه يا ليله انا بتقطع عليه و حاسه بيه و الله العظيم قساوتي عليه دي عشانه و عشان ايه عشان يفوق و يستوعب الموقف اللي هو ممكن يكون حطنا فيه عشان يعمل حساب نظره الناس ليه و نظره ايه و خذلانها فيه لو عرفت و كسره ابوه يا ليله بعد ما تعب السنين دي كلها في تربيتنا

ليله…..معاكي حق انا فهماكي والله بس عشان نداوي شويه وجع الكلام ده لازم نرجع تاني و نسند و نقف جنبه مش عيزاه يزعل منك و لا عايزه كلامك يعلم جواه فهماني

سلمي…حاضر يا ليله متقلقيش انا اصلا واثقه انه عارف اني مقصدش ده حتي لو زعل مني الوقت بس انا واثقه انه لما يهدأ و يعدي وقت طويل بعدين هيعرف ان كان معايا حق

ليله……ان شاء الله عيزاكي بس انتي تروقي كده شويه و خلاص بما ان الموضوع سلامه قال اقفلوا يتقفل اعتبري ان مفيش حاجه حصلت فكي كده عشان انتي من امبارح و انتي مش كويسه خالص

سلمي…..حاضر يا ليله تفتكري طيب حصل بينهم حاجه امبارح او اتكلموا

ليله…..مش عارفه بس يعني اكيد سلامه متكلمش خلاص و سابوا لوحده شويه اصلا بيتهيألي الموقف ده لو مع اي حد في الشباب والله العظيم ما كان سكت يعني سلامه ده مفيش منه بجد ربنا يعينيه علي اللي هو فيه و يعين تامر و يريح قلبوا يارب

سلمي….يارب

ليله….يلا يا قلبي قومي كده خدي شاور و غيري وانزلي افطري و فكي المود ده شويه انهارده اخر يوم عايزين ننهي اليوم ده علي خير و عايزين الليله اللي فاتت دي تنسوها خالص

سلمي…..حاضر هقوم اهو و هنزل وراكي علي طول

ليله…..ماشي يا حبيبي يلا مستنياكي

قامت ليله نزلت علي تحت و دخلت سلمي علي الحمام.

…………….

عند سليم و نسمه

سليم….بأبتسامه سيبك بقي من موضوع الكلاب ده صليتي

نسمه…..بابتسامه اه والله العظيم صليت اول ما صحيت صليت ركعتين الصبح و صليت كمان الضهر

سليم…..براڤو طب ما احنا شاطرين اهو ومش محتاجين حد يفكرنا

نسمه…..بأبتسامه لا هو انا لما بركز في الصلاه بصلي بس يعني بما اني لسه منتظمتش في الصلاه اكيد يعني محتاجه حد يفكرني

سليم…..ماشي يا ستي نفكرك و يعني لو في مره نسيت خدي دي قلع من ايده حظاظه كده لونها اسود وفيها قطعه مربعه حديد لونها فضي مكتوب عليها اول حرف من اسمه s

نسمه….بابتسامه جميله و عيون بتلمع اااا ايه دي

سليم….يعني البسيها كل ما عينك هتيجي عليها اعتبري كده اني باصصلك و بفكرك بالصلاه لو مصلايش تقومي بسرعه تصلي

نسمه…..بضحكه جميله ااااا ماشي بس يعني دي بتاعتك انا ممكن افتكر خلاص

سليم…..بأبتسامه رفع حاجبه لا خديها و البسيها خليكي علي طول لبساها و بردوا هفكرك اتفقنا

نسمه….اوك ميرسي يا سليم

سليم…..علي ايه دي حاجه بسيطه

نسمه….المهم يعني متبقاش هديه من حد و يزعل منك

سليم……بضحكه جميله لا مش هديه من حد انا اللي جايبها اعتبريها انتي هديه بسيطه تفكرك بس بالصلاه

نسمه…..وهي بتلبسها افهم من كده يعني ان الحظاظه هي اللي هتفكريني علي طول و انت لا

سليم….لا هفكرك بس يعني لو اتشغلت في الشغل في مشوار في اي حاجه و مكلمتكيش لو بصيتي في ايدك هتفتكري و تعرفي ان في واحد مستني انك تقولي مصلتيش

نسمه…..بضحك ااااه و لو قولت بقي هيعمل ايه الواحد ده

سليم…..بضحك طيب بصي احنا نتفث اتفاق بسيط

نسمه….ايه هو بقي

سليم…..يعني اي بني ادم طبيعي عشان يلتزم بأي حاجه و يعتبرها روتين من يومه لازم يستمر عليها علي الاقل شهر متواصل يعني لو فضلتي تصلي شهر متواصل لما تيجي تفوتي فرض هيبقي صعب عليكي لانك خلاص اتعودتي و التزمتي فا احنا هنعمل حاجه كويسه

نسمه…..ايه هي بقي؟

سليم…..بس هنتفق بجد و من غير كدب

نسمه…..والله العظيم مش هكدب

سليم……اوك انا هفكرك كل صلاه ولو معرفتش احنا متفقين انك هتفتكري او الحظاظه تفكرك و بعدها هاجي اسألك اخر اليوم صليتي ايه و ايه اللي فاتك لو اخر الاسبوع صليتي كل صلاتك و التزمتي هيبقي في مفجأه فاتك حاجه حتي لو فرض واحد بس طول الاسبوع هيبقي في عقاب

نسمه…..بضحك عقاب !

سليم…..ااااه زي ما في مفجأه لو التزمتي لازم يكون في عقاب لو اهملتي

نسمه…..امممم موافقه طيب ايه العقاب وايه المفجأه

سليم…..والله المفجأه متتقالش لانها مفجأه كل اللي ليكي عندي اخر كل اسبوع هتعرفيني صليتي ثلاتك كامله طول الاسبوت ولا لا و من غير كدب طبعاً و انا عليا افاجئك بطريقتي اما العقاب بقي قصاد كل صلاه مش هتصليها مش هكلمك يومين

نسمه…..بضحك يومين ليه طيب

سليم….والله هو كده بقي و لما اليومين هيخلصوا هرجع أسالك علي اللي فاتك لو وقع منك فرض هرجع اخاصمك يومين تاني فا انتي بأيدك العقاب او المفجأه

نسمه…..بأبتسامه طيب ما انا ممكن اكدب عليك و انت مش هتعرف

سليم…..هو من ناحيه مش هعرا ممكن بس اكيد هحس بتكدب ولا بتقولي الصراحه بس حتي لو فرضنا اني لا عرفت ولا حسيت تفتكري يعني انك لو قدرتي تكدبي عليا هتكدبي علي ربنا

نسمه….امممم لا طبعاً مش هكدب اكيد بس يعني افرض نسيت فرض او كنت في مشوار و فاتني فرض غصب عني

سليم….لو في مشوار ارجعي صليه حتي لو فاتك بس لو في البيت و مصلتيش ملكيش حجه اصلا

نسمه…..طيب لو صليت بعد ما فاتني هتحسبوا عقاب

سليم….لو في مشوار او مكان مش هتعرفي تصلي فيه ورجعتي صليتي لا مفيش عقاي بس لو في البيت حتي لو فاتك وصليتي هخاصمك بجد و العقاب هيتنفذ لان المفروض انتي لو في البيت تسيبي كل اللي في ايدك و خمس دقايق بس تديهم لربنا كتير الخمس دقايق علي ربنا و بعدين ترجعي تعملي اللي كان شاغلك

نسمه….اممم لا اكيد

سليم…..يعني اتفقنا

نسمه…..اه اتفقنا

سليم….مفيش كدب انا هثق فيكي و هصدقك

نسمه…..طيب خليها يوم يومين كتير

سليم….يومييييين وخدي بالك اليومين دول لو جيتي تجيبي شغل مش هكلمك بردوا

نسمه….بضحك قول بقي انك بتتلكك و عايز تخلص مني و متفكرنيش بالصلاه

سليم…..والله ابداً اصلا بعد اليومين ما هيخلصوا هسألك صليتي فيهم ولا لا و بعدين عايزه تخلصي من زني يومين متصليش انتي حره موافقه علي الزن ده و حباه خلاص هكلمك

نسمه….بابتسامه جميله اااا لا خلاص هلتزم و مش هكدب

سليم…..هنشوف و اعتبري ان الاتفاق ده بدأ من انهارده

نسمه…..اوك تمام

ابتسم سليم بهدوء و فضل باصص في عينها التسمت نسمه بتوتر و فضلت تلعب في شعرها و بصت بعيد عنه

…………….

عند تقي وعدي كانوا واقفين عند باب الڤيلا بعيد عن الكل

عدي…..ممكن بقي اعرف ايه اللي خرجك بره الڤيلا

تقي….ليه هو ممنوع

عدي…..لا مش ممنوع

تقي…..طيب امال ايه

عدي….اممممم طيب ممنوع حلو كده

تقي…..بضحك لا مش حلو هو انت لو خرجت الوقت هقولك خارج ليه

عدي…..عادي احنا متفقين الصحاب في بينهم حجات كتير و بعدين يعني كان ممكن تستني لما انزل

تقي…..والله انا بعت مسدچ عرفتك اني صحيت وانت كسلان فضلت نايم دي مش مشكلتي و كمان هما خرجوا و انت لسه نايم فا خرجت معاهم عادي يعني

عدي…..وافرضي كان حصلك اي حاجه

تقي…..انا مكنتش لوحدي كان معايا ميدو والبنات

عدي…..علي اساس لو حصل حاجه كانوا هيعرفوا يحموكي مثلا

تقي…..بتريقه لا هيسيبوني لوحدي بره و يجروا علي الڤيلا

عدي….بضحكه غيظ هو انتي لسانك طويل ليه و مش بتقولي حاضر و خلاص

تقي….بضحك انا لساني مش طويل بس لو انت اللي مع البنات وحد حصلوا حاجه هتسيبهم و تجري يعني

عدي….اممممم بتزنقيني يعني

تقي…..بضحك اه بزنقك و انت اتزنقت

عدي…..بضحك انتي رخمه علي فكره

تقي……وانت كمان علي فكره

عدي…..انا رخم

تقي….اه مش بتقول عني رخمه

عدي….انا رخم

تقي…..بضحك اممم اه انت اللي بدأت

عدي…..بأبتسامه انا رخممم

تقي…..بضحك لو فاكر يعني انك بتهددني وكده و هخاف فا اااااه رخم

عدي…..اكيد

تقي…..اه و اللي عندك اعملوا

عدي……اللي عندي هيزعلك

تقي…..انت تقدر علي زعلي اصلا محدش يعرف يزعلني

عدي…..شايفه كده

تقي…..طبعاً محدش يقدر يزعلني

عدي……طيب اللي انتي شيفاه

تقي…..بأبتسامه اكيد اللي انا شيفاه مش اللي انت شايفه

عدي…..انتي صح يا ستي

تقي…..بضحك طب ايه هتقلب يعني و كده مش هصالحك علي فكره لو قلبت

عدي…..لا وهقلب ليه بس و بعدين انا مقولتلكيش صالحيني هو مش فارق معاكي اصلا

تقي…..بضحك اه مش فارق معايا

عدي…..بابتسامه طيب تمام

تقي……يلا باي يا صديقي العزيز

بصلها بابتسامه غيظ و ولع سيجاره و مردش عليها

مشيت كام خطوه و سابته و هي بتضحك بعدين و قفت و غمضت عينها و رجعت لفت تاني و هي رافعه حاجبها و قربت منه تاني

تقي…..بابتسامه هو انت عايز ايه بقي بالظبط

عدي…..بضحك هز راسه شمال ويمين انا منطقتش انتي اللي رجعتي تاني

تقي…..امشي يعني

عدي….مقولتش تمشي

تقي…..طب خير قالب وشك عليا ليه و عايز ايه بالظبط

عدي……ماهو مش هيفرق معاكي لو هيفرق كنت قولت

تقي…..بضحك هو كده كده مش هيفرق بس عادي ممكن تقول

من غير مقدمات مسك عدي كفها و ضغط عليه و هو باصص في عينها و باصصلها بنظره وترتها

عدي…..هو انتي ليه عنيده كده هاا
و ليه مستفزه

تقي….بابتسامه توتر اااا سيب ايدي

عدي…..لا ردي عليا

تقي….بضحك ااا عدي بلاش عبط سيبي ايدي بقولك

عدي….وانا قولت لا

تقي….بضحك طيب انا جيت جنبك الوقت

عدي….اه دماغك عايزه تتكسر هو ايه اللي كده كده مش فارق بس قول

تقي….بضحك اكدب يعني

عدي…..يعني مش فارق زعلي صح

تقي……ماهو انت زعلان من حاجه عبيطه

عدي….لا مش من حاجه عبيطه

تقي……اوك طيب ممكن اعرف مشكلتك في ايه اني خرجت اصلا ولا عشان الكلاب

عدي…..الاتنين يا تقي

تقي…..طيب لو عشان الكلام هقول صاحبي خايف عليا بس لو عشان خرجت دي تزعلك في ايه ان شاء الله خد بالك انت خدت عليا اوي

عدي…..ايه مش عاجبك

تقي…..بضحك اه مش عاجبني ما تحدد اقامتي احسن

عدي…..قريب ان شاء الله هحدد اقامتك

ابتسمت بتوتر و بعدت عينها عنها و هي بتلعب في شعرها و بعدين رجعت بصتلوا

تقي…..سيب ايدي

عدي…..مش قبل ما تعتذري و تقولي انها مش هتتكرر تاني

تقي….بضحك عدي انت شكلك اتجننت بجد اعتذر علي ايه و ايه اللي مش هيتكرر تاني

عدي……انك تخرجي في اي مكان قبل ما اعرف

تقي……بضحك و توتر فظيع انت عبيط

عدي…..بابتسامه و نظره مربكه لمي لسانك

تقي…..بضحك لا مش هلم لساني عشان ده عبط بجد

عدي…..ضغط علي كفها اوي لمي لساااانك

تقي…..بابتسامه انت بتوجعني يا غبي علي فكره

عدي……احسن يلا قولي

تقي….. مش هقول و بعدين اعرفك ليه ان شاء الله ممكن اعرف بصفتك ايه

عدي….ابتسم و بص في عينها عايزه تعرفي بصفتي ايه بجد

تقي…..بتوتر ضحكت ااااا لا خلاص مش عايزه

عدي…..بضحك ليه يا جبانه مش عايزه مش عامله فيها سبع رجاله قلبتي قطه ليه

تقي….بضحك احترم نفسك انا مقلبتش قطه ولا حاجه

عدي…..خلاص اعرفك بصفتي ايه

تقي…..بضحك يا سيدي انا مش عايزه اعرف و بعدين احنا صحاب و الصحاب احنا اتفقنا انهم بيغيروا علي بعض مش انت عايز تقول كده

عدي……بضحك لا مش عايز اقول كده

تقي…..بضحك وشها احمر اوي عدي سيب ايدي وجعتني والله و سيبني امشي

عدي…..طيب هنسمع الكلام

تقي……بابتسامه اااا لا

عدي…..طيب خلي عندك ينفعك بقي و افضلي واقفه كده

تقي…..بضحك بعني ايه يعني هتفضل ماسك ايدي كده صوبعاتي و جعتني

عدي…..بضحك صوبعاتك اسمها صوابعي يا هبله

تقي…..بضحك عدي سيب ايدي بقي

عدي…..لا لما تقولي حاضر و هسمع الكلام

تقي…..طيب انت ايه مشكلتك يعني اني اخرج مع ميدو و البنات

عدي….متخلف بقي

تقي….بضحك انت اللي قولت

رفع حاجبه و بصلها بابتسامه جميله

تقي…..خلاص سيب ايدي

عدي…..هتسمعي الكلام

تقي….بضحك لا عشان مقتنعه

عدي…..تمام وقت ما تقتنعي هبقي اسيب ايدك

تقي…..بضحك طيب ايدي هتفضل و جعاني كده

حط السيجاره في بوئه و مسك كفها بايده التانيه و الايد اللي كانت مسكها مسك بيها كفها و شبك صوابعه في صوابعها

بصتلوا تقي بصدمه و ابتسمت و توترها بان عليها

تقي…..ااااا عدي سيب ايدي

عدي….لا

تقي…..منظرنا مش حلو لو حد شافنا كده هيقولوا ايه

عدي…..ابتسم و غمزلها صحاب

تقي….بضحك انت بجد مجنون مش صحاب كده خالص

عدي….بابتسامه امال ايه ؟

تقي….بضحك وهي بتقف قدامه و تحاول تخبي ايدها وايده من الشباب طب بص لو مسبتش ايدي هنادي عشري

عدي…..ولا بيهمني نادي عليه

تقي….بضحك بزمتك انا اللي مستفزه و الله هنادي و هخلي شكلك و حش

عدي…..شكل مين اللي وحش تحبي انادي عليهم انا كلهم و لا تحبي اخدك كده من ايدك و نروح عليهم

تقي…..بضحك ااااه مقطع بطاقتك بقي وكده

عدي…..اعتبريني معنديش بطاقه خالص

تقي…..طب انت عايز ايه الوقت عشان تسيب ايدي

عدي…..تسمعي الكلام و متبقيش مستفزه و عنديه

تقي….اوك حاضر

عدي…..لو بتقولي حاضر عشان اسيبك و ترجعي تعملي اللي في دماغك هرجع امسك ايدك بس المره الجايه قدامهم

تقي…..بابتسامه اااا اوك حاضر هسمع الكلام بس لو يعني مقتنعه بيه و بطل يعني غيره الصحاب دي

عدي…..مش هبطل و هتسمعي الكلام و مش هتتعبيني معاكي

تقي…..بصتلوا و أبتسمت اوك

عدي…..بابتسامه ايه اسيب ايدك

تقي…..بابتسامه اااا ياريت لو مفيش عند حضرتك مانع

عدي…..بغمزه طب ما تخليها شويه

ضربته تقي في كتفه بايدها التانيه و سحبت كفها و مشيت بسرعه من قدامه و هي قلبها عمال يدق و مبتسمه

عدي….اااااه طيب تمام هتدفعي تمنها دي

ضحكت تقي و مشيت من غير ما تبصلوا.
…………….

عند سلامه و تامر

خلص تامر الشاور و خرج كان سلامه خلص صلاه هو كمان و واقف يظبط شعره وقف تامر يصلي كان ساكت حزين ملامحه باهته و كأنه مصدوم .

استني سلامه اول ما خلص و بعدين بصلوا

سلامه…..بابتسامه حرماً

تامر…..بهدوء اا جمعاً ان شاء الله

سلامه…..يلا عشان نفطر زمانهم فطروا من غيرنا

تامر….اااا لا انزل انت يمكن تلحقهم انا مش جعان

سلامه….الحق مين هما هيستنوا حد و بعدين مش جعان ايه احنا كلنا حاجه يلا قوم خلينا ناكل سوا

تامر….ااا مش قادر والله يا سلامه انزل انت انا اصلا بردان مش قادر انزل وووو يعني شوبه و هقوم اجهز الشنطه

سلامه…..هنبقي نجهزها مع بعض شويه كده و بعدين لو بردان تقل شويه و انزل

تامر…..ااا طيب انزل و انا هبقي اجي وراك

سلامه….طيب تمام انا هروح اجهز الفطار لحد ما تيجي

بصلوا تامر كان بيهرب منه و مكانش هبنزل بس مش لاقي مخرج منه

سلامه…..ايه بتبصلي كده ليه كمل بابتسامه شكلك كنت بتسرح بيا و مش هتنزل يلا اخلص قوم بقي

بصلوا تامر و بعدين بص لبعيد و بعدت وشه عنه قرب منه سلامه كان قاعد علي السرير

سلامه….قوم يا تامر خلينا نفطر مع بعض و نقضي يوم حلو قبل ما نرجع و بعدين مش عايز حد يحس بغيابك او يحس ان فيك حاجه احنا اتفقنا ان الموضوع اتقفل صح

بص تامر عليه بهدوء و هز راسه كان لامح سلامه في عينه دموع كتير

سلامه….بابتسامه جميله و حنونه طيب يلا قوم خلينا ننزل

مسك تامر ايده و بصلوا

تامر….سلامه ممكن تقعد شويه

هز سلامه راسه و قعد جنبه علي حرف السرير و بصلوا

سكت ثواني و فضل باصص لبعيد

تامر…..كل الكلام اللي كنت حابب اقولوا امبارح يمكن مقدرتش اوصلوا ولا عرفت اتكلم اصلا مكنتش مرتبت لكل ده و لا عرفت اقول اي كلمه غير اني ادافع بس عن نفسي

سلامه…..تامر انت دافعت عن نفسك كويس وانا سمعتك و مش محتاج منك اي كلمه تاني احنا اتفقنا نقفل الموضوع

تامر…..هنقفل الموضوع بس انا محتاج اتكلم عايز ارتاح يا سلامه محتاج حد يسمعني لان انا عمري ما حد سمعني يمكن حواليا ناس قريبين مني اوي بس مش ديماً كل الكلام بنقدر نقولوا في كلام يا سلامه بنقدرش نعبر بيه في اشخاص مهما كانوا قريبين منك متعرفش تتكلم معاهم مش عشان مش هيسمعوك بس مش كل المواضيع هتقدر تحكيها ممكن تخجل ممكن تقلق او حتي تخاف ممكن تتوقع رد تتفاجئ برد تاني ممكن تلاقي هجوم ممكن تلاقي نصيحه مش وقتها ولا مكانها لان مش كل اللي بينصح بحاجه يا سلامه بيبقي حاطت نفسه مكانك و مطبق النصيحه دي عليه قبل ما يطبقها عليك فا اوقات كتير السكوت بيكون احسن حل يمكن كمان انا مليش صحاب كتير صحابي اغلبهم صحاب شغل اينعم قريبين اوي من بعض بس مش القرب اللي هو اقدر افتح قلبي و انا مطمن انا اقرب صاحب ليا محمود اخو ايمي و يمكن مجمود يعرف عني حجات كتير الا الحاجه دي فا انا عمري ما قدرت افتح قلبي يا سلامه لاي حد عمري ما حسيت اني محتاج اتكلم في عز ضغطي قد الوقت

سلامه….اتكلم يا تامر انا سامعك

تامر…..انا عايزك تسمعي كا صاحب او اخ مش عايزك تسمعني كا خصم او عدو او حتي كا واحد عايز ياخد منك حاجه هي بتاعتك

سلامه…..قول كل اللي في قلبك اعتبر نفسك بتتكلم مع تامر

تامر…..في حجات يا سلامه بتتحط في طريقك من غير اي اختيار منك و لا حتي مجهود بتسعي ليه في اشخاص بنقابلهم صدفه و اشخاص بنشوفهم مره واحده في حياتنا و اشخاص بنكمل معاهم و اشخاص بنخسرهم في نص الطريق في النهايه احنا مش بنختار اي شخص يدخل حياتنا سواء طول فيها او خلص رحلته معاك بسرعه

هز سلامه راسه بهدوء

تامر…..وانا مخترتش اي شخص دخل حياتي يا سلامه عمري ما اختارت اي حد اهلي اتولدت لاقيتهم صحابي او زمايلي كانوا مجرد صدف منهم اللي كمل و منهم اللي معرفش عنه حاجه معارفنا كمان اتفرضوا عليا هي كمان يا سلامه كانت من ضمن كل الناس اللي مختارتهمش هي اتحطت في طريقي

فجأه بعد ما كنا اتنين لاقيت امي و ابويا بيقولوا لا هتبقوا تلاته من هنا ورايح و لازم تتعودوا علي وجودكم مع بعض فرحت و سلمي فرحت و بدأنا الطريق بعد ما كنا اتنين بقينا تلاته و الحقيقه ان الطريق بيها بقي احلي لاقيت حد شبهي حد بيتصرف زيي بيتعامل بطريقتي واخد الدنيا ببساطه زيي شويه شويه بقينا بجد ثلاثه منتفرقش عن بعض ابداً

فجأه لاقيت ابويا بيحملني معاه مسؤوليه كبيره عليا كان عايز يعودني علي المسؤوليه و يشوفني راجل خد بالك من اخواتك يا تامر حاضر متزعلش اخواتك يا تامر حاضر انت الراجل بتاعهم يا تامر حاضر متزعلش ايه يا تامر حاضر ايه ملهاش غيرنا يا تامر حاضر روح معاها وصلها الدرس و متسبهاش يا تامر حاضر وصلها مدرستها يا تامر حاضر عدي عليها وانا راجع من درسك و هاتها في ايدك حاضر ايه عايزه تنزل تجيب حاجه روح معاها يا تامر حاضر عيد ميلاد ايه عايزين نفرجها و نجيبلها هديه حاضر

ايه تعبانه انزل هاتلها دواء حاضر ايه زعلانه منك صالحها حاضر متسيبهاش تعدي لوحدها الشارع حاضر ايه كبرت و بقت عروسه خد بالك حد يعاكسها حاضر لو حد ضايقها احميها و حافظ عليها حاضر ايه دخلت الجامعه و كبرت و مبقتش محتاجه حد مقدرتش اقول حاضر لاني اتعود اهتم و احمي و احافظ عيني كانت بتبقي عليها من بعيد خايف عليها علي البنوته الصغيره اللي حاولت علي قد ما اقدر احطها جوه عيني

ايه كبرت يا تامر و مترخمش علبها قدام صحابها عشان متحرجهاش حاضر ايه عايزه تعمل مشروع و انت تساعدها فيه حاضر كان مطلوب مني اعمل كل ده من غير اي اعتراض كان مطلوب مني اشيل مسؤوليه اختي الصغيره ابويا كان عايز يحسسني اني الراجل والكبير

بس مكانش يعرف ان قربي منها بالطريقه دي في كل تفاصيل حياتها هيخليني مش قادر ابعد و هيقربني زياده علي الزوم لدرجه اني مكنتش حاسي ان قربي زاد عن حده و دخلت منطقه خطر وانا مش حاسس

محستش غير لما فجأه ايه حبت اين ارتبطت ايه هتتجوز و انت المفروض تقول حاضر وانا قولت حاضر اول مره لاني مكنتش عارف ان جوازها هيعمل فيا كده كنت بموت يا سلامه و دي مش كلمه تعبر عن اللي جوايا وقتها انا بجد كنت بموت عيشت يوم كان اسود يوم في حياتي يوم كتب كتباها عارف لما تخلف بنت و تبقي هي محور حياتك و فجأه يجي حد ياخدها منك كنت لاول مره احس بوجع الاب يوم جواز بنته لاول مره احس بمعني روحك بتتسحب منك واكتشفت ان تعلقي بيها كان موجود وانا مش حاسس لاني كنت شايفها موجوده معايا ضامنها لسه صغيره مشوفتهاش كبرت و فجأه بتتاخد مني

و مع كل ده مقدرتش علي وجعها يوم موته بس مش هكدب عليك كان جوايا حاجه مبسوطه مش انه مات والله لا انها هتفضل معانا مش هتمشي يمكن كنت قرفان من نفسي و مضايق لشعوري ده بس كان غصب عني كملنا مع بعض حاولت بهدوء اجس نبضها بطرق عاديه خالص كل مره كنت بعرف ان الباب ده مقفول و مستحيل يتفتح انا اخ ليها مش اكتر و قررت اني امشي علي نفس الطريق و اخبي اي حاجه جوايا و متكلمش ابويا اللي حطها في طريقي من غير ما يحس يا سلامه ابويا اللي علقني بيها ابويا اللي خلاني احس ان الدنيا كلها واقفه علي طلبتت ايه و سعادتها و فىحتها و حمايتها و الحفاظ عليها

يمكن هو مكانش قاصد هو كان عايز يعوض ايه بكل الطرق كان عايز يخليها تحس ان ليها عيله ليها اب بيحبها و اخت بتحبها و اوقات بتاخد مكان الام و ليها اخ سند

انا كنت متعلق بامي اوي يا سلامه وموتها اثر فيا اوي لدرجه اني دخلت في اكتئاب و كنت برفض اكمل دراستي و عسان كده قولت ان سلمي كان ليها دور كبير في حياتي

ابويا كان عايز يخرجني من الحاله دي اكتر كان عايز يفهمني ان امي راحت واخواتي محتاجين سند مني و منه كان عايز يحملني المسؤوليه عشان لو هو كمان جرالوا حاجه انا اقدر اخد بالي منهم و احميهم

بس مكانش يعرف ان طريقته دي هتضيعني انا و تدمرني صدقني يا سلامه انا مشاعري ناحيتك كانت مختلفه عن جوز ايه انت من اول ما شوفتك شوفت فيك صاحب اخ جدع حبيتك جداً و الله العظيم ما كرهتك مش هنكر ان شعوري في ارتباطك منها كان نفس الوجع

بس انا مبقاش يفرق معايا وجعي لاني اتعودت و مقتنع ان الخمس سنين اللي فاتوا بعد موته لو كان في امل ولو بسيط كان اتحقق انا مليش مكان في قلبها غير اخ و عمري ما كان ليا ولا هيكون ليا مكان عشان كده سعادتها عندي بالدنيا كلها حتي لو ده هيوجعني انا بس حابب اعرفك ان احتمال كبير و جايز يبقي كلامك صح جايز انا اتعودت اللي جوايا ده تعلق مرضي جايز مش حب سلامه انا مش بغير منك و لا كنت بغير من جوزها او الغيره اللي جوايا مش غيره كبيره يعني ملهاش تفسير صدقني والله العظيم انا عمري ما كنت وسخ يا سلامه انا بصلي و عارف ربنا بحترم نفسي و بحترم تربيتي ايه وسلمي بخاف عليهم من الهواء الطاير قربي من ايه تحديداً زي ما قولتلك ابويا اللي خلاني اقرب بالشكل ده بس والله العظيم يا سلامه انا بحبكم اوي و سعادتكم عندي فارقه اوي

اااا هي اتحطت في طريقي يا سلامه من غير اختيار صدقني انا واثق ان في حاجه غلط حتي في مشاعري بس انا تعبان اوي يا سلامه

يمكن انا مينفعش اقولك انت بالذات كل الكلام ده بس يمكن كمان انا محتاج اتكلم و حالياً مليش غيرك اتكلم معاه ساعدني يا سلامه لو تقدر دموعه كانت بتجري بشكل فظيع ااا ساعدني عشان اخلص من اللي انا فيه عشان تطمن و ايه تطمن و سلمي تطمن عشان نفضل عيله
لاني مش عايز اخسر حد فيكم

سلامه……بابتسامه نزلت منه دمعه سريعه ضم تامر اوي و فضل يطبطب علي ضهره و فضل تامر يعيط بانهيار هتبقي كويس هتبقي كويس والله العظيم انا كنت عارف ان في حاجه غلط و الوقت انا فهمت و عرفت كمان ان نظرتي كانت صح انت بتحبها اوي يا تامر بس مش الحب اللي يخليني اغير منك او اكرهك او اشوفك خصم ليا

و لو انا متأكد من ده و انت لسه مش مقتنع هيجي يوم و تعرف و تفهم و تصدق ان كان معايا حق انت اجدع واحلي اخ في الدنيا كل الحكايه ياعم ان مشاعرك ملمسه شويه

ضحك تامر من بين دموعه

سلامه….بضحكه جميله حاول يخبي الحزن اللي فيها اه والله الخطوط عندك لمست في بعض يا اخويا اسمع مني خط الحب مع خط الاخوه مع خط ابن الخاله مع خط الاب اللي شايل مسؤوليه كلهم ضربوا و خرجوا من جواك شخص مختل عقلياً

فضل تامر يضحك من بين دموعه

سلامه….بضحك ايوه ياعم كده روق و اضحك انت عارف ياض يا تامر انت حلك ايه

تامر….بضحك اوعي تقول علقه والله ما حمل قلم

سلامه….بضحك لا مش علقه انت عايز تحب اه والله عايز عروسه بت كده تسحلك معاها و تعرفك معني الحب و البهدله اللي بجد

تامر…..بأبتسامه عندك عروسه

سلامه……اهو ندور بقي و نلبسك في اي حد ماهو خد بالك اللي هتتجوزك دي امها داعيه عليها ليه بقي لانها هتتعامل مع واحد مختل و البنات معروف ان عندهم ربع ضارب فا حاجه من الاتنين يا تتوبك و تخليك تعرف ان الله حق يا انت اللي تجننها معاك

تامر….لا ياعم شكراً بطلنا خلاص حلوه اوي كده طيبه

سلامه…..لا حلوه وطيبه ايه انت لازم ترجع لعقلك يا تامر بامانه الله سيبلي نفسك انت بس

تامر…..بضحك خلاص جننتني

سلامه…..بضحكه جميله طب انا راضي ذمتك ياراجل في حد يحب اخته طب بلاش دي في حد يحب حد عشان شوبه طلبات ابوك طلبها منك ياض انت لو عاقل كنت خدت قطر سته الا تلت و خلعت الراجل العاقل المصري الاصيل اول ما يسمع لستت الطلبات دي يخلع ايش فهمك انت في الحب يا مغقل ده بكره شويه المسؤوليات اللي خلوك حبيب دول هيبقوا سبب طلاقك اسمع مني

فضل تامر يضحك دموعه كانت نازله بس دموع ضحك سلامه كان بيتنمر عليه بطريقه مضحكه بس من جواه مكانش مظبوط حب بس ان الموضوع يقلب ضحك احسن كتير ما يقلب نكد و مشاكل

تامر…..بضحك انت و اخواتك كلكم متنمرين كده

سلامه…..بضحك طب حقنا ولا لا بذمتك انت لو وقع في ايدك واحد زيك كده يتساب ولا يطاع مسرح

تامر…..بضحك شكراً يا عم علي المسرح

سلامه…..الحق عليا بفوقك و بعدين انت المفروض تشكر ربنا انك ملكش نصيب في الحوار و تشفق عليا من ايه دي اكبر متنمره يا جدع دي مسميه الكلب سلامه انت عارف احنا واصلين لايه

فضل تامر يضحك من قلبوا علي سلامه و سلامه يضحك معاه

تامر…..بأبتسامه سلامه انا بحبك اوي انت اجدع حد انا شوفته في حياتي

سلامه…..ااااااه لا بص جو انا بحبك و انت اجدع حد قابلتوا ده مش هياكل معايا انا اصلا شاكك فيك من ساعت ما حبيت فيا لما كنا بنلعب فوق ياض هاااا ده كان حكم في لعبه

تامر…..بضحك والله العظيم بتكلم جد

سلامه….وانا ياعم بحبك والله العظيم يلا بقي بلاش نكد و كآبه و جو عبد الحليم حافظ اللي انت عايش فيه ده و خلينا ننزل نفطر و نشوف العيال دي بتعمل ايه تحت

تامر….طيب يلا

سلامه…..روح بس اغسل وشك الاول وانا مستنيك

تامر…..ماشي ثواني وراجع

دخل تامر ابتسم سلامه بهدوء.

سلامه…..بتنهيده هاديه يارب

……………

رشيد…..ليله ليله

ليله…..هااااا

رشيد…..هي ايمي فين لسه نايمه ولا ايه؟

ليله…..معرفش انا نزلت علي طول فكرتها صحيت اصلاً اطلع شوفها طيب و لا اطلع انا

رشيد…..لا خليكي هطلع انا

ليله….اوك بصت لعشري و ابتسمت البلطجي هيفضل قالب وشه عليا

عشري….بس يا بت متتكلميش معايا

ليله……انت بتقولي انا كده

عشري…..اه مش عاجبك اخبطي راسك في اي حيطه

ليله…..بضحكه جميله لا واخبط راسي ليه لما نرجع ان شاء الله و نروح بيتنا هخبط الشاشه اللي مغلباك معاها

عشري…..وماله اخبطيها عشان اروح اخد فلوسك كلها من الخزنه

ليله…..بابتسامه غمزتلوا فداك يا باشا

عشري….بضحكه جميله بس يا بت مش بتثبت انا

ليله…..ما خلاص بقي يا عم القلاب قولتلك اعمل اللي انت عايزه ده كان مجرد رأي

عشري…..لا زعلت منك وبجد مش بهزر

ليله…..وانا مقدرش علي زعلك يا بلطجي و بعدين انت سألت عن رأيي وانا قولتلك بس خلاص اعمل اللي انت عايزه

عشري…..وانتي مش عايزه يعني

ليله…..لا عايزه خلاص اي حاجه حبيبي عايزها انا عيزاها

ابتسم عشري بحب و خدها في حضنه

عشري….ما كان من الاول يا رخمه

ليله….والله انا ست محترمه و قولت اوفرلك بس انت اللي جيبتوا لنفسك بقي و اتحمل اللي هعملوا فيك

عشري…..ملكيش دعوه انتي محدش طلب منك توفري انتي عليكي تطلبي وانا انفذ

ليله…..بضحك طيب بقولك ايه انا عايزه اقعد علي الهرم من فوق

عشري…..بضحك غمزلها هتتحملي طيب

ليله…..بضحك والله العظيم انت نيتك وسخه و مشوفتش تربيه

ضمها وفضل يضحك

عشري…..مش انتي اللي بتقولي

ليله…..بضحك قصدي يا متشرد يا بلطجي الكوشه يعني

عشري…..بضحك اه انا مخي راح لبعيد

ليله….بضحك عشان امونه معرفتش تربيك

عشري…..طيب وحياة امك اعملها ازاي دي

ليله….مليش فيه بقي مش عامل نفسك مصباح علي علاء الدين انا اطلب وانت تنفذ اشرب بقي

عشري…..لا طلبات واقعيه يا بنت المارديني انا مش ساحر

ليله…..بحب طيب ياعم البلطجي انا بهزر اصلاً

عشري…..ضمها و باس راسها هتبقي احلي عروسه يا قلب يا البلطجي

ابتسمت ليله و فضلت ماسكه في هدومه بحب

عسال…..وهو معدي جنبهم براحه شويه علينا

عشري…..بضحك اللي متغاظ منا يقلدنا

ضحكوا هما الثلاثه و راح ميدو علي نادين كانت عماله تلعب علي الموبايل بتاعها لعبه.

قعد جنبها كانت مركزه بصتلوا وبعدين كملت لعب حط ميدو صباعه علي الشاشه

نادين….بااااس

عسال…..بابتسامه ممكن العب معاكي

نادين…..بصتلوا لاااااا

عسال…..طب ليه

نادين…..هو كده مش انت لعبت كوره من غيري

عسال…..بضحكه جميله ما ابه قالتلك قولتي مش قادره و لسه صاحيه

بصتلوا بغضب و رحعت بصت للعبه

نادين….اديك قولت ايه يعني مش انت لو كنت قولتلي كنت هلعب معاك

عسال……طيب خليني العب معاكي و بعدين هخدك تلعبي معايا ماتش كده حلو

نادين……بابتسامه فضلت تحرك عينها بجد

عسال…..بابتسامه تجنن بجد هتلعبيني

نادين…..بتعرف تلعب

عسال…..امممم هي ايه اللعبه دي اصلا عرفيني بتتلعب ازاي و انا هعرف

نادين…..ماشي بص

حط ايده و راء ضهرها ولفها علي وسطها و ابتسم بهدوء.

نادين…..البيت ده بتاع ست كبيره و ده حرامي بيدخل يسرقها و ياخد الدهب و هي نايمه بتتحرك من ده و ده وهنا بتخليه يمشي براحه عشان مش يعمل صوت و يصحيها

عسال……بضحك طيب لو صحيت

نادين…..لو صحيت تمسكوا و تضربه و تجيبلوا البوليس

عسال……بضحكه جميله نودي انتي بجد بتدخلي تسرقي البيت

نادين…..بضحكه جميله زي الاطفال اه دي لعبه حلوه اوي

عسال……بضحك علي فكره بقي انا مش هخلي ولادي يقعدوا معاكي كتير هقولهم مامي نوتي بتسرق

نادين…..بابتسامه دي حلوه خالص

عسال…… بضحكه جميله دي و حشه خالص يا قلب بابي

نادين…..طيب بس جربها كده هتحبها يلا خد العب و انا هساعدك

مسك من الموبايل و هو لافف ايده علي وسطها كانت في حضنه خالص و ماسك الموبايل بايده

نادين…..يلا امشي براحه

عسال…..بابتسامه ده بيمشي علي طراطيف صوابعه ده حرامي بجد

نادين……بضحك اه ماهو لابس لبس الحرامين اهو

ركز ميدو و فضل يلعب و عمل صوت الست العجوزه مسكتوا

عسال……الحقييييين اعمل ايه

فضلت نادين تضحك ضحكة تجنن

عسال…..بضحك اخلصي بطلي ضحك اجري ازاي منها

نادين…..بضحك مسكتك خلاص يا عبيط

ضحك ميدو و فضل باصصلها بحب علي ضحكتها

عسال…..انتي فرحانه فيا

نادين…..بضحك ياعيني ضربتك و طلبتلك البوليس

عسال…..طب امسكي مش لاعب معاكي تاني يا حراميه

نادين…..بضحك طب خلاص متزعلش انت اللي مشيت بسرعه

عسال…..ما انا خوفت لما لاقيتها صحيت

فضلت تضحك و هي نايمه علي كتفه

عسال…..بحب امسكي موبايلك العبيط ده مش لاعب تعالي يلا نلعب كوره

بصتلوا و كشرت تاني

نادين…..لاااااا مخصماك

عسال…..بابتسامه مش كنتب بتضحكي الوقت واتصالحنا اعمل ايه انا في الهرمونات دي

نادين…….صالحني

عسال……طب انا موافق اصالحك ازاي طيب

نادين…اممممم لما نرجع هتركبني معاك الرييس

عسال……بس كده موافق سهله دي

نادين….امممم و هتجيبلي ايس كريم

عسال….بحب هجيبلك ايس كريم

نادين….اممممم بس كده كفايه

عسال …ده انتي طلعتي طيبه اوي

نادين…..شوفت بقي

عسال….طيب مش عايزه بوسه

نادين…..بابتسامه امممم للاااا يا قليل الادب و بعدين انا اللي بختار الصلح لما تبقي تزعل انت ابقي اختار

عسال……ماشي يا ستي و لو علي الرييس و الايس كريم سهله

نادين…..امممم في حاجه كمان

عسال……عيوني

نادين….اااااا احممم يعني تبات معايا مره

عسال….بابتسامه حب احنا قولنا لا بيتهيالي صح

نادين……يعني مره واحده عادي علي فكره و بعدين انا سايبه البيت بقالي كام يوم مش يمكن يكون بقي في عفاريت ولا حاجه

عسال…..اوباااااا صح انتي بتتكلمي صح

نادين…..شوفت بقي

عسال…..بحب باس كفها عيوني يا احلي بنوته

نادين….طيب يلا قوم لاعبني

عسال…..بتعرفي تشوطي و لا هتلبسيها في وش حد

نادين…..بضحك عمري ما لعبت كوره اصلا بس لو جات في وش حد هقول ميدو

عسال….بضحك علي طول كده بتلبسيني و معترفه كمان

نادين…..انا مالي عايزني اضرب دي لو جات في وش ليله هتموتني

عسال….ماشي يا ستي طيب يلا قومي

مسكها من كفها وراح يلعب معاها

فضل يشوط ليها و هي تشوط ليه و فجأه جات في رجل تقي

تقي…ااااااه

نادين….بضحك ميدو اللي شاطها

تقي…..ميدو ايه انا شيفاكي يا حوله

نادين…..بضحك احترمي نفسك يا جزمه شوطي يلا

تقي……امسكي

نادين……بابتسامه يا بنت اللاعيبه

تقي……بضحك هاتيها في وش نعيمه بقي

نعيمه…..والمصحف لو جات فيا لا هقوم احدفك في المايه

نادين…..بضحك هي اللي قالت انا مالي

نعيمه…..متسمعيش كلامها و شوطي بعيد.

فضلت تلعب مع ميدو و بعدين بقت تشوط لتقي و شوبه و انضم ليهم عدي و بعدين محمود ومصطفي و بعدين نادر و نسمه و ايه و ريهام و بقي ماتش و قسموا نفسهم فريقين.

………..

نعيمه…..احييييييه لو لبست فيا الكوره

فضل…..بابتسامه هتلبس متقلقيش

نعيمه…..ما تيجي نقوم من هنا والنبي انا مش ناقصه عاهه جديده

فضل……تعالي نقعد هناك

قاموا وراحوا قعدوا بعيد عنهم